ಎಫೆಸ್ಯೆರೆಗ್ 2:3 - ಪೊಸ ಒಡಂಬಡಿಕೆ

³ ಮೊಕ್ಲೆಡ್ ನಮ ಮಾತೆರ್ಲಾ ಒಂಜಿ ಸಮಯೊಡು ದಂಕ್‌ದ್ ನಡಪುನಾಕುಲಾದಿತ್ತ್‌ದ್ ಶರೀರದ ಆಸೆಲೆಗ್ ಉಲಯಿ ಆದ್, ಶರೀರೊಗ್ಲಾ ಮನಸ್‌ಗ್ಲಾ ಸಮ್ಮಂಧ ಇತ್ತಿನ ಇಚ್ಚೆಲೆಡ್ ನಡತೊಂದು ನಮ ಈ ಸ್ವಭಾವೊಡ್ದಾದ್ ಬೇತೆಕ್ಲೆಲೆಕ್ಕನೇ ದೇವೆರೆ ಕೋಪೊಗು ಗುರಿ ಆದಿತ್ತ.

ಎಫೆಸ್ಯೆರೆಗ್ 2:3 Iomraidhean Croise

ಯೋಹಾನೆ 1:13

ಮೊಕುಲು ನೆತ್ತೆರ್‌ದ ಸಮ್ಮಂಧೊಡ್ದು ಆವಡ್, ಶರೀರ ಸಮ್ಮಂಧೊಡ್ದು ಆವಡ್, ನರಮಾನಿಲೆ ಸಂಕಲ್ಪೊಡ್ದು ಆವಡ್ ಪುಟ್ಟುದಿನಾಕುಲತ್ತ್ ಆಂಡ ದೇವೆರೆಡ್ದೇ ಪುಟ್ಟಿನಾಕುಲು.

ಯೋಹಾನೆ 8:44

ನಿಕ್ಲೆನ ಅಮ್ಮೆ ಸೈತಾನೆ ನಿಕುಲು ಆ ಅಮ್ಮೆರೆಡ್ದ್ ಪುಟ್ಟಿದಿನಾಕುಲಾದ್ ನಿಕ್ಲೆ ಅಮ್ಮೆರೆನ ದುರ್ಬುಧಿನೇ ನಡಪಾವೊಡು ಪಂಡ್ದ್ ಉಲ್ಲರ್. ಆಯೆ ಸುರುಡ್ದೇ ಮಾನ ಕೆರ್ಪಿನಾಯೆ ಆದಿತ್ತ್‌ದ್, ಸತ್ಯೊಗು ಉಂತುದುಜೆ. ಆಯಡ ಸತ್ಯ ಪನ್ಪಿನ ಇಜ್ಜೇ ಇಜ್ಜಿ. ಆಯನ ಸ್ವಭಾವದಲೆಕ್ಕನೇ ಸುಳ್ಳು ಪಾತೆರ್‌ವೆ. ದಾಯೆಗ್ ಪಂಡ ಆಯೆ ಸುಳ್ಳುಗಾರೆಲಾ ಸುಳ್ಳುದ ಅಮ್ಮೆಲಾ ಆದುಲ್ಲೆ.

ಅಪೊ.ಕ್ರಿ 14:16

ಕರಿದ್ ಪೋಯಿನ ಕಾಲೊಡು ದೇವೆರ್ ಮಾತ ಜನಾಂಗೊಲೆನ್ ತನ್ಕುಲೆ ಮನಸ್‌ಗ್ ಬತ್ತಿಲೆಕ್ಕ ನಡಪೆರೆ ಬುಡಿಯೆ.

ರೋಮಾಯೆರೆಗ್ 1:24

ಅಂಚಾದ್ ದೇವೆರ್ ಅಕ್ಲೆನ್ ಅಕ್ಲೆ ಉಡಲ್‌ದ ಆಸೆ ಮಲ್ಪು ದುರಾಶೆಲೆಡ್ ನಡತ್‌ದ್ ತನ್ಕ್‌ಲೆ ಶರೀರೊನು ಪಡ್ಕೆಂತಿನ ಕಾರ್ಯೊಗು ಒಪ್ಪಿಸಾದ್ ಕೊರ್ತೆ.

ರೋಮಾಯೆರೆಗ್ 11:30

ಪಿದಯಿದ ಜನೊಕುಲು ಆಯಿ ನಿಕುಲಾಂಡಲಾ ಸುರುಟ್ಟು ದೇವೆರೆಗ್ ತಗ್ಗ್‌ದ್ ಬಗ್ಗ್‌ದ್ ನಡತೊಂದು ಇತ್ತ್‌ಜರ್. ಆಂಡ ಇತ್ತೆ, ಯೆಹೂದ್ಯೆರ್ ತಗ್ಗಂದೆ ಬಗ್ಗಂದೆ ಇತ್ತಿನೆಡ್ದಾವರ ದೇವೆರೆ ಕನಿಕರೊನು ಪಡೆಯರ್.

ರೋಮಾಯೆರೆಗ್ 13:14

ಶರೀರದ ಆಸೆ ಪೂರ ಮಲ್ಪುನೆಕ್ಕಾದ್ ಚಿಂತೆ ಮಲ್ಪಂದೆ, ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ್ ಹೊಂದೊನ್ಲೆ.

ರೋಮಾಯೆರೆಗ್ 2:14

ಪಿದಯಿದ ಜನೊಕುಲೆಗ್ ನ್ಯಾಯಕಟ್ಟ್ ಇಜ್ಜಿ; ಆಂಡ ನ್ಯಾಯಕಟ್ಟ್‌ಡ್ ಪನ್ತಿನೆನ್ ಅಕುಲು ಸಹಜ ಸ್ವಭಾವೊಡು ಮಲ್ತೆರ್ಡ ಅಕ್ಲೆಡ್ ನ್ಯಾಯಕಟ್ಟ್ ಇಜ್ಜಿಡಲಾ ನ್ಯಾಯಕಟ್ಟ್ ಅಕುಲೇ ಆದುಲ್ಲೆರ್.

ರೋಮಾಯೆರೆಗ್ 5:10

ನಮ ನಂಬುನೆಡ್ದ್ ದುಂಬು ದೇವೆರೆ ವೈರಿಲಾದಿತ್ತ. ಆಯನ ಮಗನ ಮರಣೊನು ನಂಬಿನೆಡ್ದ್ ನಮನ್ ಆಯಡೊಪ್ಪ ಸಂದಾನ ಮಲ್ತ್‌ದ್ ಸ್ನೇಹಿತೆರಾದ್‌ ಮಲ್ತೆ. ಇತ್ತೆ ದೇವೆರೆ ಸ್ನೇಹಿತೆರಾದುಪ್ಪುನ ಕ್ರಿಸ್ತನ ಜೀವನೊಡ್ದು ರಕ್ಷಣೆ ಪಡೆಯುನವು ಏತೋ ಸತ್ಯ ಆದುಂಡು.

ರೋಮಾಯೆರೆಗ್ 5:9

ಇತ್ತೆ ನಮ ಆಯನ ನೆತ್ತೆರೆಡ್ದಾದ್ ನೀತಿವಂತೆರ್ ಅಂದ್‌ದ್ ತೀರ್ಪು ಆಯಿನೆಡ್ದ್ ದೇವೆರೆಡ್ದ್ ಬರ್ಪಿ ಕೋಪೊಡ್ದು ನಮನ್ ತಪ್ಪಾವೆ ಪನ್ಪಿನವು ಏತೋ ಸತ್ಯ ಆದುಂಡು.

ರೋಮಾಯೆರೆಗ್ 6:12

ಇಂಚಾದುಪ್ಪುನಗ ಸೈಯ್ಯೊಡಾಯಿನ ನಿಕ್ಲೆನ ಶರೀರದ ಮಿತ್ತ್ ಪಾಪ ಆಳಂದೆ ಉಪ್ಪಡ್, ನಿಕುಲು ಶರೀರದ ದುರಾಶೆಗ್ ಗುಲಾಮೆರಾವೊಡ್ಚಿ.

ರೋಮಾಯೆರೆಗ್ 7:18

ಎನಡ ಅಂದ್ಂಡ, ಎನ ಶರೀರಭಾವೊಡು ಎಡ್ಡೆಂತಿನವು ದಾಲಾ ಇಜ್ಜಿ ಅಂದ್‌ದ್ ಎಂಕ್ ತೆರಿದ್‌ಂಡ್. ಎಡ್ಡೆಂತಿನೆನ್ ಮಲ್ಪೆರೆ ಎಂಕ್ ಮನಸುಂಡು. ಆಂಡ ಅವೆನ್ ಮಲ್ಪುನವು ಎನಡ್ದ್ ಆವಂದ್.

ರೋಮಾಯೆರೆಗ್ 9:22

ಆಂಡ ದೇವೆರ್ ತನ ಕೋಪೊನು ತೋಜಾದ್ ತನ ಶಕ್ತಿನ್ ಪ್ರಸಿದ್ದ ಮಲ್ಪೊಡು ಪಂಡ್ದ್ ಇತ್ತ್ಂಡಲಾ ಅಂಚ ಮಲ್ಪಂದೆ ತನ ಕೋಪೊಗು ಒಳಗಾಯಿನ ನಾಶನೊಗು ಬಾಧ್ಯೆರಾಯಿನಾಕುಲೆನ್ ಬಾರಿ ಸಮಾಧಾನೊಡು ಸಹಿಸೊಂದೆ.

1 ಕೊರಿಂಥ್ಯೆರೆಗ್ 4:7

ದಾಯೆಗಂದ್ಂಡ, ನಿನನ್ ನನೊರಿಯಡ್ದ್ ಮಲ್ಲ ಮಲ್ಪುನಾಯೆ ಏರ್? ದೇವೆರೆಡ್ದ್ ತಿಕ್ಕಂದಿನವು ನಿನಡ ಒಂಜಾಂಡಲಾ ಉಂಡಾ? ತಿಕ್ಕಿಬೊಕ್ಕ, ಅವು ನಿನಡ್ದೇ ಆಯಿ ಲೆಕ್ಕ ಈ ದಾಯೆ ಪುಗರೊನ್ವ?

2 ಕೊರಿಂಥ್ಯೆರೆಗ್ 7:1

ಪ್ರೀತಿದಾಕುಲೇ, ಈ ವಾಗ್ದಾನೊಲು ನಂಕುಪ್ಪುನೆಡ್ದ್, ನಮ ಶರೀರದ ಬೊಕ್ಕ ಆತ್ಮದ ಮೈಲೆನ್ ಶುದ್ಧ ಮಲ್ತೊಂದು, ಪರಿಶುದ್ಧೆರಾಪಿಲೆಕ್ಕ ದೇವೆರೆ ಪೋಡಿಗೆಡ್ ಉಪ್ಪೆರೆ ಪ್ರಯತ್ನ ಮಲ್ಪುಗ.

ಗಲಾತ್ಯೆರೆಗ್ 3:22

ಆಂಡ ಶಾಸ್ತ್ರ ಪನ್ಪುಂಡು, ನಮ ಮಾತೆರ್ಲಾ ಪಾಪೊಗು ದಾಸೆರಾದುಲ್ಲ. ಅಂಚಾದ್ ದೇವೆರೆನ ವಾಗ್ದಾನ, ನಮ ಯೇಸು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನೆಡ್ದ್ ಮಾತ್ರ ತಿಕ್ಕುಂಡು.

ಎಫೆಸ್ಯೆರೆಗ್ 2:2

ನಿಕುಲು ದುಂಬು ಅಪರಾಧೊನ್ಲಾ ಪಾಪೊನ್ಲಾ ಮಲ್ಪುನಾಕುಲು ಆದಿತ್ತ್‌ದ್ ಲೋಕದ ರೀತಿ ರಿವಾಜ್‌ಗ್ ತಕ್ಕ ನಡತೊಂಡರ್. ಬಾನಮಂಡಲೊಡು ಅಧಿಕಾರ ನಡಪಾವುನ ಅಧಿಪತಿಗ್, ಅಂದ್ಂಡ ನಂಬೊಲ್ಕೆದಾಂತಿನಾಕುಲೆನ್ ಈ ಲೋಕೊಡು ದಂಕ್‌ದ್ ನಡಪುಡುನ ಆತ್ಮೊಗು ಸರಿಯಾದ್ ನಡತೊಂಡರ್.

ಎಫೆಸ್ಯೆರೆಗ್ 4:22

ಅಂಚಾಂಡ ಆಯಡ್ದ್ ಬರ್ಪಿನ ಸತ್ಯೊನು ಕಲ್ತಿನೆಡ್ದ್ ನಿಕ್ಲೆನ ದುಂಬುದ ಪಾಪದ ನಡತೆನ್ ಬುಡ್ದು ಪರ ಸ್ವಭಾವೊನು ದೆತ್ತ್ ಪಾಡ್ಲೆ. ಅವು ಮೋಸೊಡ್ದು ದಿಂಜಿದಿನ ದುರಾಶೆಲೆಡ್ದ್ ತೆಟ್ಟ್‌ದ್ ಪೋಪಿನವು.

ಕೊಲೊಸ್ಸಿಯೆರೆಗ್ 1:21

ಉಂದತ್ತಂದೆ ನಿಕುಲು ಒಂಜಿ ಕಾಲೊಡು ಪಿದಯಿದ ಜನೊಕುಲುಲಾ ಹಾಳ್ ಬೇಲೆ ಮಲ್ಪುನಾಕುಲಾದ್ ಪಗೆತ ಮನಸ್‌ದಾಕುಲು ಆದಿತ್ತರ್.

1 ಥೆಸಲೋನಿಕೆರೆಗ್‌ 4:13

ಸಹೋದ್ರೆರೇ ನಿಕುಲು ಈ ಸತ್ಯೊನು ತೆರಿಯೊನೊಡು, ಸೈತ್ ಪೋತಿನಾಕುಲೆನ ಸಂಗತಿಡ್ ಭರವಸೆದಾಂತಿ ಜನೊಕುಲೆ ಲೆಕ್ಕ ದುಃಖ ಮಲ್ಪೊಡ್ಚಿ.

1 ಥೆಸಲೋನಿಕೆರೆಗ್‌ 5:6

ಐಡ್ದಾವರ ನಮ ಬೇತೆಕ್ಲೆ ಲೆಕ್ಕ ನಿದ್ರೆಡ್ ಜೆತೊಂದುಪ್ಪುನ ಬೊಡ್ಚಿ. ನಮ ಎಚ್ಚರಿಕೆಡಿತ್ತ್‌ದ್ ಸ್ವಸ್ಥಚಿತ್ತೊಡುಪ್ಪುಗ.

1 ತಿಮೋಥಿ 6:9

ಐಶ್ವರ್ಯವಂತೆ ಆವೊಡು ಅಂದ್‌ದ್ ಆಸೆ ಮಲ್ಪುನಾಕುಲು ಶೋಧನೆಗ್ ಬೂರ್ದು ನಾನಾ ರೀತಿದ ಬುದ್ಧಿದಾಂತಿನ ಬೊಕ್ಕ ನಾಶಾಪಿನ ದುರಾಶೆಲೆಗ್ ತಿಕ್ಕ್‌ದ್ ಬೂರ್ವೆರ್. ಇಂಚಿತ್ತಿ ಆಸೆಲು ನರಮಾನಿಲೆನ್ ಕೇಡ್‌ಗ್ಲಾ ನಾಶೊನೊಗ್ಲಾ ಪಾಡುಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:3

ಒಂಜಿ ಕಾಲೊಡು ನಮಲಾ ಬುದ್ಧಿದಾಂತಿನಾಕುಲುಲಾ ಅವಿಧೇಯೆರ್‌ಲಾ ಆದಿತ್ತ. ನಮ ಸಾದಿ ತತ್ತ್‌ದಿನಕುಲಾದ್ ದಿಂಜ ಆಸೆ ದುರಾಶೆಲೆಗ್ ಗುಲಾಮೆರಾದಿತ್ತ. ನಮ ಜೀವನ ಪಡಿಕೆಂತಿನೆಡ್ಲಾ ಮತ್ಸರೊಡ್ಲಾ ದಿಂಜಿದಿತ್ತ್‌ದ್ ನಮ ಒರಿಯನ್ ಒರಿ ಪಗೆ ಮಲ್ತೊಂದಿತ್ತ.

1 ಪೇತ್ರೆ 1:14

ಆಂಡ ನಿಕುಲು ದೇವೆರೆನ ಜೋಕುಲೆ ಲೆಕ್ಕ ವಿಧೇಯೆರಾದ್ ನಡಪುಲೆ, ನಿಕುಲು ದುಂಬು ಬುದ್ಧಿದಾಂತಿನಾಕುಲು ಆದುಪ್ಪುನಗ ದುರಾಶೆಲೆಡ್ ನಡತಿಲೆಕ್ಕ ಇತ್ತೆ ನಡಪಡೆ.

2 ಪೇತ್ರೆ 2:14

ಅಕುಲು ಕಣ್ಣ್ ದೃಷ್ಟಿಡೇ ವ್ಯಭಿಚಾರ ಮಲ್ಪುನಾಕುಲು, ಅಕ್ಲೆನ ಪಾಪದ ಆಸೆಗ್ ತೃಪ್ತಿಯೇ ಆವಂದ್, ಸ್ಥಿರದಾಂತಿನಾಕುಲೆನ್ ತಿಕ್ಕಾದ್ ಪಾಡುನಾಕುಲು, ದುಡ್ಡುದ ಆಸೆಡ್ ಮುರ್ಕುಪೋತಿ ಉಡಲ್‌ದಾಕುಲು, ಶಾಪದ ಬಾಲೆಲು ಆದುಲ್ಲೆರ್.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

1 ಯೋಹಾನೆ 2:16

ಶರೀರದ ಆಸೆ, ಕಣ್ಣ್‌ಲೆ ಆಸೆ, ಬದ್‌ಕ್‌ದ ಡಂಬ ಇನ್ಪಿನ ಲೋಕೊಡುಪ್ಪುನವು ಮಾತಲಾ ಅಮ್ಮೆರೆಡ್ದ್ ಪುಟ್ಟಂದೆ ಲೋಕೊಡ್ದು ಪುಟ್ಟಿನವು ಆದುಂಡು.

1 ಯೋಹಾನೆ 2:8

ಕುಡ ನಿಕ್ಲೆಗ್ ಒಂಜಿ ಪೊಸ ಅಪ್ಪಣೆ ಬರೆಪೆ. ಉಂದು ಆಯಡಲಾ ನಿಕ್ಲೆಡಲಾ ಸತ್ಯ ಆದುಂಡು. ದಾಯೆಗಂದ್ಂಡ ಕತ್ತಲೆ ಕರಿದ್ ಪೋಪುಂಡು, ನಿಜವಾಯಿನ ಬೊಲ್ಪು ಇತ್ತೆ ಮೂಡುಂಡು.