ಪ್ರಕಟಣೆ 2:2 - ಪೊಸ ಒಡಂಬಡಿಕೆ

² ನಿನ ಕೆಲಸೊಲೆನ್ಲಾ ಈ ಸೊಂದುನೆನ್ಲಾ ನಿನ ತಾಳ್ಮೆನ್ಲಾ ಯಾನ್ ತೆರಿದೆ; ಈ ದುಷ್ಟೆರೆನ್ ಸಹಿಸೊನುಜ; ತನ್ಕುಲೆನ್ ಅಪೊಸ್ತಲೆರ್ ಅಂದ್‌ದ್ ಪಂಡೊನುನಾಕುಲೆನ್ ಈ ಪರೀಕ್ಷೆ ಮಲ್ತ್‌ದ್ ತೂದು ಅಕುಲು ಸುಳ್ಳುಗಾರೆರ್ ಪಂಡ್ದ್ ನಾಡ್ದ್ ಪತ್ತಿಯ.

ಪ್ರಕಟಣೆ 2:2 Iomraidhean Croise

ಮತ್ತಾಯೆ 7:23

ಅಪಗ ಯಾನ್ ಅಕ್ಲೆಗ್, ‘ನಿಕ್ಲೆನ ಗುರ್ತ ಎಂಕಿಜ್ಜಿ, ಅನ್ಯಾಯಗಾರೆರೇ, ಎನನ್ ಬುಡ್ದು ಪೋಲೆ ಅಂದ್‌ದ್ ಮಾತೆರೆ ಎದುರುಡು ಪಂಡ್ದ್ ಬುಡ್ಪೆ.’

ಯೋಹಾನೆ 6:6

ತಾನ್ ಮಲ್ಪೆರೆ ಇತ್ತಿನವು ತನ್ಕ್ ತೆರಿದಿತ್ತ್ಂಡಲಾ ಫಿಲಿಪ್ಪುನು ಪರೀಕ್ಷೆ ಮಲ್ಪೆರೆ ಈ ಪಾತೆರ ಪಂಡೆ.

ಗಲಾತ್ಯೆರೆಗ್ 1:7

ಅವು ಸುವಾರ್ತೆನೇ ಅತ್ತ್, ಆಂಡ ಕೆಲೆವೆರ್ ನಿಕ್ಲೆ ನಡುಟು ಗಲಿಬಿಲಿ ಪುಟ್ಟಾದ್ ಕ್ರಿಸ್ತನ ಸುವಾರ್ತೆ ಬೇತೆ ಮಲ್ಪೆರೆಗ್ ಪ್ರಯತ್ನ ಮಲ್ತೊಂದುಲ್ಲೆರ್.

ಎಫೆಸ್ಯೆರೆಗ್ 4:14

ಅಂಚಾದ್ ಎಂಕುಲು ನನ ಮಿತ್ತ್ ಬಾಲೆಲೆಕ್ಕ ಉಪ್ಪೆರೆ ಬಲ್ಲಿ, ನರಮಾನಿ ಮೋಸೊಡು ಕಲ್ಪಾವುನ ಬೋಧನೆ, ಮೋಸಗಾರಿಕೆಡ್ ಬೂರ್ದು ಕಡಲ್ದ ಸೆರೆತ್ತ ಲೆಕ್ಕ ಅಂಚಿಂಚಿ ಮಾಲೊಂದು ಉಪ್ಪೆರೆ ಬಲ್ಲಿ.

1 ಥೆಸಲೋನಿಕೆರೆಗ್‌ 5:21

ಆಂಡ ಮಾತೆನ್ಲಾ ಪರೀಕ್ಷೆ ಮಲ್ತ್‌ದ್, ಐಟ್ಟ್ ಎಡ್ಡೆಂತಿನೆನೇ ಗಟ್ಟಿಯಾದ್ ಪತ್ತೊನ್ಲೆ.

2 ತಿಮೋಥಿ 2:19

ಆಂಡಲಾ ದೇವೆರೆ ಬುನಾದಿ ಸ್ಥಿರ ಆದ್ ಉಂತುದುಂಡು. ಬೊಕ್ಕ, “ಕರ್ತವೆ ತನ್ನಾಯೆ ಪನ್ಪಿನೆನ್ ತೆರಿದೆ. ಕರ್ತವನ ಪುದರ್‌ನ್ ಅರಿಕೆ ಮಲ್ಪುನ ಮಾತೆರ್ಲಾ ಅನ್ಯಾಯೊನು ಬುಡ್ದು ಬುಡೊಡು,” ಅಂದ್‌ದ್ ಐಟ್ಟ್ ಬರೆತಿನ ಉಂಡು.

ಇಬ್ರಿಯೆರೆಗ್ 6:10

ನಿಕುಲು ದೇವಜನೊಕುಲೆಗ್ ಉಪಚಾರ ಮಲ್ತ್‌ದರ್ ನನಲಾ ಮಲ್ತೊಂದುಲ್ಲರ್. ಈ ಕೆಲಸೊನ್ಲಾ ನೆಟ್ಟ್ ನಿಕುಲು ದೇವೆರೆನ ಪುದರ್‌ದ ಮಿತ್ತ್ ತೋಜಾಯಿನ ಪ್ರೀತಿನ್ಲಾ ಆಯೆ ಮದತ್‌ದ್ ಬುಡ್ಪುಜೆ, ದಾಯೆಗ್ ಪಂಡ ದೇವೆರ್ ಅನ್ಯಾಯಗಾರೆ ಅತ್ತ್.

1 ಯೋಹಾನೆ 4:1

ಪ್ರೀತಿದಾಕುಲೇ, ಮಸ್ತ್ ಮಂದಿ ಸುಳ್ಳು ಪ್ರವಾದಿಲು ಲೋಕದುಲಯಿ ಬೈದಿನೆಡ್ದ್ ನಿಕುಲು ಆತ್ಮಸಮ್ಮಂಧವಾಯಿನ ಮಾತ ಪಾತೆರೊಲೆನ್ ನಂಬಡೆ, ಆ ಪಾತೆರೊಲು ದೇವೆರೆಡ್ದ್ ಬೈದಿನವಾ ಪಂಡ್ದ್ ತೆರಿಯೊನಿಯೆರೆಗಾದ್ ಪರೀಕ್ಷೆ ಮಲ್ಪುಲೆ.

ಪ್ರಕಟಣೆ 2:5

ಅಂಚಾಯಿನೆಡ್ದ್ ಈ ಒಲ್ತು ತತ್ತ್‌ದನಾ ಅವೆನ್ ನಿನ ಗೇನೊಗು ಕನತ್‌ದ್ ಪಶ್ಚಾತಾಪ ಪಡೆಲ. ಈ ದುಂಬು ಮಲ್ತೊಂದಿತ್ತಿ ಬೇಲೆಲೆನ್ ಮಲ್ಪುಲ! ಈ ಪಶ್ಚಾತಾಪ ಪಡೆಯಿಜಡ ಯಾನ್ ಬತ್ತ್‌ದ್ ನಿನ ದೀಪಕಂಬೊನು ಐತ ಜಾಗ್‌ಡ್ದ್ ದೆತ್ತ್‌ದ್ ಪಾಡ್ವೆ.

ಪ್ರಕಟಣೆ 2:6

ಆಂಡ ನಿನಡ ಎಡ್ಡೆಂತಿನ ಒಂಜಿ ಉಂಡು, ಯಾನ್ ಪಗೆ ಮಲ್ತೊಂದಿತ್ತಿ *ನಿಕೋಲಾಯಿತೆರೆ ಬೇಲೆಲೆನ್ ಈಲಾ ಪಗೆ ಮಲ್ಪುವ.

ಪ್ರಕಟಣೆ 2:9

ನಿನ ಸಂಕಟೊನ್ಲಾ ಬಡತನೊನ್ಲಾ ಯಾನ್ ತೆರಿದೆ. ಆಂಡಲಾ ಈ ಐಶ್ವರ್ಯವಂತೆನೇ ಆದುಲ್ಲ. ಯೆಹೂದ್ಯೆರಂದ್‌ದ್ ಪಂಡೊನುನಾಕುಲು ನಿನನ್ ದೂಷಿಯುನಲಾ ಎಂಕ್ ತೆರಿದ್‌ಂಡ್. ಆಂಡ ಅಕುಲು ಯೆಹೂದ್ಯೆರತ್ತ್. ಅಕುಲು ಸೈತಾನನ ಕೂಟದಾಕುಲು.

ಪ್ರಕಟಣೆ 3:1

“ಸಾರ್ದಿಸ್‌ಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ದೇವೆರೆ ಏಳ್‌ ಆತ್ಮೊಲೆನ್ಲಾ ಏಳ್‌ ಬೊಳ್ಳಿಲೆನ್ಲಾ ಪಡೆತಿನಾಯೆ ಪನ್ಪಿನಿ ದಾನೆಂದ್ಂಡ, ಈ ಮಲ್ಪುನ ಮಾತ ಕೆಲಸೊಲೆನ್ ಯಾನ್ ತೆರಿದೆ. ಬದುಕುನಾಯೆ ಪನ್ಪಿ ಪುದರ್ ನಿಕ್ಕ್ ಇತ್ತ್ಂಡಲಾ ಈ ಸೈತಿನಾಯೆ ಆದುಲ್ಲ ಪನ್ಪಿನೆನ್ ತೆರಿದೆ.

ಪ್ರಕಟಣೆ 3:15

ನಿನ ಕೆಲಸೊಲೆನ್ ಯಾನ್ ತೆರಿದೆ; ಈ ಚೌಲಿಲಾ ಅತ್ತ್ ಬೆಚ್ಚಲಾ ಅತ್ತ್, ಈ ಚೌಲಿ ಆವಡ್ ಬೆಚ್ಚ ಆವಡ್ ಇತ್ತ್‌ದ್ಂಡ ಎಡ್ಡೆ ಇತ್ತ್ಂಡ್.

ಪ್ರಕಟಣೆ 3:8

ನಿನ ಕೆಲಸೊಲೆನ್ ಯಾನ್ ತೆರಿದೆ. ಇಂದಾ, ನಿನ ಬಲ ಒಂತೆ ಆಂಡಲಾ ಈ ಎನ ಪುದರ್‌ನ್ ಆರೆಂಜಂದೆ ಎನ ಪಾತೆರೊನು ಕಾತೊಂಡಿನೆಡ್ದ್ ನಿನ ಎದುರುಡು ಒಂಜಿ ಬಾಕಿಲ್‌ನ್ ಜತ್ತ್‌ದ್ ದೀತೆ; ಅವೆನ್ ಏರ್ಲಾ ಮುಚ್ಚಯೆರ್.