ಪ್ರಕಟಣೆ 1:2 - ಪೊಸ ಒಡಂಬಡಿಕೆ

² ಯೋಹಾನೆ ತಾನ್ ತೂಯಿನೆನ್ ಮಾತೆನ್ ತೆರಿಪಾವುನಾಯೆ ಆದ್ ದೇವೆರೆ ಪಾತೆರದ ಸಂಗತಿಡ್ಲಾ ಯೇಸು ಕ್ರಿಸ್ತೆ ಪಂಡಿನ ಸಾಕ್ಷಿದ ಸಂಗತಿಡ್ಲಾ ಸಾಕ್ಷಿ ಪಂಡೆ.

ಪ್ರಕಟಣೆ 1:2 Iomraidhean Croise

ಯೋಹಾನೆ 1:32

ಉಂದತ್ತಂದೆ ಯೋಹಾನೆ ಸಾಕ್ಷಿ ಕೊರ್ದು ಪಂಡಿನಿ ದಾನೆಂದ್ಂಡ, “ದೇವೆರಾತ್ಮ ಪಾರಿವಾಳದ ರೂಪೊಡು ಬಾನೊಡ್ದು ತಿರ್ತ್ ಜಪ್ಪುನೆನ್ ತೂಯೆ. ಅವು ಆಯ ಮಿತ್ತ್ ನಿಲೆ ಆಂಡ್.

ಯೋಹಾನೆ 12:17

ಉಂದತ್ತಂದೆ ಯೇಸು ಲಾಜರ್‌ನ ಸಮಾಧಿದ ಉಲಯಿಡ್ದ್ ಲೆತ್ತ್‌ದ್, ಜೀವ ಕೊರಿನ ಗಳಿಗೆಡ್, ಆಯಡೊಪ್ಪ ಇತ್ತಿನ ಜನೊಕುಲು ಈ ವಿಷಯೊಡು ಸಾಕ್ಷಿ ಕೊರೊಂದಿತ್ತೆರ್.

ಯೋಹಾನೆ 19:35

ಅವೆನ್ ತೂಯಿನಾಯನೇ ಸಾಕ್ಷಿ ಪನ್ತೆ. ಆಯ ಸಾಕ್ಷಿ ಸತ್ಯದವೇ ತಾನ್ ಪನ್ಪಿನವು ಸತ್ಯದವು ಅಂದ್‌ದ್ ಆಯೆ ತೆರಿದೆ. ನಿಕುಲುಲಾ ಉಂದೆನ್ ನಂಬೊಡು ಅಂದ್‌ದ್ ಪನ್ತೆ.

ಯೋಹಾನೆ 21:24

ಈ ಸಂಗತಿಲೆನ್ ಬರೆದ್ ನೆತ್ತ ಸಂಗತಿಡ್ ಸಾಕ್ಷಿ ಕೊರ್ತಿನ ಶಿಷ್ಯೆ ಆಯೆನೇ. ಆಯ ಸಾಕ್ಷಿ ಸತ್ಯದವು ಅಂದ್‌ದ್ ಎಂಕುಲು ತೆರಿದ.

ಯೋಹಾನೆ 3:11

ಯಾನ್ ನಿಕ್ಕ್ ಸತ್ಯಾದ್ ಪನ್ಪೆ, ಎಂಕುಲು ತೆರಿದಿನೆನ್ ಪಾತೆರ್‌ವ. ತೂಯಿನೆಕ್ಕ್ ಸಾಕ್ಷಿ ಕೊರ್ಪ, ನಿಕುಲು ಎಂಕ್ಲೆನ ಸಾಕ್ಷಿನ್ ನಂಬುಜರ್.

ಅಪೊ.ಕ್ರಿ 22:15

ಈ ತೂತಿನ ಬೊಕ್ಕ ಕೇಂಡಿನ ಸಂಗತಿಲೆಗ್ಲಾ ಮಾತ ನರಮಾನಿಲೆ ಎದುರು ಸಾಕ್ಷಿಯಾದುಪ್ಪೊಡು.

ಅಪೊ.ಕ್ರಿ 26:16

ಈ ಲಕ್ಕ್‌ದ್ ಉಂತುಲ. ನಿನನ್ ಎನ ಸೇವಕೆ ಆದ್‌ಲಾ ಸಾಕ್ಷಿ ಆದ್‌ಲಾ ನೇಮಕ ಮಲ್ಪೆರೆಗಾದೇ ನಿಕ್ಕ್ ತೋಜಿದ್ ಬತ್ತೆ. ಯಾನ್ ಇತ್ತೆಲಾ ನನ ದುಂಬು ನಿಕ್ಕ್ ಕೊರಿಯೆರೆ ಉಪ್ಪುನ ದರ್ಶನೊಲೆಡ್ಲಾ ನಿಕ್ಕ್ ತೋಜಿದ್ ಬತ್ತಿನ ಸಂಗತಿಡ್ಲಾ ಈ ಸಾಕ್ಷಿ ಆದುಪ್ಪೊಡು.

ಅಪೊ.ಕ್ರಿ 4:20

ಎಂಕುಲು ಎಂಚಲಾ ಮನಿಪಂದೆ ಕುಲ್ಲಯ. ಎಂಕುಲು ತೂಯಿನ ಬೊಕ್ಕ ಕೇಂಡಿನ ಸಂಗತಿಲೆನ್ ಪನೊಡೇ ಆಪುಂಡು,” ಅಂದ್‌ದ್ ಉತ್ತರ ಕೊರಿಯೆರ್.

1 ಕೊರಿಂಥ್ಯೆರೆಗ್ 2:1

ಸಹೋದ್ರೆರೇ, ಯಾನ್ ನಿಕ್ಲೆನಡೆ ಬತ್ತ್‌ದುಪ್ಪುನಗ ದೇವೆರೆ ಸಾಕ್ಷಿನ್ ನಿಕ್ಲೆಗ್ ಮಲ್ಲ ಪಾತೆರೊಡಾವಡ್ ಮಲ್ಲ ಬುದ್ಧಿಡಾವಡ್ ಸಾರಿಯೊಂದು ಬೈದಿಜಿ.

1 ಯೋಹಾನೆ 1:1

ಎಂಕುಲು ನಿಕ್ಲೆಗ್ ಜೀವದ ವಾಕ್ಯ ಬರೆವೊಂದುಲ್ಲ. ಆ ಜೀವದ ವಾಕ್ಯ ಆದಿಡ್ದ್ ಇತ್ತಿನವು. ಅವೆನ್ ಎಂಕುಲು ಕೆಬಿಟ್ ಕೇಂಡ್ದ್, ಕಣ್ಣ್‌ಡ್ ತೂದು, ದೃಷ್ಟಿ ದೀದ್, ಎಂಕ್ಲೆನ ಕೈಟ್ ಮುಟ್ಟುದ.

1 ಯೋಹಾನೆ 4:14

ಅಮ್ಮೆ ಆದುಪ್ಪು ದೇವೆರ್ ತನ ಮಗನ್ ಈ ಲೋಕದ ರಕ್ಷಕೆ ಆದ್ ಕಡಪುಡ್ದಿನೆನ್ ಎಂಕುಲು ಸ್ವಂತ ಕಣ್ಣ್‌ಡ್ ತೂದು, ಇತ್ತೆ ಐಕಾದ್ ಸಾಕ್ಷಿ ಕೊರ್ಪ.

3 ಯೋಹಾನೆ 1:12

ದೆಮೇತ್ರಿಯನ ವಿಚಾರೊಡು ಮಾತೆರ್ಲಾ ಎಡ್ಡೆಂತಿನೆನೇ ಸಾಕ್ಷಿ ಪನ್ಪೆರ್. ಅವು ಸತ್ಯಲಾ ಆದುಂಡು. ಎಂಕುಲುಲಾ ಆಯ ವಿಚಾರೊಡು ಅವೆನೇ ಪನ್ಪ, ಬೊಕ್ಕ ಎಂಕುಲು ಸತ್ಯನೇ ಪಾತೆರ್‌ವ ಅಂದ್‌ದ್ ಈ ತೆರಿದ.

ಪ್ರಕಟಣೆ 1:11

ಅವು, “ಈ ತೂಪಿನೆನ್ ಪುಸ್ತಕೊಡು ಬರೆದ್ ಅವೆನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯಾ ಬೊಕ್ಕ ಲವೊದಿಕೀಯ ಪನ್ಪಿ ಏಳ್‌ ಪಟ್ಟಣದ ಸಭೆಲೆಗ್ ಕಡಪುಡ್ಲ,” ಅಂದ್‌ದ್ ಪಂಡ್ಂಡ್.

ಪ್ರಕಟಣೆ 1:19

ಐಡ್ದಾವರ ಈ ತೂಯಿನೆನ್ಲಾ ಇತ್ತೆ ನಡಪುನೆನ್ಲಾ ದುಂಬಗ್ ಆವೊಡಾಯಿನೆನ್ಲಾ ಬರೆಲ.

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 12:11

ಅಕುಲು ಮರಣ ಮುಟ್ಟ ತನ್ಕುಲೆ ಪ್ರಾಣೊನು ಪ್ರೀತಿ ಮಲ್ಪಂದೆ, ಕುರಿತ ಕಿನ್ನಿದ ನೆತ್ತೆರೆಡ್ದ್‌ಲಾ ತನ್ಕುಲೆ ಸಾಕ್ಷಿದ ಪಾತೆರೊಡ್ದುಲಾ ಆಯನ್ ಗೆಂದಿಯೆರ್.

ಪ್ರಕಟಣೆ 12:17

ಅಪಗ ಘಟಸರ್ಪಗ್ ಬಾರೀ ಕೋಪ ಬತ್ತ್‌ದ್ ಆ ಪೊಂಜೊವುನ ಬಾಕಿ ಸಂತಾನದಾಕುಲೆಡೊಪ್ಪ ಅಂದ್ಂಡ ದೇವೆರೆ ಅಪ್ಪಣೆಲೆನ್ ಕೈಕೊಂದು ಯೇಸುಗಾದ್ ತನ್ಕುಲೆ ಸಾಕ್ಷಿನ್ ಪತ್ತೊಂದಿನಾಕುಲೆಡೊಪ್ಪ ಲಡಯಿಗ್ ಪಿದಾಡಿಯೆ.

ಪ್ರಕಟಣೆ 20:4

ಬೊಕ್ಕ ಗದ್ದಿಗೆಲೆನ್ ತೂಯೆ. ಐತ ಮಿತ್ತ್ ಜನೊಕುಲು ಕುಲ್ಲುದಿತ್ತೆರ್. ನ್ಯಾಯತೀರ್ಪು ಮಲ್ಪುನ ಅಧಿಕಾರ ಅಕ್ಲೆಗ್ ಕೊರ್ದಿತ್ತ್‌ಂಡ್. ಬೊಕ್ಕ ಯೇಸುನ ಸಾಕ್ಷಿಗಾದ್ ದೇವೆರೆ ಪಾತೆರೊಗಾದ್ ತರೆ ಕಡ್ತ್‌ದಿನಾಕುಲೆನ ಆತ್ಮೊಲೆನ್ಲಾ ಮೃಗೊಕ್ಲಾ ಐತ ಮೂರ್ತಿಗ್ಲಾ ಅಡ್ಡಬೂರಂದೆ ತನ್ಕುಲೆ ಮುಂಡದ ಮಿತ್ತ್ ಬೊಕ್ಕ ಕೈತ ಮಿತ್ತ್ ಗುರ್ತ ಪಾಡೊನಂದೆ ಉಪ್ಪುನಾಕುಲೆನ್ಲಾ ತೂಯೆ. ಅಕುಲು ಜೀವಾದ್ ಲಕ್ಕ್‌ದ್ ಕ್ರಿಸ್ತಡೊಪ್ಪ ಸಾರ ವರ್ಸ ಆಳಿಯೆರ್.

ಪ್ರಕಟಣೆ 22:21

ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯ ಮಾತ ದೇವಜನೊಕುಲೆಡೊಪ್ಪ ಉಪ್ಪಡ್. ಆಮೆನ್.

ಪ್ರಕಟಣೆ 6:9

ಆಯೆ ಐನನೇ ಮುದ್ರೆನ್ ದರ್ಪುನಗ ದೇವೆರೆ ವಾಕ್ಯೊಡ್ದುಲಾ ಅಕುಲು ಪಂಡಿನ ಸಾಕ್ಷಿಡ್ದ್‌ಲಾ ಸೈತಿನಾಕುಲೆನ ಆತ್ಮೊಲು ಬಲಿಪೀಠದ ತಿರ್ತ್ ಉಪ್ಪುನೆನ್ ತೂಯೆ.