ಪ್ರಕಟಣೆ 3:2 - ಪೊಸ ಒಡಂಬಡಿಕೆ

² ಎಚ್ಚರಿಕೆ ಆದುಪ್ಪುಲ; ಸೈಪಿಲೆಕ್ಕ ಉಪ್ಪು ಒರಿದಿನೆನ್ ಗಟ್ಟಿ ಮಲ್ತೊನು. ದಾಯೆಗಂದ್ಂಡ ಎನ ದೇವೆರೆ ಎದುರುಡು ನಿನ ವಾ ಬೇಲೆಲಾ ಪೂರ್ತಿದವು ಅಂದ್‌ದ್ ಎಂಕ್ ತೋಜಿದಿಜಿ.

ಪ್ರಕಟಣೆ 3:2 Iomraidhean Croise

ಮತ್ತಾಯೆ 23:5

ಅಕುಲು ತನ್ಕುಲೆ ಬೇಲೆ ಮಾತ ಜನೊಕುಲೆಗ್ ತೋಜೊಡು ಅಂದ್‌ದ್ ಮಲ್ಪುವೆರ್. ತನ್ಕುಲು ಶಾಸ್ತ್ರದ ಪಟ್ಟಿಲೆನ್ ಅಗೆಲ ದೀದ್ ಮುಂಡೊಡು ಕಟ್ಟ್‌ದ್ ಕುಂಟುದ ಗೊಂಡೆಲೆನ್ ಉದ್ಧ ಮಲ್ಪುವೆರ್.

ಮತ್ತಾಯೆ 25:13

ದಾಯೆಗಂದ್ಂಡ ನರಮಾನಿ ಮಗೆ ಬರ್ಪಿ ದಿನ ಆವಡ್, ಗಳಿಗೆ ಆವಡ್ ನಿಕ್ಲೆಗ್ ಗೊತ್ತಿಜ್ಜಾಂದಿನೆಡ್ದ್ ಎಚ್ಚರಿಕೆಡುಪ್ಪುಲೆ.

ಮತ್ತಾಯೆ 25:7

ಅಪಗ ಕನ್ಯಪೊಣ್ಣುಲು ಮಾತ ಲಕ್ಕ್‌ದ್ ತನ್ಕುಲೆ ತುಡರ್‌ಲೆನ್ ಸಮ ಮಲ್ತೆರ್.

ಅಪೊ.ಕ್ರಿ 18:23

ಪೌಲು ಅಂತಿಯೋಕ್ಯಡ್ ಒಂತೆ ಸಮಯ ಇತ್ತ್‌ದ್ ಗಲಾತ್ಯ ದೇಶೊಡ್ಲಾ ಫ್ರುಗ್ಯಡ್ಲಾ ಪ್ರಯಾಣ ಮಲ್ತೊಂದು ಶಿಷ್ಯೆರೆನ್ ಬಲ ಪಡೆಪಾಯೆ.

1 ಪೇತ್ರೆ 4:7

ಮಾತೆತ್ತ ಅಂತ್ಯ ಆಪಿನ ಕಾಲ ಮುಟ್ಟ ಬೈದ್‌ಂಡ್; ಅಂಚಾಯಿನೆಡ್ದ್ ಪ್ರಾರ್ಥನೆಗ್ ತಯಾರಾದ್ ಸ್ವಸ್ಥ ಬುದ್ಧಿಡ್ ಎಚ್ಚರಿಕೆ ಆದುಪ್ಪುಲೆ.

1 ಪೇತ್ರೆ 5:8

ಜಾಗ್ರತೆ ಆದುಪ್ಪುಲೆ; ಎಚ್ಚರಿಕೆ ಆದುಪ್ಪುಲೆ; ನಿಕ್ಲೆನ ವಿರೋಧಿ ಆದುಪ್ಪು ಸೈತಾನೆ ಗರ್ಜನೆ ಮಲ್ಪುನ ಸಿಮ್ಮದ ಲೆಕ್ಕನೆ ಏರೆನ್ ದಿಂಗೊಲಿ ಅಂದ್‌ದ್ ನಾಡೊಂದು, ತಿರ್ಗೊಂದುಲ್ಲೆ.

ಪ್ರಕಟಣೆ 16:15

“ಇಂದಾ, ಯಾನ್ ಕಲ್ವೆ ಬರ್ಪಿಲೆಕ್ಕನೇ ಬರ್ಪೆ. ತಾನ್ ಬತ್ತಲೆ ಆದ್ ತಿರ್ಗೊಂದು ಜನೊಕುಲೆಡ್ದ್ ಅವಮಾನೊಗು ಬೂರಂದಿಲೆಕ್ಕ ಎಚ್ಚರಿಕೆ ಆದಿತ್ತ್‌ದ್ ತನ ಕುಂಟುನು ಜೋಕೆ ಮಲ್ತೊನುನಾಯೆ ಭಾಗ್ಯವಂತೆ.”

ಪ್ರಕಟಣೆ 2:4

ಆಂಡಲಾ ನಿನ ಮಿತ್ತ್ ಎಂಕ್ ಒಂಜಿ ಅಪವಾದ ಉಂಡು. ಅವು ದಾನೆಂದ್ಂಡ, ಎನಡೊಪ್ಪ ಸುರುಟ್ಟಿತ್ತಿ ಪ್ರೀತಿ ಇತ್ತೆ ನಿನಡ ಇಜ್ಜಿ.

ಪ್ರಕಟಣೆ 3:1

“ಸಾರ್ದಿಸ್‌ಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ದೇವೆರೆ ಏಳ್‌ ಆತ್ಮೊಲೆನ್ಲಾ ಏಳ್‌ ಬೊಳ್ಳಿಲೆನ್ಲಾ ಪಡೆತಿನಾಯೆ ಪನ್ಪಿನಿ ದಾನೆಂದ್ಂಡ, ಈ ಮಲ್ಪುನ ಮಾತ ಕೆಲಸೊಲೆನ್ ಯಾನ್ ತೆರಿದೆ. ಬದುಕುನಾಯೆ ಪನ್ಪಿ ಪುದರ್ ನಿಕ್ಕ್ ಇತ್ತ್ಂಡಲಾ ಈ ಸೈತಿನಾಯೆ ಆದುಲ್ಲ ಪನ್ಪಿನೆನ್ ತೆರಿದೆ.

ಪ್ರಕಟಣೆ 3:3

ಅಂಚಾಯಿನೆಡ್ದ್ ಈ ಪಡೆವೊಂಡಿ ಬೋಧನೆನ್ಲಾ ಈ ಕೇಂಡ್ದಿ ರೀತಿನ್ಲಾ ನೆನೆಪುಗು ಕನತೊಂದು ಅವೆನ್ ಕಾತೊಂದು ಪಶ್ಚಾತಾಪ ಪಡೆಲ. ಈ ಎಚ್ಚರಿಕೆ ಆದಿತ್ತಿಜಡ ಕಲ್ವೆ ಬರ್ಪಿಲೆಕ್ಕನೇ ಯಾನ್ ಬರುವೆ, ಯಾನ್ ವಾ ಗಳಿಗೆಡ್ ನಿನ ಕೈತಲ್‌ ಬರ್ಪೆ ಇನ್ಪಿನವು ಕಂಡಿತ ನಿಕ್ಕ್ ಗೊತ್ತಾವಂದ್.