ಪ್ರಕಟಣೆ 15:3 - ಪೊಸ ಒಡಂಬಡಿಕೆ

³ ಅಕುಲು ದೇವೆರೆ ಸೇವಕೆ ಆಯಿ ಮೋಶೆನ ಬೊಕ್ಕ ಕುರಿತ ಕಿನ್ನಿ ಆದಿತ್ತಿನಾಯನ ಪದೊನು ಮಲ್ತೊಂದಿತ್ತೆರ್. ಅವು ಇಂಚ ಉಂಡು, “ಸರ್ವಶಕ್ತೆ ದೇವೆರಾಯಿ, ಕರ್ತವಾ, ನಿನ ಕಾರ್ಯೊಲು ಮಲ್ಲದವುಲಾ ಅಚ್ಚಿರದವುಲಾ ಆದುಂಡು. ಮಾತ ಜನಾಂಗೊಲೆ ಅರಸೋ, ನಿನ ಮಾರ್ಗೊಲು ನ್ಯಾಯದವುಲಾ ಸತ್ಯದವುಲಾ ಆದುಂಡು.

ಪ್ರಕಟಣೆ 15:3 Iomraidhean Croise

ಯೋಹಾನೆ 1:17

ದೇವೆರ್ ನ್ಯಾಯಕಟ್ಟ್‌ನ್ ಮೋಶೆಡ್ದ್ ಕೊರಿಯೆ, ಆಂಡ ದಯಲಾ ಸತ್ಯಲಾ ಯೇಸು ಕ್ರಿಸ್ತಡ್ದ್ ತಿಕ್ಕ್ಂಡ್.

1 ತಿಮೋಥಿ 1:17

ನಿತ್ಯೊಗು ರಾಜ್ಯ ಆಳುನ ಅರಸುಲಾ, ನಾಶಾವಂದಿನಾಯೆಲಾ ಕಣ್ಣ್‌ಗ್ ತೋಜಂದಿನಾಯೆಲಾ ಆದುಪ್ಪು ಒರಿಯೇ ದೇವೆರೆಗ್ ಏನಿತ್ಯೇನಿಗ್ಲಾ ಮಾನಲಾ ಮೈಮೆಲಾ ಆವಡ್, ಆಮೆನ್.

ಇಬ್ರಿಯೆರೆಗ್ 3:5

ಮೋಶೆ ಒರಿ ಸೇವಕೆ ಆದ್ ದೇವೆರೆ ಇಲ್ಲಡ್ ಮಾತ ಸಂಗತಿಡ್ ನಂಬಿಗೆದಾಯೆ ಆದಿತ್ತೆ, ಆಯೆ ದುಂಬಗ್ ತೋಜಿದ್ ಬರ್ಪಿನ ಸಂಗತಿಲೆಗ್ ಸಾಕ್ಷಿ ಆದಿತ್ತೆ.

ಪ್ರಕಟಣೆ 1:8

“ಯಾನ್ ಆದಿಲಾ ಅಂತ್ಯಲಾ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆಲಾ ಸರ್ವಶಕ್ತೆಲಾ ಆದುಲ್ಲೆ.” ಅಂದ್‌ದ್ ದೇವೆರಾದುಪ್ಪು ಕರ್ತವೆ ಪನ್ಪೆ.

ಪ್ರಕಟಣೆ 11:17

ಪಂಡಿನಿ ದಾನೆಂದ್ಂಡ, “ಕರ್ತವಾ, ಸರ್ವಶಕ್ತೆ ಆದುಪ್ಪು ದೇವೆರೆ, ಉಪ್ಪುನಾಯೆ, ಇತ್ತಿನಾಯೆ ಈ ನಿನ ಮಲ್ಲ ಅಧಿಕಾರೊನು ವೈಸೊಂದು ಆಳಿನೆಡ್ದ್ ನಿಕ್ಕ್ ಉಪಕಾರ ಸ್ತುತಿ ಸಂದಾವ.

ಪ್ರಕಟಣೆ 14:3

ಅಕುಲು ಗದ್ದಿಗೆದ ಎದುರುಡ್ಲಾ ಆ ನಾಲ್ ಜೀವಿಲೆ ಬೊಕ್ಕ ಹಿರಿಯಾಕುಲೆ ಎದುರುಡ್ಲಾ ಪೊಸ ಪದ ಪಂಡೆರ್. ಭೂಲೋಕದ ಉಲಯಿಡ್ದ್ ದೆತ್ತೊಂಡಿನ ಆ ಒಂಜಿ ಲಕ್ಷದ ನಲ್ಪತ್ತನಾಲ್ ಸಾರ ಜನೊಕುಲೆ ಅತ್ತಂದೆ ಬೇತೆ ಏರ್ಲಾ ಆ ರಾಗೊನು ಕಲ್ಪೆರೆ ಆವಂದ್.

ಪ್ರಕಟಣೆ 14:8

ಆಯನ ಪಿರವುಡು ರಡ್ಡನೆ ದೂತೆ ಬತ್ತ್‌ದ್, “ಬೂರಿಯಲ್, ಬೂರಿಯಲ್ ಬಾಬೆಲ್ ಪನ್ಪಿ ಮಲ್ಲಪಟ್ಟಣ ಬೂರಿಯಲ್. ಆಲ್ ಮಾತ ಜನಾಂಗೊಲೆಗ್ ತನ ಹಾದ್ರದ ದ್ರಾಕ್ಷಾರಸೊನು ಪರ್ಪಾಯಲ್,” ಅಂದ್‌ದ್ ಪಂಡೆ.

ಪ್ರಕಟಣೆ 17:14

ಅಕುಲು ಯಜ್ಞದ ಕುರಿತ ಕಿನ್ನಿ ಆದಿತ್ತಿನಾಯನ ಮಿತ್ತ್ ಲಡಯಿ ಮಲ್ಪುವೆರ್. ಆಂಡ ಆಯೆ ಕರ್ತವೆರೆ ಕರ್ತವೆಲಾ ರಾಜಾದಿರಾಜೆಲಾ ಆದಿತ್ತಿನೆಡ್ದ್ ಅಕ್ಲೆನ್ ಗೆಂದುವೆ. ಬೊಕ್ಕ ದೇವೆರ್ ಲೆತ್ತಿನಾಕುಲುಲಾ ದೇವೆರ್ ಅಜತ್‌ದಿನಾಕುಲುಲಾ ನಂಬಿಗಸ್ತೆರ್‌ಲಾ ಆದುಪ್ಪು ಆಯ ಕಡೆತಾಕುಲು ಗೆಂದುನೆಟ್ಟ್ ಪಾಲ್‌ದಾರೆರಾಪೆರ್.”

ಪ್ರಕಟಣೆ 19:16

ಆಯನ ತೊಡೆತ ಮಿತ್ತ್‌ದ ಕುಂಟುಡು, “ರಾಜಾದಿರಾಜೆಲಾ ಕರ್ತವೆರೆ ಕರ್ತವೆಲಾ,” ಇನ್ಪಿ ಪುದರ್ ಬರೆತ್ಂಡ್.

ಪ್ರಕಟಣೆ 19:2

ಆಯನ ನ್ಯಾಯತೀರ್ಪು ಸತ್ಯದವುಲಾ ನ್ಯಾಯದವುಲಾ ಆದುಂಡು. ತನ ಹಾದ್ರೊಡ್ದು ಲೋಕೊನು ಪೂರ ಹಾಳ್ ಮಲ್ತ್‌ದಿನ ಆ ಮಲ್ಲ ಮಾನ್ಯ ಕೆಟ್ಟ್‌ದಿ ವೇಶ್ಯೆಗ್ ಆಯೆ ತೀರ್ಪು ಮಲ್ತ್‌ದ್ ಆಲ್ ಆಯ ಸೇವಕೆರೆನ್ ಕೆರಿನೆಕ್ಕಾದ್ ಆಲೆಗ್ ಪಗತೆ ಕೊರ್ದು ತೀರಿಸಾವೊಂಡೆ.”

ಪ್ರಕಟಣೆ 4:8

ಆ ನಾಲ್ ಜೀವಿಲೆಗ್ ಒಂಜೊಂಜೆಕ್ ಆಜಾಜಿ ರೆಂಕೆಲು ಇತ್ತ್ಂಡ್. ಸುತ್ತಲಾ ಉಲಯಿಲಾ ಪಿದಯಿಲಾ ಕಣ್ಣ್‌ಲು ಇತ್ತ್ಂಡ್. ಬೊಕ್ಕ ಆ ಜೀವಿಲು ರಾತ್ರೆ ಪಗೆಲ್ ಬುಡಂದೆ, “ದೇವೆರಾದುಪ್ಪು ಕರ್ತವೆ ಪರಿಶುದ್ಧೆ, ಪರಿಶುದ್ಧೆ, ಪರಿಶುದ್ಧದಾಯೆ ಆದುಲ್ಲೆ; ಸರ್ವತ್ರಾಣದಾಯೆ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆ,” ಅಂದ್‌ದ್ ಪನೊಂದಿತ್ತ್‌ಂಡ್.