2 ತಿಮೋಥಿ 4:4 - ಪೊಸ ಒಡಂಬಡಿಕೆ

⁴ ಅಕುಲು ಸತ್ಯ ಬೋಧನೆಗ್ ಕೆಬಿ ಕೊರಂದೆ ಕಟ್ಟ್ ಕತೆಕ್ಲೆನ್ ಕೇನರೆ ಪೋವೆರ್.

2 ತಿಮೋಥಿ 4:4 Iomraidhean Croise

ಮತ್ತಾಯೆ 13:15

ದಾಯೆಗಂದ್ಂಡ ಈ ಜನೊಕುಲೆ ಉಡಲ್ ಕಲ್ಲಾತ್ತ್‌ಂಡ್, ಮೊಕ್ಲೆ ಕೆಬಿ ಮಂದ ಆತ್ಂಡ್, ಮೊಕುಲು ಕಣ್ಣ್ ಮುಚ್ಚೊಂದೆರ್. ತನ್ಕುಲು ಕಣ್ಣ್‌ಡ್ ತೂದು, ಕೆಬಿಟ್ ಕೇಂಡ್ದ್ ಉಡಲ್‌ಡ್ ತೆರಿದ್, ಅಕುಲು ಎನ ಕಡೆಕ್ಕ್ ತಿರ್ಗಂದೆ ಯಾನ್ ಅಕ್ಲೆನ್ ಗುಣ ಮಲ್ಪಂದೆ ಉಪ್ಪುಲೆಕ್ಕ ಮಲ್ತೊಂದೆರ್ ಪನ್ಪಿನವೇ.

ಅಪೊ.ಕ್ರಿ 7:57

ಆಂಡ ಅಕುಲು ಗಟ್ಟಿ ಸ್ವರೊಟ್ಟು ಬೊಬ್ಬೆ ಪಾಡ್ದ್ ಕೆಬಿ ಮುಚ್ಚೊಂದು ಒಟ್ಟಾದ್ ಆಯನ ಮಿತ್ತ್ ಬೂರಿಯೆರ್.

2 ಥೆಸಲೋನಿಕೆರೆಗ್‌ 2:11

ಆ ಕಾರಣೊಡ್ದಾವರ, ದೇವೆರ್ ಅಕ್ಲೆಗ್ ಸುಳ್ಳುನು ನಂಬಿಯೆರೆ ಭ್ರಮೆನ್ ಕಡಪುಡ್ದು ಆ ಸುಳ್ಳುನು ನಂಬಿಯೆರೆ ಅಕ್ಲೆನ್ ಬುಡ್ಪೆ.

1 ತಿಮೋಥಿ 1:4

ಅಂಚೆನೇ, ಕಟ್ಟುಕತೆಕ್ಲೆಗ್ಲಾ ಕೊಡಿಮುದೆಲ್ ಇಜ್ಜಂದಿನ ಸಂತಾನ ಪಟ್ಟಿಲೆಗ್ಲಾ ಗೇನ ಕೊರಿಯೆರೆ ಬಲ್ಲಿ ಪಂಡ್ದ್, ದುಂಬು ಯಾನ್ ನಿಕ್ಕ್ ಅಪ್ಪಣೆ ಕೊರ್ತಿ ಲೆಕ್ಕನೇ ಇತ್ತೆಲಾ ಪನೊಂದುಲ್ಲೆ. ಇಂಚಿತ್ತಿನವು ದುಂಬಗ್ ತರ್ಕ ಪುಟ್ಟಾವುನವು ಅತ್ತಂದೆ ದೇವೆರ್ ಮಲ್ಪೊಡಿತ್ತಿ ಕೆಲಸೊಲೆಗ್ ಬಳಕೆ ಆಪುಜಿ. ಅವು ನಂಬಿಕೆಡ್ದ್ ಸಾದ್ಯ ಆಪುಂಡು. ಶುದ್ಧ ಹೃದಯ, ಎಡ್ಡೆ ಮನಸಾಕ್ಷಿ, ಕಪಟದಾಂತಿ ನಂಬಿಕೆ, ಇಂಚಿತ್ತಿನೆಡ್ದ್ ಉಂಡಾಯಿ ಪ್ರೀತಿಯೇ ದೇವೆರೆ ಪಾತೆರದ ಬೋಧನೆ ಆದುಂಡು.

1 ತಿಮೋಥಿ 4:7

ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 1:15

ಆಸ್ಯ ಸೀಮೆದ ಮಾತೆರ್ಲಾ ಎನನ್ ಕೈ ಬುಡಿಯೆರಂದ್‌ದ್ ಈ ತೆರಿದ. ಐಟ್ಟ್ ಫುಗೇಲೆಲಾ ಹೆರ್ಮೊಗೇನೆಲಾ ಸೇರ್ದೆರ್.

ಇಬ್ರಿಯೆರೆಗ್ 13:25

ದೇವೆರೆ ದಯ ನಿಕ್ಲೆ ಮಾತೆರೆಡೊಪ್ಪ ಉಪ್ಪಡ್.

2 ಪೇತ್ರೆ 1:16

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಬಲೊನ್ಲಾ ಕುಡೊರ ಈ ಲೋಕೊಗು ಬರ್ಪಿನೆನ್ಲಾ ಎಂಕುಲು ನಿಕ್ಲೆಗ್ ತೆರಿಪಾನಗ ಕಲ್ಪನೆದ ಕತೆಕ್ಲೆನ್ ಪಂಡಿನತ್ತ್. ಆಂಡ ಆಯನ ಮೈಮೆನ್ ಕಣ್ಣಾರೆ ತೂಯಿನಾಕುಲಾದ್ ತೆರಿಪಾಯ.