ಪ್ರಕಟಣೆ 7:2 - ಪೊಸ ಒಡಂಬಡಿಕೆ

² ಅಪಗ ಮುಡಯಿಡ್ದ್ ಬೊಕ್ಕೊರಿ ದೂತೆ ಜೀವ ಇತ್ತಿ ದೇವೆರೆ ಮುದ್ರೆನ್ ಪತ್ತೊಂದು ಬರ್ಪಿನೆನ್ ತೂಯೆ. ಆಯೆ ಭೂಮಿಗ್ಲಾ ಕಡಲ್‌ಗ್ಲಾ ಕೇಡ್ ಮಲ್ಪುನ ಅಧಿಕಾರ ಪಡೆತಿನ ಆ ನಾಲ್ ದೂತೆರೆಗ್,

ಪ್ರಕಟಣೆ 7:2 Iomraidhean Croise

ಮತ್ತಾಯೆ 16:16

ಸೀಮೋನ್ ಪೇತ್ರೆ, “ಈ ಬರೊಡಾಯಿನ ಕ್ರಿಸ್ತೆ, ಜೀವಸ್ವರೂಪಿ ಆದುಪ್ಪು ದೇವೆರೆ ಮಗೆ,” ಅಂದ್‌ದ್ ಉತ್ತರ ಕೊರಿಯೆ.

ಮತ್ತಾಯೆ 26:63

ಅಪಗ ಪ್ರಧಾನಯಾಜಕೆ, “ನಿಕ್ಕ್ ಜೀವ ಇತ್ತಿ ದೇವೆರೆನ ಆಜ ದೀಪೆ. ಈ ದೇವೆರೆ ಮಗೆ ಆದುಪ್ಪು ಕ್ರಿಸ್ತೆ ಅಂದಾ, ಅತ್ತಾ? ಅಂದ್‌ದ್ ಎಂಕ್ಲೆಗ್ ಈ ಪನೊಡು,” ಪಂಡ್ದ್ ಪನ್ನಗ

ಯೋಹಾನೆ 6:27

ಬೆನ್ಲೆ, ಹಾಳಾದ್ ಪೋಪಿ ತಿನಸ್‌ಗಾದ್ ಬೆನೊಡ್ಚಿ, ನಿತ್ಯಜೀವೊಗು ಒರಿಯು ತಿನಸ್‌ಗಾದ್ ಬೆನ್ಲೆ. ಇಂಚಿತ್ತಿ ತಿನಸ್‌ನ್ ನರಮಾನಿ ಮಗೆ ನಿಕ್ಲೆಗ್ ಕೊರ್ಪೆ. ಐಕಾದೇ ಅಮ್ಮೆ ಆದುಪ್ಪು ದೇವೆರ್ ಆಯಗ್ ಮುದ್ರೆ ಪಾಡ್ದ್ ಅಧಿಕಾರ ಕೊರ್ತೆ.”

2 ಕೊರಿಂಥ್ಯೆರೆಗ್ 1:22

ಆಯೆ ನಂಕ್ ಧನಿ ಆದ್ ಮುದ್ರೆ ಪಾಡ್ದ್ ಪರಿಶುದ್ಧಾತ್ಮನ್ ನಮ ಉಡಲ್‌ಡ್ ಸಂಚಿಕಾರ ಆದ್ ಕೊರ್ತೆ.

ಎಫೆಸ್ಯೆರೆಗ್ 1:13

ಬೊಕ್ಕ ನಿಕುಲುಲಾ ನಿಕ್ಲೆ ರಕ್ಷಣೆದ ಸುವಾರ್ತೆ ಇನ್ಪಿನ ಸತ್ಯದ ಪಾತೆರೊನು ಕೇಂಡ್ದ್, ಕ್ರಿಸ್ತನ್ ನಂಬುನಕುಲಾದ್ ವಾಗ್ದತ್ತ ಆದುಪ್ಪು ಪರಿಶುದ್ಧಾತ್ಮಡ್ದ್ ಮುದ್ರೆಲಾ ಹೊಂದಿಯರ್.

ಎಫೆಸ್ಯೆರೆಗ್ 4:30

ದೇವೆರೆ ಪರಿಶುದ್ಧಾತ್ಮೊಗು ದುಃಖ ಬರ್ಪಾವೊಡ್ಚಿ. ಆಯಡ್ದೇ ಬುಡುಗಡೆದ ದಿನೊಕಾದ್ ಮುದ್ರೆ ಪಡೆವೊಂದರತ್ತಾ?

1 ಥೆಸಲೋನಿಕೆರೆಗ್‌ 1:9

ಎಂಕುಲು ನಿಕ್ಲೆನಡೆ ಬತ್ತಿನಪಗ ನಿಕುಲು ಎಂಕ್ಲೆನ್ ಎಂಚ ಸ್ವೀಕಾರ ಮಲ್ತರ್ ಇನ್ಪಿನೆನ್ ಅಲ್ಪದ ಜನೊಕುಲು ತನ್ಕುಲೇ ಪಾತೆರ್‌ವೆರ್. ಅವು ಅತ್ತಂದೆ ನಿಕುಲು ಎಂಚ ಮೂರ್ತಿಪೂಜೆ ಬುಡ್ದು ದೇವೆರೆ ಕಡೆಕ್ಕ್ ತಿರ್ಗ್‌ದ್ ನಿಜವಾಯಿನ ಜೀವೊಡುಪ್ಪು ದೇವೆರೆನ ಸೇವೆ ಮಲ್ತರ್,

2 ತಿಮೋಥಿ 2:19

ಆಂಡಲಾ ದೇವೆರೆ ಬುನಾದಿ ಸ್ಥಿರ ಆದ್ ಉಂತುದುಂಡು. ಬೊಕ್ಕ, “ಕರ್ತವೆ ತನ್ನಾಯೆ ಪನ್ಪಿನೆನ್ ತೆರಿದೆ. ಕರ್ತವನ ಪುದರ್‌ನ್ ಅರಿಕೆ ಮಲ್ಪುನ ಮಾತೆರ್ಲಾ ಅನ್ಯಾಯೊನು ಬುಡ್ದು ಬುಡೊಡು,” ಅಂದ್‌ದ್ ಐಟ್ಟ್ ಬರೆತಿನ ಉಂಡು.

ಇಬ್ರಿಯೆರೆಗ್ 12:22

ಆಂಡ ನಿಕುಲು ಚೀಯೋನು ಪರ್ವತೊಗ್ಲಾ ಜೀವ ಇತ್ತಿ ದೇವೆರೆ ಪಟ್ಟಣ ಆದುಪ್ಪುನ ಪರಲೋಕದ ಯೆರೂಸಲೇಮುಗ್ಲಾ ಸೇರ್ದುಪ್ಪು ಕೋಟ್ಯಾನುಕೋಟಿ ದೇವದೂತೆರೆ ಕೈತಲ್‌ ಬೈದರ್.

ಪ್ರಕಟಣೆ 1:3

ಈ ಪ್ರವಾದನೆದ ಪಾತೆರೊಲೆನ್ ಓದುನಾಯೆಲಾ, ಓದಿನೆನ್ ಕೇನುನಾಕುಲುಲಾ ಐಟ್ಟ್ ಬರೆತಿ ಪಾತೆರೊಲೆನ್ ಕೈಕೊಂದು ನಡಪುನಾಕುಲುಲಾ ಭಾಗ್ಯವಂತೆರ್‌. ದಾಯೆಗಂದ್ಂಡ ಅವು ನಡಪು ಕಾಲ ಮುಟ್ಟ ಆತ್ಂಡ್.

ಪ್ರಕಟಣೆ 10:1

ಬೊಕ್ಕ ಬಲಿಷ್ಟೆ ಆಯಿ ಬೇತೆ ಒರಿ ದೂತೆ ಮುಗಲ್‌ನ್ ಪೊದೆತೊಂದು ಪರಲೋಕೊಡ್ದು ಜತ್ತ್‌ದ್ ಬರ್ಪಿನೆನ್ ತೂಯೆ. ಆಯ ತರೆತ ಮಿತ್ತ್ ಕಾಮನಬಿಲ್ಲ್ ಇತ್ತ್ಂಡ್. ಆಯನ ಮೋನೆ ಸೂರ್ಯನಲೆಕ್ಕಲಾ ಆಯನ ಕಾರ್ ತೂತ ಕಂಬದಲೆಕ್ಕಲಾ ಇತ್ತ್ಂಡ್

ಪ್ರಕಟಣೆ 10:4

ಆ ತೆಡಿಲ್ ಒಂಜೊಂಜಾದ್ ಸ್ವರ ಕೊರ್ನಗ ಯಾನ್ ಬರೆಯೊಡು ಪಂಡ್ದಿತ್ತೆ. ಆಂಡ “ಆ ಏಳ್‌ ತೆಡಿಲ್ ಸ್ವರ ಮಲ್ಪುನಗ ಈ ಮುದ್ರೆ ಪಾಡ್ದ್ ಅವೆನ್ ಬರೆವಂದೆ ಗುಟ್ಟುಡು ದೀಲ,” ಅಂದ್‌ದ್ ಬಾನೊಡ್ದು ಒಂಜಿ ಸ್ವರ ಕೇಂಡೆ.

ಪ್ರಕಟಣೆ 16:12

ಆಜನೆ ದೂತೆ ತನ ಬಾಜನೊಡಿತ್ತಿನೆನ್ ಯೂಫ್ರೇಟೀಸ್ ಪನ್ಪಿ ಮಲ್ಲ ತುದೆಕ್ ಮೈಪುನಗ ಆ ತುದೆತ ನೀರ್ ಆಜಿದ್ ಪೋಂಡು. ನೆಡ್ದ್ ಮೂಡಾಯಿ ದಿಕ್ಕ್‌ಡ್ದ್ ಬರ್ಪಿ ಅರಸುಗು ಸಾದಿ ತಯಾರಾಂಡ್.

ಪ್ರಕಟಣೆ 5:2

ಉಂದತ್ತಂದೆ ಒರಿ ಬಲಿಷ್ಟೆ ದೂತೆ, “ಈ ಸುರುಳಿನ್ ಗಿರ್ಪೆರೆಗ್ಲಾ ಮುದ್ರೆಲೆನ್ ದರ್ಪೆರೆಗ್ಲಾ ತಕ್ಕದಾಯೆ ಏರ್ ಉಲ್ಲೆರ್?” ಅಂದ್‌ದ್ ಗಟ್ಟಿ ಸ್ವರೊಟ್ಟು ಸಾರಿಯುನೆನ್ ತೂಯೆ.

ಪ್ರಕಟಣೆ 8:3

ಐಡ್ದ್ ಬೊಕ್ಕ ಬೊಕ್ಕೊರಿ ದೂತೆ ಬತ್ತ್‌ದ್ ಬಂಗಾರ್‌ದ ದೂಪಾರತಿನ್ ಪತ್ತೊಂದು ಬಲಿಪೀಠದ ಕೈತಲ್‌ ಉಂತಿಯೆ. ಗದ್ದಿಗೆದ ಎದುರುಡು ಬಂಗಾರ್‌ದ ಬಲಿಪೀಠದ ಮಿತ್ತ್ ಮಾತ ದೇವಜನೊಕುಲೆ ಪ್ರಾರ್ಥನೆಡೊಪ್ಪ ಸಮರ್ಪಣೆ ಮಲ್ಪೆರೆಗಾದ್ ಆಯಗ್ ಮಸ್ತ್ ಲೋಭಾನ ಕೊರ್ದಿತ್ತ್‌ಂಡ್.

ಪ್ರಕಟಣೆ 9:14

ತುತೂರಿನ್ ಪತ್ತೊಂದಿತ್ತಿ ಆಜನೆ ದೂತಗ್, “ಯೂಫ್ರೇಟೀಸ್ ಪನ್ಪಿ ಮಲ್ಲ ತುದೆತಲ್ಪ ಕಟ್ಟ್‌ದಿತ್ತಿ ನಾಲ್ ದೂತೆರೆನ್ ಬುಡುಗಡೆ ಮಲ್ಪುಲ,” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 9:4

ಭೂಮಿದ ಪಜಿರ್‌ಗಾವಡ್, ದೈಕ್ಲೆಗಾವಡ್, ಮರಕ್ಲೆಗಾವಡ್ ಕೇಡ್ ಮಲ್ಪಂದೆ ಮುಂಡದ ಮಿತ್ತ್ ದೇವೆರೆ ಮುದ್ರೆ ಇಜ್ಜಾಂದಿ ನರಮಾನಿಲೆಗ್ ಮಾತ್ರ ಕೇಡ್ ಮಲ್ಪೊಲಿ ಅಂದ್‌ದ್ ಐಕ್ಲೆಗ್ ಅಪ್ಪಣೆ ಆಂಡ್.