ಪ್ರಕಟಣೆ 1:3 - ಪೊಸ ಒಡಂಬಡಿಕೆ

³ ಈ ಪ್ರವಾದನೆದ ಪಾತೆರೊಲೆನ್ ಓದುನಾಯೆಲಾ, ಓದಿನೆನ್ ಕೇನುನಾಕುಲುಲಾ ಐಟ್ಟ್ ಬರೆತಿ ಪಾತೆರೊಲೆನ್ ಕೈಕೊಂದು ನಡಪುನಾಕುಲುಲಾ ಭಾಗ್ಯವಂತೆರ್‌. ದಾಯೆಗಂದ್ಂಡ ಅವು ನಡಪು ಕಾಲ ಮುಟ್ಟ ಆತ್ಂಡ್.

ಪ್ರಕಟಣೆ 1:3 Iomraidhean Croise

ಮತ್ತಾಯೆ 24:15

“ಅಂಚಾಯಿನೆಡ್ದ್ ಪ್ರವಾದಿ ದಾನಿಯೇಲೆ ಪಂಡಿನಂಚಿನ, ‘ಹಾಳ್ ಮಲ್ಪುನ ಅಸಹ್ಯ ವಸ್ತುಲು ಪರಿಶುದ್ಧಸ್ಥಾನೊಡು ಉಂತುದುಪ್ಪುನೆನ್,’ ನಿಕುಲು ತೂನಗ, (ಉಂದೆನ್ ಓದುನಾಯೆ ತೆರಿಯೊನುಡು).

ಲೂಕೆ 11:28

ಯೇಸು ಆಲೆಗ್ ಅಂಚ ಪನಡ, “ದೇವೆರೆ ಪಾತೆರೊನು ಕೇಂಡ್ದ್ ಐಕ್ ಸರಿಯಾದ್ ನಡಪುನಾಕುಲೆ ಭಾಗ್ಯವಂತೆರ್,” ಪಂಡೆ.

ರೋಮಾಯೆರೆಗ್ 13:11

ಬೊಕ್ಕ ನಮ ನಿದ್ರೆಡ್ದ್ ಎಚ್ಚರಿಕೆ ಆವೊಡಾಯಿನ ಸಮಯ ಕೈತಲ್‌ ಬತ್ತ್ಂಡ್ ಅಂದ್‌ದ್ ತೆರಿನೆಡ್ದ್ ಉಂದೆನ್ ಮಾತ ಮಲ್ಪುಲೆ. ದಾಯೆಗಂದ್ಂಡ ನಂಕ್ ರಕ್ಷಣೆ ತಿಕ್ಕುನ ಸಮಯ ನಮ ಸುರುಟ್ಟು ನಂಬಿನ ಪೊರ್ತುಡ್ದುಲಾ ಇತ್ತೆ ಮಸ್ತ್ ಕೈತಲಾತ್ತ್ಂಡ್.

ರೋಮಾಯೆರೆಗ್ 13:12

ರಾತ್ರೆ ಹೆಚ್ಚ್ ಮಟ್ಟ್‌ಗ್ ಕರಿಂಡ್, ಪಗೆಲ್ ಕೈತಲಾತ್ತ್ಂಡ್. ಕತ್ತಲೆಗ್ ಸೇರ್ದಿನ ಕ್ರಿಯೊಲೆನ್ ಉಂತಾದ್ ಬೊಲ್ಪುಡು ಲಡಯಿ ಮಲ್ಪುನೆಕ್ಕಾದ್ರ ತಯಾರ್ ಆದ್ ಆಯುಧೊಲೆನ್ ಪತ್ತೊನುಗ.

1 ಪೇತ್ರೆ 4:7

ಮಾತೆತ್ತ ಅಂತ್ಯ ಆಪಿನ ಕಾಲ ಮುಟ್ಟ ಬೈದ್‌ಂಡ್; ಅಂಚಾಯಿನೆಡ್ದ್ ಪ್ರಾರ್ಥನೆಗ್ ತಯಾರಾದ್ ಸ್ವಸ್ಥ ಬುದ್ಧಿಡ್ ಎಚ್ಚರಿಕೆ ಆದುಪ್ಪುಲೆ.

2 ಪೇತ್ರೆ 3:8

ಪ್ರೀತಿದಾಕುಲೇ, ಕರ್ತವಗ್ ಒಂಜಿ ದಿನ ಸಾರ ವರ್ಸದ ಲೆಕ್ಕಲಾ, ಸಾರ ವರ್ಸೊಲು ಒಂಜಿ ದಿನತ ಲೆಕ್ಕಲಾ ಉಂಡು ಇನ್ಪಿನೆನ್ ಮಾತ್ರ ಮದಪಡೆ.

ಪ್ರಕಟಣೆ 22:10

ಬೊಕ್ಕ ಆಯೆ ಎಂಕ್ ಪಂಡೆ, “ಈ ಪುಸ್ತಕದ ಪ್ರವಾದನೆಲೆಗ್ ಮುದ್ರೆ ಪಾಡಡ. ದಾಯೆಗಂದ್ಂಡ ಸಮಯ ಕೈತಲ್ ಬತ್ತ್ಂಡ್.

ಪ್ರಕಟಣೆ 22:12

“ಇಂದಾ, ಯಾನ್ ಬೇಗೊಡು ಬರ್ಪೆ. ಮಾತೆರೆಗ್ಲಾ ಅಕ್ಲೆ ಕ್ರಿಯೊಲೆಗ್ ತಕ್ಕ ಪ್ರತಿಫಲೊನು ಯಾನ್ ಪತ್ತೊಂದು ಬರ್ಪೆ.”

ಪ್ರಕಟಣೆ 22:20

ಉಂದು ಮಾತೆಕ್ಕ್‌ಲಾ ಸಾಕ್ಷಿ ಆದುಪ್ಪುನಾಯೆ ಪನ್ಪೆ, “ಅಂದ್, ಯಾನ್ ಬೇಗೊಡೇ ಬರೊಂದುಲ್ಲೆ.” ಆಮೆನ್, ಕರ್ತವೆ ಆದುಪ್ಪು ಯೇಸೋ, ಬಲ.

ಪ್ರಕಟಣೆ 3:11

ಯಾನ್ ಬೇಗೊಡು ಬರ್ಪೆ. ನಿನ ಕಿರೀಟೊನು ಏರ್ಲಾ ದೆಪ್ಪಂದಿಲೆಕ್ಕ ನಿಕ್ಕುಪ್ಪುನೆನ್ ಗಟ್ಟಿಯಾದ್ ಪತ್ತೊನ್ಲ.