ಫಿಲಿಪ್ಪಿಯೆರೆಗ್ 4:18 - ಪೊಸ ಒಡಂಬಡಿಕೆ

¹⁸ ಎಪಫ್ರೊದಿತನ ಕೈಟ್ ನಿಕುಲು ಕೊರ್ದು ಕಡಪುಡ್ದಿನವು ಎಂಕ್ ಬತ್ತ್‌ದ್ ಮುಟ್ಟುದುಂಡು ಅವು ಹೆಚ್ಚಿಗೆದವುಲಾ ಆದುಂಡು. ಅವು ದೇವೆರೆಗ್ ಮೆಚ್ಚಿಗೆದವುಲಾ ಕಮ್ಮೆನದವುಲಾ ಆದುಪ್ಪುನ ಇಷ್ಟ ಬಲಿನೇ ಆದುಂಡು.

ಫಿಲಿಪ್ಪಿಯೆರೆಗ್ 4:18 Iomraidhean Croise

ಅಪೊ.ಕ್ರಿ 10:4

ಆಯೆ ಆ ದೂತನ್ ದೃಷ್ಟಿ ದೀದ್ ತೂನಗ ಪೋಡಿದ್, “ಕರ್ತವಾ, ದಾನೆ ಬೋಡು?” ಅಂದ್‌ದ್ ಕೇನ್ನಗ, ದೂತೆ ಆಯಗ್, “ನಿನ ಪ್ರಾರ್ಥನೆಲಾ ನಿನ ದಾನಧರ್ಮೊಲುಲಾ ದೇವೆರೆ ಎದುರು ನೆನೆಪುಗು ಮಿತ್ತ್ ಏರ್ದ್ಂಡ್.”

ರೋಮಾಯೆರೆಗ್ 12:1

ಅಂಚಾದ್ ಸಹೋದ್ರೆರೇ, ದೇವೆರೆ ಕನಿಕರೊನು ನಿಕ್ಲೆನ ನೆನೆಪುಗು ಕನತ್‌ದ್ ನಿಕ್ಲೆಡ ನಟ್ಟೊನೊನು ದಾನೆಂದ್ಂಡ, ನಿಕುಲು ನಿಕ್ಲೆನ ಶರೀರೊಲೆನ್ ದೇವೆರೆಗ್ ಪರಿಶುದ್ಧಲಾ ಮೆಚ್ಚಿಗೆಲಾ ಆದುಪ್ಪು ಸಜೀವ ಯಜ್ಞದ ಬಲಿ ಆದ್ ಒಚ್ಚಿದ್ ಕೊರ್ಲೆ. ಉಂದೇ ನಿಕ್ಲೆನ ನಿಜವಾಯಿನ ಆರಾಧನೆ.

2 ಕೊರಿಂಥ್ಯೆರೆಗ್ 11:8

ನಿಕ್ಲೆನ ಸೇವೆ ಮಲ್ಪೆರೆಗ್ ಯಾನ್ ಬೇತೆ ಸಭೆಕ್ಲೆಡ್ದ್ ಸಹಾಯೊನು ಅಕ್ಲೆಡ್ದ್ ವಸೂಲಿ ಮಲ್ತೊಂದಿತ್ತೆ.

2 ಕೊರಿಂಥ್ಯೆರೆಗ್ 9:12

ಈ ದಾನದ ಸೇವೆಡ್ದಾದ್ ದೇವಜನೊಕುಲೆ ಕೊರತೆ ಕಡಿಮೆ ಆಪುಂಡು. ಅವತ್ತಂದೆ ದೇವೆರೆಗ್ ಮಸ್ತ್ ಉಪಕಾರ ಸ್ತುತಿ ಸಂದಾಯೆರೆ ಕಾರಣ ಆಪುಂಡು.

ಎಫೆಸ್ಯೆರೆಗ್ 5:2

ಕ್ರಿಸ್ತೆ ನಮನ್ ಪ್ರೀತಿ ಮಲ್ತ್‌ದ್ ನಂಕ್ ಬೋಡಾದ್ ಕಮ್ಮೆನ ಇತ್ತಿ ಕಾಣಿಕೆ ಆದ್‌ಲಾ ಬಲಿ ಆದ್‌ಲಾ ದೇವೆರೆಗ್ ಒಚ್ಚಿದ್ ಕೊರಿಯೆ ಅತ್ತಾ. ಅಂಚೆನೇ ನಿಕುಲುಲಾ ಪ್ರೀತಿಡ್ ನಡತೊನ್ಲೆ.

ಫಿಲಿಪ್ಪಿಯೆರೆಗ್ 4:12

ಬಡವೆ ಆದುಪ್ಪೆರೆಗ್ಲಾ ಸಿರಿತನತ ಸ್ಥಿತಿಟ್ಟುಪ್ಪೆರೆಗ್ಲಾ ಗೊತ್ತುಂಡು. ಯಾನ್ ತೃಪ್ತಿಡ್ ಇತ್ತ್ಂಡಲಾ ಬಡವುಡ್ ಇತ್ತ್ಂಡಲಾ ದಾರಾಳ ಇತ್ತಿನಾಯೆ ಆದಿತ್ತ್‌ಂಡಲಾ, ಗತಿದಾಂತಿನಾಯೆ ಆದಿತ್ತ್‌ಂಡಲಾ ವಾ ಸ್ಥಿತಿಟ್ಟುಪ್ಪುನಾಯೆ ಆದಿತ್ತ್‌ಂಡಲಾ ಐತ ಗುಟ್ಟು ಎಂಕ್ ತೆರಿದುಂಡು.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

ಇಬ್ರಿಯೆರೆಗ್ 13:16

ಉಂದತ್ತಂದೆ ಪರೋಪಕಾರೊನ್ಲಾ ದಾನಧರ್ಮ ಮಲ್ಪುನೆನ್ಲಾ ಮದಪಡೆ, ಉಂದು ದೇವೆರ್ ಮೆಚ್ಚುನ ಬಲಿ.

1 ಪೇತ್ರೆ 2:5

ಐತ ಲೆಕ್ಕನೇ ನಿಕುಲುಲಾ ಜೀವ ಇತ್ತಿ ಕಲ್ಲ್‌ಲು ಆದುಲ್ಲರ್. ನಿಕ್ಲೆನ್ ದೇವೆರ್ ಆತ್ಮಸಮ್ಮಂಧವಾಯಿನ ಮಂದಿರದಂಚ ಕಟ್ಟಾವೊಂದು ಉಲ್ಲರ್. ಬೊಕ್ಕ ಯೇಸು ಕ್ರಿಸ್ತಡ್ದ್ ದೇವೆರೆಗ್ ಒಪ್ಪಿಗೆ ಇತ್ತಿ ಆತ್ಮೀಕ ಬಲಿನ್ ಸಮರ್ಪಣೆ ಮಲ್ಪುನ ಪರಿಶುದ್ಧ ಯಾಜಕ ವರ್ಗದಾಕುಲಾದುಲ್ಲರ್.