ಪ್ರಕಟಣೆ 4:2 - ಪೊಸ ಒಡಂಬಡಿಕೆ

² ಕೂಡ್ಲೇ ಯಾನ್ ದೇವೆರಾತ್ಮನ ವಶ ಆಯೆ. ಅಪಗ ಇಂದಾ, ಪರಲೋಕೊಡು ಒಂಜಿ ಗದ್ದಿಗೆ ಇತ್ತ್ಂಡ್, ಗದ್ದಿಗೆದ ಮಿತ್ತ್ ಒರಿ ಕುಲ್ಲೊಂದಿತ್ತೆ.

ಪ್ರಕಟಣೆ 4:2 Iomraidhean Croise

ಇಬ್ರಿಯೆರೆಗ್ 8:1

ಎಂಕುಲು ಇತ್ತೆ ಪನ್ಪಿ ಸಂಗತಿಲೆಡ್ ಮುಖ್ಯವಾಯಿನ ಪಾತೆರ ದಾನೆಂದ್ಂಡ, ಪರಲೋಕದುಲಯಿ ಘನ ಇತ್ತಿ ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದಿ ಪ್ರಧಾನಯಾಜಕೆ ನಂಕುಲ್ಲೆ.

ಪ್ರಕಟಣೆ 1:10

ಯಾನ್ ಕರ್ತವ ದಿನೊಟು ದೇವೆರಾತ್ಮೊಡು ವಶ ಆದಿತ್ತ್‌ದ್ ಎನ ಪಿರವುಡು ತುತೂರಿದಲೆಕ್ಕನೇ ಮಲ್ಲ ಸ್ವರೊನು ಕೇಂಡೆ.

ಪ್ರಕಟಣೆ 12:5

ಆಲ್ ಲೋಕದ ಮಾತ ಜನಾಂಗೊಲೆನ್ ಕರ್ಬದ ಕೋಲುಡ್ದು ಆಳುನ ಮಗನ್ ಪೆದ್ದಿಯಲ್. ಅಪಗ ಪಕ್ಕನೆ ಆ ಬಾಲೆನ್ ದೇವೆರೆ ಕಡೆಕ್ಲಾ ತನ ಗದ್ದಿಗೆದ ಕಡೆಕ್ಲಾ ಒಯ್ತೊಂಡು.

ಪ್ರಕಟಣೆ 17:3

ಅಪಗ ಆಯೆ ದೇವೆರಾತ್ಮ ದಿಂಜಿದ್ ಎನನ್ ದೆರ್ತೊಂದು ಕಾಡ್‌ಗ್ ಪೋಯೆ. ಅಲ್ಪ ಯಾನ್ ಕೆಂಪು ಬಣ್ಣದ ಮೃಗತ ಮಿತ್ತ್ ಕುಲ್ಲೊಂದಿತ್ತಿ ಒಂಜಿ ಪೊಂಜೊವುನು ತೂಯೆ. ದೇವೆರೆನ ದೂಷಣೆ ಮಲ್ಪು ಪುದರ್‌ಲು ಆ ಮೃಗತ ಮೈಟ್ ದಿಂಜಿದಿತ್ತ್ಂಡ್. ಐಕ್ ಏಳ್‌ ತರೆಲಾ ಪತ್ತ್ ಕೊಂಬುಲುಲಾ ಇತ್ತ್ಂಡ್.

ಪ್ರಕಟಣೆ 19:4

ಅಪಗ ಇರ್ವತ್ತನಾಲ್ ಹಿರಿಯೆರ್‌ಲಾ ಆ ನಾಲ್ ಜೀವಿಲುಲಾ ಅಡ್ಡಬೂರ್ದು ಗದ್ದಿಗೆಡಿತ್ತಿನ ದೇವೆರೆನ್ ಆರಾಧನೆ ಮಲ್ತ್‌ದ್, “ಆಮೆನ್, ಹಲ್ಲೆಲೂಯಾ,” ಪಂಡೆರ್.

ಪ್ರಕಟಣೆ 20:11

ಐಡ್ದ್ ಬೊಕ್ಕ ಬೊಲ್ಲನೆದ ಮಲ್ಲ ಗದ್ದಿಗೆನ್ಲಾ ಐಟ್ಟ್ ಕುಲ್ಲುದಿನಾಯನ್ಲಾ ತೂಯೆ. ಆಯನ ಎದುರುಡ್ದು ಭೂಮಿಲಾ ಬಾನಲಾ ಪಾರ್‌ಪೋದು ತೋಜಂದಿಲೆಕ್ಕ ಆಂಡ್.

ಪ್ರಕಟಣೆ 21:10

ಬೊಕ್ಕ ಆಯೆ ಎನನ್ ಆತ್ಮೊಡು ಮಲ್ಲ ಎತ್ತರದ ಒಂಜಿ ಪರ್ವತದ ಮಿತ್ತ್ ಲೆತ್ತೊಂದು ಪೋದು, ಪರಿಶುದ್ಧ ಪಟ್ಟಣ ಆದುಪ್ಪು ಯೆರೂಸಲೇಮು ಪರಲೋಕೊಡ್ದು ದೇವೆರೆ ಕಡೆಡ್ದ್ ಜತ್ತೊಂದು ಬರ್ಪಿನೆನ್ ಎಂಕ್ ತೋಜಾಯೆ.

ಪ್ರಕಟಣೆ 21:5

ಬೊಕ್ಕ ಗದ್ದಿಗೆಡ್ ಕುಲ್ಲುದಿನಾಯೆ ಪಂಡೆ, “ಇಂದಾ ಯಾನ್ ಮಾತೆನ್ಲಾ ಪೊಸತ್ತ್ ಮಲ್ಪುವೆ.” ಬೊಕ್ಕ ಆಯೆ ಎಂಕ್ ಪಂಡೆ, “ಉಂದೆನ್ ಬರೆಲ, ದಾಯೆಗಂದ್ಂಡ ಯಾನ್ ಪನ್ಪಿನ ಪಾತೆರೊಲು ನಂಬಿಕೆದವುಲಾ ಸತ್ಯದವುಲಾ ಆದುಂಡು.”

ಪ್ರಕಟಣೆ 3:21

ಯಾನ್ ಗೆಂದ್‌ದ್ ಎನ ಅಮ್ಮೆರೆಡೊಪ್ಪ ಗದ್ದಿಗೆಡ್ ಕುಲ್ಲಿನಂಚೆನೇ, ಗೆಂದಿನಾಯಗ್ ಎನಡೊಪ್ಪ ಗದ್ದಿಗೆಡ್ ಕುಲ್ಲುಲೆಕ್ಕ ಮಲ್ಪುವೆ.

ಪ್ರಕಟಣೆ 4:10

ಆ ಇರ್ವತ್ತನಾಲ್ ಮಂದಿ ಹಿರಿಯೆರ್ ಗದ್ದಿಗೆದ ಮಿತ್ತ್ ಕುಲ್ಲುದಿನಾಯನ ಕಾರ್‌ಗ್ ಅಡ್ಡಬೂರ್ದು ಏನಿತ್ಯೇನಿಗ್ಲಾ ಬದುಕುನಾಯಗ್ ಆರಾಧನೆ ಮಲ್ತ್‌ದ್ ತನ್ಕುಲೆ ಕಿರೀಟೊಲೆನ್ ಆ ಗದ್ದಿಗೆದ ಎದುರುಡು ದೀದ್,

ಪ್ರಕಟಣೆ 4:5

ಗದ್ದಿಗೆಡ್ದ್ ಮಿಂಚಿದ ಬೊಲ್ಪುಲಾ ತೆಡಿಲ್‌ದ ಶಬ್ಧಲಾ ಬರೊಂದಿತ್ತ್‌ಂಡ್. ಗದ್ದಿಗೆದ ಎದುರುಡು ಏಳ್‌ ತೂಟೆ ಅರ್ಲೊಂದಿತ್ತ್‌ಂಡ್, ಅವು ದೇವೆರೆ ಏಳ್‌ ಆತ್ಮೊಲು.

ಪ್ರಕಟಣೆ 4:9

ಏನಿತ್ಯೇನಿಗ್ಲಾ ಬದುಕುನಾಯೆ ಆದ್ ಗದ್ದಿಗೆದ ಮಿತ್ತ್ ಕುಲ್ಲುದಿನಾಯಗ್ ಆ ನಾಲ್ ಜೀವಿಲು ಮೈಮೆ, ಮಾನ, ಉಪಕಾರ ಸಂದಾವೊಂದಿತ್ತ್‌ಂಡ್.

ಪ್ರಕಟಣೆ 5:1

ಬೊಕ್ಕ ಗದ್ದಿಗೆಡ್ ಕುಲ್ಲುದಿತ್ತಿನಾಯನ ಬಲತ್ತ ಕೈಟ್ ಒಂಜಿ ಸುರುಳಿನ್ ತೂಯೆ. ಆ ಸುರುಳಿದ ರಡ್ಡ್ ಮರ್ಗಿಲ್‌ಡ್ಲಾ ಬರೆದಿತ್ತ್‌ಂಡ್. ಅವೆನ್ ಏಳ್‌ ಮುದ್ರೆಲೆಡ್ ಬಂದ್ ಮಲ್ತ್‌ದಿತ್ತೆರ್

ಪ್ರಕಟಣೆ 5:13

ಉಂದತ್ತಂದೆ ಪರಲೋಕೊಡ್ಲಾ, ಭೂಮಿದ ಮಿತ್ತ್‌ಲಾ, ಭೂಮಿದ ತಿರ್ತ್‌ಲಾ ಕಡಲ್ದ ಮಿತ್ತ್‌ಲಾ ಉಪ್ಪು ಮಾತ ಸೃಷ್ಟಿಲು ಅಂದ್ಂಡ ಭೂಮಿಡ್, ಬಾನೊಡು, ಕಡಲ್ಡ್ ಉಪ್ಪು ಮಾತಲಾ, “ಗದ್ದಿಗೆಡ್ ಕುಲ್ಲ್‌ದಿನಾಯಗ್ಲಾ ಯಜ್ಞದ ಕುರಿತ ಕಿನ್ನಿಗ್ಲಾ ಆಶೀರ್ವಾದ, ಮಾನ, ಮೈಮೆ, ತ್ರಾಣ ಏನಿತ್ಯೇನಿಗ್ಲಾ ಉಪ್ಪಡ್,” ಅಂದ್‌ದ್ ಪನ್ಪಿನೆನ್ ಕೇಂಡೆ.

ಪ್ರಕಟಣೆ 6:16

ಅಕುಲು ಬುಲ್ತುದು ಗುಡ್ಡೆಲೆಗ್ ಪಾದೆಲೆಗ್, “ಎಂಕ್ಲೆನ ಮಿತ್ತ್ ಬೂರ್ದು ಎಂಕ್ಲೆನ್ ಮದೆ ಮಲ್ಪುಲೆ. ಗದ್ದಿಗೆದ ಮಿತ್ತ್ ಕುಲ್ಲುದಿತ್ತಿನಾಯನ ಮೋನೆಡ್ದ್‌ಲಾ ಕುರಿತ ಕಿನ್ನಿ ಆದಿತ್ತಿನಾಯನ ಕೋಪೊಡ್ದುಲಾ ಎಂಕ್ಲೆನ್ ಮದೆ ಮಲ್ಪುಲೆ.