ಪ್ರಕಟಣೆ 7:3 - ಪೊಸ ಒಡಂಬಡಿಕೆ

³ “ಉಂತುಲ, ನಮ ದೇವೆರೆ ಸೇವಕೆರೆ ಮುಂಡದ ಮಿತ್ತ್ ಮುದ್ರೆ ಪಾಡುನ ಮುಟ್ಟ ಭೂಮಿಗಾವಡ್, ಕಡಲ್‌ಗಾವಡ್ ಮರಕ್ಲೆಗಾವಡ್ ಕೇಡ್ ಮಲ್ಪಡೆ.”

ಪ್ರಕಟಣೆ 7:3 Iomraidhean Croise

ಮತ್ತಾಯೆ 24:22

ಕರ್ತವೆ ಆ ದಿನೊಕುಲೆನ್ ಕಡಿಮೆ ಮಲ್ತ್‌ಜೆಡ ಒಂಜಿ ನರಪ್ರಾಣಿಲಾ ಬದ್‌ಕಂದ್. ಆಂಡ ತಾನ್ ಅಜತ್ ದೆತ್ತೊಂಡಿನಾಕುಲೆಗಾದ್ ಆ ದಿನೊಕುಲೆನ್ ಕಡಿಮೆ ಮಲ್ಪುವೆ.

ಮತ್ತಾಯೆ 24:31

ಬೊಕ್ಕ ಆಯೆ ತುತೂರಿದ ಮಲ್ಲ ಶಬ್ಧೊಡು ತನ ದೂತೆರೆನ್ ಕಡಪುಡ್ವೆ. ಅಕುಲು ಆಯೆ ಅಜತ್ ದೆತ್ತೊಂಡಿನಾಕುಲೆನ್ ಬಾನದ ಒಂಜಿ ಕಡೆಡ್ದ್ ಬೊಕ್ಕೊಂಜಿ ಕಡೆ ಮುಟ್ಟ ನಾಲ್ ದಿಕ್ಕ್‌ಲೆಡ್ದ್ ಒಟ್ಟು ಕೂಡಾವೆರ್.

ಯೋಹಾನೆ 12:26

ಏರಾಂಡಲಾ ಎನ ಸೇವೆ ಮಲ್ಪುನಾಂಡ, ಎನ ಬೆರಿಯೆ ಬರಡ್; ಬೊಕ್ಕ ಯಾನ್ ಓಲು ಉಪ್ಪುವೆನಾ ಅವುಲು ಎನ ಸೇವಕೆಲಾ ಉಪ್ಪುವೆ. ಏರಾಂಡಲಾ ಎನ ಸೇವೆ ಮಲ್ಪುನಾಂಡ ಎನ ಅಮ್ಮೆ ಆಯಗ್ ಸನ್ಮಾನ ಮಲ್ಪುವೆ.

ಯೋಹಾನೆ 3:33

ಆಯ ಸಾಕ್ಷಿನ್ ನಂಬಿನಾಯೆ ದೇವೆರ್ ಸತ್ಯವಂತೆ ಪನ್ಪಿ ಪಾತೆರೊನು ಮುದ್ರೆ ಒತ್ತುದಿನಾಯೆ ಆದುಲ್ಲೆ.

ರೋಮಾಯೆರೆಗ್ 6:22

ಇತ್ತೆ ಆಂಡಲಾ ನಿಕುಲು ಪಾಪೊಡ್ದು ಬುಡುಗಡೆ ಪಡೆದ್ ದೇವೆರೆಗ್ ಗುಲಾಮೆರ್ ಆಯಿನೆಡ್ದ್ ಪರಿಶುದ್ಧೆರಾಪಿನವೇ ನಿಕ್ಲೆಗ್ ಫಲ. ಕಡೆಕ್ಕ್ ತಿಕ್ಕುನಂಚಿನವು ನಿತ್ಯಜೀವ.

ಪ್ರಕಟಣೆ 13:16

ಬೊಕ್ಕ ಮಲ್ಲಾಕುಲು, ಎಲ್ಯಾಕುಲು ಐಶ್ವರ್ಯವಂತೆರ್, ಬಡವೆರ್, ಸ್ವತಂತ್ರೆರ್, ಗುಲಾಮೆರ್ ಮಾತೆರ್ ತನ್ಕುಲೆ ಬಲ ಕೈತ ಮಿತ್ತಾವಡ್ ಮುಂಡದ ಮಿತ್ತಾವಡ್ ಗುರ್ತ ಪಾಡೊನುಲೆಕ್ಕ ಈ ರಡ್ಡನೆ ಮೃಗ ಮಲ್ಪುಂಡು.

ಪ್ರಕಟಣೆ 13:17

ಆ ಗುರ್ತ ಏರೆಗ್ ಇಜ್ಜಾ, ಅಕುಲು ದೆತ್ತೊನ್ನವು ಆವಡ್, ಮಾರುನವು ಆವಡ್ ಮಲ್ಪೆರೆ ಬಲ್ಲಿ ಪಂಡ್ದ್ ಕಟ್ಟ್ ಮಲ್ಪುಂಡು. ಆ ಗುರ್ತ ಒವು ಪಂಡ್ಂಡ ಸುರುತ್ತ ಮೃಗತ ಪುದರ್ ಅತ್ತ್‌ಡ ಐತ ಪುದರ್‌ನ್ ತೆರಿಪಾವುನ ಅಂಕೆ.

ಪ್ರಕಟಣೆ 14:1

ಯಾನ್ ತೂವನಗ ಯಜ್ಞದ ಕುರಿಯಾದಿತ್ತಿನಾಯೆ ಚೀಯೋನು ಪರ್ವತೊಡು ಉಂತುದಿನೆನ್ ತೂಯೆ. ಆಯಡೊಪ್ಪ ಒಂಜಿ ಲಕ್ಷದ ನಲ್ಪತ್ತನಾಲ್ ಸಾರ ಮಂದಿ ಇತ್ತೆರ್. ಅಕುಲಾಕುಲೆನ ಮುಂಡೊಡು ಆಯನಲಾ ಆಯ ಅಮ್ಮೆರೆನಲಾ ಪುದರ್ ಬರೆದಿತ್ತ್‌ಂಡ್.

ಪ್ರಕಟಣೆ 14:9

ಆಯನ ಪಿರವುಡು ಮೂಜನೆದ ಒರಿ ದೂತೆ ಬತ್ತ್‌ದ್ ಏರಾಂಡಲಾ ಸುರುತ್ತ ಮೃಗೊಕ್ಕುಲಾ ಐತ ಮೂರ್ತಿಗ್ಲಾ ಆರಾಧನೆ ಮಲ್ತ್‌ದ್ ತನ ಮುಂಡದ ಮಿತ್ತಾವಡ್, ಕೈತ ಮಿತ್ತಾವಡ್ ಗುರ್ತ ಪಾಡಾವೊಂಡೆಡ,

ಪ್ರಕಟಣೆ 19:2

ಆಯನ ನ್ಯಾಯತೀರ್ಪು ಸತ್ಯದವುಲಾ ನ್ಯಾಯದವುಲಾ ಆದುಂಡು. ತನ ಹಾದ್ರೊಡ್ದು ಲೋಕೊನು ಪೂರ ಹಾಳ್ ಮಲ್ತ್‌ದಿನ ಆ ಮಲ್ಲ ಮಾನ್ಯ ಕೆಟ್ಟ್‌ದಿ ವೇಶ್ಯೆಗ್ ಆಯೆ ತೀರ್ಪು ಮಲ್ತ್‌ದ್ ಆಲ್ ಆಯ ಸೇವಕೆರೆನ್ ಕೆರಿನೆಕ್ಕಾದ್ ಆಲೆಗ್ ಪಗತೆ ಕೊರ್ದು ತೀರಿಸಾವೊಂಡೆ.”

ಪ್ರಕಟಣೆ 20:4

ಬೊಕ್ಕ ಗದ್ದಿಗೆಲೆನ್ ತೂಯೆ. ಐತ ಮಿತ್ತ್ ಜನೊಕುಲು ಕುಲ್ಲುದಿತ್ತೆರ್. ನ್ಯಾಯತೀರ್ಪು ಮಲ್ಪುನ ಅಧಿಕಾರ ಅಕ್ಲೆಗ್ ಕೊರ್ದಿತ್ತ್‌ಂಡ್. ಬೊಕ್ಕ ಯೇಸುನ ಸಾಕ್ಷಿಗಾದ್ ದೇವೆರೆ ಪಾತೆರೊಗಾದ್ ತರೆ ಕಡ್ತ್‌ದಿನಾಕುಲೆನ ಆತ್ಮೊಲೆನ್ಲಾ ಮೃಗೊಕ್ಲಾ ಐತ ಮೂರ್ತಿಗ್ಲಾ ಅಡ್ಡಬೂರಂದೆ ತನ್ಕುಲೆ ಮುಂಡದ ಮಿತ್ತ್ ಬೊಕ್ಕ ಕೈತ ಮಿತ್ತ್ ಗುರ್ತ ಪಾಡೊನಂದೆ ಉಪ್ಪುನಾಕುಲೆನ್ಲಾ ತೂಯೆ. ಅಕುಲು ಜೀವಾದ್ ಲಕ್ಕ್‌ದ್ ಕ್ರಿಸ್ತಡೊಪ್ಪ ಸಾರ ವರ್ಸ ಆಳಿಯೆರ್.

ಪ್ರಕಟಣೆ 22:4

ಅಕುಲು ಆಯನ ಮೋನೆನ್ ತೂವೆರ್; ಆಯ ಪುದರ್ ಅಕ್ಲೆನ ಮುಂಡೊಡು ಬರೆದುಪ್ಪುಂಡು.

ಪ್ರಕಟಣೆ 6:6

ಬೊಕ್ಕ ನಾಲ್ ಜೀವಿಲೆ ಮದ್ಯೊಡು ಒರಿಯನ ಸ್ವರ ಕೇಂಡ್. “ಅವು ದಿನತ ಕೂಲಿಗ್ ಒಂಜಿ ಸೇರ್ ಗೋದಿ; ಅತ್ತ್‌ಡ ಮೂಜಿ ಸೇರ್ ಜವೆಗೋದಿ. ಆಂಡ ಎಣ್ಣೆನ್ಲಾ ದ್ರಾಕ್ಷಾರಸೊನ್ಲಾ ಕೇಡ್ ಮಲ್ಪಡ.” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 7:1

ಉಂದು ಆಯಿ ಬೊಕ್ಕ ನಾಲ್ ದೂತೆರ್, ಭೂಮಿದ ನಾಲ್ ದಿಕ್ಕ್‌ಲೆಡ್ ಉಂತೊಂದು ಭೂಮಿದ ಮಿತ್ತಾವಡ್, ಕಡಲ್ದ ಮಿತ್ತಾವಡ್, ವಾ ಮರತ ಮಿತ್ತಾವಡ್ ಗಾಳಿ ಬೀಜಂದಿಲೆಕ್ಕ ಭೂಮಿದ ನಾಲ್ ದಿಕ್ಕ್‌ಲೆ ಗಾಳಿಲೆನ್ ತಡೆಪುನೆನ್ ತೂಯೆ.

ಪ್ರಕಟಣೆ 7:2

ಅಪಗ ಮುಡಯಿಡ್ದ್ ಬೊಕ್ಕೊರಿ ದೂತೆ ಜೀವ ಇತ್ತಿ ದೇವೆರೆ ಮುದ್ರೆನ್ ಪತ್ತೊಂದು ಬರ್ಪಿನೆನ್ ತೂಯೆ. ಆಯೆ ಭೂಮಿಗ್ಲಾ ಕಡಲ್‌ಗ್ಲಾ ಕೇಡ್ ಮಲ್ಪುನ ಅಧಿಕಾರ ಪಡೆತಿನ ಆ ನಾಲ್ ದೂತೆರೆಗ್,

ಪ್ರಕಟಣೆ 9:4

ಭೂಮಿದ ಪಜಿರ್‌ಗಾವಡ್, ದೈಕ್ಲೆಗಾವಡ್, ಮರಕ್ಲೆಗಾವಡ್ ಕೇಡ್ ಮಲ್ಪಂದೆ ಮುಂಡದ ಮಿತ್ತ್ ದೇವೆರೆ ಮುದ್ರೆ ಇಜ್ಜಾಂದಿ ನರಮಾನಿಲೆಗ್ ಮಾತ್ರ ಕೇಡ್ ಮಲ್ಪೊಲಿ ಅಂದ್‌ದ್ ಐಕ್ಲೆಗ್ ಅಪ್ಪಣೆ ಆಂಡ್.