ಎಫೆಸ್ಯೆರೆಗ್ 1:3 - ಪೊಸ ಒಡಂಬಡಿಕೆ

³ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದೇವೆರ್‌ಲಾ, ಅಮ್ಮೆಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ. ನಮ ಕ್ರಿಸ್ತಡ್ ಒಂಜಾದುಪ್ಪುನೆಡ್ದಾದ್ ನಂಕ್ ಪರಲೋಕದ ಮಾತ ಆತ್ಮೀಕ ವರೊಲೆನ್ ಒದಗಾದ್ ಕೊರ್ತೆ.

ಎಫೆಸ್ಯೆರೆಗ್ 1:3 Iomraidhean Croise

ಲೂಕೆ 2:28

ಸಿಮೆಯೋನೆ ಬಾಲೆನ್ ತೂದು ತನ ಕೈಟ್ ದೆತ್ತೊಂದು ದೇವೆರೆನ್ ಪುಗರ್‌ದ್ ಪಂಡಿನಿ,

ಯೋಹಾನೆ 14:20

ಯಾನ್ ಎನ ಅಮ್ಮೆರೆಡ್ ನಿಕುಲು ಎನಡ್ ಬೊಕ್ಕ ಯಾನ್ ನಿಕ್ಲೆಡ್ ಉಪ್ಪುನೆನ್ ನಿಕುಲು ಆ ದಿನೊಟು ತೆರಿವೊನ್ವರ್.

ಯೋಹಾನೆ 17:21

ಅಮ್ಮೆರೇ, ಮಾತೆರ್ಲಾ ಒಂಜಾದುಪ್ಪೊಡು ಅಂದ್‌ದ್ ಈ ಎನನ್ ಕಡಪುಡ್ದು ಕೊರ್ತ ಅಂದ್‌ದ್ ಲೋಕದಾಕುಲು ನಂಬುನೆಕ್ಕಾದ್, ಈ ಎನಡ್ ಯಾನ್ ನಿನಡ್ ಉಪ್ಪುಲೆಕ್ಕ ಅಕುಲುಲಾ ನಮಡ್ ಒಂಜಾದುಪ್ಪೊಡು ಅಂದ್‌ದ್‌ಲಾ ಯಾನ್ ನಟ್ಟೊನ್ವೆ.

ಯೋಹಾನೆ 20:17

ಯೇಸು ಆಲೆಡ, “ಎನನ್ ಮುಟ್ಟೊಡ್ಚಿ ಯಾನ್ ಎನ ಅಮ್ಮೆರೆ ಕೈತಲ್‌ ನನಲಾ ಪೋತುಜಿ. ಈ ಎನ ಸಹೋದರೆರೆ ಕೈತಲ್‌ ಪೋದು, ‘ಯಾನ್ ಎನ ಅಮ್ಮೆಲಾ ನಿಕ್ಲೆ ಅಮ್ಮೆಲಾ ಬೊಕ್ಕ ಎನ ದೇವೆರ್‌ಲಾ ನಿಕ್ಲೆ ದೇವೆರ್‌ಲಾ ಆದುಪ್ಪುನಾಯ ಕೈತಲ್‌ ಏರ್ದ್ ಪೋವೊಂದುಲ್ಲೆ ಅಂದ್‌ದ್ ಅಕ್ಲೆಡ ಪನ್ಲ,’” ಪಂಡ್ದ್ ಪಂಡೆ.

ರೋಮಾಯೆರೆಗ್ 12:5

ಅಂಚೆನೇ ನಮ ಮಾತೆರ್ ಒಂಜಾದ್ ಕ್ರಿಸ್ತಡ್ ಒಂಜೇ ಶರೀರ ಆದ್ ಒರಿಯಗ್ ಒರಿ ಸಂಬಂಧ ಪಡೆಯಿ ಅಂಗೊಲು ಆದುಲ್ಲ.

ರೋಮಾಯೆರೆಗ್ 15:6

ಅಪಗ ನಿಕುಲು ಮಾತೆರ್ಲಾ ಒಟ್ಟಾದ್ ಒಂಜೇ ಸ್ವರೊಟ್ಟು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯನ್ ಪುಗರುವರ್.

1 ಕೊರಿಂಥ್ಯೆರೆಗ್ 1:30

ದೇವೆರ್ ಈ ರೀತಿ ಮಲ್ತಿನೆಡ್ದಾವರನೇ ಇತ್ತೆ ನಿಕುಲು ಕ್ರಿಸ್ತ ಯೇಸುಡು ಜೀವನ ಮಲ್ತೊಂದುಲ್ಲರ್; ಆಯೆ ನಂಕ್ ದೇವೆರೆಡ್ ಬುದ್ಧಿಲಾ ನೀತಿಲಾ ಪರಿಶುದ್ಧತೆಲಾ ಅತ್ತಂದೆ ಪಾಪೊಡ್ದು ಬುಡುಗಡೆ ಮಲ್ಪುನಾಯೆಲಾ ಆದುಲ್ಲೆ. ಪುಗರೊನುನಾಯೆ ಕರ್ತವಡೇ ಪುಗರೊನಡ್ ಪನ್ಪಿನ ಶಾಸ್ತ್ರೊಡು ಬರೆತಿನವು ಪೂರ್ತಿ ಆಯೆರೆ ಸಾದಿ ಆಂಡ್.

1 ಕೊರಿಂಥ್ಯೆರೆಗ್ 12:12

ಎಂಚ ಶರೀರ ಒಂಜೇ ಆದಿತ್ತ್‌ಂಡಲಾ ಐಕ್ ಉಪ್ಪು ಅಂಗೊಲು ಮಸ್ತ್ ಉಲ್ಲನಾ, ಅಂಗೊಲು ಮಸ್ತ್ ಆದಿತ್ತ್‌ದ್ ಒಂಜೇ ಶರೀರ ಆದುಂಡಾ, ಅಂಚೆನೇ ಕ್ರಿಸ್ತೆಲಾ ಆದುಲ್ಲೆ.

2 ಕೊರಿಂಥ್ಯೆರೆಗ್ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದೇವೆರ್‌ಲಾ ಅಮ್ಮೆಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್; ಆಯೆ ಕನಿಕರ ಇತ್ತಿ ಅಮ್ಮೆ ಮಾತ ರೀತಿಡ್ ಆದರಿಪುನಾಯೆಲಾ ಆದುಲ್ಲೆ.

2 ಕೊರಿಂಥ್ಯೆರೆಗ್ 11:31

ಯಾನ್ ಪನ್ಪಿನವು ಸುಳ್ಳು ಅತ್ತ್ ಅಂದ್‌ದ್ ನಮ ಕರ್ತವೆ ಆದುಪ್ಪು ಯೇಸುನ ಅಮ್ಮೆ ಆದುಪ್ಪು ದೇವೆರೆಗ್ ಗೊತ್ತುಂಡು. ಆಯೆ ಸದಾಕಾಲೊಗು ಸ್ತುತಿ ದೆತ್ತೊನುನಾಯೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 5:17

ಅಂಚಾದ್ ಏರಾಂಡಲಾ ಕ್ರಿಸ್ತಡ್ ಉಲ್ಲೆಡ, ಆಯೆ ಪೊಸ ಸೃಷ್ಟಿ ಆದುಲ್ಲೆ; ಪರತ್ತ್‌ದವು ಕಡತ್‌ದ್ ಪೋಂಡು, ಇಂದಾ ಮಾತಲಾ ಪೊಸತಾಂಡ್.

2 ಕೊರಿಂಥ್ಯೆರೆಗ್ 5:21

ದೇವೆರ್ ಪಾಪದಾಂತಿನ ಕ್ರಿಸ್ತನ್ ಎಂಕ್ಲೆಗಾದ್ ಪಾಪಿಯಾದ್ ಮಲ್ತೆ. ನಮ ಕ್ರಿಸ್ತಡ್ದ್ ನೀತಿವಂತೆರ್ ಆವೊಡು ಅಂದ್‌ದ್ ದೇವೆರ್ ಇಂಚ ಮಲ್ತೆರ್.

ಗಲಾತ್ಯೆರೆಗ್ 3:9

ಅಂಚಾಯಿನೆಡ್ದ್ ನಂಬುನಾಕುಲೆಗ್ ನಂಬಿಕೆ ಇತ್ತಿ ಅಬ್ರಹಾಮುಡೊಪ್ಪ ಆಶೀರ್ವಾದ ತಿಕ್ಕುಂಡು.

ಎಫೆಸ್ಯೆರೆಗ್ 1:10

ಆ ಗುಟ್ಟು ಉಂದೇ, ಕಾಲ ಸಂದ್‌ನಗ, ಪರಲೋಕೊಡ್ಲಾ ಭೂಲೋಕೊಡ್ಲಾ ಉಪ್ಪುನ ಮಾತಲಾ ಕ್ರಿಸ್ತಡ್ ಒಂಜಾದುಪ್ಪೊಡಂದೇ ನಿರ್ಧಾರ ಆದಿತ್ತ್ಂಡ್.

ಎಫೆಸ್ಯೆರೆಗ್ 1:17

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ದೇವೆರ್ ಆದುಪ್ಪು ಮೈಮೆದ ಅಮ್ಮೆ, ನಿಕ್ಲೆಗ್ ತಿಳುವಳಿಕೆದ ಆತ್ಮೊನ್ಲಾ ಪ್ರಕಟನೆನ್ಲಾ ಕೊರ್ದು, ನಿಕುಲು ದೇವೆರೆ ಗೇನೊಡು ಬುಲೆವೊಡು ಅಂದ್‌ದ್ ಯಾನ್ ನಟ್ಟೊನ್ವೆ.

ಎಫೆಸ್ಯೆರೆಗ್ 1:20

ಈ ಬಲ ಶಕ್ತಿಡ್ದೇ ದೇವೆರ್ ಕ್ರಿಸ್ತನ್ ಸೈತಿನಾಕುಲೆಡ್ದ್ ಲಕ್ಕಾದ್ ಮಾತ ಕಾನೂನು, ಅಧಿಕಾರ, ದೊರೆತನ, ಬೊಕ್ಕ ಮಾತ ಅಧಿಕಾರದ ಮಿತ್ತ್‌ಲಾ ಈ ಲೋಕೊಡು ಮಾತ್ರತ್ತಂದೆ, ನನ ಬರಿಯೆರೆ ಉಪ್ಪುನ ಲೋಕೊಡ್ಲಾ ಪುದರ್ ಪೋಯಿನಾಕುಲೆನ ಮಾತ ಪುದರ್‌ದ ಮಿತ್ತ್‌ಲಾ ಪರಲೋಕೊಡು ಆಯನ್ ತನ ಬಲತ್ತ ಮರ್ಗಿಲ್‌ಡ್ ಕುಲ್ಲಾಯೆ.

ಎಫೆಸ್ಯೆರೆಗ್ 2:6

ಸೈತಿನಾಕುಲೆಡ್ದ್ ಲಕ್ಕಾಯಿನಿ ಮಾತ್ರ ಅತ್ತ್ ನಮ ಕ್ರಿಸ್ತ ಯೇಸುಡು ಒಂಜಾದ್ ಇತ್ತಿನೆಡ್ದ್ ದೇವೆರ್ ದುಂಬು ಬರ್ಪಿ ಯುಗತ್ತ ಜನೊಕುಲೆಗ್ ಕ್ರಿಸ್ತ ಯೇಸುಡು ಗೆನ್ಪೆರೆ ತೀರಂದಿನಾತ್ ತನ ದಯ ಪನ್ಪಿ ಐಶ್ವರ್ಯೊನು ಒದಗಾದ್ ನಮನ್ ಸೈತಿನಾಕುಲೆಡ್ದ್ ಲಕ್ಕಾದ್ ಪರಲೋಕೊಡು ಆಯಡೊಪ್ಪ ಕುಲ್ಲಾವೆ.

ಎಫೆಸ್ಯೆರೆಗ್ 3:10

ಆಯನ ನಿತ್ಯ ನಿರ್ಧಾರದ ಪ್ರಕಾರ ಅವೆನ್ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡು ಪರಿಪೂರ್ಣ ಮಲ್ತೆ. ಉಂದು ಮಾತೆಟ್ಟ್ ದೇವೆರೆನ ಉದ್ದೇಶ ದಾನೆಂದ್ಂಡ ತನ ಗೇನದ ಐಶ್ವರ್ಯೊನು ಪರಲೋಕೊಡುಪ್ಪುನ ಮಾತ ಅಧಿಕಾರೊಲೆಗ್ಲಾ ಅಧಿಪತಿಲೆಗ್ಲಾ ಇತ್ತೆ ಕ್ರೈಸ್ತ ಸಭೆಡ್ದ್ ಗೊತ್ತಾವೊಡು ಇನ್ಪಿನವೇ.

ಎಫೆಸ್ಯೆರೆಗ್ 6:12

ನಮ ಲಡಯಿ ಮಲ್ಪುನು ನರಮಾನಿಲೆಡ ಅತ್ತಂದೆ ತೋಜಂದಿನ ದುಷ್ಟ ಲೋಕದ ಅಧಿಕಾರಿಲೆ ವಿರೋಧಲಾ, ಈ ಕತ್ತಲೆದ ಲೋಕದ ಅಧಿಪತಿಲೆ ವಿರೋಧಲಾ, ಪರಲೋಕೊಲೆಡುಪ್ಪು ದುಷ್ಟ ಆತ್ಮೊಲೆ ವಿರೋಧಲಾ ಲಡಯಿ ಮಲ್ಪುನಾಕುಲು ಆದುಲ್ಲ.

ಫಿಲಿಪ್ಪಿಯೆರೆಗ್ 2:11

ಯೇಸು ಕ್ರಿಸ್ತನ್ ಕರ್ತವೆ ಅಂದ್‌ದ್ ಮಾತ ನಾಲಯಿ ಅರಿಕೆ ಮಲ್ತ್‌ದ್, ಅಮ್ಮೆ ಆದುಪ್ಪು ದೇವೆರೆಗ್ ಮೈಮೆನ್ ಸಂದಾವೆರ್.

ಇಬ್ರಿಯೆರೆಗ್ 8:5

ಅಕುಲು ಪರಲೋಕೊಡುಪ್ಪು ದೇವಾಲಯದ ಪ್ರತಿರೂಪಲಾ ನಿರೆಲ್ಲಾ ಆದುಪ್ಪು ದೇವಾಲಯೊಡು ಯಾಜಕ ಕೆಲಸೊನು ಮಲ್ಪುನಾಕುಲು ಆದುಲ್ಲೆರ್. ಮೋಶೆ ದೇವೆರೆ ದರ್ಶನದ ಗುಡಾರೊನು ಮಲ್ಪೆರೆ ಉಪ್ಪುನಗ ಪರ್ವತೊಡು ಯಾನ್ ತೋಜಾಯಿ ಮಾದ್ರಿದ ಲೆಕ್ಕನೇ ಮಾತೆನ್ ಮಲ್ಪಾವೊಡು ಪನ್ಪಿ ದೈವೋಕ್ತಿ ಆಯಗ್ ಉಂಡಾಂಡತ್ತಾ.

ಇಬ್ರಿಯೆರೆಗ್ 9:23

ಪರಲೋಕದ ವಸ್ತುಲೆಗ್ ಪ್ರತಿರೂಪ ಆದುಪ್ಪು ವಸ್ತುಲೆ ಶುದ್ಧೀಕರಣೊಗಾದ್ ಇಂಚಿತ್ತಿ ಬಲಿಲು ಅವಶ್ಯ ಆದಿತ್ತಿನೆಡ್ದ್ ಪರಲೋಕದೆಕ್ಕ್ ಉಂದೆಡ್ದ್ ಹೆಚ್ಚಿದ ಯಜ್ಞೊಲು ಬೋಡು.

1 ಪೇತ್ರೆ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.