ಪ್ರಕಟಣೆ 3:3 - ಪೊಸ ಒಡಂಬಡಿಕೆ

³ ಅಂಚಾಯಿನೆಡ್ದ್ ಈ ಪಡೆವೊಂಡಿ ಬೋಧನೆನ್ಲಾ ಈ ಕೇಂಡ್ದಿ ರೀತಿನ್ಲಾ ನೆನೆಪುಗು ಕನತೊಂದು ಅವೆನ್ ಕಾತೊಂದು ಪಶ್ಚಾತಾಪ ಪಡೆಲ. ಈ ಎಚ್ಚರಿಕೆ ಆದಿತ್ತಿಜಡ ಕಲ್ವೆ ಬರ್ಪಿಲೆಕ್ಕನೇ ಯಾನ್ ಬರುವೆ, ಯಾನ್ ವಾ ಗಳಿಗೆಡ್ ನಿನ ಕೈತಲ್‌ ಬರ್ಪೆ ಇನ್ಪಿನವು ಕಂಡಿತ ನಿಕ್ಕ್ ಗೊತ್ತಾವಂದ್.

ಪ್ರಕಟಣೆ 3:3 Iomraidhean Croise

ಮತ್ತಾಯೆ 25:13

ದಾಯೆಗಂದ್ಂಡ ನರಮಾನಿ ಮಗೆ ಬರ್ಪಿ ದಿನ ಆವಡ್, ಗಳಿಗೆ ಆವಡ್ ನಿಕ್ಲೆಗ್ ಗೊತ್ತಿಜ್ಜಾಂದಿನೆಡ್ದ್ ಎಚ್ಚರಿಕೆಡುಪ್ಪುಲೆ.

ಮಾರ್ಕೆ 13:33

ಆ ಕಾಲ ಏಪ ಬರ್ಪುಂಡು ಅಂದ್‌ದ್ ನಿಕ್ಲೆಗ್ ಗೊತ್ತಿಜ್ಜಾಂದಿನೆಡ್ದ್ ಎಚ್ಚರಿಕೆ ಆದಿತ್ತ್‌ದ್ ಪ್ರಾರ್ಥನೆ ಮಲ್ಪುಲೆ.

ಮಾರ್ಕೆ 13:36

ಆಯೆ ಪಕ್ಕನೆ ಬತ್ತೆಡ, ನಿಕುಲು ನಿದ್ರೆಡ್ ಉಪ್ಪುನೆನ್ ಆಯೆ ತೂವೆರೆ ಬಲ್ಲಿ.

1 ಥೆಸಲೋನಿಕೆರೆಗ್‌ 5:2

ರಾತ್ರೆಡ್ ಕಲ್ವೆ ಬರ್ಪಿಲೆಕ್ಕನೇ, ಕರ್ತವ ದಿನಲ ಬರ್ಪುಂಡು ಅಂದ್‌ದ್ ನಿಕುಲು ಸರಿಯಾದ್ ತೆರಿದರತ್ತಾ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 1:13

ಈ ಕ್ರಿಸ್ತ ಯೇಸುಡು ನಂಬಿಕೆಲಾ ಪ್ರೀತಿಲಾ ಇತ್ತಿನಾಯೆ ಆದ್, ಎನಡ್ದ್ ಕೇಂಡಿನ ಸ್ವಸ್ಥ ಬೋಧನೆನ್ ಮಾದ್ರಿ ಆದ್ ದೀದ್ ಬುಡಂದೆ ಪತ್ತೊನ್ಲ.

ಇಬ್ರಿಯೆರೆಗ್ 2:1

ಅವೆಡ್ದಾವರ ನಮ ಕೇಂಡಿನ ಪಾತೆರೊಲೆಗ್ ನಮ ತತ್ತ್‌ದ್ ಪೋವಂದಿಲೆಕ್ಕ ಪೋಡಿದ್ ಐಕ್ ಹೆಚ್ಚಾದ್ ಬುದ್ಧಿ ಕೊರ್ಪಿನಕುಲಾದುಪ್ಪೊಡು.

2 ಪೇತ್ರೆ 1:13

ಅಂಚಾಯಿನೆಡ್ದ್ ಯಾನ್ ಎನ ಶರೀರ ಇನ್ಪಿ ಗುಡಾರೊಡು ಉಪ್ಪುನ ಮುಟ್ಟ ನಿಕ್ಲೆಗ್ ಅಪಗಪಗ ನೆನೆಪು ಪುಟ್ಟಾವುನವು ಯೋಗ್ಯ ಅಂದ್‌ದ್ ಎನ್ನುವೆ.

2 ಪೇತ್ರೆ 3:1

ಪ್ರೀತಿದಾಕುಲೇ, ನಿಕ್ಲೆಗ್ ಇತ್ತೆ ಬರೆಪಿನವು ರಡ್ಡನೆ ಪತ್ರಿಕೆ. ಈ ರಡ್ಡ್ ಪತ್ರಿಕೆಡ್ಲಾ ಯಾನ್ ನಿಕ್ಲೆನ ಕಪಟದಾಂತಿ ಉಡಲ್‌ನ್ ಉತ್ತೇಜನ ಮಲ್ತೊಂದುಲ್ಲೆ.

2 ಪೇತ್ರೆ 3:10

ಆಂಡ ಕಲ್ವೆ ಬರ್ಪಿಲೆಕ್ಕನೇ, ಕರ್ತವ ದಿನಲ ಬರ್ಪುಂಡು. ಆ ದಿನೊಟು ಬಾನೊಲು ಮಲ್ಲ ಗೌಜಿಡ್ದ್ ಆಳಿದ್ ಪೋವು. ಸೂರ್ಯೆ, ಚಂದ್ರೆ, ನಕ್ಷತ್ರೊಲು ಪೊತ್ತುದು ನಾಶಾದ್ ಪೋವು, ಭೂಮಿಲಾ ಐಟ್ಟುಪ್ಪು ಮಾತ ಕೆಲಸೊಲು ಪೊತ್ತುದು ಪೋವು.

ಪ್ರಕಟಣೆ 16:15

“ಇಂದಾ, ಯಾನ್ ಕಲ್ವೆ ಬರ್ಪಿಲೆಕ್ಕನೇ ಬರ್ಪೆ. ತಾನ್ ಬತ್ತಲೆ ಆದ್ ತಿರ್ಗೊಂದು ಜನೊಕುಲೆಡ್ದ್ ಅವಮಾನೊಗು ಬೂರಂದಿಲೆಕ್ಕ ಎಚ್ಚರಿಕೆ ಆದಿತ್ತ್‌ದ್ ತನ ಕುಂಟುನು ಜೋಕೆ ಮಲ್ತೊನುನಾಯೆ ಭಾಗ್ಯವಂತೆ.”

ಪ್ರಕಟಣೆ 2:25

ಯಾನ್ ಬನ್ನೆಂಗೆ ನಿಕ್ಲೆಡುಪ್ಪುನೆನ್ ಗಟ್ಟಿಯಾದ್ ಪತ್ತೊನ್ಲೆ.

ಪ್ರಕಟಣೆ 2:5

ಅಂಚಾಯಿನೆಡ್ದ್ ಈ ಒಲ್ತು ತತ್ತ್‌ದನಾ ಅವೆನ್ ನಿನ ಗೇನೊಗು ಕನತ್‌ದ್ ಪಶ್ಚಾತಾಪ ಪಡೆಲ. ಈ ದುಂಬು ಮಲ್ತೊಂದಿತ್ತಿ ಬೇಲೆಲೆನ್ ಮಲ್ಪುಲ! ಈ ಪಶ್ಚಾತಾಪ ಪಡೆಯಿಜಡ ಯಾನ್ ಬತ್ತ್‌ದ್ ನಿನ ದೀಪಕಂಬೊನು ಐತ ಜಾಗ್‌ಡ್ದ್ ದೆತ್ತ್‌ದ್ ಪಾಡ್ವೆ.

ಪ್ರಕಟಣೆ 22:7

“ಇಂದಾ, ಯಾನ್ ಬೇಗ ಬರ್ಪೆ. ಈ ಪುಸ್ತಕೊಡು ಬರೆತಿನ ಪ್ರವಾದನೆದ ಪಾತೆರೊಲೆನ್ ಕೈಕೊನುನಾಕುಲು ಭಾಗ್ಯವಂತೆರ್.”

ಪ್ರಕಟಣೆ 3:11

ಯಾನ್ ಬೇಗೊಡು ಬರ್ಪೆ. ನಿನ ಕಿರೀಟೊನು ಏರ್ಲಾ ದೆಪ್ಪಂದಿಲೆಕ್ಕ ನಿಕ್ಕುಪ್ಪುನೆನ್ ಗಟ್ಟಿಯಾದ್ ಪತ್ತೊನ್ಲ.

ಪ್ರಕಟಣೆ 3:19

ಯಾನ್ ಏರೇರೆನ್ ಪ್ರೀತಿ ಮಲ್ಪುವೆನಾ ಅಕ್ಲೆನ್ ದಟ್ಟಿಯುವೆ ಬೊಕ್ಕ ಶಿಕ್ಷೆ ಕೊರ್ಪೆ. ಅಂಚಾಯಿನೆಡ್ದ್ ಎಚ್ಚರಿಕೆಡುಪ್ಪುಲ. ಪಶ್ಚಾತಾಪ ಪಡೆಲ.

ಪ್ರಕಟಣೆ 3:2

ಎಚ್ಚರಿಕೆ ಆದುಪ್ಪುಲ; ಸೈಪಿಲೆಕ್ಕ ಉಪ್ಪು ಒರಿದಿನೆನ್ ಗಟ್ಟಿ ಮಲ್ತೊನು. ದಾಯೆಗಂದ್ಂಡ ಎನ ದೇವೆರೆ ಎದುರುಡು ನಿನ ವಾ ಬೇಲೆಲಾ ಪೂರ್ತಿದವು ಅಂದ್‌ದ್ ಎಂಕ್ ತೋಜಿದಿಜಿ.