ಪ್ರಕಟಣೆ 13:3 - ಪೊಸ ಒಡಂಬಡಿಕೆ

³ ಮೃಗತ ತರೆಲೆಡ್ ಒಂಜಿ ತರೆ ಗಾಯ ಆದ್ ಸೈಪಿಲೆಕ್ಕ ಉಪ್ಪುನೆನ್ ತೂಯೆ. ಆ ಸೈಪಿನಂಚಿ ಗಾಯ ಗುಣ ಆಂಡ್. ಭೂಮಿದಾಕುಲು ಮಾತೆರ್ ಆ ಮೃಗೊನು ತೂದು ಅಚ್ಚಿರ ಆದ್ ಐತ ಬೆರಿ ಪತ್ತಿಯೆರ್.

ಪ್ರಕಟಣೆ 13:3 Iomraidhean Croise

ಲೂಕೆ 2:1

ಆ ಕಾಲೊಡು ಇಡೀ ರಾಜ್ಯೊಡು ಖಾನೇಷ್‌ಮಾರಿ ಬರೆಪಾವೊಡು ಪನ್ಪಿ ಅಪ್ಪಣೆ ಚಕ್ರವರ್ತಿ ಆದಿತ್ತಿ ಔಗುಸ್ತಡ್ದ್ ಪಿದಾಡ್‌ಂಡ್.

ಯೋಹಾನೆ 12:19

ಇಂಚ ಉಪ್ಪುನಗ ಪರಿಸಾಯೆರ್, “ನಮ ತಂತ್ರೊಲು ದಾಲಾ ನಡತಿಜಿ, ತೂಲೆ; ಲೋಕ ಮಾತ ಆಯ ಬೆರಿಯೆ ಪೋಂಡತ್ತಾ!” ಅಂದ್‌ದ್ ಒರಿಯಗ್ ಒರಿ ಪಾತೆರೊಂಡೆರ್.

ಅಪೊ.ಕ್ರಿ 8:13

ಆ ಸೀಮೋನೆಲಾ ನಂಬುದು ನೀರ್‌ದ ದೀಕ್ಷಾಸ್ನಾನ ಮಲ್ತೊಂದು ಫಿಲಿಪ್ಪು ಒಟ್ಟುಗು ಏಪಲಾ ಇತ್ತ್‌ದ್ ಆಯೆ ಮಲ್ಪುನ ಕಾರ್ನಿಕೊಲೆನ್ಲಾ ಮಲ್ಲಕಾರ್ಯೊಲೆನ್ಲಾ ತೂದು ಅಚ್ಚಿರ ಆಯೆ.

ಪ್ರಕಟಣೆ 13:12

ಈ ಮೃಗ ಸುರುತ್ತ ಮೃಗತ ಮಾತ ಅಧಿಕಾರೊನು ಐತೊಟ್ಟಿಗೆ ನಡಪಾವುಂಡು. ಉಂದು ಸೈಪಿನಂಚ ಗಾಯ ಗುಣ ಆದಿತ್ತಿ ಆ ಸುರುತ್ತ ಮೃಗೊಕ್ಕು ಲೋಕಲಾ ಭೂಮಿಡುಪ್ಪು ಮಾತೆರ್ಲಾ ಆರಾಧನೆ ಮಲ್ಪುಲೆಕ್ಕ ಮಲ್ತ್ಂಡ್.

ಪ್ರಕಟಣೆ 13:14

ಆ ಸುರುತ್ತ ಮೃಗತ ಎದುರುಡು ಬಲತ್ತ ಕಾರ್ಯೊಲೆನ್ ಮಲ್ಪು ಅಧಿಕಾರ ಉಪ್ಪುನೆಡ್ದ್, ಭೂಮಿಡ್ ಉಪ್ಪುನಾಕುಲೆನ್ ಮರ್ಲ್ ಮಲ್ಪಾವುಂಡು. ಅಕ್ಲೆಗ್ ಕತ್ತಿಡ್ದ್ ಗಾಯ ಆದ್ ಸೈಯಂದೆ ಬದ್‌ಕಿನ ಮೃಗತ ಮರ್ಯಾದಿಗಾದ್ ಮೂರ್ತಿನ್ ಮಲ್ತೊನೊಡು ಪಂಡ್ದ್ ಕಲ್ಪಾವುಂಡು.

ಪ್ರಕಟಣೆ 17:10

ಅವು ಅತ್ತಂದೆ ಏಳ್‌ ರಾಜೆರೆಗ್ ಸೂಚನೆ ಆದುಂಡು. ಅಕ್ಲೆಡ್ ಐನ್ ರಾಜೆರ್ ಇದ ಮುಟ್ಟ ಬೂರ್ದು ಪೋತೆರ್; ಆಜನೆದಾಯೆ ಇತ್ತೆ ಆಳುವೆ; ಬೊಕ್ಕ ಏಳನೆದಾಯೆ ನನ ಬರಿಯೆರೆಗ್ ಉಲ್ಲೆ. ಆಂಡ ಆಯನ ಆಳಿಕೆ ಒಂತೆ ಮಾತ್ರ.

ಪ್ರಕಟಣೆ 17:11

ದುಂಬು ಇತ್ತ್‌ದ್ ಇತ್ತೆ ಉಪ್ಪಂದಿನ ಆ ಮೃಗನೇ ಎನ್ಮನೇ ಅರಸು. ಆಯೆ ಆ ಏಳ್‌ ರಾಜೆರೆಗ್ ಸೇರ್ದಿನಾಯೆ, ನಾಶನೊಗು ಪೋಪೆ.

ಪ್ರಕಟಣೆ 17:13

ಅಕುಲು ಒಂಜೇ ಅಭಿಪ್ರಾಯ ಇತ್ತಿನಾಕುಲು ಆದಿತ್ತ್‌ದ್ ತನ್ಕುಲೆ ಬಲೊನ್ಲಾ ಅಧಿಕಾರೊನ್ಲಾ ಮೃಗೊಕ್ಕು ಕೊರ್ಪೆರ್.

ಪ್ರಕಟಣೆ 17:17

ದಾಯೆಗಂದ್ಂಡ ಅಕುಲು ದೇವೆರೆ ಅಭಿಪ್ರಾಯೊಲೆನ್ ನಡಪಾವೆರೆಗ್ ಒಂಜೇ ಮನಸ್‌ದಾಕುಲು ಆದಿತ್ತ್‌ದ್ ತನ್ಕುಲೆ ರಾಜ್ಯೊನು ಮೃಗೊಕು ಕೊರಿಯೆರೆಗ್ಲಾ ದೇವೆರ್ ತನ ಪಾತೆರೊಲು ನಡಪುನೆಟ್ಟ ಅಕ್ಲೆನ ಮನಸ್‌ನ್ ಒತ್ತಾಯ ಮಲ್ತೆ.

ಪ್ರಕಟಣೆ 17:6

ಆ ಪೊಂಜೊವು ದೇವಜನೊಕುಲೆನ ಬೊಕ್ಕ ಯೇಸುಗು ಸಾಕ್ಷಿ ಕೊರ್ದು ಸೈತಿನಾಕುಲೆನ ನೆತ್ತೆರ್‌ನ್ ಪರ್ದ್ ಅಮಲ್ ಆದಿತ್ತಿನೆನ್ ತೂಯೆ. ಯಾನ್ ಆಲೆನ್ ತೂದು ಅಚ್ಚಿರ ಪಡೆಯೆ.

ಪ್ರಕಟಣೆ 17:8

ಈ ತೂಯಿನ ಆ ಮೃಗ ಸುರುಟ್ಟು ಇತ್ತ್ಂಡ್, ಆಂಡ ಇತ್ತೆ ಇಜ್ಜಿ. ಆಂಡ ಪಾತಾಳೊಡ್ದು ಆಯೆ ಬೇಗೊಡು ಮಿತ್ತ್ ಬತ್ತ್‌ದ್ ನಿತ್ಯ ನಾಶನೊಗು ಪೋಪೆ. ಲೋಕ ಉಂಡಾಯಿನೆಡ್ದಿಂಚಿ ಏರೇರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆತಿಜಾ, ಅಕುಲು ಈ ಮೃಗೊನು ತೂದು ಉಂದು ಸುರುಟ್ಟು ಇತ್ತ್ಂಡ್, ಇತ್ತೆ ಇಜ್ಜಿ, ಕುಡ ಬರ್ಪುಂಡು ಅಂದ್‌ದ್ ತೆರಿದ್ ಅಚ್ಚಿರ ಪಡೆವೆರ್.