ಪ್ರಕಟಣೆ 4:1 - ಪೊಸ ಒಡಂಬಡಿಕೆ

¹ ಐಡ್ದ್ ಬೊಕ್ಕ ಯಾನ್ ಪರಲೋಕೊಡು ಒಂಜಿ ಬಾಕಿಲ್ ಜತ್ತ್‌ದಿನೆನ್ ತೂಯೆ. ಯಾನ್ ಸುರುಟ್ಟು ಕೇಂಡ್ದಿ ಪಾತೆರ, ಅವು ಎನಡ ತುತೂರಿದ ಲೆಕ್ಕನೆ ಪಾತೆರೊಂದುಪ್ಪುನೆನ್ ಕೇಂಡೆ. ಆ ಸ್ವರ ಪಂಡ್ಂಡ್, “ಇಡೆಗ್ ಮಿತ್ತ್ ಬಲ; ಉಂದೆಡ್ದ್ ಬೊಕ್ಕ ನಡಪೆರೆ ಉಪ್ಪುನೆನ್ ನಿಕ್ಕ್ ತೋಜಾವೆ.”

ಪ್ರಕಟಣೆ 4:1 Iomraidhean Croise

ಮತ್ತಾಯೆ 3:16

ಯೇಸು ದೀಕ್ಷಾಸ್ನಾನ ದೆತ್ತೊಂಡಿ ಬೊಕ್ಕ ನೀರ್‌ಡ್ದ್ ಮಿತ್ತ್ ಬತ್ತಿ ಕೂಡ್ಲೆ, ಇಂದಾ, ಆಯಗ್ ಪರಲೋಕ ಜತ್ತ್ಂಡ್, ಬೊಕ್ಕ ದೇವೆರೆ ಆತ್ಮ ಪಾರಿವಾಳದ ರೂಪೊಡು ಆಯನ ಮಿತ್ತ್ ಜಪ್ಪುನೆನ್ ಯೋಹಾನೆ ತೂಯೆ.

ಮಾರ್ಕೆ 1:10

ಯೇಸು ನೀರ್‌ದುಲಯಿಡ್ದ್ ಮಿತ್ತ್ ಬತ್ತಿನಪಗ ಪರಲೋಕ ಜತ್ತ್ಂಡ್, ಬೊಕ್ಕ ದೇವೆರಾತ್ಮ ಪಾರಿವಾಳದ ರೂಪೊಡು ಆಯ ಮಿತ್ತ್ ಜಪ್ಪುನೆನ್ ಯೋಹಾನೆ ತೂಯೆ.

ಲೂಕೆ 3:21

ಜನೊಕುಲು ಮಾತೆರ್ ದೀಕ್ಷಾಸ್ನಾನ ದೆತ್ತೊಂದುಪ್ಪುನಗ ಯೇಸುಲಾ ನೀರ್‌ದ ದೀಕ್ಷಾಸ್ನಾನ ದೆತ್ತೊಂದು ಪ್ರಾರ್ಥನೆ ಮಲ್ತೊಂದುಪ್ಪುನಗ ಪರಲೋಕ ಜತ್ತ್ಂಡ್.

ಯೋಹಾನೆ 16:13

ಸತ್ಯದ ಆತ್ಮೆ ಬನ್ನಗ ಆಯೆ ನಿಕ್ಲೆನ್ ಮಾತ ಸಂಗತಿಲೆಡ್ ಸತ್ಯೊಗು ಸೇರಾವೆ; ಆಯೆ ತನ ಸಂಗತಿಡೇ ಪಾತೆರಂದೆ ತಾನ್ ಕೇಂಡಿನ ಪಾತೆರೊಲೆನೇ ಪನ್ಪೆ, ಅತ್ತಂದೆ ದುಂಬಗ್ ಆಪಿನೆನ್ ನಿಕ್ಲೆಗ್ ತೆರಿಪಾವೆ.

ಅಪೊ.ಕ್ರಿ 10:11

ಅಪಗ ಒಂಜಿ ದರ್ಶನ ಆಂಡ್. ಆಯೆ ಬಾನ ಜತ್ತ್‌ದ್ ನಾಲ್ ಮೂಲೆಲಿತ್ತಿ ಮಲ್ಲ ಮಂದ್ರಿದ ಲೆಕ್ಕನೆ ಇತ್ತಿ ಜೋಳಿಗೆ ಭೂಮಿದ ತಿರ್ತ್ ಬರ್ಪಿನೆನ್ ತೂಯೆ.

ಅಪೊ.ಕ್ರಿ 7:56

ತೂಲೆ, ಪರಲೋಕ ಜತ್ತ್‌ದುಪ್ಪುನೆನ್‌ಲಾ ನರಮಾನಿ ಮಗೆ ದೇವೆರೆ ಬಲತ್ತ ಮರ್ಗಿಲ್‌ಡ್ ಉಂತುದಿನೆನ್ಲಾ ತೂಪೆ ಅಂದ್‌ದ್ ಪಂಡೆ.

ಪ್ರಕಟಣೆ 1:10

ಯಾನ್ ಕರ್ತವ ದಿನೊಟು ದೇವೆರಾತ್ಮೊಡು ವಶ ಆದಿತ್ತ್‌ದ್ ಎನ ಪಿರವುಡು ತುತೂರಿದಲೆಕ್ಕನೇ ಮಲ್ಲ ಸ್ವರೊನು ಕೇಂಡೆ.

ಪ್ರಕಟಣೆ 1:12

ಎನಡ ಪಾತೆರೊಂದಿತ್ತಿ ಸ್ವರ ಏರೆನವು ಅಂದ್‌ದ್ ತೂವೆರೆ ಯಾನ್ ಪಿರ ತಿರ್ಗಿಯೆ, ತಿರ್ಗಿನಪಗ ಏಳ್‌ ಬಂಗಾರ್‌ದ ದೀಪಕಂಬೊಲೆನ್ ತೂಯೆ.

ಪ್ರಕಟಣೆ 1:19

ಐಡ್ದಾವರ ಈ ತೂಯಿನೆನ್ಲಾ ಇತ್ತೆ ನಡಪುನೆನ್ಲಾ ದುಂಬಗ್ ಆವೊಡಾಯಿನೆನ್ಲಾ ಬರೆಲ.

ಪ್ರಕಟಣೆ 11:12

ಬೊಕ್ಕ ಅಕ್ಲೆಗ್, “ಮುಲ್ಪ ಮಿತ್ತ್ ಬಲೆ,” ಪನ್ಪಿ ಸ್ವರ ಬಾನೊಡ್ದು ಪಂಡ್ಂಡ್. ಅವೆನ್ ಅಕುಲು ಕೇಂಡ್ದ್ ಅಕ್ಲೆನ ಪಗೆಮಾನಿಲು ತೂವೊಂದಿತ್ತಿಲೆಕ್ಕನೇ ಮುಗಲ್‌ಡ್ ಪರಲೋಕೊಗು ಏರ್ದ್ ಪೋಯೆರ್.

ಪ್ರಕಟಣೆ 11:19

ಅಪಗ ಪರಲೋಕೊಡುಪ್ಪು ದೇವೆರೆ ಆಲಯ ಜತ್ತ್ಂಡ್. ಆಯನ ಆಲಯೊಡು ಆಯ ಒಡಂಬಡಿಕೆದ ಮಂಜೂಷ ತೋಜ್ಂಡ್. ಉಂದತ್ತಂದೆ ಮಿಂಚಿ, ಶಬ್ಧ, ತೆಡಿಲ್, ಭೂಕಂಪ, ಮಲ್ಲ ಆನೆಕಲ್ಲ್‌ದ ಬರ್ಸ ಉಂಡಾಂಡ್.

ಪ್ರಕಟಣೆ 16:17

ಏಳನೇ ದೂತೆ ತನ ಬಾಜನೊಡಿತ್ತಿನೆನ್ ಗಾಳಿ ಮಂಡಲದ ಮಿತ್ತ್ ಮೈಪುನಗ ಆಲಯೊಡುಪ್ಪು ಗದ್ದಿಗೆದ ಕಡೆಡ್ದ್ ಮಲ್ಲ ಶಬ್ಧ ಉಂಡಾದ್, “ಮುಗಿಂಡ್” ಪಂಡ್ದ್ ಪಂಡ್ಂಡ್.

ಪ್ರಕಟಣೆ 19:11

ಬೊಕ್ಕ ಪರಲೋಕ ಜತ್ತ್‌ದುಪ್ಪುನೆನ್ ಯಾನ್ ತೂಯೆ. ಅಪಗ ಇಂದಾ ಒಂಜಿ ಬೊಲ್ದು ಕುದುರೆ ಎಂಕ್ ತೋಜ್ಂಡ್. ಐತ ಮಿತ್ತ್ ಕುಲ್ಲುದಿನಾಯಗ್ ನಂಬಿಗಸ್ತೆಲಾ ಸತ್ಯದಾಯೆಲಾ ಅಂದ್‌ದ್ ಪುದರ್. ಆಯೆ ನೀತಿಡ್ ನ್ಯಾಯತೀರ್ಪು ಮಲ್ಪುವೆ. ನೀತಿಡ್ ಲಡಯಿ ಮಲ್ಪುವೆ.

ಪ್ರಕಟಣೆ 22:6

ಬೊಕ್ಕ ಆ ದೂತೆ ಎನಡ ಪಂಡೆ, “ಈ ಪಾತೆರೊಲು ನಂಬಿಕೆದವುಲಾ ಸತ್ಯದವುಲಾ ಆದುಂಡು. ಪ್ರವಾದಿಲೆಗ್ ಆತ್ಮ ಕೊರಿ ದೇವೆರಾದುಪ್ಪು ಕರ್ತವೆ, ಬೇಗೊಡು ಆವೊಡಾಪಿನೆನ್ ತನ ಸೇವಕೆರೆಗ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡುದೆ.”