ಪ್ರಕಟಣೆ 8:9 - ಪೊಸ ಒಡಂಬಡಿಕೆ

⁹ ಅಪಗ ಕಡಲ್ದ ಉಲಯಿ ಮೂಜೆಟ್ ಒಂಜಿ ಪಾಲ್ ನೆತ್ತೆರ್ ಆಂಡ್. ಕಡಲ್‌ಡಿತ್ತಿ ಜೀವಿಲೆಡ್ ಮೂಜೆಟ್ ಒಂಜಿ ಪಾಲ್ ಸೈತ್‌ಪೋಂಡು, ಕಪ್ಪಲುಲೆಡ್ ಮೂಜೆಟ್ ಒಂಜಿ ಪಾಲ್ ಹಾಳಾದ್ ಪೋಂಡು.

ಪ್ರಕಟಣೆ 8:9 Iomraidhean Croise

ಪ್ರಕಟಣೆ 12:4

ಐತ ಬೀಲ ಬಾನೊಡುಪ್ಪು ಬೊಳ್ಳಿಲೆಡ್ ಮೂಜೆಟ್ ಒಂಜಿ ಭಾಗೊನು ಒಯಿತ್‌ದ್ ಭೂಮಿಗ್ ದಕ್ಕ್‌ಂಡ್. ಪೆದ್ದೊಂದಿತ್ತಿ ಆ ಪೊಂಜೊವು ಪೆದ್ದಿ ಕೂಡ್ಲೆ ಆ ಬಾಲೆನ್ ದಿಂಗ್‌ದ್ ಬುಡೊಡು ಅಂದ್‌ದ್ ಆ ಘಟಸರ್ಪೆ ಅಲ್ಪನೇ ಕಾತೊಂದಿತ್ತ್‌ಂಡ್.

ಪ್ರಕಟಣೆ 16:3

ರಡ್ಡನೆದ ದೂತೆ ತನ ಬಾಜನೊಡಿತ್ತಿನೆನ್ ಕಡಲ್‌ಗ್ ಗುತ್ತೆ. ಐತ ನೀರ್ ಸೈತಿನಾಯನ ನೆತ್ತೆರ್‌ದ ಲೆಕ್ಕ ಆಂಡ್ ಬೊಕ್ಕ ಕಡಲ್‌ಡಿತ್ತಿ ಮಾತ ಜೀವಜಂತುಲು ಸೈತ್ಂಡ್.

ಪ್ರಕಟಣೆ 8:10

ಮೂಜನೇ ದೂತೆ ತುತೂರಿ ಉರ್ಪುನಗ ತೂಟೆದಲೆಕ್ಕ ಅರ್ಲುನ ಒಂಜಿ ಮಲ್ಲ ಬೊಳ್ಳಿ ಬಾನೊಡ್ದು ತಿರ್ತ್ ಬೂರ್‌ಂಡ್. ಅವು ತುದೆಲೆಡ್‌ ಮೂಜೆಟ್ ಒಂಜಿ ಪಾಲ್‌ದ ಮಿತ್ತ್‌ಲಾ ನೀರ್‌ದ ವಸರ್‌ದ ಮಿತ್ತ್‌ಲಾ ಬೂರ್‌ಂಡ್.

ಪ್ರಕಟಣೆ 8:12

ನಾಲನೇ ದೂತೆ ತುತೂರಿ ಉರ್ಪುನಗ ಸೂರ್ಯೆ, ಚಂದ್ರೆ ಬೊಳ್ಳಿಲೆಡ್‌ ಮೂಜೆಟ್ ಒಂಜಿ ಭಾಗೊಗು ಹಾಕ್‌ದ್ ಕತ್ತಲೆ ಆಂಡ್. ಅವೆಡ್ದಾವರ ಪಗೆಲ್‌ಡ್ಲಾ ಮೂಜೆಟ್ ಒಂಜಿ ಪಾಲ್ ಬೊಲ್ಪುದಾಂತೆ ಪೋಂಡು, ರಾತ್ರೆಡ್ಲಾ ಅಂಚೆನೇ ಆಂಡ್.

ಪ್ರಕಟಣೆ 8:7

ಸುರುತ್ತ ದೂತೆ ತುತೂರಿ ಉರ್ಪುನಗ ನೆತ್ತೆರ್‌ಡ್ ಕಲತ್ತ್‌ದಿನ ಆನೆಕಲ್ಲ್‌ದ ಬರ್ಸಲಾ ತೂಲಾ ಭೂಮಿದ ಮಿತ್ತ್ ದೊರಿಂಡ್. ನೆಡ್ದ್ ಭೂಮಿದ ಮೂಜೆಟ್ ಒಂಜಿ ಪಾಲ್ ಪೊತ್ತುದು ಪೋಂಡು. ಮರಕ್ಲೆಡ್ ಮೂಜೆಟ್ ಒಂಜಿ ಪಾಲ್ ಬಸ್ಮ ಆಂಡ್. ಪಜ್ಜಿ ಪಜಿರ್‌ಲಾ ಪೊತ್ತುದು ಪೋಂಡು.

ಪ್ರಕಟಣೆ 9:15

ಅಪಗ ನರಮಾನಿಲೆ ಉಲಯಿಡ್ದ್ ಮೂಜೆಡ್ದ್ ಒಂಜಿ ಪಾಲ್‌ ಜನೊಕುಲೆನ್ ಕೆರಿಯೆರೆಗಾದ್ ಗಳಿಗೆ, ದಿನ, ತಿಂಗೊಲು, ವರ್ಸ ಮಾತೆನ್ ನಿಗಂಟ್ ಮಲ್ತ್‌ದ್ ಆದಿತ್ತ್ಂಡ್. ಐಕ್ ತಯಾರಾದಿತ್ತಿನ ಆ ನಾಲ್ ದೂತೆರೆನ್ ಬುಡ್ದು ಬುಡಿಯೆರ್.

ಪ್ರಕಟಣೆ 9:18

ಕುದುರೆಲೆ ಬಾಯಿಡ್ದ್ ಬರ್ಪಿನ ತೂ, ಪುಗೆ, ಗಂಧಕ ಈ ಮೂಜಿ ಉಪದ್ರೊಡ್ದಾದ್ ಭೂಮಿದ ಮಾತ ಜನೊಕುಲೆಡ್ ಮೂಜೆಟ್ ಒಂಜಂಶ ಸೈತ್ ಪೋಯೆರ್.