2 ತಿಮೋಥಿ 4:8 - ಪೊಸ ಒಡಂಬಡಿಕೆ

⁸ ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

2 ತಿಮೋಥಿ 4:8 Iomraidhean Croise

ಮತ್ತಾಯೆ 24:36

“ಉಂದತ್ತಂದೆ ಆ ದಿನತ ಬಗೆಟ್ಲಾ ಆ ಗಳಿಗೆದ ಬಗೆಟ್ಲಾ ಎನ ಅಮ್ಮೆರೆಗ್ ಒರಿಯಗೇ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್.

ಮತ್ತಾಯೆ 7:22

ಕರ್ತವಾ, ಕರ್ತವಾ ನಿನ ಪುದರ್‌ದ ಮಿತ್ತ್ ಎಂಕುಲು ಪ್ರವಾದನೆ ಮಲ್ತ್‌ಜನಾ? ನಿನ ಪುದರ್‌ಡ್ ದೆವ್ವೊಲೆನ್ ಬುಡ್ಪಾದ್‌ದಿಜನಾ? ನಿನ ಪುದರ್‌ಡ್ ದಿಂಜ ಬಲತ್ತ ಕಾರ್ಯೊಲೆನ್ ಮಲ್ತ್‌ಜನಾ ಅಂದ್‌ದ್ ಆ ತೀರ್ಪುದ ದಿನೊಕ್ಲೆಡ್ ಏತೋ ಜನೊಕುಲು ಎಂಕ್ ಪನ್ವೆರ್.

ಲೂಕೆ 10:12

ಆ ದಿನೊಟು ಆ ಊರುದ ಗತಿ ಸೋದೋಮು ಸೀಮೆದ ಗತಿಡ್ದ್‌ಲಾ ಕಠಿಣ ಆದುಪ್ಪುಂಡು ಅಂದ್‌ದ್ ನಿಕ್ಲೆಗ್ ಪನ್ಪೆ.

ರೋಮಾಯೆರೆಗ್ 2:5

ಈ ನಿನ ಅಲ್ಪ ಬುದ್ಧಿನ್ಲಾ ಪಶ್ಚಾತಾಪದಾಂತಿನ ಉಡಲ್‌ನ್ಲಾ ಬೆರಿ ಪತ್ತೊಂದು ಉಪ್ಪುನೆಡ್ದ್ ನಿಕ್ಕಾದ್ ಈಯೇ ದೇವೆರೆ ಕೋಪೊನು ಕೂಡಾವೊಂದುಲ್ಲ. ದೇವೆರೆನ ಕೋಪಲಾ ನೀತಿದ ತೀರ್ಪುಲಾ ತೋಜಿದ್ ಬರ್ಪಿನ ದಿನೊಕುಲು ಬರು.

ರೋಮಾಯೆರೆಗ್ 8:23

ಉಂದು ಮಾತ್ರ ಅತ್ತಂದೆ ಸುರುತ್ತ ಫಲ ಆದುಪ್ಪು ಪರಿಶುದ್ಧಾತ್ಮನ ವರೊನು ಪಡೆಯಿ ನಮಾಂಡಲಾ ದೇವೆರೆ ಮಗನ ಸ್ಥಾನೊನು ಅಂದ್ಂಡ ಶರೀರೊಗು ಬರೊಡಾಯಿನ ಬುಡುಗಡೆನ್ ಕಾತೊಂದು ನಮ ಉಲಯಿ ನರಕೊಂದುಲ್ಲ.

1 ಕೊರಿಂಥ್ಯೆರೆಗ್ 2:9

ಆಂಡ ಗ್ರಂಥೊಡು ಬರೆದುಪ್ಪುಲೆಕ್ಕ “ದೇವೆರ್ ತನನ್ ಪ್ರೀತಿ ಮಲ್ತೊಂದು ಉಪ್ಪುನಾಕುಲೆಗ್ ತಯಾರ್ ಮಲ್ತಿನೆನ್ ಏರ್ಲಾ ತೂತುಜೆರ್; ಏರ್ಲಾ ಕೇಂಡ್ದಿಜೆರ್, ಅವು ನರಮಾನಿ ಉಡಲ್‌ಡ್ ಸೇರ್ದಿಜಿ.”

1 ಕೊರಿಂಥ್ಯೆರೆಗ್ 3:13

ಕ್ರಿಸ್ತೆ ಬರ್ಪಿನ ದಿನೊಟು ಪ್ರತಿ ಒರಿಯನ ಬೇಲೆ ತೂಟು ತೋಜಿದ್ ಬರು. ಬೊಕ್ಕ ತೂ ಆಯಾಯನ ಎಂಚಿತ್ತಿನ ಬೇಲೆ ಅಂದ್‌ದ್ ಪರೀಕ್ಷೆ ಮಲ್ಪುಂಡು.

1 ಕೊರಿಂಥ್ಯೆರೆಗ್ 9:25

ಐಟ್ಟ್ ಪೊರ್‌ಂಬುನಾಕುಲು ಮಾತ ಸಂಗತಿಡ್ಲಾ ಮಿತಿಟ್ ಉಪ್ಪುವೆರ್. ಅಕುಲು ನಾಶಾದ್ ಪೋಪಿ ಜಯಮಾಲೆನ್ ಪಡೆಯೆರೆಗಾದ್ರ ಪೊರ್‌ಂಬುವೆರ್. ನಮ ಆಂಡಲಾ ನಾಶಾವಂದಿನ ಜಯಮಾಲೆಗಾದ್ರ ಪೊರ್ಂಬುನಾಕುಲಾದುಲ್ಲ.

2 ಕೊರಿಂಥ್ಯೆರೆಗ್ 5:2

ಅಂದ್, ಇತ್ತೆ ಈ ಶರೀರೊಡು ಎಂಕುಲು ನರಕೊಂದುಪ್ಪುವ. ಪೊಸ ಕುಂಟು ಪಾಡೊಂಡಿಲೆಕ್ಕ ಪರಲೋಕೊಡುಪ್ಪು ಆ ಇಲ್ಲ್ ಏಪ ತಿಕ್ಕುಂಡು ಅಂದ್‌ದ್ ಬಯಕೊಂದುಲ್ಲ.

ಫಿಲಿಪ್ಪಿಯೆರೆಗ್ 3:11

ಅಂಚಾಂಡ, ಸೈತಿನಾಕುಲೆಡ್ದ್ ಕುಡ ಲಕ್ಕುನ ಅನುಭವ ಆವು ಪನ್ಪಿನ ನಿರೀಕ್ಷೆ ಎಂಕುಂಡು.

ಕೊಲೊಸ್ಸಿಯೆರೆಗ್ 1:5

ಪರಲೋಕೊಡು ನಿಕ್ಲೆಗಾದ್ ತಯಾರಾತಿನ ಮಿತ್ತ್‌ದ ನಿರೀಕ್ಷೆನ್ ಸುವಾರ್ತೆದ ಸತ್ಯ ಪಾತೆರೊಡು ಸುರುಟೆ ಕೇಂಡ್ದರ್.

1 ಥೆಸಲೋನಿಕೆರೆಗ್‌ 1:10

ಬೊಕ್ಕ ಮರಣೊಡ್ದು ಲಕ್ಕಾಯಿನ ದೇವೆರೆ ಮಗೆ ಆದುಪ್ಪು ಯೇಸುನು ಬಾನದ ಉಲಯಿಡ್ದ್ ಬರ್ಪಿನೆನ್ ನಿಕುಲು ಎಂಚ ಎದುರು ತೂಪಿನಕುಲಾದುಲ್ಲರ್ ಪಂಡ್ದ್‌ಲಾ ಆ ಜನೊಕುಲೇ ಪನ್ಪೆರ್. ಉಂದೇ ಯೇಸು ದುಂಬಗ್ ಬರ್ಪಿ ದೈವಕೋಪೊಡ್ದು ನಮನ್ ತಪ್ಪಾವುನಾಯೆ.

1 ಥೆಸಲೋನಿಕೆರೆಗ್‌ 5:4

ಸಹೋದ್ರೆರೇ, ಕಲ್ವೆ ಬರ್ಪಿಲೆಕ್ಕನೇ ಆ ದಿನ ನಿಕ್ಲೆ ಮಿತ್ತ್ ಬರಿಯೆರೆ ಬಲ್ಲಿ. ಕಾರಣ ನಿಕುಲು ಕತ್ತಲೆಡ್ ಇತ್ತಿನಾಕುಲತ್ತ್.

2 ಥೆಸಲೋನಿಕೆರೆಗ್‌ 2:8

ಐಡ್ದ್ ಬೊಕ್ಕ ಆ ಅನ್ಯಾಯಗಾರೆ ತೋಜಿದ್ ಬರ್ಪೆ. ಅಪಗ ಕರ್ತವೆ ಆದುಪ್ಪು ಯೇಸು ತನ ಬಾಯಿದ ಶ್ವಾಸೊಡ್ದು ಆಯನ್ ಕೆರ್ದ್, ತನ ಮೈಮೆದ ಬೊಲ್ಪುಡು ಬನ್ನಗ ಆಯನ್ ನಾಶ ಮಲ್ಪುವೆ. ಆ ಅನ್ಯಾಯದ ನರಮಾನಿ ಬನ್ನಗ ಸೈತಾನನ ಕಾರ್ಯೊಲು ಬಲೊಟ್ಲಾ ಗುರ್ತ ಕಾರ್ನಿಕೊಲೆಡ್ಲಾ ನಡಪು.

1 ತಿಮೋಥಿ 6:19

ತನ್ಕುಲು ನಿತ್ಯಜೀವೊನು ಪತ್ತೊನುಲೆಕ್ಕ ಬರ್ಪಿ ಕಾಲೊಗು ಎಡ್ಡೆ ಬುನಾದಿನ್ ತನ್ಕುಲೆಗ್ ಕೂಡಾವೊನೊಡು ಪಂಡ್ದ್ ಅಕ್ಲೆಗ್ ಅಪ್ಪಣೆ ಕೊರ್ಲ.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 1:18

ಕ್ರಿಸ್ತೆ ಬರ್ಪಿನ ದಿನೊಟು ಕರ್ತವೆ ಆಯಗ್ ಕರುಣೆ ತೋಜಾವಡ್. ಬೊಕ್ಕ ಆಯೆ ಎಫೆಸೊಡು ಎಂಕ್ ಏತ್ ಸಹಾಯ ಕೊರಿಯೆ ಅಂದ್‌ದ್ ನಿಕ್ಕ್‌ಲಾ ಸರಿಯಾದ್ ಗೊತ್ತುಂಡು.

2 ತಿಮೋಥಿ 2:5

ಅತ್ತಂದೆ ಏರಾಂಡಲಾ ಓಟದ ಸ್ಪರ್ಧೆಡ್ ಪಾಲ್ ದೆತ್ತೊಂದು, ಐತ ನಿಯಮೊನು ಪಾಲನೆ ಮಲ್ತಿಜೆಡ ಆಯಗ್ ಕಿರೀಟ ತಿಕ್ಕಂದ್.

2 ತಿಮೋಥಿ 4:1

ದೇವೆರೆ ಎದುರುಲಾ ಬೊಕ್ಕ ಬದುಕುನಾಕುಲೆಗ್ಲಾ ಸೈತಿನಾಕುಲೆಗ್ಲಾ ನ್ಯಾಯತೀರ್ಪೆರೆ ಉಪ್ಪು ಯೇಸು ಕ್ರಿಸ್ತ ಎದುರುಲಾ ಆಯೆ ಬರ್ಪಿನೆನ್ಲಾ ಆಯನ ರಾಜ್ಯದ ಮಿತ್ತ್‌ಲಾ ಆಜ ದೀದ್ ಯಾನ್ ನಿಕ್ಕ್ ಪನ್ಪಿನಿ ದಾನೆಂದ್ಂಡ,

ಇಬ್ರಿಯೆರೆಗ್ 12:11

ವಾ ಶಿಕ್ಷೆ ಆಂಡಲಾ ಆ ಸಮಯೊಗು ನಂಕ್ ಸಂತೋಷದವು ಆದ್ ತೋಜಂದೆ ದುಃಖದವು ಆದ್ ತೋಜುಂಡು, ಆಂಡಲಾ ಐಡ್ದ್ ಬೊಕ್ಕ ಅವು ಶಿಕ್ಷೆ ಪಡೆಪಿನಾಕುಲೆಗ್ ನೀತಿ ಪನ್ಪಿ ಫಲೊನು ಕೊರ್ದು ಮನಸ್‌ಗ್ ಸಮಾಧಾನೊನು ಉಂಡು ಮಲ್ಪುಂಡು.

ಇಬ್ರಿಯೆರೆಗ್ 9:28

ಅಂಚೆನೇ ಕ್ರಿಸ್ತೆಲಾ ಮಾತ ನರಮಾನಿಲೆ ಪಾಪೊಲೆನ್ ತುಂಬೊನಿಯೆರೆಗಾದ್ ಒಂಜೇ ಸರಿ ಅರ್ಪಣೆ ಮಲ್ತೊಂಡೆ. ಬೊಕ್ಕ ತನನ್ ನಿರೀಕ್ಷೆ ಮಲ್ಪುನಾಕುಲೆಗಾದ್ ರಕ್ಷಣೆನ್ ಉಂಡು ಮಲ್ಪುನೆಕ್ಕಾದ್ ಪಾಪ ಸಮ್ಮಂಧದಾಂತಿನಾಯೆ ಆದ್ ರಡ್ಡನೆ ಸರ್ತಿ ತೋಜಿದ್ ಬರ್ಪೆ.

ಯಾಕೋಬು 1:12

ಶೋಧನೆನ್ ಸಹಿಸೊಂದು ಸ್ಥಿರ ಆದುಪ್ಪುನಾಯೆ ಭಾಗ್ಯವಂತೆ; ಆಯೆ ತಕ್ಕದಾಯೆ ಅಂದ್‌ದ್ ತೋಜಿಯೆಡ ದೇವೆರೆನ್ ಪ್ರೀತಿ ಮಲ್ಪುನಾಕುಲೆಗ್ ವಾಗ್ದಾನ ಮಲ್ತ್‌ದಿನ ನಿತ್ಯಜೀವದ ಕಿರೀಟ ಆಯಗ್ ತಿಕ್ಕುಂಡು.

1 ಪೇತ್ರೆ 1:4

ದೇವೆರ್ ನಂಕಾದ್ ಇತ್ತೆ ಪರಲೋಕೊಡು ದೀತಿ ಬಾಧ್ಯಸ್ತಿಗೆನ್ ನಮ ಎದುರು ತೂವೊಂದುಲ್ಲ. ಅವು ನಾಶಾದ್ ಪೋಪುಜಿ, ಮೈಲೆ ಆಪುಜಿ, ಪೊರ್ಲು ಬಾಡ್ದ್ ಪೋಪುಜಿ.

1 ಪೇತ್ರೆ 5:4

ಮಾಮಲ್ಲ ಕುರುಬೆ ತೋಜಿದ್ ಬನ್ನಗ ನಿಕುಲು ಏನಿತ್ಯೇನಿಗ್ಲಾ ಬಾಡಂದಿ ಮೈಮೆದ ಕಿರೀಟೊನು ಪಡೆವೊನ್ವರ್.

ಪ್ರಕಟಣೆ 1:7

“ಇಂದಾ, ಆಯೆ ಮುಗಲ್‌ಡ್ ಬರುವೆ; ಮಾತ ಕಣ್ಣ್‌ಲು ಆಯನ್ ತೂವು. ಬರ್ಚಿಡ್ ಆಯನ್‌ ನೋಂತಿನಾಕುಲುಲಾ ತೂವೆರ್, ಈ ಭೂಮಿಡುಪ್ಪು ಮಾತ ಗೋತ್ರೊಲು ಆಯನ್ ತೂದು ತಿಗಲೆಗ್ ದರ್ತೊನ್ವೆರ್.” ಅಂದ್, ಅಂಚೆನೇ ಆವು ಆಮೆನ್.

ಪ್ರಕಟಣೆ 19:11

ಬೊಕ್ಕ ಪರಲೋಕ ಜತ್ತ್‌ದುಪ್ಪುನೆನ್ ಯಾನ್ ತೂಯೆ. ಅಪಗ ಇಂದಾ ಒಂಜಿ ಬೊಲ್ದು ಕುದುರೆ ಎಂಕ್ ತೋಜ್ಂಡ್. ಐತ ಮಿತ್ತ್ ಕುಲ್ಲುದಿನಾಯಗ್ ನಂಬಿಗಸ್ತೆಲಾ ಸತ್ಯದಾಯೆಲಾ ಅಂದ್‌ದ್ ಪುದರ್. ಆಯೆ ನೀತಿಡ್ ನ್ಯಾಯತೀರ್ಪು ಮಲ್ಪುವೆ. ನೀತಿಡ್ ಲಡಯಿ ಮಲ್ಪುವೆ.

ಪ್ರಕಟಣೆ 2:10

ನಿಕ್ಕ್ ಬರ್ಪಿನಂಚಿತ್ತಿ ಭಂಗೊಗಾದ್ ಪೋಡ್ಯಡ. ಇಂದಾ! ನಿಕ್ಲೆಡ್ ಕೆಲೆವೆರೆನ್ ಪರೀಕ್ಷೆ ಮಲ್ಪೆರೆಗಾದ್ ಸೈತಾನೆ ಸೆರೆಮನೆಟ್ ಪಾಡುವೆ. ಪತ್ತ್ ದಿನ ಸಂಕಟ ಉಪ್ಪು. ಮರಣ ಬತ್ತ್‌ಂಡಲಾ ನಂಬಿಗಸ್ತೆ ಆದುಪ್ಪುಲ. ಯಾನ್ ನಿಕ್ಕ್ ಜೀವದ ಕಿರೀಟೊನು ಕೊರ್ಪೆ.

ಪ್ರಕಟಣೆ 22:20

ಉಂದು ಮಾತೆಕ್ಕ್‌ಲಾ ಸಾಕ್ಷಿ ಆದುಪ್ಪುನಾಯೆ ಪನ್ಪೆ, “ಅಂದ್, ಯಾನ್ ಬೇಗೊಡೇ ಬರೊಂದುಲ್ಲೆ.” ಆಮೆನ್, ಕರ್ತವೆ ಆದುಪ್ಪು ಯೇಸೋ, ಬಲ.

ಪ್ರಕಟಣೆ 4:10

ಆ ಇರ್ವತ್ತನಾಲ್ ಮಂದಿ ಹಿರಿಯೆರ್ ಗದ್ದಿಗೆದ ಮಿತ್ತ್ ಕುಲ್ಲುದಿನಾಯನ ಕಾರ್‌ಗ್ ಅಡ್ಡಬೂರ್ದು ಏನಿತ್ಯೇನಿಗ್ಲಾ ಬದುಕುನಾಯಗ್ ಆರಾಧನೆ ಮಲ್ತ್‌ದ್ ತನ್ಕುಲೆ ಕಿರೀಟೊಲೆನ್ ಆ ಗದ್ದಿಗೆದ ಎದುರುಡು ದೀದ್,

ಪ್ರಕಟಣೆ 4:4

ಉಂದತ್ತಂದೆ ಐತ ಸುತ್ತಲಾ ಇರ್ವತ್ತನಾಲ್ ಗದ್ದಿಗೆಲು ಇತ್ತ್ಂಡ್. ಆ ಗದ್ದಿಗೆಲೆಡ್ ಬೊಲ್ದು ಕುಂಟು ಪಾಡೊಂದಿತ್ತಿ ಇರ್ವತ್ತನಾಲ್ ಮಂದಿ ಹಿರಿಯೆರ್ ಕುಲ್ಲುದಿತ್ತೆರ್. ಅಕ್ಲೆ ತರೆತ ಮಿತ್ತ್ ಬಂಗಾರ್‌ದ ಕಿರೀಟ ಇತ್ತ್ಂಡ್.