Hena Wafilipi 2:1 - Sumu Yedi ya Isa Masiya 1906 Kitamo 1897 Malumbo 1905

¹ Hena lwa iyo kwakicha ludindijo luoho ghati ya Kristo, kwakicha luduwijo ghati ya lukundo, kwakicha ulungano wa Ngoma, kwakicha malusario na malunini,

Hena Wafilipi 2:1 Iomraidhean Croise

Malumbo 133:1

Yoeni, nize ni kyedi na kya kuiseja: waana wa kaa mwe wekiikaa hamwe na ngoro mwe.

Luka 2:25

Yoa, heokie na mundu Yerusalemi, izina lakwe Simeoni, na mundu uu wedi, mkunda Izuwa, ekiinda lughenjo lwa Israeli, Ngoma Mshenete ikaoka wanga yakwe.

Yohana 14:18

Simshiga unwi wakiwa, ninemzia.

Yohana 14:27

Luworo namshigia, luworo lwangu namwinga, si sandu masanga meng’ola mi namng’olia, Msiregije ngoroni, kana msiondoke.

Yohana 17:13

Ngeriaha naza hako, na ama namateta masangeni wawone kuoka na kuizihirwa kwangu kuizua hawo.

Mihiro ya Waondo 2:46

Na musi hena musi, wekiikaa nezo hena ngoro mwe ghati ya hekalu, na wekibaa ibumunda hena nyumba, wakala kidjo kyawo hena luizihirwo na ngoro yedi.

Mihiro ya Waondo 4:32

Na siri yawo weitikija weokie na ngoro mwe na lusaro lumwe, nete tehena etetie ti vindu eokie navyo nivyo vyakwe, kake vyose vyashanganywa.

Hena Waroma 5:5

na luing’idaki tolugera nguruna; amu lukundo lwa Izuwa lwakufutiwa raa ghati ya ngoro jetu hena Ngoma Mshenete eyo tuingiwe.

Hena Waroma 8:26

Na huwo Ngoma pia eughenja wunana wetu: amu totutisiwa kuomba sandu ituwe; kake Ngoma mwenye etusembia na madiho mesiidima kutetwa; na ula ejiyoa ngoro etisiwa nikini lusaro lwa Ngoma,

1 Hena Wakorintho 12:13

Amu ghati ya Ngoma mwe tubatizwe wose ghati ya muri mwe, kwakicha Wayahudi kana Wayonani, kwakicha wazoro kana esiwazoro; tukanyoshwa wose Ngoma mwe.

1 Hena Wakorintho 15:31

Musi hena musi nafwa, ee, hena kukuisisa kwenyu, wandwetu, eko nina ghati ya Kristo Yesu Mzuri wetu.

1 Hena Wakorintho 3:16

Tomutisiwa ti unywi mwaoka hekalu la Izuwa, na Ngoma ya Izuwa yatua ndeni henyu?

2 Hena Wakorintho 13:14

Mvono wa Mzuri Yesu Kristo, na lukundo lwa Izuwa, na ulungano wa Ngoma Mshenete, hamwe na unywi wose.

2 Hena Wakorintho 2:14

Kake Izuwa aanjelwe, eye etutika misi yose na kung’ara ghati ya Kristo, na ewonja raa hena uswi mbungo ya lutwarijo lwakwe handu hose.

Hena Wagalatia 4:6

Na amu ya kuoka waana unywi, Izuwa emng’olie Ngoma ya Mwana wakwe iingie ngoroni hetu, ikiiya, Abba, Apa.

Hena Wagalatia 5:22

Kake ndunda ya Ngoma niyo lukundo, luizihiro, luworo, lugumirio,

Hena Waefeso 4:4

Hena muri mwe, na Ngoma mwe, sandu muitangwe ghati ya luing’idaki lumwe lwa kuitangwa kwenyu:

Hena Wafilipi 1:8

Amu Izuwa anishuhudia, nize nimusikie nyami ghati ya ngoro yakwe Kristo Yesu.

Hena Wafilipi 3:3

Amu uswi tu kutawanwa, tuomba hena Ngoma ya Izuwa, na twakuisisa ghati ya Kristo Yesu, na totuitikija hena muri.

Hena Wakolossai 2:2

ngoro jawo jidindijwe, wekilunganywa ghati ya lukundo, na hena wumazi wose wa kutwarija dawu, waitisiwe mbiso ya Izuwa, eye Kristo,

Hena Wakolossai 3:12

Hena lwa iyo dokeni, sa wasaghurwa wakwe Izuwa, ngoro ya lusario, wuketi vyedi, kinyenya, wuhoo, lugumirio;

Hena Waebrania 6:18

nesa hena vindu viri visiidime kugharuka, ghati yavyo teidimika Izuwa achwe maongo, tuoke na ludindijo lubaha, uswi tumatuke hena mashorota tugure luing’idaki luwikiwe msongorana wetu;

1 Wakwe Petro 1:2

hena kutisiwa‐kwa‐kuwoka kwa Izuwa Apa, ghati ya kushenetijwa kwa Ngoma, hena kuinga‐isikio na kunyinyirwa kwa sakame yakwe Yesu Kristo: Mvono henyu na luworo lunetijwe.

1 Wakwe Yohana 3:24

Na ula emagura maaghanyo makwe eikaa hakwe, na ye hakwe ula. Na hena iki twatisiwa ti eikaa hetu, hena Ngoma etuingie.

1 Wakwe Yohana 4:12

Tehenaho mundu embonie Izuwa magheri akeye: tukikundana, Izuwa eikaa hetu, na lukundo lwakwe lwakurijwa hetu:

1 Wakwe Yohana 4:16

Na twatisiwa na twaitikija lukundo elo eluhete Izuwa hetu. Izuwa ni lukundo; na ula eikaa ghati ya lukundo eikaa ha Izuwa, na Izuwa eikaa hakwe.