ಪ್ರಕಟಣೆ 8:3 - ಪೊಸ ಒಡಂಬಡಿಕೆ

³ ಐಡ್ದ್ ಬೊಕ್ಕ ಬೊಕ್ಕೊರಿ ದೂತೆ ಬತ್ತ್‌ದ್ ಬಂಗಾರ್‌ದ ದೂಪಾರತಿನ್ ಪತ್ತೊಂದು ಬಲಿಪೀಠದ ಕೈತಲ್‌ ಉಂತಿಯೆ. ಗದ್ದಿಗೆದ ಎದುರುಡು ಬಂಗಾರ್‌ದ ಬಲಿಪೀಠದ ಮಿತ್ತ್ ಮಾತ ದೇವಜನೊಕುಲೆ ಪ್ರಾರ್ಥನೆಡೊಪ್ಪ ಸಮರ್ಪಣೆ ಮಲ್ಪೆರೆಗಾದ್ ಆಯಗ್ ಮಸ್ತ್ ಲೋಭಾನ ಕೊರ್ದಿತ್ತ್‌ಂಡ್.

ಪ್ರಕಟಣೆ 8:3 Iomraidhean Croise

ಲೂಕೆ 1:10

ಧೂಪ ಅರ್ಪಣೆ ಮಲ್ಪುನ ಪೊರ್ತುಗು ಜನೊಕುಲೆ ಗುಂಪು ಪಿದಯಿ ಉಂತುದು ಪ್ರಾರ್ಥನೆ ಮಲ್ತೊಂದಿತ್ತೆರ್.

ರೋಮಾಯೆರೆಗ್ 8:34

ಅಪರಾಧಿಲು ಪಂಡ್ದ್ ತೀರ್ಪು ಮಲ್ಪುನಾಕುಲು ಏರ್? ಕ್ರಿಸ್ತ ಯೇಸು ಮರಣೊನು ಪಡೆಯಿನತ್ತಂದೆ ಜೀವೊಡು ಲಕ್ಕ್‌ದ್ ದೇವೆರೆ ಬಲತ್ತ ಮರ್ಗಿಲ್‌ಡ್ ಇತ್ತ್‌ದ್ ನಂಕಾದ್ ಮದ್ಯಸ್ತಿಕೆ ಮಲ್ಪುನಾಯೆ ಆದುಲ್ಲೆ.

ಇಬ್ರಿಯೆರೆಗ್ 7:25

ಅಂಚಾಯಿನೆಡ್ದ್ ಆಯಡ್ದ್ ದೇವೆರೆ ಕೈತಲ್‌ ಬರ್ಪಿನಾಕುಲೆಗ್ ಏಪಲಾ ಪೂರ್ತಿ ರಕ್ಷಣೆ ಮಲ್ಪೆರೆ ಸಾದ್ಯ ಆಂಡ್. ಆಯೆ ಅಕ್ಲೆಗಾದ್ ಏಪಲಾ ದೇವೆರೆಡ ಮದ್ಯಸ್ತಿಕೆ ಮಲ್ಪೆರೆಗಾದ್ರ ಏನಿತ್ಯೇನಿಗ್ಲಾ ಬದುಕುವೆ.

ಇಬ್ರಿಯೆರೆಗ್ 9:4

ಐಟ್ಟ್ ಬಂಗಾರ್‌ದ ಧೂಪಾರತಿ, ಉಲಯಿ ಪಿದಯಿ ಬಂಗಾರ್‌ದ ತಗಡ್ ಮುಚ್ಚಿದಿನ ಒಡಂಬಡಿಕೆದ ಮಂಜೂಷೊಲು ಇತ್ತ್ಂಡ್. ಆ ಮಂಜೂಷದುಲಯಿ ಮನ್ನ ದೀತಿನ ಬಂಗಾರ್‌ದ ಬಾಜನಲಾ ಆರೋನನ ತೆಗ್‍ಲ್ದಿನ ಕೋಲುಲಾ ಒಡಂಬಡಿಕೆ ಬರೆತಿ ಕಲ್ಲ್‌ದ ಪಲಯಿಲುಲಾ ಇತ್ತ್ಂಡ್.

ಪ್ರಕಟಣೆ 10:1

ಬೊಕ್ಕ ಬಲಿಷ್ಟೆ ಆಯಿ ಬೇತೆ ಒರಿ ದೂತೆ ಮುಗಲ್‌ನ್ ಪೊದೆತೊಂದು ಪರಲೋಕೊಡ್ದು ಜತ್ತ್‌ದ್ ಬರ್ಪಿನೆನ್ ತೂಯೆ. ಆಯ ತರೆತ ಮಿತ್ತ್ ಕಾಮನಬಿಲ್ಲ್ ಇತ್ತ್ಂಡ್. ಆಯನ ಮೋನೆ ಸೂರ್ಯನಲೆಕ್ಕಲಾ ಆಯನ ಕಾರ್ ತೂತ ಕಂಬದಲೆಕ್ಕಲಾ ಇತ್ತ್ಂಡ್

ಪ್ರಕಟಣೆ 14:18

ಬೊಕ್ಕ ತೂತ ಅಧಿಕಾರ ಪಡೆಯಿ ನನೊರಿ ದೂತೆ ಬಲಿಪೀಠೊಡ್ದು ಬತ್ತ್‌ದ್ ಆಯೆ ಪರ್ಕತ್ತಿ ಇತ್ತಿನಾಯಡ, “ನಿನ ಪರ್ಕತ್ತಿನ್ ಪಾಡ್ದ್ ಭೂಮಿದ ದ್ರಾಕ್ಷೆದ ಗೊಂಚಿಲ್ಲೆನ್ ಕೊಯ್ಲ. ಐತ ಪರ್‌ಂದುಲು ಪೂರ ಬುಲೆದ್‌ಂಡ್,” ಪಂಡ್ದ್ ಮಲ್ಲ ಶಬ್ಧೊಡು ಬೊಬ್ಬೆ ದೀಯೆ.

ಪ್ರಕಟಣೆ 5:8

ಆಯೆ ಸುರುಳಿನ್ ದೆತ್ತೊಂಡಿನಪಗ ಆ ನಾಲ್ ಜೀವಿಲುಲಾ ಇರ್ವತ್ತನಾಲ್ ಮಂದಿ ಹಿರಿಯೆರ್‌ಲಾ ಯಜ್ಞದ ಕುರಿತ ಕಿನ್ನಿದ ಎದುರು ಅಡ್ಡಬೂರ್ಯೆರ್. ಹಿರಿಯೆರೆನ ಕೈಟ್ ವೀಣೆಲಾ ದೇವಜನೊಕುಲೆ ಪ್ರಾರ್ಥನೆ ಪನ್ಪಿನ ದೂಪೊಡ್ದು ದಿಂಜಿದಿ ಬಂಗಾರ್‌ದ ಧೂಪದ ಬಾಜನಲಾ ಇತ್ತ್ಂಡ್.

ಪ್ರಕಟಣೆ 6:9

ಆಯೆ ಐನನೇ ಮುದ್ರೆನ್ ದರ್ಪುನಗ ದೇವೆರೆ ವಾಕ್ಯೊಡ್ದುಲಾ ಅಕುಲು ಪಂಡಿನ ಸಾಕ್ಷಿಡ್ದ್‌ಲಾ ಸೈತಿನಾಕುಲೆನ ಆತ್ಮೊಲು ಬಲಿಪೀಠದ ತಿರ್ತ್ ಉಪ್ಪುನೆನ್ ತೂಯೆ.

ಪ್ರಕಟಣೆ 7:2

ಅಪಗ ಮುಡಯಿಡ್ದ್ ಬೊಕ್ಕೊರಿ ದೂತೆ ಜೀವ ಇತ್ತಿ ದೇವೆರೆ ಮುದ್ರೆನ್ ಪತ್ತೊಂದು ಬರ್ಪಿನೆನ್ ತೂಯೆ. ಆಯೆ ಭೂಮಿಗ್ಲಾ ಕಡಲ್‌ಗ್ಲಾ ಕೇಡ್ ಮಲ್ಪುನ ಅಧಿಕಾರ ಪಡೆತಿನ ಆ ನಾಲ್ ದೂತೆರೆಗ್,

ಪ್ರಕಟಣೆ 8:4

ಅಪಗ ಧೂಪದ ಪುಗೆ ದೂತನ ಕೈಡ್ದ್ ದೇವಜನೊಕುಲೆ ಪ್ರಾರ್ಥನೆಡೊಪ್ಪ ದೇವೆರೆ ದುಂಬು ಏರ್ದ್ ಪೋಂಡು.

ಪ್ರಕಟಣೆ 8:5

ಐಡ್ದ್ ಬೊಕ್ಕ ಆ ದೂತೆ ಧೂಪಾರತಿನ್‌ ದೆತ್ತೊಂದು ಬಲಿಪೀಠದ ಗೆಂಡೊಡು ದಿಂಜಾದ್ ಭೂಮಿಗ್ ದಕ್ಕಿಯೆ. ಅಪಗ ತೆಡಿಲ್‌ದ ಅಬ್ಬರಲಾ, ಮಿಂಚಿಲಾ, ಭೂಕಂಪಲಾ ಆಂಡ್.

ಪ್ರಕಟಣೆ 9:13

ಬೊಕ್ಕ ಆಜನೆ ದೂತೆ ತುತೂರಿ ಉರ್ಪುನಗ ದೇವೆರೆ ಎದುರುಡಿತ್ತಿನ ಬಂಗಾರ್‌ದ ಬಲಿಪೀಠದ ನಾಲ್ ಕೊಂಬುಲೆಡ್ದ್ ಒಂಜಿ ಸ್ವರೊನು ಕೇಂಡೆ.