ಪ್ರಕಟಣೆ 4:4 - ಪೊಸ ಒಡಂಬಡಿಕೆ

⁴ ಉಂದತ್ತಂದೆ ಐತ ಸುತ್ತಲಾ ಇರ್ವತ್ತನಾಲ್ ಗದ್ದಿಗೆಲು ಇತ್ತ್ಂಡ್. ಆ ಗದ್ದಿಗೆಲೆಡ್ ಬೊಲ್ದು ಕುಂಟು ಪಾಡೊಂದಿತ್ತಿ ಇರ್ವತ್ತನಾಲ್ ಮಂದಿ ಹಿರಿಯೆರ್ ಕುಲ್ಲುದಿತ್ತೆರ್. ಅಕ್ಲೆ ತರೆತ ಮಿತ್ತ್ ಬಂಗಾರ್‌ದ ಕಿರೀಟ ಇತ್ತ್ಂಡ್.

ಪ್ರಕಟಣೆ 4:4 Iomraidhean Croise

ಮತ್ತಾಯೆ 19:28

ಯೇಸು ಅಕ್ಲೆಡ, “ನಿಕ್ಲೆಗ್ ನಿಜಾದ್ ಪನ್ಪೆ. ಪೊಸ ಸೃಷ್ಟಿಡ್ ನರಮಾನಿ ಮಗೆ ತನ ಮೈಮೆದ ಗದ್ದಿಗೆದ ಮಿತ್ತ್ ಕುಲ್ಲುನಗ ಎನ ಬೆರಿಯೆ ಬರ್ಪಿ ನಿಕುಲುಲಾ ಪದ್ರಾಡ್ ಗದ್ದಿಗೆಡ್ ಕುಲ್ಲೊಂದು ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ನ್ಯಾಯತೀರ್ಪು ಮಲ್ಪುವರ್.

ಲೂಕೆ 22:30

ಎನ ರಾಜ್ಯೊಡು ನಿಕುಲು ಎನ ಮೇಜಿಡ್ ವಣಸ್ ಮಲ್ಪುವರ್, ಪರ್ಪರ್; ಬೊಕ್ಕ ಗದ್ದಿಗೆಡ್ ಕುಲ್ಲೊಂದು ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ನ್ಯಾಯತೀರ್ಪು ಮಲ್ಪುವರ್.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

ಪ್ರಕಟಣೆ 11:16

ಐಡ್ದ್ ಬೊಕ್ಕ ದೇವೆರೆ ಎದುರುಡು ಗದ್ದಿಗೆಡ್ ಕುಲ್ಲುದಿತ್ತಿನ ಇರ್ವತ್ತನಾಲ್ ಹಿರಿಯೆರ್ ಅಡ್ಡಬೂರ್ದು,

ಪ್ರಕಟಣೆ 14:3

ಅಕುಲು ಗದ್ದಿಗೆದ ಎದುರುಡ್ಲಾ ಆ ನಾಲ್ ಜೀವಿಲೆ ಬೊಕ್ಕ ಹಿರಿಯಾಕುಲೆ ಎದುರುಡ್ಲಾ ಪೊಸ ಪದ ಪಂಡೆರ್. ಭೂಲೋಕದ ಉಲಯಿಡ್ದ್ ದೆತ್ತೊಂಡಿನ ಆ ಒಂಜಿ ಲಕ್ಷದ ನಲ್ಪತ್ತನಾಲ್ ಸಾರ ಜನೊಕುಲೆ ಅತ್ತಂದೆ ಬೇತೆ ಏರ್ಲಾ ಆ ರಾಗೊನು ಕಲ್ಪೆರೆ ಆವಂದ್.

ಪ್ರಕಟಣೆ 19:14

ಪರಲೋಕೊಡುಪ್ಪು ಸೈನ್ಯದಾಕುಲು ಶುದ್ಧ ಬೊಲ್ದು ಎಡ್ಡೆ ನಾರ್‌ಮಡಿತ ಕುಂಟು ಪಾಡೊಂದು ಬೊಲ್ದು ಕುದುರೆಲೆ ಮಿತ್ತ್ ಕುಲ್ಲೊಂದು ಆಯ ಬೆರಿಯೆ ಬರೊಂದಿತ್ತೆರ್.

ಪ್ರಕಟಣೆ 19:4

ಅಪಗ ಇರ್ವತ್ತನಾಲ್ ಹಿರಿಯೆರ್‌ಲಾ ಆ ನಾಲ್ ಜೀವಿಲುಲಾ ಅಡ್ಡಬೂರ್ದು ಗದ್ದಿಗೆಡಿತ್ತಿನ ದೇವೆರೆನ್ ಆರಾಧನೆ ಮಲ್ತ್‌ದ್, “ಆಮೆನ್, ಹಲ್ಲೆಲೂಯಾ,” ಪಂಡೆರ್.

ಪ್ರಕಟಣೆ 2:10

ನಿಕ್ಕ್ ಬರ್ಪಿನಂಚಿತ್ತಿ ಭಂಗೊಗಾದ್ ಪೋಡ್ಯಡ. ಇಂದಾ! ನಿಕ್ಲೆಡ್ ಕೆಲೆವೆರೆನ್ ಪರೀಕ್ಷೆ ಮಲ್ಪೆರೆಗಾದ್ ಸೈತಾನೆ ಸೆರೆಮನೆಟ್ ಪಾಡುವೆ. ಪತ್ತ್ ದಿನ ಸಂಕಟ ಉಪ್ಪು. ಮರಣ ಬತ್ತ್‌ಂಡಲಾ ನಂಬಿಗಸ್ತೆ ಆದುಪ್ಪುಲ. ಯಾನ್ ನಿಕ್ಕ್ ಜೀವದ ಕಿರೀಟೊನು ಕೊರ್ಪೆ.

ಪ್ರಕಟಣೆ 20:4

ಬೊಕ್ಕ ಗದ್ದಿಗೆಲೆನ್ ತೂಯೆ. ಐತ ಮಿತ್ತ್ ಜನೊಕುಲು ಕುಲ್ಲುದಿತ್ತೆರ್. ನ್ಯಾಯತೀರ್ಪು ಮಲ್ಪುನ ಅಧಿಕಾರ ಅಕ್ಲೆಗ್ ಕೊರ್ದಿತ್ತ್‌ಂಡ್. ಬೊಕ್ಕ ಯೇಸುನ ಸಾಕ್ಷಿಗಾದ್ ದೇವೆರೆ ಪಾತೆರೊಗಾದ್ ತರೆ ಕಡ್ತ್‌ದಿನಾಕುಲೆನ ಆತ್ಮೊಲೆನ್ಲಾ ಮೃಗೊಕ್ಲಾ ಐತ ಮೂರ್ತಿಗ್ಲಾ ಅಡ್ಡಬೂರಂದೆ ತನ್ಕುಲೆ ಮುಂಡದ ಮಿತ್ತ್ ಬೊಕ್ಕ ಕೈತ ಮಿತ್ತ್ ಗುರ್ತ ಪಾಡೊನಂದೆ ಉಪ್ಪುನಾಕುಲೆನ್ಲಾ ತೂಯೆ. ಅಕುಲು ಜೀವಾದ್ ಲಕ್ಕ್‌ದ್ ಕ್ರಿಸ್ತಡೊಪ್ಪ ಸಾರ ವರ್ಸ ಆಳಿಯೆರ್.

ಪ್ರಕಟಣೆ 3:18

ಈ ಐಶ್ವರ್ಯವಂತೆ ಆಪಿಲೆಕ್ಕ ತೂಟು ಶುದ್ಧ ಮಲ್ತಿನ ಬಂಗಾರ್‌ನ್ಲಾ, ನಿನ ಬತ್ತಲೆನ್ ಮದೆ ಮಲ್ಪರೆ ಬೊಲ್ದು ಕುಂಟುನ್ಲಾ, ಕಣ್ಣ್ ತೋಜುಲೆಕ್ಕ ನಿನ ಕಣ್ಣ್‌ಗ್ ಪೂಜೆರೆಗಾದ್ ಅಂಜನೊನ್ಲಾ ಎನಡ್ದ್ ಕ್ರಯೊಕು ದೆತ್ತೊನೊಡು ಅಂದ್‌ದ್ ನಿಕ್ಕ್ ಬುದ್ಧಿ ಪನ್ಪೆ.

ಪ್ರಕಟಣೆ 4:10

ಆ ಇರ್ವತ್ತನಾಲ್ ಮಂದಿ ಹಿರಿಯೆರ್ ಗದ್ದಿಗೆದ ಮಿತ್ತ್ ಕುಲ್ಲುದಿನಾಯನ ಕಾರ್‌ಗ್ ಅಡ್ಡಬೂರ್ದು ಏನಿತ್ಯೇನಿಗ್ಲಾ ಬದುಕುನಾಯಗ್ ಆರಾಧನೆ ಮಲ್ತ್‌ದ್ ತನ್ಕುಲೆ ಕಿರೀಟೊಲೆನ್ ಆ ಗದ್ದಿಗೆದ ಎದುರುಡು ದೀದ್,

ಪ್ರಕಟಣೆ 4:6

ಉಂದತ್ತಂದೆ ಗದ್ದಿಗೆದ ಎದುರುಡು ಸ್ಫಟಿಕದಂಚಿನ ಕನ್ನಡಿದ ಕಡಲ್ ಇತ್ತಿಲೆಕ್ಕ ತೋಜಿದ್ ಬತ್ತ್ಂಡ್. ಗದ್ದಿಗೆದ ನಡುಟ್ಲಾ ಗದ್ದಿಗೆದ ಸುತ್ತಲಾ ನಾಲ್ ಕಡೆಟ್ಲಾ ನಾಲ್ ಜೀವಿಲು ಇತ್ತ. ಐಕ್ಲೆಗ್ ದುಂಬು ಪಿರವು ಕಣ್ಣುಲು ಇತ್ತ್ಂಡ್.

ಪ್ರಕಟಣೆ 5:11

ಉಂದತ್ತಂದೆ, ಯಾನ್ ತೂವನಗ ಗದ್ದಿಗೆ, ನಾಲ್ ಜೀವಿಲು ಬೊಕ್ಕ ಹಿರಿಯಾಕುಲೆ ಸುತ್ತಲಾ ಉಂತುದಿತ್ತಿ ಮಸ್ತ್ ದೂತೆರೆ ಸ್ವರೊನು ಕೇಂಡೆ. ಅಕ್ಲೆನ ಸಂಖ್ಯೆ ಕೋಟಿಗಟ್ಲೆಲಾ ಲಕ್ಷಗಟ್ಲೆಲಾ ಇತ್ತ್ಂಡ್.

ಪ್ರಕಟಣೆ 5:14

ಅಪಗ ಆ ನಾಲ್ ಜೀವಿಲು “ಆಮೆನ್!” ಅಂದ್‌ದ್ ಪಂಡ. ಬೊಕ್ಕ ಹಿರಿಯಾಕುಲು ಅಡ್ಡಬೂರ್ದು ಆರಾಧನೆ ಮಲ್ತೆರ್.

ಪ್ರಕಟಣೆ 5:6

ಬೊಕ್ಕ ಯಾನ್ ಗದ್ದಿಗೆಲಾ ನಾಲ್ ಜೀವಿಲು ಇತ್ತಿ ಜಾಗ್‌ಗ್ಲಾ ಹಿರಿಯೆರ್ ಇತ್ತಿ ಜಾಗ್‌ಗ್ಲಾ ನಡುಟು ಯಜ್ಞದ ಒಂಜಿ ಕುರಿತ ಕಿನ್ನಿ ಉಂತುದಿನೆನ್ ತೂಯೆ. ಐಕ್ ಏಳ್‌ ಕೊಂಬುಲಾ ಏಳ್‌ ಕಣ್ಣ್‌ಲಾ ಇತ್ತ್ಂಡ್. ಅವು ಭೂಮಿದ ಮಾತ ಕಡೆಕ್ಕ್, ಕಡಪುಡ್ದಿನ ದೇವೆರೆ ಏಳ್‌ ಆತ್ಮೊಲು ಆದಿತ್ತ್ಂಡ್.

ಪ್ರಕಟಣೆ 5:8

ಆಯೆ ಸುರುಳಿನ್ ದೆತ್ತೊಂಡಿನಪಗ ಆ ನಾಲ್ ಜೀವಿಲುಲಾ ಇರ್ವತ್ತನಾಲ್ ಮಂದಿ ಹಿರಿಯೆರ್‌ಲಾ ಯಜ್ಞದ ಕುರಿತ ಕಿನ್ನಿದ ಎದುರು ಅಡ್ಡಬೂರ್ಯೆರ್. ಹಿರಿಯೆರೆನ ಕೈಟ್ ವೀಣೆಲಾ ದೇವಜನೊಕುಲೆ ಪ್ರಾರ್ಥನೆ ಪನ್ಪಿನ ದೂಪೊಡ್ದು ದಿಂಜಿದಿ ಬಂಗಾರ್‌ದ ಧೂಪದ ಬಾಜನಲಾ ಇತ್ತ್ಂಡ್.

ಪ್ರಕಟಣೆ 6:11

ಅಪಗ ಅಕ್ಲೆಡ್ ಒರಿ ಒರಿಯಗ್ ಒಂಜೊಂಜಿ ಬೊಲ್ದು ಅಂಗಿನ್ ಕೊರ್ದಿತ್ತೆರ್. ಉಂದತ್ತಂದೆ ನಿಕ್ಲೆ ಲೆಕ್ಕ ಸೈಯೊಡಾಪಿ ನಿಕ್ಲೆನ ಸಹೋದ್ರೆರ್ ಬೊಕ್ಕ ನಿಕ್ಲೆನ ಜತೆಸೇವಕೆರೆನ ಪಟ್ಟಿ ಪೂರ್ತಿ ಆಪಿನೆಟ್ಟ ನನಲಾ ಒಂತೆ ಕಾಪುಲೆ ಅಂದ್‌ದ್ ಅಕ್ಲೆಗ್ ಅಪ್ಪಣೆ ಆಂಡ್.

ಪ್ರಕಟಣೆ 7:11

ಅಪಗ ಮಾತ ದೂತೆರ್‌ಲಾ, ಹಿರಿಯೆರ್‌ಲಾ ಬೊಕ್ಕ ಆ ನಾಲ್ ಜೀವಿಲು ಗದ್ದಿಗೆದ ಸುತ್ತಲಾ ಉಂತೊಂದಿತ್ತೆರ್. ಅಕುಲು ಗದ್ದಿಗೆದ ಎದುರುಡು ಅಡ್ಡಬೂರ್ದು ದೇವೆರೆನ್ ಆರಾಧನೆ ಮಲ್ತೆರ್.

ಪ್ರಕಟಣೆ 7:9

ಉಂದೆಡ್ದ್ ಬೊಕ್ಕ ಯಾನ್ ಏರೆಡಲಾ ಗೆನ್ಪೆರೆ ತೀರಂದಿನಾತ್ ಮಲ್ಲ ಜನೊಕುಲೆ ಗುಂಪು ಗದ್ದಿಗೆದ ಎದುರುಡ್ಲಾ ಯಜ್ಞದ ಕುರಿತ ಕಿನ್ನಿದ ಎದುರುಡ್ಲಾ ಉಂತುದಿತ್ತಿನೆನ್ ತೂಯೆ. ಅಕುಲು ಮಾತ ಜನಾಂಗ, ಗೋತ್ರ, ಪ್ರಜೆ, ಭಾಷೆ, ಪಾತೆರುನಾಕುಲು ಆದಿತ್ತೆರ್. ಅಕುಲು ಬೊಲ್ದು ಅಂಗಿನ್ ಪಾಡೊಂದು ತನ್ಕುಲೆ ಕೈಟ್ ಖರ್ಜೂರದ ಗೆಲ್ಲ್‌ಲೆನ್ ಪತ್ತೊಂದಿತ್ತೆರ್.

ಪ್ರಕಟಣೆ 9:7

ಆ ಮೊಂಟೆಲೆ ರೂಪ ಯುದ್ಧೊಗು ತಯಾರಾದುಪ್ಪು ಕುದುರೆಲೆ ರೂಪದ ಲೆಕ್ಕ ಇತ್ತ್ಂಡ್. ಐಕ್ಲೆ ತರೆತ ಮಿತ್ತ್ ಬಂಗಾರ್‌ದ ಕಿರೀಟದಲೆಕ್ಕ ದಾದವಾ ಇತ್ತ್ಂಡ್. ಐಕ್ಲೆ ಮೋನೆಲು ನರಮಾನಿಲೆ ಮೋನೆದ ಲೆಕ್ಕ ಇತ್ತ್ಂಡ್.