Aposel 1:8 - Jisas Klays Takaw Teplep Ne

⁸ Pen nɨgɨm. God Kawnan ne ak apɨl nɨbop kod mɨdaknɨŋ, kɨles ak dɨnɨgabɨm agak. Dɨl, nɨbi am Jelusalem binɨb okok, Judiya plopens binɨb okok, Samaliya plopens binɨb okok, binɨb man okok mɨdupsek, yad tɨtay gɨpin ak kɨlop agñɨnɨgabɨm agak.

Aposel 1:8 Iomraidhean Croise

Matyu 24:14

Pen God binɨb dɨl kɨlop kod yenɨgab takaw teplep ak, lum awl ak mɨdupsek agñɨnɨgabal agak. Agñel, binɨb man okok mɨdupsek nɨgɨnɨgabal ak nɨm, ñɨn kɨdek ak ownɨgab agak.

Matyu 28:19

Anɨb ak, nɨbi man okok mɨdupsek amɨl, binɨb okok kɨlop gem binɨb yad okok yenɨgel agak. Bapi yɨl mɨdebal, Ñɨne yɨl mɨdebal, Kawnan ne ak yɨl mɨdebal agɨl, kɨlop ñɨg pakñɨnɨmɨb agak.

Mak Ne Jisas Klays Takaw Teplep Ak Kɨl Tɨkak 16:15

Anɨb agɨl kɨlop agak, Takaw teplep yad ak dad man okok mɨdupsek amɨl, binɨb okok mɨdupsek agñɨnɨmɨb agak.

Luk Ne Jisas Klays Takaw Teplep Ak Kɨl Tɨkak 1:35

Agek ensel ak nop agak, God Kawnan ak nep apɨl, God adek alaŋ mɨdɨl kɨles ne ak nep yu gɨñɨnɨgab agak. Ñapay suŋtep yɨbɨl ak tɨkɨnɨgaban ak, God ne agɨnɨgab, Ñɨ yad agɨnɨgab agak.

Luk Ne Jisas Klays Takaw Teplep Ak Kɨl Tɨkak 10:19

Nɨgɨm agak. Yoy sɨlaw, godal, Satan tap ne okok mɨdupsek nɨbop gɨ tɨmel gɨnɨgel tek ma lup agak. Nɨbop ñɨnen agebin tek, yuk yokem amnɨgabal agak.

Luk Ne Jisas Klays Takaw Teplep Ak Kɨl Tɨkak 24:29

kɨli nop takaw kɨles gɨl agɨlek, Dugep day won ak apobun agɨlek. Sɨb gɨnɨgeb nen, ape chɨl ayɨp mɨdon agɨlek. Agel, kɨli bɨ omɨŋal ayɨp amnɨlak.

Jon Ne Jisas Klays Takaw Teplep Ak Kɨl Tɨkak 15:27

Pen nɨbi yad ayɨp wog jɨj gɨl gɨ dad amɨl mɨdobun anɨb ak tek, nɨbi abe yɨp bɨ tay tek ak binɨb okok kɨlop agtep gɨl agñɨnɨmɨb agak.

Aposel 1:5

Jon ne kɨlop ñɨg pakñak ak pen, bapi nɨbop Kawnan ne ak pakñɨnɨgab agak. Ñɨn anɨb ak wulep mɨdeb, kod yenɨmɨb agak.

Aposel 13:31

Tɨkjakek, binɨb ne ayɨp Galili plopens kelɨgɨl Jelusalem owlak okok, nop mɨnek kuŋay yɨbɨl nɨgɨlak tek, Yislel binɨb okok kɨlop agñel nɨgebal agak.

Aposel 2:32

God gek, Jisas tepayaŋ tɨkjakek, wɨdɨn chɨn ke nɨŋɨd agobun agak.

Aposel 22:15

Nep tɨtay gup nepan anɨb ak, binɨb okok mɨdupsek kɨlop agñɨnɨgaban agak.

Aposel 3:15

Bɨ binɨb gek pelpel mɨdebal ak nop pɨsnep paklɨpek agak. Anɨgɨpek ak pen, God gek tepayaŋ tɨkjakɨl koŋɨm mɨdeb agak. Pen chɨl nɨŋɨd anɨb agobul agak.

Aposel 4:33

Bɨ Jisas takaw nop dad ameb okok, takaw kɨli ak, takaw awl kɨles gɨl agelɨgɨpal, Bɨawl Jisas nop ñag lel kumɨl tɨkjakek, nop nɨgɨnok agelɨgɨpal. Pen God kɨlop mɨdupsek dɨtep yɨbɨl gɨl, gɨtep gak.

Aposel 5:32

God gup anɨb ak nɨgtep gɨpun tek, binɨb okok agñɨbun agɨlak. God Kawnan ak abe nɨgtep gɨl, takaw anɨb ak tek agup agɨlak. Binɨb God takaw ne ak kɨdek gɨpal ak, God ne Kawnan ne ak kɨlop ñub agɨlak.

Aposel 6:8

God ne Stipen ayɨp mɨdɨl kɨles ne ak nop ñek, tap mageptek okok kuŋay yɨbɨl binɨb yelɨgɨpal nab okok golɨgup.

Aposel 8:1

Stipen nop pakel kumak anɨb ak, bɨ Sol tep kumub agak. Stipen kumek, bɨ God nop nɨŋɨd kɨdek golɨgup ogɨnap, chɨb gek chaŋ lɨlɨg dam kamɨlak. Ñɨn anɨb ak, Juda kay kɨli binɨb Jisas nop gos lɨnɨŋɨd Jelusalem yelɨgɨpal okok, kɨlop gɨ tɨmel gɨnɨg gɨlak. Sol ne kal mɨgan kɨli amɨlɨg, binɨb okok kɨlop monmon pak lɨpɨg dam nag lolɨgup. Anɨgek, ogɨnap pɨlɨk, Samaliya plopens amɨl, ogɨnap pɨlɨk Judiya plopens tɨgoŋ okok amnɨlak. Bɨ Jisas takaw nop dad ameb anep umɨgan ak, kɨli pen Jelusalem yelak.

Pol Lom Binɨb Kɨlop Mɨj Tɨkak 10:18

Yad pen nɨbop agnɨgebin, kɨli takaw teplep anɨb ak nɨgɨlak akaŋ? Yaw, kɨli nɨgɨlak agebin. Buk Baybol ak tɨkɨl anɨb agak, Bɨ takaw agñeb okok, takaw kɨli anɨb ak lum awl ak mɨdupsek amɨl, man okok kɨd kɨd mɨdupsek yɨbɨl amek nɨgɨlak agɨl tɨkak.

Kolosi 1:23

Pen nɨbi kal meg awl nab ayaŋ puŋɨlel kɨles mɨdeb tek, Klays nop gos lɨnɨŋɨd, jak mɨdɨl, kɨles gɨl yenɨmɨb. Takaw teplep ak ned nepek. Pen mɨñɨl nɨbi takaw teplep anɨb ak nɨŋɨd, tap teplep dɨnɨgabun agɨl, gos nɨŋɨd kod mɨdebɨm. Gos pal lɨl ma ju dɨnɨmɨb, Klays nop gos kɨles gɨl nɨgɨnɨmɨb. Yad Pol, bɨ wog gɨñeb ak mɨdɨl takaw teplep anɨb ak agñebin. Pen takaw anɨb ak binɨb man okok mɨdupsek kɨlop agñobun.