ಫಿಲಿಪ್ಪಿಯೆರೆಗ್ 3:17 - ಪೊಸ ಒಡಂಬಡಿಕೆ

¹⁷ ಸಹೋದ್ರೆರೇ, ನಿಕುಲು ಮಾತೆರ್ಲಾ ಎನ ಪಾಡ್‌ದಾಕುಲಾದುಪ್ಪುಲೆ ಬೊಕ್ಕ ಎಂಕುಲು ನಿಕ್ಲೆಗ್ ತೋಜಾಯಿನ ಮಾದ್ರಿದ ಲೆಕ್ಕ ಏರ್ ನಡತೊನ್ವೆರಾ ಅಕ್ಲೆನ್ ಲಕ್ಷ ದೀದ್ ತೂಲೆ.

ಫಿಲಿಪ್ಪಿಯೆರೆಗ್ 3:17 Iomraidhean Croise

ರೋಮಾಯೆರೆಗ್ 16:17

ಎನ ಸಹೋದ್ರೆರೇ, ನಿಕುಲು ಕಲ್ತೊಂಡಿ ಬೋಧನೆಗ್ ವಿರೋಧಾದ್ ಭೇದ ಆತಂಕ ಮಲ್ಪುನಾಕುಲೆ ಮಿತ್ತ್ ಕಣ್ಣ್ ದೀದ್ ಅಕ್ಲೆಡ್ದ್ ದೂರ ಉಪ್ಪುಲೆ ಪಂಡ್ದ್ ನಿಕ್ಲೆಡ ನಟ್ಟೊನ್ವೆ.

1 ಕೊರಿಂಥ್ಯೆರೆಗ್ 10:32

ಯೆಹೂದ್ಯೆರೆಗಾವಡ್, ಗ್ರೀಕೆರೆಗಾವಡ್, ದೇವೆರೆ ಸಭೆಕಾವಡ್ ಅಡ್ಡಿ ಆದುಪ್ಪಡೆ.

1 ಕೊರಿಂಥ್ಯೆರೆಗ್ 11:1

ಯಾನ್ ಕ್ರಿಸ್ತನ್ ತೂದು ನಡಪುಲೆಕ್ಕನೇ ನಿಕುಲು ಎನನ್ ತೂದು ನಡಪುಲೆ.

1 ಕೊರಿಂಥ್ಯೆರೆಗ್ 4:16

ಅಂಚಾದ್ ನಿಕ್ಲೆಡ ನಟ್ಟೊನ್ವೆ, ಎನನ್ ತೂದು ಅಂಚೆನೇ ನಡತೊನ್ಲೆ.

ಫಿಲಿಪ್ಪಿಯೆರೆಗ್ 4:9

ನಿಕುಲು ಎನಡ್ದ್ ಎಂಚಿನ ಕಲ್ತ್‌ದರಾ ಬೊಕ್ಕ ಒವೆನ್ ಎನಡ್ದ್ ಕೇಂಡ್ದ್ ತೂಯರಾ ಅವೆನೇ ಮಲ್ತೊಂದು ಬಲ್ಲೆ. ಇಂಚ ಮಲ್ತರ್ಡ ಸಮಾಧಾನದ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

1 ಥೆಸಲೋನಿಕೆರೆಗ್‌ 1:6

ಉಂದತ್ತಂದೆ ನಿಕುಲು ಮಸ್ತ್ ಭಂಗ ಅನುಭವ ಮಲ್ಪೆರೆ ಇತ್ತ್ಂಡಲಾ ಪರಿಶುದ್ಧಾತ್ಮಡ್ದ್ ಉಂಡಾಯಿ ಸಂತೋಷದೊಟ್ಟುಗು ದೇವೆರೆ ಪಾತೆರೊಲೆನ್ ಅಂಗೀಕಾರ ಮಲ್ತ್‌ದ್ ಎಂಕ್ಲೆನ್ಲಾ ಕರ್ತವೆ ಆದುಪ್ಪು ಯೇಸುನ್ಲಾ ಬೆರಿ ಪತ್ತುನಾಕುಲು ಆಯರ್.

2 ಥೆಸಲೋನಿಕೆರೆಗ್‌ 3:14

ಆಂಡ ಎಂಕುಲು ಪತ್ರಿಕೆಡ್ ಬರೆತಿ ಪಾತೆರದ ಲೆಕ್ಕ ಒರಿ ನಡತಿಜೆಡ, ಆಯನ್ ಗುರ್ತ ದೀದ್, ಆಯಗ್ ನಾಚಿಗೆ ಆಪಿಲೆಕ್ಕ ಆಯನ ಸುದ್ಧಿಗ್ ಪೋವೊಡ್ಚಿ.

2 ಥೆಸಲೋನಿಕೆರೆಗ್‌ 3:7

ಎಂಕ್ಲೆನ್ ತೂದು ಎಂಚ ನಡಪುಡೊಡು ಅಂದ್‌ದ್ ನಿಕ್ಲೆಗೇ ಗೊತ್ತುಂಡು. ಎಂಕುಲು ನಿಕ್ಲೆ ಒಟ್ಟುಗು ಉಪ್ಪುನಗ ಸೋಮಾರಿತನೊಟು ಏಪಲಾ ಇತ್ತ್‌ಜ.

2 ಥೆಸಲೋನಿಕೆರೆಗ್‌ 3:9

ಎಂಕ್ಲೆಗ್ ನಿಕ್ಲೆಡ್ದ್ ನಿಜಾದ್ ವಣಸ್ ದೆತ್ತೊನುನ ಹಕ್ಕ್ ಇತ್ತ್ಂಡ್, ಆಂಡ ಎಂಕುಲು ಇಂಚ ಮಲ್ತಿನಿ ದಾಯೆಗ್ ಪಂಡ ನಿಕ್ಲೆಗ್ ಒಂಜಿ ಮಾದ್ರಿ ಆದ್ ನಿಕುಲು ಎಂಕುಲೆ ಲೆಕ್ಕನೆ ಉಪ್ಪೊಡು ಪಂಡ್ದ್.

1 ತಿಮೋಥಿ 4:12

ಈ ಜವ್ವನೆ ಅಂದ್‌ದ್ ಏರ್ಲಾ ನಿನನ್ ಅಸಡ್ಡೆ ಮಲ್ಪಂದೆ ಏರೆಗ್ಲಾ ಅವಕಾಸ ಕೊರಂದೆ ನಿನ ಪಾತೆರೊಡು, ನಡತೆಡ್, ಪ್ರೀತಿಡ್, ನಂಬಿಕೆಡ್, ಶುದ್ಧತೆಡ್ ನಂಬುನಾಕುಲೆಗ್ ಈಯೇ ಮಾದ್ರಿ ಆದುಪ್ಪುಲ.

ಇಬ್ರಿಯೆರೆಗ್ 13:7

ನಿಕ್ಲೆಗ್‌ ದೇವೆರೆ ಪಾತೆರೊನು ತೆರಿಪಾಯಿನ ಸಭೆತ ನಾಯಕೆರೆನ್ ನೆನೆತೊನ್ಲೆ. ಅಕುಲು ವಾ ರೀತಿಡ್ ಬದ್‌ಕ್‌ದ್ ಪ್ರಾಣ ಬುಡಿಯೆರ್ ಪನ್ಪಿನೆನ್ ಆಲೋಚನೆ ಮಲ್ಪುಲೆ. ಅಕ್ಲೆನ ನಂಬಿಕೆನ್ ಮಾದ್ರಿಯಾದ್ ದೆತ್ತೊನ್ಲೆ.

1 ಪೇತ್ರೆ 5:3

ದೇವೆರ್ ನಿಕ್ಲೆನ ವಶೊಟು ಕೊರ್ತಿ ಸಭೆತ ಮಿತ್ತ್ ಗುರ್ಕಾಮೆ ತೋಜಾವಂದೆ ಸಭೆಕ್ ಮಾದ್ರಿ ಆದ್ ನಡಪುಲೆ.