ಪ್ರಕಟಣೆ 11:3 - ಪೊಸ ಒಡಂಬಡಿಕೆ

³ ಉಂದತ್ತಂದೆ ಎನ ಇರ್ವೆರ್ ಸಾಕ್ಷಿಲು ಗೋಣಿ ಪೊದೆತೊಂದು ಒಂಜಿ ಸಾರದ ಇರ್ನೂತ ಅಜ್ಪ ದಿನ ಮುಟ್ಟ ಪ್ರವಾದನೆ ಮಲ್ಪುಲೆಕ್ಕ ಮಲ್ಪುವೆ.”

ಪ್ರಕಟಣೆ 11:3 Iomraidhean Croise

ಮತ್ತಾಯೆ 11:21

ಎಂಚ ಪಂಡ, “ಅಯ್ಯೋ, ಕೊರಜಿನೋ, ಅಯ್ಯೋ ಬೆತ್ಸಾಯಿದಾ, ನಿಕ್ಲೆನಲ್ಪ ನಡತಿ ಮಲ್ಲಕಾರ್ನಿಕೊಲು ತೂರ್ ಬೊಕ್ಕ ಸೀದೋನ್ ಪೇಂಟೆಲೆಡ್ ನಡತುದುಂಡ ಅಲ್ಪದಾಕುಲು ಅಪಗನೆ ಗೋಣಿ ಪೊದೆತೊಂದು ಬೊನ್ಯೊಡು ಕುಲ್ಲೊಂದು ಪಶ್ಚಾತಾಪ ಪಡೆದಿತ್ತ್‌ದ್ವೆರ್.

ಮತ್ತಾಯೆ 18:16

ಆಯೆ ಕೇನಂದೆ ಪೋಂಡ ರಡ್ಡ್ ಮೂಜಿ ಜನ ಸಾಕ್ಷಿದಾಕುಲೆ ಬಾಯಿಡ್ದ್ ಪ್ರತಿಯೊಂಜಿ ಪಾತೆರಲಾ ನಿಗಂಟ್ ಆಪಿಲೆಕ್ಕ ನನಲಾ ಒರಿ ಇರ್ವೆರೆನ್ ನಿನಡೊಪ್ಪ ಲೆತ್ತೊಂದು ಪೋಲ.

ಲೂಕೆ 10:13

“ಅಯ್ಯೋ ಕೊರಜಿನೋ ಅಯ್ಯೋ ಬೆತ್ಸಾಯಿದಾ, ನಿಕ್ಲೆನಲ್ಪ ನಡತಿ ಮಲ್ಲಕಾರ್ನಿಕೊಲು ತೂರ್ ಬೊಕ್ಕ ಸೀದೋನ್ ಪಟ್ಟಣಲೆಡ್ ನಡತುದುಂಡ ಅಲ್ಪದಾಕುಲು ಅಪಗನೆ ಗೋಣಿತಟ್ಟು ಪೊದೆತೊಂದು ಬೊನ್ಯೊಡು ಕುಲ್ಲೊಂದು ಪಶ್ಚಾತಾಪ ಪಡೆದಿತ್ತ್‌ದ್ವೆರ್.

ಲೂಕೆ 24:48

ಉಂದೆತ್ತ ಸಂಗತಿಡ್ ನಿಕುಲೇ ಸಾಕ್ಷಿ ಆದುಪ್ಪುವರ್.

ಯೋಹಾನೆ 15:27

ನಿಕುಲು ಸುರುಡ್ದು ಎನಡೊಪ್ಪ ಇತ್ತಿನೆಡ್ದ್ ಎನ ಸಂಗತಿಡ್ ಸಾಕ್ಷಿ ಕೊರ್ಪರ್.

ಯೋಹಾನೆ 3:27

ಯೋಹಾನೆ, “ದೇವೆರ್ ಪರಲೋಕೊಡ್ದು ದಯ ಮಲ್ತ್ ಕೊರ್ಪಿನವು ಅತ್ತಂದೆ ನರಮಾನಿಗ್ ಹೆಚ್ಚಿಗೆದವು ದಾಲಾ ತಿಕ್ಕಂದ್.

ಅಪೊ.ಕ್ರಿ 1:8

ಆಂಡ ಪರಿಶುದ್ಧಾತ್ಮೆ ನಿಕ್ಲೆ ಉಲಯಿ ಬನ್ನಗ ನಿಕುಲು ಬಲ ಪಡೆದ್ ಯೆರೂಸಲೇಮುಡ್ಲಾ ಇಡೀ ಯೂದಾಯೊಡ್ಲಾ ಸಮಾರ್ಯೊಡ್ಲಾ ಭೂಮಿದ ಕಡೆ ಮುಟ್ಟಲಾ, ನಿಕುಲು ಎನ ಸಾಕ್ಷಿದಾಕುಲಾದುಪ್ಪುವರ್.”

ಅಪೊ.ಕ್ರಿ 13:31

ಬೊಕ್ಕ ಆಯೆ ಗಲಿಲಾಯೊಡ್ದು ಯೆರೂಸಲೇಮುಗು ಯೇಸುನ ಒಟ್ಟುಗು ಇತ್ತಿನಾಕುಲೆಗ್ ಮಸ್ತ್ ದಿನ ಮುಟ್ಟ ತೋಜಾವೊಂಡೆ. ಅಕುಲು ಇತ್ತೆ ಜನೊಕುಲೆ ದುಂಬು ಆಯಗ್ ಸಾಕ್ಷಿ ಆದುಲ್ಲೆರ್.

ಅಪೊ.ಕ್ರಿ 2:32

“ಈ ಯೇಸುನೇ ದೇವೆರ್ ಲಕ್ಕಾಯೆ ಉಂದೆಕ್ಕ್ ಎಂಕುಲು ಮಾತೆರ್ಲಾ ಸಾಕ್ಷಿದಾಕುಲಾದುಲ್ಲ.

ಅಪೊ.ಕ್ರಿ 3:15

ಜೀವದ ಅಧಿಪತಿನ್ ಕೆರ್ಪಾಯೆರ್. ಆಂಡ ದೇವೆರ್ ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯೆ. ಈ ಸಂಗತಿಡ್ ಎಂಕುಲೇ ಸಾಕ್ಷಿಲು.

1 ಕೊರಿಂಥ್ಯೆರೆಗ್ 12:28

ದೇವೆರ್ ಸಭೆಟ್ ಸುರುಕ್ಕು ಅಪೊಸ್ತಲೆರೆನ್, ರಡ್ಡನೇದಾದ್ ಪ್ರವಾದಿಲೆನ್, ಮೂಜನೆದಾದ್ ಬೋಧಕೆರೆನ್ ದೀತೆ; ಐಡ್ದ್ ಬೊಕ್ಕ ಕಾರ್ನಿಕೊಲೆನ್ ಮಲ್ಪುನ ಶಕ್ತಿನ್, ಸೀಕ್ ಗುಣ ಮಲ್ಪುನ ವರೊನು, ಬೇತೆಕ್ಲೆಗ್ ಸಹಾಯ ಮಲ್ಪುನ ಗುಣೊನು, ಆಳುನ ಸಮರ್ಥೊನು ಬೇತೆ ಬೇತೆ ಭಾಷೆಡ್ ಪಾತೆರುನ ವರೊನ್ಲಾ ಅಕುಲಾಕುಲೆಗ್ ಕೊರ್ತೆ.

2 ಕೊರಿಂಥ್ಯೆರೆಗ್ 13:1

ಯಾನ್ ನಿಕ್ಲೆನಡೆಗ್ ಬರ್ಪಿನಿ ಉಂದು ಮೂಜನೇ ಸರ್ತಿ. ಪ್ರತಿಯೊಂಜಿ ಸಂಗತಿಡ್ಲಾ ರಡ್ಡ್ ಮೂಜಿ ಜನ ಸಾಕ್ಷಿದಾಕುಲೆ ಬಾಯಿಡ್ದ್ ಸ್ಥಿರ ಆವೊಡು.

ಎಫೆಸ್ಯೆರೆಗ್ 4:11

ಸಭೆಕ್ ಕ್ರಿಸ್ತೆ ಕೊರ್ತಿನ ವರೊಕ್ಲು ಉಂದೇ. ಕೆಲೆವೆರೆನ್ ಅಪೊಸ್ತಲೆರ್, ಕೆಲೆವೆರೆನ್ ಪ್ರವಾದಿಲು, ಕೆಲೆವೆರೆನ್ ಸುವಾರ್ತಿಕೆರ್, ಬೊಕ್ಕ ಕೆಲೆವೆರೆನ್ ಸಭಾಸೇವಕೆರ್ ಬೊಕ್ಕ ಕೆಲೆವೆರೆನ್ ಬೋಧಕೆರ್ ಮಲ್ತ್‌ದ್ ಕೊರಿಯೆ.

ಪ್ರಕಟಣೆ 11:2

ಆಲಯೊಗು ಪಿದಯಿ ಉಪ್ಪು ಜಾಲ್‌ನ್ ಲಪ್ಪಂದೆ ಬುಡ್ದು ಬುಡು. ಅವು ಪಿದಯಿದ ಜನೊಕುಲೆಗ್ ಬುಡ್ತುಂಡು. ಅಕುಲು ಪರಿಶುದ್ಧ ಪೇಂಟೆನ್‌ ನಲ್ಪತ್ತರಡ್ಡ್ ತಿಂಗೊಲು ದೊಂಕೊಂದುಪ್ಪುವೆರ್.

ಪ್ರಕಟಣೆ 11:6

ತನ್ಕುಲು ಪ್ರವಾದನೆ ಮಲ್ಪುನ ದಿನೊಕುಲೆಡ್ ಬರ್ಸ ಬೂರಂದಿಲೆಕ್ಕ ಬಾನೊನು ಮುಚ್ಚುನ ಅಧಿಕಾರ ಮೊಕ್ಲೆಗ್ ಉಂಡು. ಉಂದತ್ತಂದೆ ಮೊಕ್ಲೆಗ್ ಮನಸ್‌ಗ್ ಬತ್ತಿನಪಗ ಮಾತ ತುದೆ ಸಮುದ್ರೊಲೆ ನೀರ್‌ನ್ ನೆತ್ತೆರ್ ಮಲ್ಪೆರೆಗ್ಲಾ ಭೂಮಿಗ್ ಮಾತ ತರತ ಉಪದ್ರ ಕೊರಿಯೆರೆಗ್ಲಾ ಅಧಿಕಾರ ಉಂಡು.

ಪ್ರಕಟಣೆ 12:6

ಆ ಪೊಂಜೊವು ಕಾಡ್‌ಗ್ ಪಾರ್ದ್ ಪೋಯಲ್. ಆಲೆನ್ ಸಾರತ್ತ ಇರ್ನೂತ ಅಜ್ಪ ದಿನ ಮುಟ್ಟ ತಾಂಕೊಡು ಅಂದ್‌ದ್ ದೇವೆರ್ ಒಂಜಿ ಜಾಗ್‌ನ್ ತಯಾರ್ ಮಲ್ತ್‌ದಿತ್ತೆ.

ಪ್ರಕಟಣೆ 13:5

ಆ ಮೃಗೊಕ್ಕು ದೇವೆರೆಗ್ ವಿರೋಧಾದ್ ಮಸ್ತ್ ದೂಷಣೆಲೆನ್ ಪಾತೆರುನ ಬಾಯಿನ್ ಕೊರ್ದಿತ್ತ್‌ಂಡ್. ಬೊಕ್ಕ ನಲ್ಪತ್ತರಡ್ಡ್ ತಿಂಗೊಲು ಮುಟ್ಟ ತನ ಕಾರ್ಯೊಲೆನ್ ನಡಪಾವುನ ಅಧಿಕಾರೊನ್ಲಾ ಕೊರ್ದಿತ್ತ್‌ಂಡ್.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.

ಪ್ರಕಟಣೆ 20:4

ಬೊಕ್ಕ ಗದ್ದಿಗೆಲೆನ್ ತೂಯೆ. ಐತ ಮಿತ್ತ್ ಜನೊಕುಲು ಕುಲ್ಲುದಿತ್ತೆರ್. ನ್ಯಾಯತೀರ್ಪು ಮಲ್ಪುನ ಅಧಿಕಾರ ಅಕ್ಲೆಗ್ ಕೊರ್ದಿತ್ತ್‌ಂಡ್. ಬೊಕ್ಕ ಯೇಸುನ ಸಾಕ್ಷಿಗಾದ್ ದೇವೆರೆ ಪಾತೆರೊಗಾದ್ ತರೆ ಕಡ್ತ್‌ದಿನಾಕುಲೆನ ಆತ್ಮೊಲೆನ್ಲಾ ಮೃಗೊಕ್ಲಾ ಐತ ಮೂರ್ತಿಗ್ಲಾ ಅಡ್ಡಬೂರಂದೆ ತನ್ಕುಲೆ ಮುಂಡದ ಮಿತ್ತ್ ಬೊಕ್ಕ ಕೈತ ಮಿತ್ತ್ ಗುರ್ತ ಪಾಡೊನಂದೆ ಉಪ್ಪುನಾಕುಲೆನ್ಲಾ ತೂಯೆ. ಅಕುಲು ಜೀವಾದ್ ಲಕ್ಕ್‌ದ್ ಕ್ರಿಸ್ತಡೊಪ್ಪ ಸಾರ ವರ್ಸ ಆಳಿಯೆರ್.