ಪ್ರಕಟಣೆ 1:4 - ಪೊಸ ಒಡಂಬಡಿಕೆ

^4-5 ಆಸ್ಯ ಸೀಮೆಡುಪ್ಪು ಏಳ್‌ ಸಭೆಲೆಗ್ ಯೋಹಾನೆ ಬರೆಪಿನಿ ದಾನೆಂದ್ಂಡ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಆದುಪ್ಪುನಾಯಡ್ದ್‌ಲಾ ಆಯನ ಗದ್ದಿಗೆದ ದುಂಬುಪ್ಪು ಏಳ್‌ ಆತ್ಮೊಲೆಡ್ದ್‌ಲಾ ನಂಬಿಕೆ ಇತ್ತಿ ಸಾಕ್ಷಿದಾಯೆಲಾ ಸೈತಿನಾಕುಲೆಡ್ದ್ ದುಂಬತ್ತ ಲಕ್ಕ್‌ದ್ ಬೈದಿನಾಯೆಲಾ ಭೂಮಿದ ಅರಸರೆನ್ ಆಳುನಾಯೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್. ಆಯೆ ನಮನ್ ಪ್ರೀತಿ ಮಲ್ಪುನಾಯೆಲಾ, ತನ ನೆತ್ತೆರೆಡ್ದ್ ನಮನ್ ಪಾಪೊಡ್ದು ಬುಡ್ಪಾದಿನಾಯೆಲಾ ಆದುಲ್ಲೆ.

ಪ್ರಕಟಣೆ 1:4 Iomraidhean Croise

ಯೋಹಾನೆ 1:1

ಆದಿಡ್ ವಾಕ್ಯ ಇತ್ತ್ಂಡ್, ಆ ವಾಕ್ಯ ದೇವೆರೆ ಕೈತಲ್ ಇತ್ತ್ಂಡ್, ಆ ವಾಕ್ಯ ದೇವೆರ್ ಆದಿತ್ತ್ಂಡ್.

ಅಪೊ.ಕ್ರಿ 19:10

ಉಂದು ರಡ್ಡ್ ವರ್ಸ ನಡತಿನೆಡ್ದ್ ಆಸ್ಯ ದೇಶೊಡು ಇತ್ತಿನ ಯೆಹೂದ್ಯೆರ್‌ಲಾ ಗ್ರೀಕೆರ್‌ಲಾ ಮಾತೆರ್ಲಾ ಕರ್ತವ ಪಾತೆರೊನು ಕೇಂಡೆರ್.

ಅಪೊ.ಕ್ರಿ 2:9

ನಮ್ಮ ನಡುಟು ಪಾರ್ಥ್ಯೆರ್, ಮೇದ್ಯೆರ್, ಎಲಾಮ್ಯೆರ್, ಮೆಸೊಪೊತಾಮ್ಯೆರ್, ಯೂದಾಯೆರ್, ಕಪ್ಪದೋಕ್ಯೆರ್, ಪೊಂತ, ಆಸ್ಯ,

ರೋಮಾಯೆರೆಗ್ 1:7

ಅಂಚೆನೆ ರೋಮಾಪುರೊಟ್ಟುಪ್ಪು ದೇವೆರೆ ಪ್ರೀತಿದಾಕುಲೆಗ್ಲಾ ಲೆಪ್ಪು ಆತಿ ದೇವಜನೊಕುಲೆಗ್ಲಾ ಮಾತೆರೆಗ್ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಕೊರಿಂಥ್ಯೆರೆಗ್ 1:3

ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

2 ಕೊರಿಂಥ್ಯೆರೆಗ್ 1:2

ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ದಯಲಾ ಸಮಾಧಾನಲಾ ಆವಡ್.

ಇಬ್ರಿಯೆರೆಗ್ 13:8

ಯೇಸು ಕ್ರಿಸ್ತೆ ಕೋಡೆ ಇತ್ತಿಲೆಕ್ಕನೆ ಇನಿಲಾ ಉಲ್ಲೆ, ಏಪೊಗ್ಲಾ ಅಂಚನೇ ಉಪ್ಪುವೆ.

ಯಾಕೋಬು 1:17

ಮಾತ ಎಡ್ಡೆಂತಿನವುಲಾ ಕುಂದೆಲ್‌ದಾಂತಿ ಉಡಿಗೆರೆಲಾ ಬೊಲ್ಪುಲೆನ್ ಉಂಡು ಮಲ್ತಿ ಪರಲೋಕದ ಅಮ್ಮೆ ಆದುಪ್ಪು ದೇವೆರೆಡ್ದ್ ಜತ್ತ್‌ದ್ ಬರ್ಪುಂಡು. ಆಯೆ ಏಪೊಗ್ಲಾ ಎಡ್ಡೆಂತಿನೆನೇ ಕೊರ್ಪಿನಾಯೆ, ಅತ್ತ್‌ಡ ಆಯೆ ನಿರೆಲ್‌ದ ಲೆಕ್ಕ ದುಂಬು ಪಿರ ಪೋಪಿನಾಯೆ ಅತ್ತ್.

ಪ್ರಕಟಣೆ 1:1

ಉಂದು ಯೇಸು ಕ್ರಿಸ್ತನ ಪ್ರಕಟಣೆ. ಬೇಗನೆ ನಡಪೆರೆ ಉಪ್ಪುನ ಸಂಗತಿಲೆನ್ ತನ ಸೇವಕೆರೆಗ್ ತೋಜಾವೆರೆಗಾದ್ ದೇವೆರೆಡ್ದ್ ಈ ಪ್ರಕಟಣೆನ್ ಪಡೆಯೆ. ಉಂದತ್ತಂದೆ ಕ್ರಿಸ್ತೆ ತನ ಸೇವಕೆ ಆಯಿ ಯೋಹಾನಗ್ ಈ ಪ್ರಕಟಣೆನ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡಿಯೆ.

ಪ್ರಕಟಣೆ 1:11

ಅವು, “ಈ ತೂಪಿನೆನ್ ಪುಸ್ತಕೊಡು ಬರೆದ್ ಅವೆನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯಾ ಬೊಕ್ಕ ಲವೊದಿಕೀಯ ಪನ್ಪಿ ಏಳ್‌ ಪಟ್ಟಣದ ಸಭೆಲೆಗ್ ಕಡಪುಡ್ಲ,” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 1:17

ಯಾನ್ ಆಯನ್ ತೂಯಿನಪಗ ಸೈತಿನಾಯಲೆಕ್ಕ ಆಯ ಕಾರ ಮುದೆಲ್‌ಗ್ ಬೂರಿಯೆ. ಅಪಗ ಆಯೆ ತನ ಬಲತ್ತ ಕೈನ್ ಎನ ಮಿತ್ತ್ ದೀದ್ “ಪೋಡ್ಯಡ! ಯಾನ್ ಆದಿಲಾ ಅಂತ್ಯಲಾ ಏಪೊಗ್ಲಾ ಬದುಕುನಾಯೆಲಾ ಆದುಲ್ಲೆ.

ಪ್ರಕಟಣೆ 1:20

ಎನ ಬಲತ್ತ ಕೈಟ್ ಈ ತೂಯಿನ ಏಳ್‌ ಬೊಳ್ಳಿಲು ಬೊಕ್ಕ ಏಳ್‌ ಬಂಗಾರ್‌ದ ದೀಪಕಂಬದ ಗೂಢಾರ್ಥೊನು ತೆರಿಪಾವೆ. ಆ ಏಳ್‌ ಬೊಳ್ಳಿಲು ಪಂಡ ಏಳ್‌ ಸಭೆತ ದೂತೆರ್. ಆ ಏಳ್‌ ದೀಪ ಕಂಬೊಲು ಅಂದ್ಂಡ ಆ ಏಳ್‌ ಸಭೆಕುಲು.

ಪ್ರಕಟಣೆ 1:8

“ಯಾನ್ ಆದಿಲಾ ಅಂತ್ಯಲಾ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆಲಾ ಸರ್ವಶಕ್ತೆಲಾ ಆದುಲ್ಲೆ.” ಅಂದ್‌ದ್ ದೇವೆರಾದುಪ್ಪು ಕರ್ತವೆ ಪನ್ಪೆ.

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 16:5

ಐಡ್ದ್ ಬೊಕ್ಕ ನೀರ್‌ದ ಮಿತ್ತ್ ಅಧಿಪತಿ ಆದುಪ್ಪು ದೂತೆ, “ಏಪೊಗ್ಲಾ ಉಪ್ಪುನಾಯಾ, ಪರಿಶುದ್ಧದಾಯಾ, ಈ ಇಂಚನೆ ನ್ಯಾಯತೀರ್ಪು ಮಲ್ತಿನೆಡ್ದ್ ಈ ನೀತಿದಾಯೆನೇ ಆದುಲ್ಲ.

ಪ್ರಕಟಣೆ 2:12

“ಪೆರ್ಗಮೊಡುಪ್ಪು ಸಭೆತ ದೂತಗ್ ಇಂಚ ಬರೆಲ, ಪರ್ತೆದ ಇರ್ಬಾಯಿ ಕತ್ತಿನ್ ಪತ್ತೊಂದಿತ್ತಿನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 2:18

“ಥುವತೈರೊಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ಅರ್ಲುನ ತೂತ ಕೆಂಡದಲೆಕ್ಕ ಉಪ್ಪು ಕಣ್ಣುಲು ಪಿತ್ತಲೆದಲೆಕ್ಕಂತಿ ಕಾರುಲು ಉಪ್ಪುನ ದೇವೆರೆ ಮಗೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 2:8

“ಸ್ಮುರ್ನೊಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ಆದಿಲಾ ಅಂತ್ಯಲಾ ಸೈತ್‌ದ್ ಬದ್‌ಕಿನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 22:16

“ಯೇಸು ಇನ್ಪಿ ಯಾನೇ, ಎನ ಸಭೆಲೆಗ್ ಈ ಸಾಕ್ಷಿನ್ ನಿನಡ್ದ್ ಕೊರಿಯೆರೆಗಾದ್ ಎನ ದೂತನ್ ಕಡಪುಡುದೆ. ಯಾನ್ ದಾವೀದನ ಬೇರ್‌ಲಾ ಸಂತಾನಲಾ ಆಯ ಸಿಮ್ಮಾಸನೊಗು ಬಾಧ್ಯಸ್ತೆಲಾ ಪುಲ್ಯಕೆಲದ ಮಿಂಚುನ ಬೊಳ್ಳಿಲಾ ಆದುಲ್ಲೆ.”

ಪ್ರಕಟಣೆ 22:8

ಯೋಹಾನೆ ಪನ್ಪಿ ಯಾನ್ ಈ ಮಾತ ಸಂಗತಿಲೆನ್ ಕೇಂಡ್ದ್, ತೂಯಿನಾಯೆ. ಯಾನ್ ಕೇಂಡ್ದ್ ತೂಯಿ ಬೊಕ್ಕ ಉಂದೆನ್ ಎಂಕ್ ತೋಜಾಯಿ ದೂತಗ್ ಆರಾಧನೆ ಮಲ್ಪೊಡಂದ್‌ದ್ ಕಾರ್‌ಗ್ ಅಡ್ಡಬೂರ್ಯೆ.

ಪ್ರಕಟಣೆ 3:1

“ಸಾರ್ದಿಸ್‌ಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ದೇವೆರೆ ಏಳ್‌ ಆತ್ಮೊಲೆನ್ಲಾ ಏಳ್‌ ಬೊಳ್ಳಿಲೆನ್ಲಾ ಪಡೆತಿನಾಯೆ ಪನ್ಪಿನಿ ದಾನೆಂದ್ಂಡ, ಈ ಮಲ್ಪುನ ಮಾತ ಕೆಲಸೊಲೆನ್ ಯಾನ್ ತೆರಿದೆ. ಬದುಕುನಾಯೆ ಪನ್ಪಿ ಪುದರ್ ನಿಕ್ಕ್ ಇತ್ತ್ಂಡಲಾ ಈ ಸೈತಿನಾಯೆ ಆದುಲ್ಲ ಪನ್ಪಿನೆನ್ ತೆರಿದೆ.

ಪ್ರಕಟಣೆ 3:14

“ಲವೊದಿಕಿಯೊಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ಆಮೆನ್ ಪನ್ಪಿನಾಯೆ ನಂಬಿಕೆದ ಸತ್ಯಸಾಕ್ಷಿಲಾ ದೇವೆರೆ ಸೃಷ್ಟಿಗ್ ಅಧಿಕಾರ ಆದುಪ್ಪುನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 3:7

“ಫಿಲದೆಲ್ಫಿಯದ ಸಭೆತ ದೂತಗ್ ಇಂಚ ಬರೆಲ: “ಪರಿಶುದ್ಧೆಲಾ ಸತ್ಯವಂತೆಲಾ ದಾವೀದನ ಬೀಗದ ಕೈ ಇತ್ತಿನಾಯೆಲಾ ಏರ್ಲಾ ಮುಚ್ಚಂದಿಲೆಕ್ಕ ಜಪ್ಪುನಾಯೆಲಾ, ಏರ್ಲಾ ಜಪ್ಪಂದಿಲೆಕ್ಕ ಮುಚ್ಚುನಾಯೆಲಾ ಆದುಪ್ಪುನಾಯೆ ಪನ್ಪಿನಿ ದಾನೆಂದ್ಂಡ,

ಪ್ರಕಟಣೆ 4:5

ಗದ್ದಿಗೆಡ್ದ್ ಮಿಂಚಿದ ಬೊಲ್ಪುಲಾ ತೆಡಿಲ್‌ದ ಶಬ್ಧಲಾ ಬರೊಂದಿತ್ತ್‌ಂಡ್. ಗದ್ದಿಗೆದ ಎದುರುಡು ಏಳ್‌ ತೂಟೆ ಅರ್ಲೊಂದಿತ್ತ್‌ಂಡ್, ಅವು ದೇವೆರೆ ಏಳ್‌ ಆತ್ಮೊಲು.

ಪ್ರಕಟಣೆ 4:8

ಆ ನಾಲ್ ಜೀವಿಲೆಗ್ ಒಂಜೊಂಜೆಕ್ ಆಜಾಜಿ ರೆಂಕೆಲು ಇತ್ತ್ಂಡ್. ಸುತ್ತಲಾ ಉಲಯಿಲಾ ಪಿದಯಿಲಾ ಕಣ್ಣ್‌ಲು ಇತ್ತ್ಂಡ್. ಬೊಕ್ಕ ಆ ಜೀವಿಲು ರಾತ್ರೆ ಪಗೆಲ್ ಬುಡಂದೆ, “ದೇವೆರಾದುಪ್ಪು ಕರ್ತವೆ ಪರಿಶುದ್ಧೆ, ಪರಿಶುದ್ಧೆ, ಪರಿಶುದ್ಧದಾಯೆ ಆದುಲ್ಲೆ; ಸರ್ವತ್ರಾಣದಾಯೆ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆ,” ಅಂದ್‌ದ್ ಪನೊಂದಿತ್ತ್‌ಂಡ್.

ಪ್ರಕಟಣೆ 5:6

ಬೊಕ್ಕ ಯಾನ್ ಗದ್ದಿಗೆಲಾ ನಾಲ್ ಜೀವಿಲು ಇತ್ತಿ ಜಾಗ್‌ಗ್ಲಾ ಹಿರಿಯೆರ್ ಇತ್ತಿ ಜಾಗ್‌ಗ್ಲಾ ನಡುಟು ಯಜ್ಞದ ಒಂಜಿ ಕುರಿತ ಕಿನ್ನಿ ಉಂತುದಿನೆನ್ ತೂಯೆ. ಐಕ್ ಏಳ್‌ ಕೊಂಬುಲಾ ಏಳ್‌ ಕಣ್ಣ್‌ಲಾ ಇತ್ತ್ಂಡ್. ಅವು ಭೂಮಿದ ಮಾತ ಕಡೆಕ್ಕ್, ಕಡಪುಡ್ದಿನ ದೇವೆರೆ ಏಳ್‌ ಆತ್ಮೊಲು ಆದಿತ್ತ್ಂಡ್.

ಪ್ರಕಟಣೆ 8:2

ಅಪಗ ದೇವೆರೆ ಎದುರುಡು ಉಂತುದಿತ್ತಿ ಏಳ್‌ ದೂತೆರೆನ್ ತೂಯೆ. ಅಕ್ಲೆಗ್ ದೇವೆರ್ ಏಳ್‌ ತುತೂರಿಲೆನ್ ಕೊರಿಯೆ.