ಫಿಲಿಪ್ಪಿಯೆರೆಗ್ 4:11 - ಪೊಸ ಒಡಂಬಡಿಕೆ

¹¹ ಎಂಕ್ ಕೊರತೆ ಉಂಡು ಅಂದ್‌ದ್ ಉಂದೆನ್ ಪನ್ಪುಜಿ, ಮಾತ ಪರಿಸ್ಥಿತಿಡ್ಲಾ ಯಾನ್ ತೃಪ್ತಿಡುಪ್ಪೆರೆ ಕಲ್ತೊಂದೆ.

ಫಿಲಿಪ್ಪಿಯೆರೆಗ್ 4:11 Iomraidhean Croise

ಲೂಕೆ 3:14

ಸಿಪಾಯಿಲುಲಾ ಬತ್ತ್‌ದ್, “ಎಂಕುಲು ದಾದ ಮಲ್ಪೊಡು?” ಅಂದ್‌ದ್ ಆಯಡ ಕೇನ್ನಗ ಆಯೆ ಅಕ್ಲೆಗ್, “ಏರೆನಲಾ ಮಂಡೆ ಹಾಕ್‌ದ್ ಸುಳ್ಳು ಪಂಡ್ದ್ ಕಾಸ್ ಒಯ್ತೊನಡೆ ನಿಕ್ಲೆ ಸಂಬಳೊಡು ತೃಪ್ತಿ ಆಲೆ,” ಪಂಡೆ.

2 ಕೊರಿಂಥ್ಯೆರೆಗ್ 11:27

ಪ್ರಯಾಸೊಡ್ಲಾ ಬೇಲೆ ಮಲ್ತೆ, ಮಸ್ತ್ ಸರ್ತಿ ನಿದ್ರೆದಾಂತೆಲಾ ಇತ್ತೆ. ಬಡವುಡು ಬಾಜೆಲ್‌ಡ್ಲಾ ಇತ್ತೆ, ಮಸ್ತ್ ಸರ್ತಿ ಉಪವಾಸೊಡ್ಲಾ ಕುಂಟುದಾಂತೆಲಾ ಇತ್ತೆ. ಚಳಿಟ್ಲಾ ನಡುಗೊಂದು ಇತ್ತೆ.

2 ಕೊರಿಂಥ್ಯೆರೆಗ್ 6:10

ದುಃಖ ಮಲ್ತೊಂದಿತ್ತ್‌ಂಡಲಾ ಏಪಲಾ ಸಂತೋಷ ಮಲ್ತೊಂದಿತ್ತಿನಾಕುಲು ಆದುಲ್ಲ. ಬಡವೆರಾಂಡಲಾ ಮಸ್ತ್ ಜನೊಕುಲೆಗ್ ಐಶ್ವರ್ಯವಂತೆರಾದ್ ಮಲ್ಪುನಾಕುಲು ಆದುಲ್ಲ. ದಾಲಾ ದಾಂತಿನಾಕುಲಾಂಡಲಾ ಮಾತಲಾ ಇತ್ತಿನಾಕುಲಾದುಲ್ಲ.

2 ಕೊರಿಂಥ್ಯೆರೆಗ್ 8:9

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯೊನು ನಿಕುಲು ತೆರಿದರತ್ತಾ? ಆಯೆ ಐಶ್ವರ್ಯೊಡಿತ್ತೆಡಲಾ ತಾನ್ ಬಡತನೊಡು ಸೇರಿನೆಡ್ದ್ ನಿಕುಲು ಐಶ್ವರ್ಯವಂತೆರ್ ಆವೊಡು ಅಂದ್‌ದ್ ನಿಕ್ಲೆಗಾದ್ ಬಡವೆ ಆಯೆ.

2 ಕೊರಿಂಥ್ಯೆರೆಗ್ 9:8

ನಿಕುಲು ಏಪಲಾ ಮಾತೆಟ್ಲಾ ಸಮೃದ್ಧಿದಾಕುಲಾದಿತ್ತ್‌ದ್ ಮಾತ ಎಡ್ಡೆ ಕಾರ್ಯೊಲೆಗ್ ಧಾರಾಳವಾದ್ ಕೊರಿಯೆರೆ ಆಪಿಲೆಕ್ಕ ದೇವೆರ್ ನಿಕ್ಲೆಗ್ ಮಾತ ದಯೊನು ತೋಜಾವೆ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

ಇಬ್ರಿಯೆರೆಗ್ 10:34

ಸೆರೆಮನೆಟ್ ಬೂರಿನಾಕುಲೆನ ಭಂಗೊನು ತೂದು ಅಕ್ಲೆಡೊಪ್ಪ ನಿಕುಲು ಕನಿಕರ ಪಡೆಯಿನಿ ಅತ್ತಂದೆ ನಂಕ್ ಎಡ್ಡೆಂತಿನವುಲಾ ಸ್ಥಿರವಾದ್‌ಲಾ ಇತ್ತಿನ ಆಸ್ತಿ ಉಂಡು ಪಂಡ್ದ್ ಸರಿಯಾದ್ ತೆರಿಯೊಂದು ನಿಕ್ಲೆನ ಸೊತ್ತುಲೆನ್ ಒಯ್ತೊನುನಾಕುಲೆಗ್ ಸಂತೋಷೊಡು ಬುಡಿಯರ್.