Aposel 26:6 - Jisas Klays Takaw Teplep Ne

⁶ Mɨñɨl mɨdebin nɨm awl, yɨp kot gebal agak. Pen God bɨlel apɨs based sɨkop kɨlop takaw tep agek, gos sek kod yelɨgɨpal takaw anep agɨnek ak, kɨli nɨŋɨd yɨp kot gebal agak.

Aposel 26:6 Iomraidhean Croise

Aposel 23:6

Pen won anɨb ak Pol nɨgak, bɨ Juda bɨawl takaw tɨg asɨkep anɨb okok, ogɨnap bɨ Sajusi kay mɨdebal, ogɨnap bɨ Pelisi mɨdebal. Bɨ Sajusi okok gos kɨli ak nɨŋɨd agelɨgɨpal, Ensel okok ma mɨdebal, kawnan ma mɨdebal, binɨb okok kumɨl ma tɨkjakɨnɨgabal agelɨgɨpal. Bɨ Pelisi okok pen, tap anɨb okok mɨdupsek mɨdeb agɨl gos nepal. Pol ne bɨ keke yelak anɨb ak nɨŋɨd, takaw awl agɨl agak, Mam sɨkop. Based yad okok mɨdupsek Pelisi bɨ, yad abe Pelisi olap mɨdebin agak. Binɨb kumɨl tɨkjakɨpal takaw ak agen, yɨp pen kot gebal agak. Anɨb agek, kɨli takaw penpen agɨlak. Bɨ Sajusi okok asɨk ke lɨl, bɨ Pelisi okok asɨk ke lɨl,

Aposel 24:15

Juda bɨ anɨb okok, kɨli binɨb tep okok sek binɨb tɨmel okok sek, mɨdupsek God kɨlop gek kumɨl tɨkjakɨnɨgabal agɨl nepal tek ak yad abe nepin agak.

Aposel 24:21

Pen bɨawl takaw tɨg asɨkep okok ayɨp mɨdonok ñɨn ak, takaw nokom olap agen kɨli nɨgel mɨlɨk yownɨmuŋ tek lak agak. Takaw awl agɨl agɨnek, Yad binɨb kumɨl tɨkjakɨpal agɨl gos anep nɨgen, yɨp kot gebɨm agɨnek agak.

Aposel 26:8

Pen taynen binɨb kubal okok, God kɨlop gek ma tɨkjakɨnɨgabal agɨl gos nepɨm agak?

Aposel 28:20

Pen chɨn Juda okok takaw tep gos sek kod mɨdobun ak agen, yɨp nag kɨles lɨpal agak. Anɨb ak tek takaw anɨb ak agɨnɨg nɨm, nɨbop suk apin agak.

Aposel 3:24

Bɨ God gos ñek agñeb Samwel sek, bɨ God gos ñek agñeb kɨdek owlak okok sek, kɨli mɨdupsek takaw agɨlak okok, mɨñɨl mɨdobun ñɨn nab awl agɨlak agak.

Pol Lom Binɨb Kɨlop Mɨj Tɨkak 15:8

Yad anɨb agebin, Klays ne Juda binɨb bɨ wog gɨñeb kɨli ak mɨdeb. Kɨli God takaw nɨŋɨd yɨbɨl mɨdeb ak nɨgɨnɨgel agɨl, ne anɨgak. Bɨ wog gɨñeb kɨli ak yek, anɨb ak tek God Juda nɨsed yes okok, kɨlop gɨnɨgayn agɨl aglak tek nep, takaw anɨb ak mɨdupsek gɨnɨgab.

Galesiya 4:4

Pen God ne ke aglak ñɨn ak apek, Ñɨne nop agek, apɨl bin olap nop nab ayaŋ amek, nop tɨkak. Tɨkek, ne Mosis takaw adek ak nɨg mɨdɨl, mɨd dad amek,

Taytus 2:13

Pen kɨdek gɨl, mɨd dad amɨl, tap teplep nɨŋɨd mɨñmɨñ gɨnɨgabun ak, chɨn kod mɨdobun. Tap teplep anɨb ak nɨm awl, Jisas Klays ne mɨlek awl sek kɨles awl sek dɨl, mɨseŋ sɨŋak ownɨgab. Ne God bɨawl yɨbɨl mɨdeb, bɨ kasɨn gep chɨn ak mɨdeb.