ಪ್ರಕಟಣೆ 1:9 - ಪೊಸ ಒಡಂಬಡಿಕೆ

⁹ ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 1:9 Iomraidhean Croise

ಮತ್ತಾಯೆ 20:23

ಅಪಗ ಆಯೆ ಅಕ್ಲೆಡ, “ಎನ ಕಷ್ಟೊಡು ನಿಕುಲು ಪಾಲ್‌ದಾರೆರ್ ಆವರ್ ಸರಿ. ಆಂಡ ಎನ ಬಲತ್ತ ಮರ್ಗಿಲ್ಡಾವಡ್ ದತ್ತ ಮರ್ಗಿಲ್ಡಾವಡ್ ಕುಲ್ಲಾವುನ ಎನ ಬೇಲೆ ಅತ್ತ್. ಎನ ಅಮ್ಮೆರೆಡ್ದ್ ಅವು ಏರೆಗ್ ತಯಾರ್ ಮಲ್ತ್‌ದುಂಡಾ ಅಕ್ಲೆಗ್ ತಿಕ್ಕುಂಡು,” ಅಂದ್‌ದ್ ಪಂಡೆ.

ಮಾರ್ಕೆ 10:39

ಅಕುಲು ಆಯಡ, “ಆವು,” ಪಂಡೆರ್. ಅಪಗ ಯೇಸು ಅಕ್ಲೆಗ್, “ಎನ ಕಷ್ಟೊಡು ನಿಕುಲು ಪಾಲ್‌ದಾರೆರ್ ಆವರ್ ಸರಿ. ಎಂಕ್ ಆಪಿನ ದೀಕ್ಷಾಸ್ನಾನ ನಿಕ್ಲೆಗಾಪುಂಡಲಾ

ಯೋಹಾನೆ 16:33

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ಅಪೊ.ಕ್ರಿ 1:15

ಆ ದಿನೊಕುಲೆಡ್ ಸುಮಾರ್ ನೂತ್ತ ಇರ್ವ ಮಂದಿ ಸಹೋದ್ರೆರ್ ಸೇರ್ದುಪ್ಪುನಗ ಪೇತ್ರೆ ಅಕ್ಲೆ ನಡುಟು ಉಂತುದು ಇಂಚ ಪಂಡೆ.

ಅಪೊ.ಕ್ರಿ 14:22

ಶಿಷ್ಯೆರ್‌ನ ಉಡಲ್‌ನ್ ದೃಢ ಮಲ್ತ್‌ದ್ ನಂಬಿಕೆಡ್ ನಿಲೆ ಆದುಪ್ಪುಲೆ ಪಂಡ್ದ್ ಉಮೇದ್ ಕೊರಿಯೆರ್, ಬೊಕ್ಕ ನಮ ಬಾರಿ ಸಂಕಟ ತಾಳ್‌ದ್ ದೇವೆರೆ ರಾಜ್ಯೊಗು ಸೇರೊಡು ಅಂದ್‌ದ್ ಬೋಧನೆ ಕೊರಿಯೆರ್.

ರೋಮಾಯೆರೆಗ್ 8:17

ನಮ ಜೋಕುಲು ಆದುಲ್ಲಡ ಹಕ್ಕ್‌ದಾಕುಲಾದುಲ್ಲ, ದೇವೆರೆ ಹಕ್ಕ್‌ದಾಕುಲಾದುಲ್ಲ, ಅಂಚೆನೆ ಕ್ರಿಸ್ತಡೊಪ್ಪಲಾ ಹಕ್ಕ್‌ದಾಕುಲಾದುಲ್ಲ. ದಾಯೆಗಂದ್ಂಡ ಕ್ರಿಸ್ತನ ಭಾದೆಲೆಡ್ ನಮ ಪಾಲ್ ದೆತ್ತೊನುವಡ ಆಯ ಮೈಮೆಡ್ಲಾ ನಂಕ್ ಪಾಲುಂಡು.

ರೋಮಾಯೆರೆಗ್ 8:25

ಆಂಡ ತೂವಂದಿನೆನ್ ನಮ ಕಾತೊಂದುಪ್ಪುನಾಂಡ, ತಾಳ್ಮೆಡ್ ಕಾತೊಂದುಪ್ಪುವ.

2 ಕೊರಿಂಥ್ಯೆರೆಗ್ 1:7

ನಿಕುಲು ಎಂಕುಲೆ ಭಂಗೊಲೆಡ್ ಪಾಲ್‌ದಾರೆರಾಯಿ ಲೆಕ್ಕನೇ ಆಧಾರಣೆಲೆಡ್ಲಾ ಪಾಲ್‌ದಾರೆರಾದುಲ್ಲರ್ ಅಂದ್‌ದ್ ಎಂಕ್ಲೆಗ್ ತೆರಿದಿತ್ತಿನೆಡ್ದ್ ನಿಕ್ಲೆ ಸಂಗತಿಡ್ ಎಂಕುಲೆಡುಪ್ಪು ಭರವಸ ಸ್ಥಿರ ಆದುಂಡು.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 4:14

ಆಂಡಲಾ ಎನ ಇತ್ತೆದ ಕಷ್ಟೊಡು ನಿಕುಲು ಸಹಾಯ ಕೊರಿನವು ಎಡ್ಡೆನೇ ಆಂಡ್.

2 ಥೆಸಲೋನಿಕೆರೆಗ್‌ 3:5

ಕರ್ತವೆ ನಿಕ್ಲೆ ಉಡಲ್‌ನ್ ದೇವೆರೆ ಪ್ರೀತಿಡ್ಲಾ ಕ್ರಿಸ್ತನ ತಾಳ್ಮೆಡ್ಲಾ ಉಪ್ಪುಲೆಕ್ಕ ನಡಪಾವಡ್.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

ಇಬ್ರಿಯೆರೆಗ್ 10:36

ದೇವೆರೆ ಚಿತ್ತೊನು ತೀರಿಸಾದ್ ವಾಗ್ದಾನದ ಫಲೊನು ಪಡೆವೊಡಾಂಡ ನಿಕ್ಲೆಗ್ ತಾಳ್ಮೆ ಬೋಡು.

1 ಪೇತ್ರೆ 5:1

ಸಭೆತ ಹಿರಿಯಾಕುಲೇ, ನಿಕ್ಲೆನ ಜತೆ ಹಿರಿಯಾಯೆ ಆಯಿ ಯಾನ್ ಕ್ರಿಸ್ತ ಶ್ರಮೆಲೆಡ್ ಸಾಕ್ಷಿದಾಯೆ; ನನ ದುಂಬು ತೋಜಿದ್ ಬರ್ಪಿ ಮೈಮೆಡ್ ಪಾಲ್‌ದಾರೆ ಆಯಿ ಯಾನ್ ನಿಕ್ಲೆನ್ ಉತ್ತೇಜನ ಮಲ್ತ್‌ದ್ ಪನ್ಪಿನಿ ದಾನೆ ಪಂಡ,

ಪ್ರಕಟಣೆ 1:1

ಉಂದು ಯೇಸು ಕ್ರಿಸ್ತನ ಪ್ರಕಟಣೆ. ಬೇಗನೆ ನಡಪೆರೆ ಉಪ್ಪುನ ಸಂಗತಿಲೆನ್ ತನ ಸೇವಕೆರೆಗ್ ತೋಜಾವೆರೆಗಾದ್ ದೇವೆರೆಡ್ದ್ ಈ ಪ್ರಕಟಣೆನ್ ಪಡೆಯೆ. ಉಂದತ್ತಂದೆ ಕ್ರಿಸ್ತೆ ತನ ಸೇವಕೆ ಆಯಿ ಯೋಹಾನಗ್ ಈ ಪ್ರಕಟಣೆನ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡಿಯೆ.

ಪ್ರಕಟಣೆ 1:2

ಯೋಹಾನೆ ತಾನ್ ತೂಯಿನೆನ್ ಮಾತೆನ್ ತೆರಿಪಾವುನಾಯೆ ಆದ್ ದೇವೆರೆ ಪಾತೆರದ ಸಂಗತಿಡ್ಲಾ ಯೇಸು ಕ್ರಿಸ್ತೆ ಪಂಡಿನ ಸಾಕ್ಷಿದ ಸಂಗತಿಡ್ಲಾ ಸಾಕ್ಷಿ ಪಂಡೆ.

ಪ್ರಕಟಣೆ 1:4

ಆಸ್ಯ ಸೀಮೆಡುಪ್ಪು ಏಳ್‌ ಸಭೆಲೆಗ್ ಯೋಹಾನೆ ಬರೆಪಿನಿ ದಾನೆಂದ್ಂಡ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಆದುಪ್ಪುನಾಯಡ್ದ್‌ಲಾ ಆಯನ ಗದ್ದಿಗೆದ ದುಂಬುಪ್ಪು ಏಳ್‌ ಆತ್ಮೊಲೆಡ್ದ್‌ಲಾ ನಂಬಿಕೆ ಇತ್ತಿ ಸಾಕ್ಷಿದಾಯೆಲಾ ಸೈತಿನಾಕುಲೆಡ್ದ್ ದುಂಬತ್ತ ಲಕ್ಕ್‌ದ್ ಬೈದಿನಾಯೆಲಾ ಭೂಮಿದ ಅರಸರೆನ್ ಆಳುನಾಯೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್. ಆಯೆ ನಮನ್ ಪ್ರೀತಿ ಮಲ್ಪುನಾಯೆಲಾ, ತನ ನೆತ್ತೆರೆಡ್ದ್ ನಮನ್ ಪಾಪೊಡ್ದು ಬುಡ್ಪಾದಿನಾಯೆಲಾ ಆದುಲ್ಲೆ.

ಪ್ರಕಟಣೆ 1:6

ಬೊಕ್ಕ ನಮನ್ ತನ ಅಮ್ಮೆ ಆದುಪ್ಪು ದೇವೆರೆಗ್ ರಾಜೆರಾದ್‌ಲಾ ಯಾಜಕೆರಾದ್‌ಲಾ ಮಲ್ತಿನಾಯಗ್ ಏನಿತ್ಯೇನಿಗ್ಲಾ ಮೈಮೆಲಾ ಬಲಲಾ ಆವಡ್, ಆಮೆನ್.

ಪ್ರಕಟಣೆ 11:7

ಮೊಕುಲು ತನ್ಕುಲೆ ಸಾಕ್ಷಿನ್ ಪಂಡ್ದ್ ಮುಗಿತಿ ಬೊಕ್ಕ ಪಾತಾಳೊಡ್ದು ಬತ್ತಿನ ಮೃಗ ಮೊಕ್ಲೆನ ಮಿತ್ತ್ ಬೂರ್ದು ಮೊಕ್ಲೆನ್ ಸೋಪಾದ್ ಕೆರ್ಪುಂಡು.

ಪ್ರಕಟಣೆ 12:11

ಅಕುಲು ಮರಣ ಮುಟ್ಟ ತನ್ಕುಲೆ ಪ್ರಾಣೊನು ಪ್ರೀತಿ ಮಲ್ಪಂದೆ, ಕುರಿತ ಕಿನ್ನಿದ ನೆತ್ತೆರೆಡ್ದ್‌ಲಾ ತನ್ಕುಲೆ ಸಾಕ್ಷಿದ ಪಾತೆರೊಡ್ದುಲಾ ಆಯನ್ ಗೆಂದಿಯೆರ್.

ಪ್ರಕಟಣೆ 12:17

ಅಪಗ ಘಟಸರ್ಪಗ್ ಬಾರೀ ಕೋಪ ಬತ್ತ್‌ದ್ ಆ ಪೊಂಜೊವುನ ಬಾಕಿ ಸಂತಾನದಾಕುಲೆಡೊಪ್ಪ ಅಂದ್ಂಡ ದೇವೆರೆ ಅಪ್ಪಣೆಲೆನ್ ಕೈಕೊಂದು ಯೇಸುಗಾದ್ ತನ್ಕುಲೆ ಸಾಕ್ಷಿನ್ ಪತ್ತೊಂದಿನಾಕುಲೆಡೊಪ್ಪ ಲಡಯಿಗ್ ಪಿದಾಡಿಯೆ.

ಪ್ರಕಟಣೆ 13:10

“ಕೈದ್‌ಗ್ ನೇಮಕ ಆತಿನಾಯೆ ಸೆರೆಮನೆಕ್ ಪೋವೆ. ಕತ್ತಿಡ್ ಕೆರಿಯೆರೆ ನೇಮಕ ಆತಿನಾಯೆ ಕತ್ತಿಡೇ ಸೈಯೊಡು.” ನೆಟ್ಟ್ ದೇವಜನೊಕುಲೆ ತಾಳ್ಮೆಲಾ ನಂಬಿಕೆಲಾ ತೋಜಿದ್ ಬರ್ಪುಂಡು.

ಪ್ರಕಟಣೆ 14:12

ನೆಡ್ದ್ ದೇವೆರೆ ಅಪ್ಪಣೆನ್ಲಾ ಯೇಸುನ ಮಿತ್ತ್ ನಂಬಿಕೆ ದೀವೊಂದು ನಡಪುನಾಕುಲೆನ ದೇವಜನೊಕುಲೆ ತಾಳ್ಮೆಲಾ ತೋಜಿದ್ ಬರ್ಪುಂಡು.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.

ಪ್ರಕಟಣೆ 20:4

ಬೊಕ್ಕ ಗದ್ದಿಗೆಲೆನ್ ತೂಯೆ. ಐತ ಮಿತ್ತ್ ಜನೊಕುಲು ಕುಲ್ಲುದಿತ್ತೆರ್. ನ್ಯಾಯತೀರ್ಪು ಮಲ್ಪುನ ಅಧಿಕಾರ ಅಕ್ಲೆಗ್ ಕೊರ್ದಿತ್ತ್‌ಂಡ್. ಬೊಕ್ಕ ಯೇಸುನ ಸಾಕ್ಷಿಗಾದ್ ದೇವೆರೆ ಪಾತೆರೊಗಾದ್ ತರೆ ಕಡ್ತ್‌ದಿನಾಕುಲೆನ ಆತ್ಮೊಲೆನ್ಲಾ ಮೃಗೊಕ್ಲಾ ಐತ ಮೂರ್ತಿಗ್ಲಾ ಅಡ್ಡಬೂರಂದೆ ತನ್ಕುಲೆ ಮುಂಡದ ಮಿತ್ತ್ ಬೊಕ್ಕ ಕೈತ ಮಿತ್ತ್ ಗುರ್ತ ಪಾಡೊನಂದೆ ಉಪ್ಪುನಾಕುಲೆನ್ಲಾ ತೂಯೆ. ಅಕುಲು ಜೀವಾದ್ ಲಕ್ಕ್‌ದ್ ಕ್ರಿಸ್ತಡೊಪ್ಪ ಸಾರ ವರ್ಸ ಆಳಿಯೆರ್.

ಪ್ರಕಟಣೆ 3:10

ಈ ಎನ ಬೋಧನೆಲೆನ್ ಕಾತೊಂದು ಬತ್ತಿನೆಡ್ದ್ ಲೋಕದ ಜನೊಕುಲೆನ್ ಪರೀಕ್ಷೆ ಮಲ್ಪೆರೆಗಾದ್ ಇಡೀ ಲೋಕೊಗು ಬರ್ಪಿನ ಶೋಧನೆದ ಕಾಲೊಡು ನಿನನ್ ತಪ್ಪಾದ್ ಕಾಪುವೆ.

ಪ್ರಕಟಣೆ 6:9

ಆಯೆ ಐನನೇ ಮುದ್ರೆನ್ ದರ್ಪುನಗ ದೇವೆರೆ ವಾಕ್ಯೊಡ್ದುಲಾ ಅಕುಲು ಪಂಡಿನ ಸಾಕ್ಷಿಡ್ದ್‌ಲಾ ಸೈತಿನಾಕುಲೆನ ಆತ್ಮೊಲು ಬಲಿಪೀಠದ ತಿರ್ತ್ ಉಪ್ಪುನೆನ್ ತೂಯೆ.

ಪ್ರಕಟಣೆ 7:14

“ಸ್ವಾಮಿ, ಈಯೇ ತೆರಿದ,” ಅಂದ್‌ದ್ ಪಂಡೆ. ಐಕ್ ಆಯೆ ಎನಡ ಪಂಡಿನಿ ಮೊಕುಲು ಆ ಮಲ್ಲ ಭಂಗೊನು ಅನುಭವ ಮಲ್ತ್‌ದ್ ಬತ್ತಿನಾಕುಲು; ಯಜ್ಞದ ಕುರಿತ ಕಿನ್ನಿ ಆದಿತ್ತಿನಾಯನ ನೆತ್ತೆರ್‌ಡ್ ತನ್ಕುಲೆ ಕುಂಟುಲೆನ್ ಮಡಿ ಮಲ್ತೊಂದೆರ್.