Mattayo 13:11 - Sumu Yedi ya Isa Masiya 1906 Kitamo 1897 Malumbo 1905

¹¹ Akatalwa akawawurra, Unywi mwaingwa kujitisiwa ngiliwata ja ufumwa wa wanga, wala teweingwawo.

Mattayo 13:11 Iomraidhean Croise

Malumbo 25:14

Ngiliwata ya Mzuri ni hamwe na wala wemwondoka: na enewawondjia aghanyo lakwe.

Mattayo 13:10

Waanalosha wakaza wakamburra, Nikini wateta nawo hena mifwanano?

Mattayo 16:17

Yesu akatalwa akamburra, Watasiwa, Simon mwana wa Yunus; amu nyama na sakame tejikujughuiye, nde Apa wangu eoho wanga.

Mattayo 19:11

Akawawurra, Si wose weidima kukiuhia kiteto iki; nde wala weingwa.

Mattayo 20:23

Awawurra, Ndemwa yangu kididi munenywa: kake kuikaa na kuume kwangu na kumoso si kwangu kung’ola, kake ni hawo wearehiwe ni Apa.

Marko 10:40

nde kuikaa mkono wangu wa kuume kana wa kumoso si hangu ning’ole, nde hawo wearehiwe.

Marko 4:11

Akawawurra, Mwaingwa unywi kutisiwa mbiso ya ufumwa wa Izuwa, wala weoho some wawurrwa vyose hena mafwanano;

Luka 8:10

Akaghamba, Unywi muingiwe kutisiwa ngiliwata ja ufumwa wa Izuwa, na wengi hena mifwanano, nesa wekiwona wasiwone, na wekisikia wasitwarije.

Yohana 6:65

Akateta, Na huwo, namburra, ti teidima mundu kuniratera esiingwa na Apa wangu.

Yohana 7:17

Ula ekundie kuviareha evikunda, enetisiwa kichei, ti nicho cha Izuwa kana mi nateta na kucha kwangu tiki.

Mihiro ya Waondo 16:14

Mche eitangwa Ludia, mtaghi‐porfuro, mundu wa Tuatira, akasikia; Mzuri akamjughua ngoro, avigure vila vitetwe ni Paulo.

Hena Waroma 11:25

Amu sikundiemi, wandwetu, musitisiwe mbiso ii, musiwone kukubaabaa hena kucha, ti wugumi wa mondo wugwie Israeli, mtano kuizua kwa Mambare kuneingia;

Hena Waroma 16:25

Nawa hakwe eye eidima kumuduwija hena anjili yangu na hena kutinda kwa Yesu Kristo, hena ujughuo wa mbiso iwisiwe chwi ghati ya magheri ma ndarasi,

1 Hena Wakorintho 13:2

Na nikioka na wuroti, na nikitisiwa mbiso jose na lutwarijo lose; na nikioka na luitikijo lose, mtano kusamija nduwi, nisina lukundo, mi si kinducho.

1 Hena Wakorintho 15:51

Yoa, namburra mbiso: Totuneshinjia wose, kake tunegharuka wose:

1 Hena Wakorintho 2:14

Mwenye lukishoni lwa mundu teuhiaye vindu vya Ngoma ya Izuwa: amu ivi ni utomode hakwe; nete teidimaye kuvitisiwa, amu vyayowa hena ngoma.

1 Hena Wakorintho 2:7

Kake twateta kucha hena Izuwa hena mbiso, niko kucha kuwisiwe, Izuwa ekuwikie kuwoka kwa masanga hena kirumi kyetu:

1 Hena Wakorintho 4:1

Mundu atugheshijie uswi huwo, sa wahiri wa Kristo, na virote vya mbiso ja Izuwa.

1 Hena Wakorintho 4:7

Amu niani ewika lelano ghati yako na ungi? na una kini nsikiuhie? kake kwakicha ukiuhie, nini ukuisisa, sa usikiuhie?

Hena Waefeso 1:18

Mukioka na meso ma ngoro yenyu meangajwa, nesa mutisiwe nikini luing’idaki lwa kuitanga kwakwe, nikini wumazi wa kirumi kya uhoja wakwe ghati ya weshenete,

Hena Waefeso 1:9

ekitutisiwija mbiso ya lukundo lwakwe, hena luisejo lwakwe

Hena Waefeso 5:32

Mbiso ii ni mbaha: kake nateta mburi ya Kristo na kanisa.

Hena Waefeso 6:19

na kuniombia mi, niingwe kuteta ghati ya kujughua itumbu langu, kutoranya hena kukaria mbiso ya anjili,

Hena Wakolossai 2:2

ngoro jawo jidindijwe, wekilunganywa ghati ya lukundo, na hena wumazi wose wa kutwarija dawu, waitisiwe mbiso ya Izuwa, eye Kristo,

1 Hena Timoteo 3:16

Na esina ngani mbiso ya wukundi‐izuwa ni mbaha; Ula ewonjwe ghati ya muri, earehiwe ngalo ghati ya ngoma, ewoniwe na malaika, etindiwe ghati ya mbare, eitikijwe masangeni, euhiwe wanga ghati ya kirumi.

1 Hena Timoteo 3:9

wekiigura mbiso ya luitikijo na lusaro luzerre.

Wakwe Yakobo 1:5

Mundu wenyu ekiwaiya ng’eno, amwombe Izuwa, ewaingie wose hena kuora, asibohie; naye eneingwa.

1 Wakwe Yohana 2:20

Na unywi muna kugerwa‐mafuta hena Ula Mshenete, na mwatisiwa vyose.

1 Wakwe Yohana 2:27

Na unywi, kugerwa‐mafuta eko muuhie hakwe kwaikaa henyu, na tomuwaiya mundu wa kumlosha: kake sandu kugerwa‐mafuta kwakwe kwamlosha mburi ya vindu vyose, na ni kwa kididi, nete si maongo, na sandu kumloshie, mwaikaa hakwe.