ಪ್ರಕಟಣೆ 10:3 - ಪೊಸ ಒಡಂಬಡಿಕೆ

³ ಸಿಮ್ಮ ಬೊಬ್ಬೆ ದೀಪಿಲೆಕ್ಕ ಮಲ್ಲ ಶಬ್ಧೊಡು ಬೊಬ್ಬೆ ದೀಯೆ. ಬೊಬ್ಬೆ ದೀನಗ ಏಳ್‌ ತೆಡಿಲ್ ಒಂಜೊಂಜಾದ್ ಸ್ವರ ಸೇರಾಂಡ್.

ಪ್ರಕಟಣೆ 10:3 Iomraidhean Croise

ಪ್ರಕಟಣೆ 14:2

ಉಂದತ್ತಂದೆ ಪರಲೋಕದ ಕಡೆಡ್ದ್ ನೀರ್‌ದ ಮಲ್ಲ ಶಬ್ಧಲಾ, ತೆಡಿಲ್‌ದ ಶಬ್ಧೊನ್ಲಾ ಕೇಂಡೆ. ಯಾನ್ ಕೇಂಡಿನ ಸ್ವರ ಮಸ್ತ್ ಜನ ಒಟ್ಟಾದ್ ವೀಣೆ ಬಾರಿಸಾವೊಂದು ಪದ ಪನ್ಪಿಲೆಕ್ಕ ಇತ್ತಿ ಸ್ವರೊನು ಕೇಂಡೆ.

ಪ್ರಕಟಣೆ 15:1

ಪರಲೋಕೊಡು ಅಚ್ಚಿರದ ಬೊಕ್ಕೊಂಜಿ ಮಲ್ಲ ಗುರ್ತ ಎಂಕ್ ತೋಜ್ಂಡ್. ಏಳ್‌ ಮಂದಿ ದೂತೆರೆ ಕೈಟ್ ಏಳ್‌ ಉಪದ್ರೊಲು ಇತ್ತ್ಂಡ್. ಉಂದು ಕಡೆತ ಉಪದ್ರೊಲು. ಉಂದೆಡ್ದ್ ದೇವೆರೆ ಕೋಪ ಮುಗಿಯುಂಡು.

ಪ್ರಕಟಣೆ 15:7

ಬೊಕ್ಕ ನಾಲ್ ಜೀವಿಲೆಡ್ ಒಂಜಿ, ಆ ಏಳ್‌ ದೂತೆರೆಗ್ ಏನಿತ್ಯೇನಿಗ್ಲಾ ಬದುಕುನಾಯೆ ಆದುಪ್ಪು ದೇವೆರೆ ಕೋಪ ದಿಂಜಿದಿತ್ತಿನ ಏಳ್‌ ಬಂಗಾರ್‌ದ ಬಾಜನೊನು ಕೊರ್‌ಂಡ್.

ಪ್ರಕಟಣೆ 4:5

ಗದ್ದಿಗೆಡ್ದ್ ಮಿಂಚಿದ ಬೊಲ್ಪುಲಾ ತೆಡಿಲ್‌ದ ಶಬ್ಧಲಾ ಬರೊಂದಿತ್ತ್‌ಂಡ್. ಗದ್ದಿಗೆದ ಎದುರುಡು ಏಳ್‌ ತೂಟೆ ಅರ್ಲೊಂದಿತ್ತ್‌ಂಡ್, ಅವು ದೇವೆರೆ ಏಳ್‌ ಆತ್ಮೊಲು.

ಪ್ರಕಟಣೆ 8:5

ಐಡ್ದ್ ಬೊಕ್ಕ ಆ ದೂತೆ ಧೂಪಾರತಿನ್‌ ದೆತ್ತೊಂದು ಬಲಿಪೀಠದ ಗೆಂಡೊಡು ದಿಂಜಾದ್ ಭೂಮಿಗ್ ದಕ್ಕಿಯೆ. ಅಪಗ ತೆಡಿಲ್‌ದ ಅಬ್ಬರಲಾ, ಮಿಂಚಿಲಾ, ಭೂಕಂಪಲಾ ಆಂಡ್.