Aposel 6:5 - Jisas Klays Takaw Teplep Ne

⁵ Anɨb agelak, mɨdupsek nɨgel kɨlop tep gek, bɨ anep kugul ak aglɨlak. Bɨ anɨb okok nɨm, Stipen bɨ Jisas nop gos lɨnɨŋɨd God Kawnan ne ayɨp nep yek ak, Pilip ak, Plokolus ak, Nikanol ak, Timon ak, Palmenas ak, Nikolas ak. Bɨ Nikolas anɨb ak, ne taun Adiyok nɨb ak bɨ Juda mel ak pen, Juda binɨb gɨpal tek adek ak kɨdek gak.

Aposel 6:5 Iomraidhean Croise

Matyu 23:15

Nɨbi bɨ Mosis takaw ñu kɨl tɨkak ak nɨgtep gep okok sek, bɨ Pelisi okok sek tɨtay dɨnɨgabɨm agak. Nɨbi bɨ yepɨs yɨbɨl gep agak. Nɨbi binɨb okok kɨlop takaw agñon chɨnop ak nɨŋɨd kɨdek gɨlaŋ agɨl, ñɨg solwala okok sek man okok sek mɨdupsek pɨyow ajɨpɨm agak. Ajɨl, olap nɨŋɨd nop agñem nɨbop nɨŋɨd dup agak. Nɨbop nɨŋɨd dup ak, nɨbi mab ke yɨneb ak amnɨgabɨm tek ne abe amnɨgab agak. Pen nɨbi tek mel, bɨ tɨmel awl yɨbɨl yenɨgab agak.

Aposel 11:19

Pen Stipen nop paklak ñɨn ak, binɨb Jisas nop gos lɨnɨgɨlak okok, kɨlop abe gɨ tɨmel gel, pɨlɨk keke amnɨlak. Ogɨnap pɨlɨk man Ponisiya amnɨlak, ogɨnap man olap Sayplus amnɨlak, ogɨnap taun Adiyok amnɨlak. Amɨl, Jisas takaw teplep ak binɨb Juda mel okok kɨlop ma agñɨlak, Juda binɨb okok kɨlop nep agñɨlak.

Aposel 11:20

Pen bɨ ogɨnap man Sayplus nɨb, ogɨnap taun Saylini nɨb pɨlɨk taun Adiyok amɨl, Bɨawl Jisas takaw teplep ak, Juda binɨb sek, Juda mel okok sek kɨlop agñɨlak.

Aposel 11:22

Pen Klays binɨb ne Jelusalem pelpel apnan gɨpal okok, kɨli takaw anɨb ak nɨŋɨd, bɨ Banabas nop agel taun Adiyok amnak.

Aposel 11:26

Pɨyow nɨŋɨd, poŋɨd adɨkɨd taun Adiyok owlek. Apɨl, sub nokom anɨb ak, Klays binɨb ne pelpel apnan gɨpal okok kɨlop God takaw tep ak agñɨlɨg yelek. Adiyok binɨb yokɨp okok, kɨli binɨb Jisas yɨl yelak okok kɨlop nɨŋɨd ned agɨlak, Kɨli Klisten binɨb mɨdebal agɨlak.

Aposel 11:27

Ñɨn anɨb ak, bɨ God gos ñek agñeb Jelusalem nɨb ogɨnap, Adiyok owlak.

Aposel 13:1

Taun Adiyok anɨb ak, Klays binɨb ne ogɨnap pelpel apnan gelɨgɨpal. Bɨ God gos ñek agñeb ogɨnap, bɨ God takaw agñɨtep gep ogɨnap yelak. Bɨ anɨb okok nɨm, olap Banabas, olap Simiyon. Bɨ Simiyon yɨb ne olap Nayjel agelɨgɨpal. Olap nɨm, Lusiyus. Ne taun Saylini nɨb. Olap Manayn, ne nɨm gapman bɨnonɨm Helod bogɨlak ne ak. Olap Sol.

Aposel 15:22

Jemis anɨb agek, bɨ Jisas takaw nop dad ameb okok dɨl, bɨ Klays binɨb ne okok kɨlop kod mɨdebal okok dɨl, binɨb yokɨp Jisas nop gos lɨnɨgɨlak okok dɨl, mɨdupsek agɨlak, Bɨ chɨn omɨŋal ak, Judas ayɨp Saylas ayɨp aglon, Pol ayɨp, Banabas ayɨp taun Adiyok amnɨlaŋ agɨlak. Bɨ Judas anɨb ak yɨb olap Basabas agelɨgɨpal.

Aposel 2:4

God Kawnan ne ak kɨlop bak lɨl gek, takaw yɨbɨl keke agɨlak.

Aposel 21:8

Mɨnek ak kɨlop kelɨgɨl, am taun Sisaliya amjakɨl, Pilip kal ne ak amnɨnok. Ne bɨ God takaw teplep agñeb olap. Nop nɨm, ned Jelusalem yek, bɨ anep kugul oŋɨd aglɨlak ak bɨ kɨli olap.

Aposel 22:20

Pen ñɨn olap, bɨ takaw tep nep agep Stipen nop paklɨlaknɨŋ, yad jak mɨdɨl, paj agɨl, bɨ nop pakelak okok chech kɨli tɨg asɨk lak okok kod yenek agɨnek agak.

Aposel 6:10

God Kawnan ak nop gos tep yɨbɨl ñaknɨŋ, takaw tay agɨlak ak, gos nɨgtep gɨl pen abe agek, nop pen agɨnɨgel tek ma lak.

Aposel 6:3

Anɨb ak, nɨbi bɨ anep kugul ak nɨŋɨd dem, kɨlop wog anɨb ak aglɨnɨgun agɨlak. Bɨ yokɨp ogɨnap ma dɨnɨmɨb agɨlak. Bɨ God Kawnan ne ayɨp mɨdɨl, gos nɨgtep gɨl, binɨb nɨgel tep gup okok dɨnɨmɨb agɨlak.

Aposel 6:8

God ne Stipen ayɨp mɨdɨl kɨles ne ak nop ñek, tap mageptek okok kuŋay yɨbɨl binɨb yelɨgɨpal nab okok golɨgup.

Aposel 7:1

Pen bɨ God nop sɨbogep bɨawl yɨbɨl ak, ne Stipen nop agak, Takaw nep apal anɨb ak, nɨŋɨd apal akaŋ agak?

Lepelesin 2:15

Ak pen nɨbi ogɨnap bɨ Nikolas takaw tɨmel ne ak dɨl, tɨmel adek nop ak kɨdek gɨl, gem amub agak.

Lepelesin 2:6

Pen adek olap gɨtep gɨpɨm ak, yɨp tep gup agak. Binɨb Nikolas nop takaw tɨmel ne ak dɨl, tɨmel adek ak gel yɨp tep ma gup tek, nɨbop abe gup agak.