Aposel 6:12 - Jisas Klays Takaw Teplep Ne

¹² Anɨb agɨl, Juda bɨawl okok dɨl, bɨ kɨli Mosis takaw ñu kɨl tɨkak ak nɨgtep gep okok dɨl, binɨb yokɨp okok dɨl, chɨbol kɨlop ak tɨmel gek, ap Stipen nop dɨl, dad bɨ Juda bɨawl takaw tɨg asɨkep yelak okok amnɨlak.

Aposel 6:12 Iomraidhean Croise

Matyu 26:57

Pen bɨ Jisas nop chɨchɨk dɨlak okok, kɨli nop dad, Kayapas ne bɨ God nop sɨbogep bɨawl yɨbɨl kal ak amnɨlak. Won anɨb ak, bɨ kɨli Mosis takaw ñu kɨl tɨkak ak nɨgtep gep okok sek, Juda bɨawl okok sek kɨli apnan gɨ yelak, kal anɨb ak.

Matyu 5:22

Yad pen nɨbop agebin, Binɨb olap nɨmam ne nop mɨlɨk nɨgɨnɨgab ak, kot nɨgɨnɨgab agak. Pen binɨb an nɨmam ne nop agjuwenɨgab, bɨ Juda bɨawl takaw tɨg asɨkep okok apnan gɨl, nop agɨnɨgabal agak. Pen binɨb an nɨmam ne nop agɨnɨgab, Nad bɨ sawl sek yɨbɨl agɨnɨgab ak, mab ke yɨneb mɨgan ak amnɨgab agak.

Luk Ne Jisas Klays Takaw Teplep Ak Kɨl Tɨkak 20:1

Pen ñɨn nab anɨb sɨŋak, Jisas God agnɨgep kal awl kab wali kus gɨl yek mɨgan ak amɨl, ne binɨb okok kɨlop takaw teplep ak agñak. Agñaknɨŋ, bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek, Juda bɨawl okok sek owlak.

Aposel 13:50

Pen Juda binɨb okok, kɨlop mɨlɨk yapek, amɨl man anɨb ak bɨawl okok ayɨp, binawl Juda mel pen Juda binɨb gɨpal tek adek ak kɨdek gɨl God nop agnɨgɨlak okok ayɨp, kɨlop agel, gos tɨmel nɨgɨlak. Nɨgelak, kɨli am binɨb kuŋay yɨbɨl dad apɨl, Pol ayɨp, Banabas ayɨp kɨlop gɨ tɨmel gɨl agyokɨlak.

Aposel 14:2

Pen Juda binɨb ogɨnap agɨlak, Takaw kɨli omɨŋal apil ak ma dɨnɨgabun agɨlak. Kɨli anɨb agɨl, am binɨb Juda mel okok kɨlop agɨlak. Agel, binɨb Juda mel okok, kɨli binɨb Jisas nop gos lɨnɨgɨlak okok kɨlop mɨlɨk nɨgɨlak.

Aposel 17:13

Pen Juda binɨb Tesalonayka yelak okok, kɨli Pol amɨl taun Beliya binɨb kɨlop God takaw ak agñub ak nɨgelak, mɨlɨk yowak. Mɨlɨk yapek, kɨli apɨl Beliya binɨb kɨlop nebneb gel, kabɨyam junɨg gelak.

Aposel 18:12

Pen Lom binɨb okok, bɨawl Galiyo nop agel, ne apɨl Akaya plopens kod yek. Ñɨn anɨb ak, Juda binɨb okok kɨli apnan gɨl, takaw ag adek nokom lɨl, Pol nop nɨgel mɨlɨk yapek, nop dad kot amnɨlak.

Aposel 21:27

Kugul ñɨn ak wulep owaknɨŋ, Juda binɨb Esiya plopens nɨb ogɨnap nɨgɨlak, Pol ne God agnɨgep kal awl kab wali kus gɨl yek mɨgan ak yek. Nɨŋɨd, nop chɨchɨk dɨl, suk awl agɨl agɨlak, Chɨn Yislel bɨ mɨdupsek tɨkjakɨl, bɨ tɨmel gup awl dɨ yonɨgun agɨlak. Ne man okok ajɨl, pel tɨmel yɨbɨl gup bɨ ak nɨm awl agɨlak. Chɨn Juda binɨb gɨpun adek ak tɨmel agɨl, Mosis agɨl tɨkak takaw ak tɨmel agɨl, God agnɨgep kal awl anɨb ak agjuwɨl gup agɨlak. Pen abe nɨgɨm agɨlak. Binɨb Juda mel, God agnɨgep kal awl kab wali kus gɨl yek mɨgan ak ma dad owep okok kɨlop, monmon dad owup agɨlak. Anɨb ak ne God agnɨgep kal awl mɨgan chɨnop ak gɨ tɨmel gup agɨlak.

Aposel 5:18

Mɨlɨk nɨŋɨd, tɨkjakɨl kɨlop dɨl, dam nag lɨlak.

Aposel 5:27

Bɨ Juda bɨawl takaw tɨg asɨkep okok apnan gɨ yelak okok poŋɨd owlak. Poŋɨd apelak, bɨ God nop sɨbogep bɨawl yɨbɨl ak kɨlop agak,

Aposel 6:11

Pen kɨli Stipen nop ag mel nɨŋɨd, am bɨ ogɨnap kɨlop kɨmɨgel agtep gel, kɨli apɨl yepɨs agɨl agɨlak, Chɨn nopun, bɨ anɨb awl, ne Mosis takaw tɨkak ak agjuwɨl, God nop agjuwɨl gup agɨlak.