ಫಿಲಿಪ್ಪಿಯೆರೆಗ್ 3:21 - ಪೊಸ ಒಡಂಬಡಿಕೆ

²¹ ಆಯೆ ಮಾತೆನ್ಲಾ ತನ್ಕ್ ವಶ ಮಲ್ತೊನೊಡಾಪಿನ ಕಾರ್ಯೊನು ಸಾದನೆ ಮಲ್ತ್‌ದ್ ಬಲಹೀನ ಸ್ಥಿತಿಟ್ಟೆ ಉಪ್ಪುನ ನಮ ಶರೀರೊನು ಮಾರ್ಪಾಟ ಮಲ್ತ್‌ದ್ ಮೈಮೆ ಇತ್ತಿ ತನ ಶರೀರದ ಸಮರೂಪ ಆಪಿಲೆಕ್ಕ ಮಲ್ಪುವೆ.

ಫಿಲಿಪ್ಪಿಯೆರೆಗ್ 3:21 Iomraidhean Croise

ಮತ್ತಾಯೆ 17:2

ಅಲ್ಪ ಅಕ್ಲೆನ ಕಣ್ಣೆದುರುಡು ಆಯನ ರೂಪ ಬೇತೆ ಆಂಡ್; ಆಯ ಮೋನೆ ಸೂರ್ಯದಲೆಕ್ಕ ಮಿಂಚಿಂಡ್; ಆಯೆ ಪಾಡ್ದಿನ ಕುಂಟುಲು ಬೊಲ್ಪುದ ಲೆಕ್ಕನೇ ಬೊಲ್ದಾಂಡ್.

ಮತ್ತಾಯೆ 22:29

ಐಕ್ ಯೇಸು ಉತ್ತರ ಕೊರ್ದು ಅಕ್ಲೆಡ ಪಂಡಿನಿ, “ಶಾಸ್ತ್ರ ಆವಡ್, ದೇವೆರೆ ಬಲ ಆವಡ್ ನಿಕ್ಲೆಗ್ ತೆರಿಯಂದೆ ತಪ್ಪು ಮಲ್ಪುವರ್.

ಮತ್ತಾಯೆ 28:18

ಅಪಗ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕೊಡ್ಲಾ, ಭೂಲೋಕೊಡ್ಲಾ ಮಾತ ಅಧಿಕಾರ ಎಂಕ್ ಕೊರ್ತುಂಡು.

ರೋಮಾಯೆರೆಗ್ 8:29

ದಾಯೆಗಂದ್ಂಡ ದೇವೆರ್ ತನ ಮಗಕ್ಕ್ ಸುಮಾರ್ ಜನ ಸಹೋದ್ರೆರ್ ಇತ್ತ್‌ದ್ ಅಕ್ಲೆಡ್ ಆಯೆನೇ ಕಡೀರ್‌ದಾಯೆ ಆವೊಡು ಪಂಡ್ದ್ ಎನ್ನ್‌ದ್ ತಾನ್ ಏರೆನ್ ತನ್ನಾಕುಲು ಪಂಡ್ದ್ ದುಂಬು ತೆರಿಯೊಂಡೆನಾ ಅಕ್ಲೆನ್ ತನ ಮಗನಲೆಕ್ಕ ದುಂಬೇ ನೇಮಕ ಮಲ್ತೆ.

ಕೊಲೊಸ್ಸಿಯೆರೆಗ್ 3:4

ನಂಕ್ ಜೀವಾದುಪ್ಪು ಕ್ರಿಸ್ತೆ ತೋಜಿದ್ ಬನ್ನಗ ನಿಕುಲುಲಾ ಆಯ ಒಟ್ಟುಗು ಆಯನ ಮೈಮೆಡ್ ದಿಂಜಿದಿನಾಕುಲಾದ್ ತೋಜಿದ್ ಬರ್ಪರ್.

1 ಯೋಹಾನೆ 3:2

ಪ್ರೀತಿದಾಕುಲೇ, ನಮ ಇತ್ತೆ ದೇವೆರೆ ಜೋಕುಲು ಆದುಲ್ಲ. ದುಂಬಗ್ ನಮ ಎಂಚ ಉಪ್ಪುವ ಅಂದ್‌ದ್ ನಂಕ್ ಗೊತ್ತುಜ್ಜಿ. ಆಂಡ ಕ್ರಿಸ್ತೆ ತೋಜಿದ್ ಬನ್ನಗ, ನಮ ಆಯ ಲೆಕ್ಕನೆ ಉಪ್ಪುವ ಇನ್ಪಿನೆನ್ ತೆರಿದ. ದಾಯೆಗಂದ್ಂಡ ಆಯೆ ಉಪ್ಪುಲೆಕ್ಕನೇ ನಮ ಆಯನ್ ತೂಪ.

ಪ್ರಕಟಣೆ 1:8

“ಯಾನ್ ಆದಿಲಾ ಅಂತ್ಯಲಾ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆಲಾ ಸರ್ವಶಕ್ತೆಲಾ ಆದುಲ್ಲೆ.” ಅಂದ್‌ದ್ ದೇವೆರಾದುಪ್ಪು ಕರ್ತವೆ ಪನ್ಪೆ.