ಫಿಲಿಪ್ಪಿಯೆರೆಗ್ 1:3 - ಪೊಸ ಒಡಂಬಡಿಕೆ

^3-5 ಯಾನ್ ನಿಕ್ಲೆಗಾದ್ ದೇವೆರೆಡ ಪ್ರಾರ್ಥನೆ ಮಲ್ಪುನ ಮಾತ ಸಮಯೊಲೆಡ್ ಸಂತೋಷೊಡು ಪ್ರಾರ್ಥನೆ ಮಲ್ಪುವೆ. ದಾಯೆಗಂದ್ಂಡ ನಿಕುಲು ಸುರುಡ್ದು ಇನಿ ಮುಟ್ಟಲಾ ಸುವಾರ್ತೆ ಸಾರಿಯುನೆಟ್ಟ್ ಪಾಲ್‌ದಾರೆರಾದ್ ಉಲ್ಲರ್ ಅಂದ್‌ದ್ ಎನ ದೇವೆರೆಗ್ ಉಪಕಾರ ಮಲ್ಪುವೆ.

ಫಿಲಿಪ್ಪಿಯೆರೆಗ್ 1:3 Iomraidhean Croise

ರೋಮಾಯೆರೆಗ್ 6:17

ಆಂಡ ನಿಕುಲು ಪಿರವುಡು ಪಾಪೊಗು ಗುಲಾಮೆರ್ ಆದಿತ್ತರ್ಡಲಾ ನಿಕ್ಲೆಗ್ ಕಲ್ಪಾಯಿ ಬೋಧನೆಲೆಗ್ ನಿಕುಲು ಉಡಲ್‌ಡ್ದ್ ಅಧೀನರಾಯರ್. ಪಾಪೊಲೆಡ್ದ್ ಬುಡುಗಡೆ ಆದ್ ನೀತಿಗ್ ಗುಲಾಮೆರ್ ಆಯಿನೆಡ್ದ್ ದೇವೆರೆಗ್ ಉಪಕಾರ ಆವಡ್.

1 ಕೊರಿಂಥ್ಯೆರೆಗ್ 1:4

ಕ್ರಿಸ್ತ ಯೇಸುಡು ದೇವೆರ್ ನಿಕ್ಲೆಗ್ ಕೊರ್ತಿ ದಯೊಕಾದ್ರ ಯಾನ್ ನಿಕ್ಲೆ ಸಂಗತಿಡ್ ಏಪಲಾ ದೇವೆರೆಗ್ ಉಪಕಾರ ಮಲ್ಪುವೆ.

1 ಥೆಸಲೋನಿಕೆರೆಗ್‌ 3:9

ಎಂಕುಲು ದೇವೆರೆನ್ ಏತ್ ಪುಗರ್‌ಂಡಲಾ ಅವು ಕಮ್ಮಿಯೆ. ಆಂಡ ದೇವೆರೆ ಎದುರುಡು ನಿಕ್ಲೆಡ್ದ್ ಎಂಕ್ಲೆಗ್ ತಿಕ್ಕಿನ ಸಂತೋಷ ಅವು ಮಸ್ತ್ ಆದುಂಡು.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

2 ತಿಮೋಥಿ 1:3

ಯಾನ್ ರಾತ್ರೆ ಪಗೆಲ್ ಎನ ಪ್ರಾರ್ಥನೆಲೆಡ್ ನಿನನ್ ಬುಡಂದೆ ನೆನೆಪು ಮಲ್ಪುವೆ. ಅತ್ತಂದೆ ಯಾನ್ ಎನ ಪೂರ್ವಿಕೆರೆ ಭಕ್ತಿದ ಮಾರ್ಗೊಡು ನಡತೊಂದು ಶುದ್ಧ ಮನಸಾಕ್ಷಿಡ್ ಸೇವೆ ಮಲ್ಪುನ ದೇವೆರೆಗ್ ನಿನ ಸಂಗತಿಡ್ ಉಪಕಾರ ಸಂದಾವೆ.