ಪ್ರಕಟಣೆ 2:3 - ಪೊಸ ಒಡಂಬಡಿಕೆ

³ ಈ ಎನ ಪುದರ್‌ಗಾದ್ ತಾಳ್ಮೆಡ್ ತೊಂದರೆಲೆನ್ ತಾಂಗೊಂದು ಬೇಜಾರ್ ಮಲ್ತ್‌ದ, ಉಂದು ಮಾತ ತೆರಿದೆ.

ಪ್ರಕಟಣೆ 2:3 Iomraidhean Croise

ಮಾರ್ಕೆ 15:21

ಅಪಗ ಕಂಡೊಡ್ದು ಪಿದಾಡ್ದ್ ಆ ಮಾರ್ಗೊಡು ಬರೊಂದಿತ್ತಿ ಒರಿಯನ್ ಯೇಸುನ ಕ್ರುಸ್ಸುನು ತುಂಬೊಂದು ಕೊನೆಯೆರೆ ಒತ್ತಾಯ ಮಲ್ತೆರ್. ಉಂಬೆ ಏರ್ ಅಂದ್ಂಡ, ಅಲೆಕ್ಸಾಂದ್ರ ಬೊಕ್ಕ ರೂಫು ಇನ್ಪಿನರೆನ ಅಮ್ಮೆರ್ ಆದುಪ್ಪು ಕುರೇನ ಪಟ್ಟಣದ ಸೀಮೋನೆ.

ಲೂಕೆ 14:27

ಏರಾಂಡಲಾ ತನ ಕ್ರುಸ್ಸುನು ತುಂಬೊಂದು ಎನ ಬೆರಿಯೆ ಬರ್ಪುಜೆನಾ, ಆಯೆ ಎನ ಶಿಷ್ಯೆ ಆವಯೆ.

ಲೂಕೆ 18:1

ಐಡ್ದ್ ಬೊಕ್ಕ ಯೇಸು ತನ ಶಿಷ್ಯೆರೆಗ್, ಬೇಜಾರ್ ಮಲ್ತೊನಂದೆ ಏಪಲಾ ಪ್ರಾರ್ಥನೆ ಮಲ್ತೊಂದುಪ್ಪುಲೆ ಅಂದ್‌ದ್ ಒಂಜಿ ಉಪಕತೆನ್ ಪಂಡೆ.

ಲೂಕೆ 21:19

ನಿಕ್ಲೆ ತಾಳ್ಮೆಡ್‌ ನಿಕ್ಲೆ ಪ್ರಾಣೊಲೆನ್ ಒರಿತೊನುವರ್.

ಲೂಕೆ 5:5

ಐಕ್ ಸೀಮೋನು ಗುರೂ, “ಎಂಕುಲು ರಾತ್ರೆ ಇಡೀ ಕಷ್ಟ ಬತ್ತಡಲಾ ದಾಲಾ ತಿಕ್ಕಿಜಿ, ಆಂಡ ನಿನ ಪಾತೆರದ ಮಿತ್ತ್ ಬಲೆ ಪಾಡ್ವ,” ಅಂದ್‌ದ್ ಪಂಡೆ.

ಲೂಕೆ 8:15

ಬೊಕ್ಕ ಕೆಲೆವೆರ್ ಪಾತೆರೊನು ಕೇಂಡ್ದ್ ಸಜ್ಜಿಡ್ ತನ್ಕುಲೆ ಉಡಲ್‌ಡ್ ದೀವೊಂದು ತಾಳ್ಮೆಡ್ ಫಲೊನು ಕೊರ್ಪೆರ್; ಮೊಕುಲೇ ಬಿತ್ತ್ ಬೂರ್ದಿನ ಎಡ್ಡೆ ನೆಲ ಆದುಲ್ಲೆರ್.”

ಯೋಹಾನೆ 15:21

ಆಂಡ ಅಕುಲು ಎನನ್ ಕಡಪುಡ್ದು ಕೊರಿನಾಯನ್ ತೆರಿಯಂದಿನಾಕುಲು ಆದಿತ್ತಿನೆಡ್ದ್, ಎನ ಪುದರ್‌ಗಾದ್ ಇಂಚ ಮಾತ ಮಲ್ಪುವೆರ್.

ರೋಮಾಯೆರೆಗ್ 12:12

ಕ್ರೈಸ್ತೆರ್ ಕಾತೊಂದುಪ್ಪುನ ಆ ಮಲ್ಲ ಪದೊನು ನೆನೆತೊಂದು ಸಂತೋಷೊಡುಪ್ಪುಲೆ. ಉಪದ್ರೊಲೆಡ್ ತಾಳ್ಮೆದಾಕುಲಾಲೆ. ಬೇಜಾರ್‌ದಾಂತೆ ಪ್ರಾರ್ಥನೆ ಮಲ್ಪುಲೆ.

ರೋಮಾಯೆರೆಗ್ 16:12

ಕರ್ತವ ಸೇವೆಡುಪ್ಪುನ ತ್ರುಫೈನಗ್ಲಾ ತ್ರುಫೋಸಗ್ಲಾ ವಂದನೆಲು. ಕರ್ತವಗಾದ್ ಮಸ್ತ್ ಪ್ರಯಾಸ ಬುಡ್ತಿನ ಪ್ರೀತಿದ ಪೆರ್ಸೀಸಗ್ಲಾ ವಂದನೆ

ರೋಮಾಯೆರೆಗ್ 2:7

ಏರ್ ಮೈಮೆ, ಮಾನ, ತಾಳ್ಮೆಲೆನ್ ಪಡೆಯೊಡು ಪಂಡ್ದ್ ಎಡ್ಡೆಂತಿನೆನ್ ಬೇಜಾರ್‌ದಾಂತೆ ಮಲ್ಪುವೆರಾ ಅಕ್ಲೆಗ್ ನಿತ್ಯಜೀವೊನು ಕೊರ್ಪೆ.

ರೋಮಾಯೆರೆಗ್ 8:25

ಆಂಡ ತೂವಂದಿನೆನ್ ನಮ ಕಾತೊಂದುಪ್ಪುನಾಂಡ, ತಾಳ್ಮೆಡ್ ಕಾತೊಂದುಪ್ಪುವ.

1 ಕೊರಿಂಥ್ಯೆರೆಗ್ 13:7

ಪ್ರೀತಿ ಮಾತೆನ್ಲಾ ಮನಸ್‌ಡೇ ಸಹಿಸೊಂಡು, ಮಾತೆನ್ಲಾ ನಂಬುಂಡು, ಮಾತೆನ್ಲಾ ಭರವಸೆ ಮಲ್ಪುಂಡು, ಮಾತೆನ್ಲಾ ತಡೆತೊನುಂಡು.

2 ಕೊರಿಂಥ್ಯೆರೆಗ್ 10:15

ಅತ್ತ್‌ಡ ಎಂಕುಲು ಮಿತಿ ಮೀರ್‌ದ್ ನನೊರಿ ಮಲ್ತ್‌ದಿನ ಕೆಲಸೊಲೆಗಾದ್ ಪುಗರೊನುಜ. ನಿಕ್ಲೆ ನಂಬಿಕೆ ಹೆಚ್ಚಾವೊಂದು ಬನ್ನಗ, ನಿಕ್ಲೆ ನಡುತ ಎಂಕ್ಲೆ ಸೇವೆಲಾ ವಿಸ್ತಾರ ಆವು ಅಂದ್‌ದ್ ಎಂಕ್ಲೆನ ನಿರೀಕ್ಷೆ.

2 ಕೊರಿಂಥ್ಯೆರೆಗ್ 11:23

ಅಕುಲು ಕ್ರಿಸ್ತನ ಸೇವಕೆರಾ? (ಮೂಲು ಯಾನ್ ಬುದ್ಧಿ ತತ್ತಿನಾಯಲೆಕ್ಕ ಪಾತೆರ್‌ವೆ.) ಯಾನ್ಲಾ ಅಕ್ಲೆಡ್ದ್ ಹೆಚ್ಚಾದ್ ಸೇವೆ ಮಲ್ಪುನಾಯೆನೇ. ಆಯನ ಸೇವೆಡ್ ಅಕ್ಲೆಡ್ದ್ ಹೆಚ್ಚ್ ಪ್ರಯಾಸ ಬುಡಿಯೆ; ಮಸ್ತ್ ಸರ್ತಿ ಸೆರೆಮನೆಟ್ ಬೂರಿಯೆ; ಹೆಚ್ಚಾದ್ ಚಡಿತ ಪೆಟ್ಟ್ ತಿಂದೆ, ಅಪಗಪಗ ಮರಣೊಗು ಎದುರಾಯೆ.

2 ಕೊರಿಂಥ್ಯೆರೆಗ್ 4:1

ಅಂಚಾಯಿನೆಡ್ದ್, ಈ ಸೇವೆ ಎಂಕ್ಲೆಗ್ ದೇವೆರೆ ಕರುಣೆಡ್ ತಿಕ್ಕಿನೆಡ್ದ್ ಧೈರ್ಯ ತತ್ತ್‌ದ್ ಪೋಪುಜ.

2 ಕೊರಿಂಥ್ಯೆರೆಗ್ 4:16

ಅಂಚಾಯಿನೆಡ್ದ್ ಎಂಕುಲು ಧೈರ್ಯ ತತ್ತ್‌ದ್ ಪೋಪುಜ. ಎಂಕುಲೆ ಶರೀರ ನಾಶಾವೊಂದು ಇತ್ತ್ಂಡಲಾ ಎಂಕುಲೆ ಅಂತರ್ಯ ದಿನ ದಿನ ಪೊಸತ್ತಾವೊಂದು ಬರ್ಪುಂಡು.

2 ಕೊರಿಂಥ್ಯೆರೆಗ್ 5:9

ಅಂಚಾದ್ ಎಂಕುಲು ಶರೀರೊಡಿತ್ತ್‌ಂಡಲಾ ಐಡ್ದ್ ಬುಡುಗಡೆ ಆಂಡಲಾ ನಮ ಕರ್ತವಗ್ ಮೆಚ್ಚಿಗೆ ಆದ್ ಉಪ್ಪೊಡಂದ್‌ದ್ ಪೇಚಾಡುವ.

2 ಕೊರಿಂಥ್ಯೆರೆಗ್ 6:5

ಪೆಟ್ಟ್‌ಲೆಡ್, ಸೆರೆಮನೆಟ್, ದೊಂಬಿಲೆಡ್, ಭಂಗದ ಕೆಲಸೊಲೆಡ್, ನಿದ್ರೆದಾಂತಿ ಸ್ಥಿತಿಟ್ಟ್, ಉಪವಾಸೊಡ್ಲಾ

ಗಲಾತ್ಯೆರೆಗ್ 6:2

ಒರಿ ಬೊಕ್ಕೊರಿಯನ ಪುದೆನ್ ತುಂಬೊಂದು, ಕ್ರಿಸ್ತ ನ್ಯಾಯಕಟ್ಟ್‌ನ್ ಪೂರ್ತಿ ಮಲ್ಪುಲೆ.

ಗಲಾತ್ಯೆರೆಗ್ 6:9

ಅಂಚಾದ್ ಎಡ್ಡೆ ಮಲ್ಪುನೆಟ್ಟ್ ನಮ ಬೇಜಾರ್ ಮಲ್ಪಂದೆ ಉಪ್ಪುಗ. ನಮ ಬೇಜಾರ್ ಮಲ್ಪುಜಡ, ತಕ್ಕ ಸಮಯೊಡು ಆಶೀರ್ವಾದದ ಬುಲೆನ್ ಕೊಯ್ಪ.

ಫಿಲಿಪ್ಪಿಯೆರೆಗ್ 4:3

ಬೊಕ್ಕ ಎನ ನಿಜ ಜತೆಗಾರಾ, ಈ ರಡ್ಡ್ ಪೊಂಜೊವುಲೆಗ್ ಸಹಾಯ ಮಲ್ಪೊಡು ಅಂದ್‌ದ್ ನಿನನ್ಲಾ ಕೇನೊನ್ವೆ. ದಾಯೆಗಂದ್ಂಡ, ಬೇತೆಕ್ಲೆಗ್ ಸುವಾರ್ತೆ ತೆರಿಪಾವುನೆಟ್ ಅಕುಲು ಎನಡೊಪ್ಪ ಎಡ್ಡೆ ಬೇಲೆ ಮಲ್ತ್‌ದೆರ್. ಅಕುಲು ಕ್ಲೆಮೆಂತುಡೊಪ್ಪಲಾ ಎನ ಬೇತೆ ಜತೆಸೇವಕೆರೆಡೊಪ್ಪಲಾ ಎನ ಒಟ್ಟುಗು ಸುವಾರ್ತೆಗಾದ್ ಕಷ್ಟ ಬೈದೆರ್. ಅಕ್ಲೆನ ಮಾತೆರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡು.

ಕೊಲೊಸ್ಸಿಯೆರೆಗ್ 1:11

ಬೊಕ್ಕ ಆಯನ ಮೈಮೆದ ಬಲೊಡ್ದಾದ್ ಬಲ ಪಡೆದ್, ಮಾತೆನ್ಲಾ ಸಂತೋಷೊಡ್ಲಾ ತಾಳ್ಮೆಡ್ಲಾ ಉಪ್ಪುನಾಕುಲು ಆಲೆ.

1 ಥೆಸಲೋನಿಕೆರೆಗ್‌ 2:9

ಸಹೋದ್ರೆರೇ, ಎಂಕುಲು ನಿಕ್ಲೆಡ್ ಏರೆಗ್ಲಾ ದುನ್ನ ಆವಂದಿಲೆಕ್ಕ ರಾತ್ರೆ ಪಗೆಲ್ ಬೆಂದ್‌ದ್ ಜೀವನ ಮಲ್ತೊಂದು, ದೇವೆರೆ ಸುವಾರ್ತೆ ನಿಕ್ಲೆಗ್ ಸಾರಿಯ. ಎಂಕ್ಲೆನ ಭಂಗಲಾ ಪ್ರಯಾಸಲಾ ನಿಕುಲು ನೆನೆಪು ಮಲ್ತೊಂದುಪ್ಪರ್.

1 ಥೆಸಲೋನಿಕೆರೆಗ್‌ 5:12

ಸಹೋದ್ರೆರೇ, ಎಂಕುಲು ನಿಕ್ಲೆಡ ನಟ್ಟೊಂದುಲ್ಲ ದಾನೆಂದ್ಂಡ, ಏರ್ ನಿಕ್ಲೆಡ್ ಪ್ರಯಾಸ ಮಲ್ತ್‌ದ್ ಕರ್ತವ ಕಾರ್ಯೊಡು ನಿಕ್ಲೆ ಮಿತ್ತ್ ಮುಖ್ಯಸ್ಥೆರಾದ್ ನಿಕ್ಲೆಗ್ ಬುದ್ಧಿ ಪನ್ಪೆರ್ಡ ಅಕ್ಲೆ ಮಿತ್ತ್ ಹೆಚ್ಚಿನ ಗಮನ ಕೊರ್ಲೆ.

2 ಥೆಸಲೋನಿಕೆರೆಗ್‌ 3:13

ಸಹೋದ್ರೆರೇ, ನಿಕುಲು ಎಡ್ಡೆ ಮಲ್ಪುನೆಕ್ಕ್ ಬೇಜಾರ್ ಮಲ್ಪೊಡ್ಚಿ.

2 ಥೆಸಲೋನಿಕೆರೆಗ್‌ 3:5

ಕರ್ತವೆ ನಿಕ್ಲೆ ಉಡಲ್‌ನ್ ದೇವೆರೆ ಪ್ರೀತಿಡ್ಲಾ ಕ್ರಿಸ್ತನ ತಾಳ್ಮೆಡ್ಲಾ ಉಪ್ಪುಲೆಕ್ಕ ನಡಪಾವಡ್.

2 ಥೆಸಲೋನಿಕೆರೆಗ್‌ 3:8

ಕಾಸ್ ಕೊರಂದೆ ಏರೆನಲಾ ರೊಟ್ಟಿ ಪೊಕ್ಕಡೆಗ್ ತಿಂತ್‌ಜ. ಎಂಕುಲು ರಾತ್ರೆ ಪಗೆಲ್ ಕಷ್ಟೊಡು ಬೆಂದ್‌ದ್ ನಿಕ್ಲೆಗ್ ಏರೆಗ್ಲಾ ದುನ್ನ ಆವಂದಿಲೆಕ್ಕ ಜೀವನ ಮಲ್ತೊಂದಿತ್ತ.

1 ತಿಮೋಥಿ 4:10

ಉಂದೆಕ್ಕಾದ್ ಎಂಕುಲು ಭಂಗ ಬತ್ತ್‌ದ್ ಪ್ರಯಾಸೊಡು ಬೇಲೆ ಮಲ್ತೊಂದುಲ್ಲ, ದಾಯೆಗಂದ್ಂಡ ಮಾತ ನರಮಾನಿಲೆಗ್, ಮುಖ್ಯಾದ್ ನಂಬುನಾಕುಲೆಗ್ ರಕ್ಷಕೆ ಆಯಿ ಜೀವ ಇತ್ತಿ ದೇವೆರೆ ಮಿತ್ತ್ ನಮ ಭರವಸೆ ದೀತಿನಾಕುಲಾದುಲ್ಲ.

1 ತಿಮೋಥಿ 5:17

ಎಡ್ಡೆ ರೀತಿಡ್ ಅಧಿಕಾರ ಮಲ್ಪುನ ಸಭಾ ಹಿರಿಯೆರೆಗ್ ಮುಖ್ಯಾದ್ ಬೋಧನೆಡ್ಲಾ ಪ್ರಸಂಗೊಡ್ಲಾ ಭಂಗ ಬರ್ಪಿನಾಕುಲೆಗ್ ರಡ್ಡ್ ಪಾಲ್ ದಾತ್ ಮಾನೊಗು ಯೋಗ್ಯೆರಂದ್ ಎನ್ನೊಡು.

ಇಬ್ರಿಯೆರೆಗ್ 10:36

ದೇವೆರೆ ಚಿತ್ತೊನು ತೀರಿಸಾದ್ ವಾಗ್ದಾನದ ಫಲೊನು ಪಡೆವೊಡಾಂಡ ನಿಕ್ಲೆಗ್ ತಾಳ್ಮೆ ಬೋಡು.

ಇಬ್ರಿಯೆರೆಗ್ 12:1

ಅಂಚಾಯಿನೆಡ್ದ್ ಈತ್ ಜನ ಸಾಕ್ಷಿದಾಕುಲು ಮುಗಲ್‌ದ ಲೆಕ್ಕ ನಮ ಸುತ್ತಲಾ ಉಲ್ಲೆರ್. ನಂಕ್ ಅಡ್ಡಿ ಮಲ್ಪುನ ಮಾತ ಭಾರೊನ್ಲಾ ಅಂಟುನ ಪಾಪೊನ್ಲಾ ನಮ ದೆತ್ತ್ ದೀದ್ ನಂಬಿಕೆನ್ ಪುಟ್ಟಾವುನಾಯೆಲಾ ಕೊರ್ಪಿನಾಯೆಲಾ ಆದುಪ್ಪು ಯೇಸುನ ಮಿತ್ತ್ ದೃಷ್ಟಿ ದೀಕ. ನಂಕ್ ನೇಮಕ ಆದುಪ್ಪು ಬಲ್ಪಾಟೊನು ತಾಳ್ಮೆಡ್ ಬಲ್ಪುಗ. ಆಯೆ ತನ ದುಂಬು ದೀದಿತ್ತಿ ಸಂತೋಷಗಾದ್ ಅವಮಾನೊನು ಅಸಡ್ಡೆ ಮಲ್ತ್‌ದ್ ಕ್ರುಸ್ಸುದ ಮರಣೊನು ಸೈಸೊಂದು ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದುಲ್ಲೆ.

ಇಬ್ರಿಯೆರೆಗ್ 13:13

ಅಂಚಾಯಿನೆಡ್ದ್ ನಮ ಆಯಡ್ದಾದ್ ಬರ್ಪಿನ ಅವಮಾನೊನು ತಾಳೊಂದು ಅಕ್ಲೆ ಕೂಟೊಡ್ದು ಪಿದಾಡ್ದ್ ಆಯ ಕೈತಲ್‌ಗ್ ಪೋಯಿ.

ಇಬ್ರಿಯೆರೆಗ್ 6:10

ನಿಕುಲು ದೇವಜನೊಕುಲೆಗ್ ಉಪಚಾರ ಮಲ್ತ್‌ದರ್ ನನಲಾ ಮಲ್ತೊಂದುಲ್ಲರ್. ಈ ಕೆಲಸೊನ್ಲಾ ನೆಟ್ಟ್ ನಿಕುಲು ದೇವೆರೆನ ಪುದರ್‌ದ ಮಿತ್ತ್ ತೋಜಾಯಿನ ಪ್ರೀತಿನ್ಲಾ ಆಯೆ ಮದತ್‌ದ್ ಬುಡ್ಪುಜೆ, ದಾಯೆಗ್ ಪಂಡ ದೇವೆರ್ ಅನ್ಯಾಯಗಾರೆ ಅತ್ತ್.

ಇಬ್ರಿಯೆರೆಗ್ 6:12

ನಿಕುಲು ಉದಾಸೀನೆರ್ ಆದುಪ್ಪಂದೆ, ವಾಗ್ದಾನೊಲೆನ್ ನಂಬುದು ಐತ ಫಲೊಕ್ಕಾದ್ ಮಸ್ತ್ ದಿನ ಮುಟ್ಟ ಕಾತೊಂದಿತ್ತ್‌ದ್ ಆ ಫಲೊನು ಪಡೆವೆರೆ ಪ್ರಯತ್ನ ಮಲ್ತೊಂದು ಉಪ್ಪೊಡಂದ್‌ದ್ ಬಯಕುವೆ.

ಇಬ್ರಿಯೆರೆಗ್ 6:15

ಆ ವಾಗ್ದಾನದ ಫಲೊಕ್ಕಾದ್ ಅಬ್ರಹಾಮು ಮಸ್ತ್ ದಿನ ಕಾತೊಂದಿತ್ತ್‌ದ್ ಆ ಫಲೊನು ದೇವೆರ್ ಪಂಡಿಲೆಕ್ಕನೇ ಪಡೆಯೆ.

2 ಪೇತ್ರೆ 1:6

ಗೇನೊಗು ದಮೆನ್, ದಮೆಕ್, ತಾಳ್ಮೆನ್, ತಾಳ್ಮೆಗ್ ದೇವಭಕ್ತಿನ್,

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 3:10

ಈ ಎನ ಬೋಧನೆಲೆನ್ ಕಾತೊಂದು ಬತ್ತಿನೆಡ್ದ್ ಲೋಕದ ಜನೊಕುಲೆನ್ ಪರೀಕ್ಷೆ ಮಲ್ಪೆರೆಗಾದ್ ಇಡೀ ಲೋಕೊಗು ಬರ್ಪಿನ ಶೋಧನೆದ ಕಾಲೊಡು ನಿನನ್ ತಪ್ಪಾದ್ ಕಾಪುವೆ.