ಪ್ರಕಟಣೆ 10:1 - ಪೊಸ ಒಡಂಬಡಿಕೆ

¹ ಬೊಕ್ಕ ಬಲಿಷ್ಟೆ ಆಯಿ ಬೇತೆ ಒರಿ ದೂತೆ ಮುಗಲ್‌ನ್ ಪೊದೆತೊಂದು ಪರಲೋಕೊಡ್ದು ಜತ್ತ್‌ದ್ ಬರ್ಪಿನೆನ್ ತೂಯೆ. ಆಯ ತರೆತ ಮಿತ್ತ್ ಕಾಮನಬಿಲ್ಲ್ ಇತ್ತ್ಂಡ್. ಆಯನ ಮೋನೆ ಸೂರ್ಯನಲೆಕ್ಕಲಾ ಆಯನ ಕಾರ್ ತೂತ ಕಂಬದಲೆಕ್ಕಲಾ ಇತ್ತ್ಂಡ್

ಪ್ರಕಟಣೆ 10:1 Iomraidhean Croise

ಮತ್ತಾಯೆ 17:2

ಅಲ್ಪ ಅಕ್ಲೆನ ಕಣ್ಣೆದುರುಡು ಆಯನ ರೂಪ ಬೇತೆ ಆಂಡ್; ಆಯ ಮೋನೆ ಸೂರ್ಯದಲೆಕ್ಕ ಮಿಂಚಿಂಡ್; ಆಯೆ ಪಾಡ್ದಿನ ಕುಂಟುಲು ಬೊಲ್ಪುದ ಲೆಕ್ಕನೇ ಬೊಲ್ದಾಂಡ್.

ಲೂಕೆ 21:27

ಅಪಗ ನರಮಾನಿ ಮಗೆ ಬಲೊಟ್ಲಾ ಬಾರಿ ಮೈಮೆಡ್ಲಾ ಮುಗಲ್‌ಡ್ ಬರ್ಪಿನೆನ್ ತೂಪರ್.

ಅಪೊ.ಕ್ರಿ 26:13

ಓ ರಾಜಾ, ಮಧ್ಯಾಹ್ನದ ಪೊರ್ತುಡು ಪರಲೋಕೊಡ್ದು ಉಂಡಾಯಿನ ಒಂಜಿ ಬೊಲ್ಪು ಎನ ಸುತ್ತಲಾ ಎನ ಒಟ್ಟುಗು ಪ್ರಯಾಣ ಮಲ್ತೊಂದಿತ್ತಿನಾಕುಲೆನ ಸುತ್ತಲಾ ಸೂರ್ಯಡ್ದ್‌ಲಾ ಹೆಚ್ಚಿತ್ತಿನ ಬೊಲ್ಪುನು ತೂಯೆ.

ಪ್ರಕಟಣೆ 1:7

“ಇಂದಾ, ಆಯೆ ಮುಗಲ್‌ಡ್ ಬರುವೆ; ಮಾತ ಕಣ್ಣ್‌ಲು ಆಯನ್ ತೂವು. ಬರ್ಚಿಡ್ ಆಯನ್‌ ನೋಂತಿನಾಕುಲುಲಾ ತೂವೆರ್, ಈ ಭೂಮಿಡುಪ್ಪು ಮಾತ ಗೋತ್ರೊಲು ಆಯನ್ ತೂದು ತಿಗಲೆಗ್ ದರ್ತೊನ್ವೆರ್.” ಅಂದ್, ಅಂಚೆನೇ ಆವು ಆಮೆನ್.

ಪ್ರಕಟಣೆ 18:1

ಉಂದು ಮಾತ ಆಯಿ ಬೊಕ್ಕ ಬಲತ್ತ ಅಧಿಕಾರ ಇತ್ತಿ ಬೊಕ್ಕೊರಿ ದೂತೆ ಪರಲೋಕೊಡ್ದು ಜತ್ತ್‌ದ್ ಬರ್ಪಿನೆನ್ ತೂಯೆ. ಆಯನ ಪ್ರಭಾವೊಡ್ದಾದ್ ಭೂಮಿಗ್ ಬೊಲ್ಪು ಉಂಡಾಂಡ್.

ಪ್ರಕಟಣೆ 18:21

ಅಪಗ ಬಲಿಷ್ಟೆ ಆದುಪ್ಪು ಒರಿ ದೂತೆ ಮಲ್ಲ ಬೀಸುನ ಕಲ್ಲ್ ದಂಚಿನ ಒಂಜಿ ಕಲ್ಲ್‌ನ್ ದೆರ್ತ್ತ್‌ದ್ ಕಡಲ್ದ ಉಲಯಿ ಪಾಡ್ದ್, “ಮಲ್ಲ ಪಟ್ಟಣ ಆದುಪ್ಪು ಬಾಬೆಲ್ ಇಂಚೆನೇ ಬೂರ್‌ಂಡ್ ನನ ಏಪೊಗ್ಲಾ ತೋಜಂದ್.

ಪ್ರಕಟಣೆ 20:1

ಅಪಗ ಒರಿ ದೂತೆ ಪಾತಾಳದ ಬೀಗದ ಕೈನ್ಲಾ ಮಲ್ಲ ಸರಪೊಳಿನ್ಲಾ ಕೈಟ್ ಪತ್ತೊಂದು ಪರಲೋಕೊಡ್ದು ಜತ್ತ್‌ದ್ ಬರ್ಪಿನೆನ್ ತೂಯೆ.

ಪ್ರಕಟಣೆ 4:3

ಕುಲ್ಲುದಿತ್ತಿನಾಯನ ಕಣ್ಣ್ ಸೂರ್ಯಕಾಂತ ಬೊಕ್ಕ ಪದ್ಮರಾಗ ಮಣಿತ್ತಲೆಕ್ಕ ತೋಜೊಂದಿತ್ತ. ಗದ್ದಿಗೆದ ಸುತ್ತಲಾ ಪಚ್ಚೆ ಮಿಂಚುನ ಕಲ್ಲ್‌ದಲೆಕ್ಕ ಕಾಮನಬಿಲ್ಲ್ ಇತ್ತ್ಂಡ್.

ಪ್ರಕಟಣೆ 5:2

ಉಂದತ್ತಂದೆ ಒರಿ ಬಲಿಷ್ಟೆ ದೂತೆ, “ಈ ಸುರುಳಿನ್ ಗಿರ್ಪೆರೆಗ್ಲಾ ಮುದ್ರೆಲೆನ್ ದರ್ಪೆರೆಗ್ಲಾ ತಕ್ಕದಾಯೆ ಏರ್ ಉಲ್ಲೆರ್?” ಅಂದ್‌ದ್ ಗಟ್ಟಿ ಸ್ವರೊಟ್ಟು ಸಾರಿಯುನೆನ್ ತೂಯೆ.

ಪ್ರಕಟಣೆ 8:13

ಬೊಕ್ಕ ಯಾನ್ ತೂನಗ, ಇಂದಾ ಒಂಜಿ ಗಿಡಿ ನಡು ಬಾನೊಡು ರಾವೊಂದಿತ್ತ್‌ಂಡ್. ಅವು, “ಅಯ್ಯೋ, ಅಯ್ಯೋ, ಅಯ್ಯೋ ಒರಿದಿನ ಮೂಜಿ ದೂತೆರ್ ತನ್ಕುಲೆ ತುತೂರಿ ಉರ್ಪುನಗ ಆಪಿನ ವಿಷಯೊಲೆಡ್ದ್ ಈ ಲೋಕೊಡುಪ್ಪುನಾಕುಲೆಗ್ ಎಂಚಿತ್ತಿ ಆಪತ್ತುಲು ಆಪುಂಡು.” ಅಂದ್‌ದ್ ಮಲ್ಲ ಶಬ್ಧೊಡು ಪನ್ಪಿನೆನ್ ಕೇಂಡೆ.