ಪ್ರಕಟಣೆ 8:2 - ಪೊಸ ಒಡಂಬಡಿಕೆ

² ಅಪಗ ದೇವೆರೆ ಎದುರುಡು ಉಂತುದಿತ್ತಿ ಏಳ್‌ ದೂತೆರೆನ್ ತೂಯೆ. ಅಕ್ಲೆಗ್ ದೇವೆರ್ ಏಳ್‌ ತುತೂರಿಲೆನ್ ಕೊರಿಯೆ.

ಪ್ರಕಟಣೆ 8:2 Iomraidhean Croise

ಮತ್ತಾಯೆ 18:10

“ಈ ಎಲ್ಯಾಕುಲೆಡ್ ಒರಿಯನಾಂಡಲಾ ಸಸಾರ ಮಲ್ಪಂದಿಲೆಕ್ಕ ತೂವೊನ್ಲೆ; ಅಕ್ಲೆ ದೂತೆರ್ ಪರಲೋಕೊಡು ಏಪಲಾ ಎನ ಅಮ್ಮೆರೆನ ಮೋನೆ ತೂವೊಂದುಲ್ಲೆರ್,” ಅಂದ್‌ದ್ ನಿಕ್ಲೆಗ್ ಪನ್ಪೆ.

ಮತ್ತಾಯೆ 24:31

ಬೊಕ್ಕ ಆಯೆ ತುತೂರಿದ ಮಲ್ಲ ಶಬ್ಧೊಡು ತನ ದೂತೆರೆನ್ ಕಡಪುಡ್ವೆ. ಅಕುಲು ಆಯೆ ಅಜತ್ ದೆತ್ತೊಂಡಿನಾಕುಲೆನ್ ಬಾನದ ಒಂಜಿ ಕಡೆಡ್ದ್ ಬೊಕ್ಕೊಂಜಿ ಕಡೆ ಮುಟ್ಟ ನಾಲ್ ದಿಕ್ಕ್‌ಲೆಡ್ದ್ ಒಟ್ಟು ಕೂಡಾವೆರ್.

ಲೂಕೆ 1:19

ಐಕ್ ಆ ದೂತೆ, “ದೇವೆರೆ ಸನ್ನಿಧಿಡ್ ಉಂತೊಂದು ಉಪ್ಪುನಾಯೆ. ‘ಯಾನ್ ಗಬ್ರಿಯೇಲೆ,’ ಈ ಎಡ್ಡೆ ವರ್ತಮಾನೊನು ನಿಕ್ಕ್ ತೆರಿಪಾವೆರೆ ದೇವೆರ್ ಎನನ್ ಕಡಪುಡುದೆ.

ಲೂಕೆ 21:36

ಅಂಚಾಯಿನೆಡ್ದ್ ಉಂದು ಆಪಿನವು ಮಾತೆಕ್ ತಪ್ಪಾವೊನಿಯೆರೆಲಾ ನರಮಾನಿ ಮಗನ ಎದುರುಡು ಉಂತಿಯೆರೆಗ್ಲಾ ನಿಕುಲು ಪೂರ್ತಿ ಶಕ್ತಿವಂತೆರ್ ಆಪಿಲೆಕ್ಕ ಮಾತ ಕಾಲೊಡ್ಲಾ ದೇವೆರೆಡ ನಟ್ಟೊಂದು ಎಚ್ಚರಿಕೆ ಆದುಪ್ಪುಲೆ,” ಅಂದ್‌ದ್ ಪಂಡೆ.

1 ಕೊರಿಂಥ್ಯೆರೆಗ್ 15:52

ಆಂಡ ಕಡೇತ ತುತೂರಿದ ಶಬ್ಧ ಆನಗ ಒಂಜಿ ಕ್ಷಣೊಟೇ ಕಣ್ಣ್ ಮುಚ್ಚಿ ಜಪ್ಪುನೆತ್ತ ಉಲಯಿ ಉಂದು ಆಪುಂಡು. ತುತೂರಿ ಉರ್ಪುನಗ ದೇವೆರ್ ಸೈತಿನಾಕುಲೆನ್ ಲಕ್ಕಾದ್ ನಾಶ ಆವಂದಿನಾಕುಲಾದ್ ನಮ ಬದಲಾದ್ ಪೋಪ.

1 ಥೆಸಲೋನಿಕೆರೆಗ್‌ 4:16

ಕರ್ತವೆ ಸ್ವತಃ ಬನ್ನಗ ಮಲ್ಲ ಘೋಷಣೆಡ್ಲಾ ಮುಂದೂತನ ಶಬ್ಧದೊಟ್ಟುಡ್ಲಾ ದೇವೆರೆ ತುತೂರಿದ ಸ್ವರತ್ತ ಒಟ್ಟುಗು ಬಾನೊಡ್ದು ಜತ್ತ್‌ದ್ ಬರುವೆ, ಅಪಗ ಕ್ರಿಸ್ತಗಾದ್ ಸೈದಿನಾಕುಲು ದುಂಬತ್ತ ಲಕ್ಕುವೆರ್.

ಪ್ರಕಟಣೆ 1:4

ಆಸ್ಯ ಸೀಮೆಡುಪ್ಪು ಏಳ್‌ ಸಭೆಲೆಗ್ ಯೋಹಾನೆ ಬರೆಪಿನಿ ದಾನೆಂದ್ಂಡ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಆದುಪ್ಪುನಾಯಡ್ದ್‌ಲಾ ಆಯನ ಗದ್ದಿಗೆದ ದುಂಬುಪ್ಪು ಏಳ್‌ ಆತ್ಮೊಲೆಡ್ದ್‌ಲಾ ನಂಬಿಕೆ ಇತ್ತಿ ಸಾಕ್ಷಿದಾಯೆಲಾ ಸೈತಿನಾಕುಲೆಡ್ದ್ ದುಂಬತ್ತ ಲಕ್ಕ್‌ದ್ ಬೈದಿನಾಯೆಲಾ ಭೂಮಿದ ಅರಸರೆನ್ ಆಳುನಾಯೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್. ಆಯೆ ನಮನ್ ಪ್ರೀತಿ ಮಲ್ಪುನಾಯೆಲಾ, ತನ ನೆತ್ತೆರೆಡ್ದ್ ನಮನ್ ಪಾಪೊಡ್ದು ಬುಡ್ಪಾದಿನಾಯೆಲಾ ಆದುಲ್ಲೆ.

ಪ್ರಕಟಣೆ 11:15

ಬೊಕ್ಕ ಏಳನೇ ದೂತೆ ತುತೂರಿ ಉರ್ಪುನಗ ಪರಲೋಕೊಡು ಮಲ್ಲ ಶಬ್ಧ ಆದ್ ಪಂಡಿನಿ, “ಲೋಕದ ರಾಜ್ಯಾಧಿಕಾರ ನಮ ಕರ್ತವಗ್ಲಾ ಆಯೆ ಅಭಿಷೇಕ ಮಲ್ತಿನಾಯಗ್ಲಾ ಉಂಡಾಂಡ್, ಆಯೆ ಏನಿತ್ಯೇನಿಗ್ಲಾ ಆಳುವೆ,” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 15:1

ಪರಲೋಕೊಡು ಅಚ್ಚಿರದ ಬೊಕ್ಕೊಂಜಿ ಮಲ್ಲ ಗುರ್ತ ಎಂಕ್ ತೋಜ್ಂಡ್. ಏಳ್‌ ಮಂದಿ ದೂತೆರೆ ಕೈಟ್ ಏಳ್‌ ಉಪದ್ರೊಲು ಇತ್ತ್ಂಡ್. ಉಂದು ಕಡೆತ ಉಪದ್ರೊಲು. ಉಂದೆಡ್ದ್ ದೇವೆರೆ ಕೋಪ ಮುಗಿಯುಂಡು.

ಪ್ರಕಟಣೆ 16:1

ಅಪಗ ಆಲಯೊಡ್ದು ಒಂಜಿ ಮಲ್ಲ ಸ್ವರೊನು ಕೇಂಡೆ. ಆ ಏಳ್‌ ದೂತೆರೆಗ್, “ನಿಕುಲು ಪೋದು ಆ ಏಳ್‌ ಬಾಜನೊಡುಪ್ಪು ದೇವೆರೆ ಕೋಪೊನು ಭೂಮಿದ ಮಿತ್ತ್ ಗುಪ್ಪುಲೆ.” ಪಂಡ್ದ್ ಪಂಡ್ಂಡ್.

ಪ್ರಕಟಣೆ 8:13

ಬೊಕ್ಕ ಯಾನ್ ತೂನಗ, ಇಂದಾ ಒಂಜಿ ಗಿಡಿ ನಡು ಬಾನೊಡು ರಾವೊಂದಿತ್ತ್‌ಂಡ್. ಅವು, “ಅಯ್ಯೋ, ಅಯ್ಯೋ, ಅಯ್ಯೋ ಒರಿದಿನ ಮೂಜಿ ದೂತೆರ್ ತನ್ಕುಲೆ ತುತೂರಿ ಉರ್ಪುನಗ ಆಪಿನ ವಿಷಯೊಲೆಡ್ದ್ ಈ ಲೋಕೊಡುಪ್ಪುನಾಕುಲೆಗ್ ಎಂಚಿತ್ತಿ ಆಪತ್ತುಲು ಆಪುಂಡು.” ಅಂದ್‌ದ್ ಮಲ್ಲ ಶಬ್ಧೊಡು ಪನ್ಪಿನೆನ್ ಕೇಂಡೆ.

ಪ್ರಕಟಣೆ 8:6

ಏಳ್‌ ತುತೂರಿಲೆನ್ ಪತ್ತೊಂದಿತ್ತಿ ಏಳ್‌ ದೂತೆರ್ ತುತೂರಿ ಉರ್ಪೆರೆ ತಯಾರ್ ಆಯೆರ್.

ಪ್ರಕಟಣೆ 9:1

ಐನನೇ ದೂತೆ ತುತೂರಿ ಉರ್ಪುನಗ ಬಾನೊಡ್ದು ಒಂಜಿ ಬೊಳ್ಳಿ ಭೂಮಿಗ್ ಬೂರಿನೆನ್ ತೂಯೆ. ಆಯಗ್ ಪಾತಾಳದ ಬೀಗದ ಕೈ ಕೊರ್ತುಂಡು.