ಎಫೆಸ್ಯೆರೆಗ್ 4:3 - ಪೊಸ ಒಡಂಬಡಿಕೆ

³ ಸಮಾಧಾನದ ಬಂಧನೊಡು ಕಟ್ಟ್‌ದಿನಕುಲಾದ್ ಪರಿಶುದ್ಧಾತ್ಮಡ್ದ್ ಉಂಡಾಯಿ ಒಗ್ಗಟ್ಟ್‌ನ್ ಕಾತೊನಿಯೆರೆ ಪ್ರಯತ್ನ ಮಲ್ಪುಲೆ.

ಎಫೆಸ್ಯೆರೆಗ್ 4:3 Iomraidhean Croise

ಮಾರ್ಕೆ 3:24

ಒಂಜಿ ರಾಜ್ಯದ ಉಲಯಿ ಭೇದ ಉಂಡಾಂಡ, ಆ ರಾಜ್ಯ ಒರಿಯಂದ್.

ಯೋಹಾನೆ 13:34

ಯಾನ್ ನಿಕ್ಲೆಗ್ ಒಂಜಿ ಪೊಸ ಅಪ್ಪಣೆನ್ ಕೊರ್ಪೆ. ಅವು ದಾದ ಪಂಡ ನಿಕುಲು ಒರಿಯನ್ ಒರಿ ಪ್ರೀತಿ ಮಲ್ಪುಲೆ; ಯಾನ್ ನಿಕ್ಲೆನ್ ಪ್ರೀತಿ ಮಲ್ತಿಲೆಕ್ಕ ನಿಕುಲುಲಾ ಒರಿಯನ್ ಒರಿ ಪ್ರೀತಿ ಮಲ್ಪೊಡು ಇನ್ಪಿನವೇ.

1 ಕೊರಿಂಥ್ಯೆರೆಗ್ 1:10

ಸಹೋದ್ರೆರೇ, ನಿಕ್ಲೆನ ಪಾತೆರ ಒಂಜೇ ಆದುಪ್ಪೊಡು; ನಿಕ್ಲೆಡ ಭೇದ ಉಪ್ಪೆರೆ ಬಲ್ಲಿ; ಆಂಡ ನಿಕುಲು ಒಂಜೇ ಮನಸ್‌ಡ್ಲಾ ಒಂಜೇ ಭಾವೊಡ್ಲಾ ಒಂಜಾದುಪ್ಪೊಡು ಅಂದ್‌ದ್ ಯಾನ್ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ನಿಕ್ಲೆಡ ನಟ್ಟೊನ್ವೆ.

2 ಕೊರಿಂಥ್ಯೆರೆಗ್ 13:11

ಕಡೆಕ್ಕ್ ಸಹೋದ್ರೆರೇ, ಸಂತೋಷೊಡುಪ್ಪುಲೆ, ಪೂರ್ತಿ ಸರಿ ಆವೊನ್ಲೆ. ಎನ ಬುದ್ಧಿ ಪಾತೆರೊಗು ಕೆಬಿ ಕೊರ್ಲೆ. ಒಂಜೆ ಮನಸ್‌ದಾಕುಲು ಆದುಪ್ಪುಲೆ, ಸಮಾಧಾನೊಡುಪ್ಪುಲೆ. ಅಪಗ ಪ್ರೀತಿನ್ಲಾ ಶಾಂತಿನ್ಲಾ ಕೊರ್ಪಿನ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

ಎಫೆಸ್ಯೆರೆಗ್ 4:4

ನಿಕುಲು ಒಂಜೇ ಶರೀರ, ಒಂಜೇ ಆತ್ಮನ್ ಪಡೆಯಿನಾಕುಲು ಒಂಜೆ ಪಧವಿನ್ ನಿರೀಕ್ಷೆ ಮಲ್ಪೆರೆ ಲೆಪ್ಪು ಇತ್ತಿನಾಕುಲಾದುಲ್ಲರ್. ನಿಕ್ಲೆಗ್ ಕರ್ತವೆ ಒರಿಯೆ, ಭರವಸೆ ಒಂಜೆ, ದೀಕ್ಷಾಸ್ನಾನ ಒಂಜೆ.

1 ಥೆಸಲೋನಿಕೆರೆಗ್‌ 5:13

ಅಕ್ಲೆನ ಬೇಲೆದ ಸಂಗತಿಡ್ ಅಕ್ಲೆನ್ ಪ್ರೀತಿಡ್ ಮಸ್ತ್ ಸನ್ಮಾನ ಮಲ್ಪೊಡು ಅಂದ್‌ದ್ ನಿಕ್ಲೆಡ ನಟ್ಟೊನ್ವ. ನಿಕ್ಲೆನಿಕ್ಲೆ ನಡುಟು ಸಮಾಧಾನೊಡುಪ್ಪುಲೆ.

ಇಬ್ರಿಯೆರೆಗ್ 12:14

ಮಾತೆರೆಡೊಪ್ಪ ಸಮಾಧಾನೊಡುಪ್ಪೆರೆಲಾ ಪರಿಶುದ್ಧತೆಡ್ ಉಪ್ಪುನೆಕ್ಕ್‌ಲಾ ಪ್ರಯತ್ನ ಮಲ್ಪುಲೆ. ಪರಿಶುದ್ಧತೆ ಇಜ್ಜಂದೆ ಏರ್ಲಾ ಕರ್ತವನ್ ತೂಪುಜೆರ್.