ಪ್ರಕಟಣೆ 1:1 - ಪೊಸ ಒಡಂಬಡಿಕೆ

¹ ಉಂದು ಯೇಸು ಕ್ರಿಸ್ತನ ಪ್ರಕಟಣೆ. ಬೇಗನೆ ನಡಪೆರೆ ಉಪ್ಪುನ ಸಂಗತಿಲೆನ್ ತನ ಸೇವಕೆರೆಗ್ ತೋಜಾವೆರೆಗಾದ್ ದೇವೆರೆಡ್ದ್ ಈ ಪ್ರಕಟಣೆನ್ ಪಡೆಯೆ. ಉಂದತ್ತಂದೆ ಕ್ರಿಸ್ತೆ ತನ ಸೇವಕೆ ಆಯಿ ಯೋಹಾನಗ್ ಈ ಪ್ರಕಟಣೆನ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡಿಯೆ.

ಪ್ರಕಟಣೆ 1:1 Iomraidhean Croise

ಯೋಹಾನೆ 12:49

ದಾಯೆ ಪಂಡ ಎನ್ನಾತೆಗ್ ಎನ ಅಧಿಕಾರೊಡು ಪಾತೆರ್‌ದಿಜಿ; ಎನನ್ ಕಡಪುಡ್ದು ಕೊರ್ತಿನ ಅಮ್ಮೆ, ಈ ಇಂಚಿಂಚಿನೆನ್ ಪನೊಡು, ಬೊಕ್ಕ ಇಂಚಿಂಚ ಪಾತೆರೊಡು ಪನೊಡು ಪಂಡ್ದ್ ಎಂಕ್ ಅಪ್ಪಣೆ ಕೊರ್ತೆ.

ಯೋಹಾನೆ 15:15

ನನ ಮಿತ್ತ್ ಯಾನ್ ನಿಕ್ಲೆನ್ ಚಾಕ್ರಿದಾಕುಲು ಅಂದ್‌ದ್ ಪನ್ಪುಜಿ. ಧನಿ ಎಂಚಿನ ಮಲ್ಪುವೆ ಅಂದ್‌ದ್ ಬೇಲೆದಾಯಗ್ ತೆರಿಯುಜಿ. ನಿಕ್ಲೆನ್ ಸ್ನೇಹಿತೆರೆ ಅಂದ್‌ದ್ ಪನ್ತೆ, ಅಮ್ಮೆರೆಡ್ದ್ ಕೇಂಡಿನೆನ್ ಮಾತೆನ್ ನಿಕ್ಲೆಗ್ ತೆರಿಪಾದೆ.

ಯೋಹಾನೆ 17:8

ಎಂಚಂದ್ಂಡ ಈ ಎಂಕ್ ಕೊರಿ ಪಾತೆರೊಲೆನ್ ಯಾನ್ ಮೊಕ್ಲೆಗ್ ಕೊರ್ತೆ. ಮೊಕುಲು ಆ ಪಾತೆರೊಲೆನ್ ಕೈಕೊಂದು, ಯಾನ್ ನಿನ ಕೈತಲ್‌ಡ್ದ್ ಬೈದಿನಾಯೆ ಅಂದ್‌ದ್ ನಿಜಾದ್ ತೆರಿಯೊಂದು, ಈಯೇ ಎನನ್ ಕಡಪುಡ್ದು ಕೊರ್ತಿನಾಯೆ ಅಂದ್‌ದ್ ನಂಬುದೆರ್.

ಯೋಹಾನೆ 3:32

ತಾನ್ ತೂದು ಕೇಂಡಿನೆಕ್ಕ್ ಸಾಕ್ಷಿ ಕೊರ್ಪೆ. ಆಂಡ ಆಯನ ಸಾಕ್ಷಿನ್ ಏರ್ಲಾ ನಂಬಿಜೆರ್.

ಯೋಹಾನೆ 8:26

ನಿಕ್ಲೆನ ಸಂಗತಿಡ್ ಪನಿಯೆರೆಗ್ ನಿಕ್ಲೆನ ಮಿತ್ತ್ ತೀರ್ಪು ಮಲ್ಪೆರೆಗ್ಲಾ ಮಸ್ತ್ ವಿಷಯೊಲು ಎಂಕುಂಡು, ಆಂಡ ಎನನ್ ಕಡಪುಡ್ದಿನಾಯೆ ಸತ್ಯವಂತೆ, ಆಯಡ್ದ್ ಕೇಂಡಿನೆನೇ ಯಾನ್ ಲೋಕೊಗು ಪನ್ಪೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 16:25

ದೇವೆರೆಗ್ ಮೈಮೆ ಆವಡ್. ಪಿರಾಕ್‌ದ ಕಾಲೊಲೆಡ್ ವರ್ಸಾನುಗಟ್ಟಲೆ ಮದೆ ಆದಿತ್ತಿನ ಮರ್ಮೊಲು ಇತ್ತೆ ತೋಜಿದ್ ಬತ್ತಿಲೆಕ್ಕ, ಯಾನ್ ನಿಕ್ಲೆಗ್ ಸಾರಿನ ಯೇಸು ಕ್ರಿಸ್ತನ ಸುವಾರ್ತೆಗ್ ತಕ್ಕ ನಿಕ್ಲೆಡ್ ಉಂಡಾಯಿನ ನಂಬಿಕೆಡ್ ಸ್ಥಿರಾದ್ ಉಂತುಲೆ. ಇತ್ತೆ ಆ ಮರ್ಮ ಪ್ರವಾದಿಲೆ ಬರವುಡ್ದ್ ತೆರಿದ್ ಬತ್ತ್ಂಡ್. ಬೊಕ್ಕ ಮಾತ ಜನಾಂಗೊಲುಲಾ ಅವೆನ್ ಕೇನುಲೆಕ್ಕಲಾ ಐಕ್ ತಗ್ಗ್‌ದಿನಾಕುಲಾದ್ ಉಪ್ಪುಲೆಕ್ಕಲಾ ನಿತ್ಯ ದೇವೆರೆ ಅಪ್ಪಣೆಡ್ದ್‌ಲಾ ಅವು ಮಾತೆರೆಗ್ ತೋಜಿದ್ ಬತ್ತ್ಂಡ್.

ಗಲಾತ್ಯೆರೆಗ್ 1:12

ಯಾನ್ ಅವೆನ್ ನರಮಾನಿಲೆಡ್ದ್ ಹೊಂದುದಿಜಿ, ಎಂಕ್ ಏರ್ಲಾ ಬೋಧನೆ ಮಲ್ತ್‌ದಿಜೆರ್, ಯೇಸು ಕ್ರಿಸ್ತೆನೇ ಎಂಕ್ ತೆರಿಪಾದೆ.

ಎಫೆಸ್ಯೆರೆಗ್ 3:3

ದೇವೆರ್ ತನ ಗುಟ್ಟುದ ಯೋಜನೆನ್ ಎಂಕ್ ತೆರಿಪಾದಿನೆನ್ ಯಾನ್ ದುಂಬು ಒರ ನಿಕ್ಲೆಗ್ ಸೂಕ್ಷ್ಮಾದ್ ಬರೆತೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

ಪ್ರಕಟಣೆ 1:19

ಐಡ್ದಾವರ ಈ ತೂಯಿನೆನ್ಲಾ ಇತ್ತೆ ನಡಪುನೆನ್ಲಾ ದುಂಬಗ್ ಆವೊಡಾಯಿನೆನ್ಲಾ ಬರೆಲ.

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 17:1

ಬೊಕ್ಕ ಏಳ್‌ ಬಾಜನೊಲೆನ್ ಪತ್ತೊಂಡಿ ಏಳ್‌ ದೂತೆರೆಡ್ ಒರಿ ಎಂಕ್ ಬತ್ತ್‌ದ್ ಪಂಡಿನಿ, “ಬಲ, ದಿಂಜ ನೀರ್‌ದ ಮಿತ್ತ್ ಕುಲ್ಲುದಿನ ಆ ಮಲ್ಲ ಸೂಳೆಗಾಪಿ ನ್ಯಾಯತೀರ್ಪುನು ಯಾನ್ ನಿಕ್ಕ್ ತೋಜಾವೆ.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.

ಪ್ರಕಟಣೆ 19:9

ಉಂದತ್ತಂದೆ ದೂತೆ ಎನ್ನೊಟ್ಟುಗು ಪಾತೆರೊಂದು, ಯಜ್ಞದ ಕುರಿತ ಕಿನ್ನಿ ಆದಿತ್ತಿನಾಯನ ಮದ್ಮೆದ ಲೇಸ್‌ಗ್ ಲೆಪ್ಪಾವೊಂಡಿನಾಕುಲು ಭಾಗ್ಯವಂತೆರ್ ಅಂದ್‌ದ್ ಬರೆಲ ಅಂದ್‌ದ್ ಎಂಕ್ ಪಂಡ್ದ್, ಈ ಪಾತೆರೊಲು ದೇವೆರೆ ಸತ್ಯದ ಪಾತೆರೊಲಾದುಂಡು ಅಂದ್‌ದ್ ಪಂಡೆ.

ಪ್ರಕಟಣೆ 21:2

ಉಂದತ್ತಂದೆ ಪರಿಶುದ್ಧ ಪಟ್ಟಣ ಆದುಪ್ಪು ಪೊಸ ಯೆರೂಸಲೇಮು, ಪರಲೋಕೊಡ್ದು ದೇವೆರೆ ಕೈತಲ್‌ಡ್ದ್ ಜತ್ತ್‌ದ್ ಬರ್ಪಿನೆನ್ ತೂಯೆ. ಅವು ತನ ಮದ್ಮಯಗಾದ್ ಐತ ಆತಿ ಮದ್ಮಲ್ ಲೆಕ್ಕ ಇತ್ತ್ಂಡ್.

ಪ್ರಕಟಣೆ 21:9

ಕಡೆತ ಏಳ್‌ ಉಪದ್ರೊಲೆಡ್ ದಿಂಜಿದ್ ಏಳ್‌ ಬಾಜನೊಲೆನ್ ಪತ್ತೊಂದಿತ್ತಿ ಏಳ್‌ ಮಂದಿ ದೂತೆರೆಡ್ ಒರಿ ಬತ್ತ್‌ದ್ ಎನಡ ಪಾತೆರೊಂದು, “ಬಲ, ಕುರಿತ ಕಿನ್ನಿದ ಮದ್ಮಲ್ ಆಪಿನ ಬೊಡೆದಿನ್ ನಿಕ್ಕ್ ತೋಜಾವೆ,” ಅಂದ್‌ದ್ ಪಂಡೆ.

ಪ್ರಕಟಣೆ 22:1

ಐಡ್ದ್ ಬೊಕ್ಕ ಆಯೆ ಸ್ಫಟಿಕದ ಲೆಕ್ಕ ಮಿಂಚುನ ಶುದ್ಧ ಜೀವದ ನೀರ್‌ದ ತುದೆನ್ ಎಂಕ್ ತೋಜಾಯೆ, ಅವು ದೇವೆರೆ ಬೊಕ್ಕ ಯಜ್ಞದ ಕುರಿತ ಕಿನ್ನಿ ಆದಿತ್ತಿನಾಯನ ಗದ್ದಿಗೆಡ್ದ್ ಪಿದಾಡ್‌ಂಡ್.

ಪ್ರಕಟಣೆ 22:16

“ಯೇಸು ಇನ್ಪಿ ಯಾನೇ, ಎನ ಸಭೆಲೆಗ್ ಈ ಸಾಕ್ಷಿನ್ ನಿನಡ್ದ್ ಕೊರಿಯೆರೆಗಾದ್ ಎನ ದೂತನ್ ಕಡಪುಡುದೆ. ಯಾನ್ ದಾವೀದನ ಬೇರ್‌ಲಾ ಸಂತಾನಲಾ ಆಯ ಸಿಮ್ಮಾಸನೊಗು ಬಾಧ್ಯಸ್ತೆಲಾ ಪುಲ್ಯಕೆಲದ ಮಿಂಚುನ ಬೊಳ್ಳಿಲಾ ಆದುಲ್ಲೆ.”

ಪ್ರಕಟಣೆ 22:6

ಬೊಕ್ಕ ಆ ದೂತೆ ಎನಡ ಪಂಡೆ, “ಈ ಪಾತೆರೊಲು ನಂಬಿಕೆದವುಲಾ ಸತ್ಯದವುಲಾ ಆದುಂಡು. ಪ್ರವಾದಿಲೆಗ್ ಆತ್ಮ ಕೊರಿ ದೇವೆರಾದುಪ್ಪು ಕರ್ತವೆ, ಬೇಗೊಡು ಆವೊಡಾಪಿನೆನ್ ತನ ಸೇವಕೆರೆಗ್ ತೆರಿಪಾವೆರೆಗಾದ್ ತನ ದೂತನ್ ಕಡಪುಡುದೆ.”

ಪ್ರಕಟಣೆ 22:8

ಯೋಹಾನೆ ಪನ್ಪಿ ಯಾನ್ ಈ ಮಾತ ಸಂಗತಿಲೆನ್ ಕೇಂಡ್ದ್, ತೂಯಿನಾಯೆ. ಯಾನ್ ಕೇಂಡ್ದ್ ತೂಯಿ ಬೊಕ್ಕ ಉಂದೆನ್ ಎಂಕ್ ತೋಜಾಯಿ ದೂತಗ್ ಆರಾಧನೆ ಮಲ್ಪೊಡಂದ್‌ದ್ ಕಾರ್‌ಗ್ ಅಡ್ಡಬೂರ್ಯೆ.

ಪ್ರಕಟಣೆ 22:9

ಅಪಗ ಆಯೆ ಪಂಡೆ, “ಬೊಡ್ಚಿ, ಇಂಚ ಮಲ್ಪಡ. ಯಾನ್ ನಿಕ್ಕ್‌ಲಾ ನಿನ ಸಹೋದರೆ ಆದಿತ್ತಿ ಪ್ರವಾದಿಲೆಗ್ಲಾ ಈ ಪುಸ್ತಕೊಡು ಬರೆತಿನೆನ್ ಕೈಕೊನುನ ಮಾತೆರೆಗ್ಲಾ ಒರಿ ಜತೆಸೇವಕೆ ಆದುಲ್ಲೆ. ದೇವೆರೆಗ್ ಆರಾಧನೆ ಮಲ್ಪುಲ.”

ಪ್ರಕಟಣೆ 4:1

ಐಡ್ದ್ ಬೊಕ್ಕ ಯಾನ್ ಪರಲೋಕೊಡು ಒಂಜಿ ಬಾಕಿಲ್ ಜತ್ತ್‌ದಿನೆನ್ ತೂಯೆ. ಯಾನ್ ಸುರುಟ್ಟು ಕೇಂಡ್ದಿ ಪಾತೆರ, ಅವು ಎನಡ ತುತೂರಿದ ಲೆಕ್ಕನೆ ಪಾತೆರೊಂದುಪ್ಪುನೆನ್ ಕೇಂಡೆ. ಆ ಸ್ವರ ಪಂಡ್ಂಡ್, “ಇಡೆಗ್ ಮಿತ್ತ್ ಬಲ; ಉಂದೆಡ್ದ್ ಬೊಕ್ಕ ನಡಪೆರೆ ಉಪ್ಪುನೆನ್ ನಿಕ್ಕ್ ತೋಜಾವೆ.”

ಪ್ರಕಟಣೆ 5:7

ಆಯೆ ದುಂಬು ಬತ್ತ್‌ದ್ ಗದ್ದಿಗೆಡ್ ಕುಲ್ಲೊಂದಿತ್ತಿನಾಯನ ಬಲತ್ತ ಕೈಡ್ದ್ ಆ ಸುರುಳಿನ್ ದೆತ್ತೊಂಡೆ.