2 ತಿಮೋಥಿ 4:2 - ಪೊಸ ಒಡಂಬಡಿಕೆ

² ದೇವೆರೆ ಪಾತೆರೊನು ಸಾರಿಲ, ಅನುಕೂಲದ ಸ್ಥಿತಿ ಇತ್ತ್ಂಡಲಾ ಇಜ್ಜಿಡಲಾ ಐಟ್ಟ್ ಆಸಕ್ತಿಡುಪ್ಪುಲ. ತಾಳ್ಮೆಡ್ ತಿದ್ದ್‌ಲ, ಶಿಕ್ಷೆ ಕೊರ್ಲ, ಎಚ್ಚರಿಕೆ ಕೊರ್ಲ, ಬೊಕ್ಕ ಎಡ್ಡೆ ಬೋಧನೆನ್ ಕೊರ್ದು ಅಕ್ಲೆಗ್ ಉಮೇದ್ ಕೊರ್ಲ.

2 ತಿಮೋಥಿ 4:2 Iomraidhean Croise

ಲೂಕೆ 7:23

ಎನ ಸಂಗತಿಡ್ ಸಂಶಯ ಮಲ್ಪಂದಿನಾಯೆನೇ ಭಾಗ್ಯವಂತೆ,” ಪಂಡ್ದ್ ಪಂಡೆ.

ಲೂಕೆ 7:4

ಅಕುಲು ಯೇಸು ಕೈತಲ್‌ ಬತ್ತ್‌ದ್ ಎಂಕ್ಲೆನ ಶತಾಧಿಪತಿ ನಿನಡ್ದ್ ಇಂಚಿತ್ತಿ ಉಪಕಾರೊನು ಪಡೆವೆರೆ ತಕ್ಕದಾಯೆ ಆದುಲ್ಲೆ ಪಂಡ್ದ್ ನಟ್ಟೊಂಡೆರ್.

ಲೂಕೆ 9:60

ಆಂಡ ಯೇಸು ಆಯಗ್, “ಸೈತಿನಾಕುಲು ತನ್ಕುಲೆಡ್ ಸೈತ್ ಪೋತಿನಾಕುಲೆನ್ ಕೌಂಪಡ್. ಈ ಪೋದು ದೇವೆರೆ ರಾಜ್ಯೊನು ಸಾರಿಲ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 13:5

ಸಲಾಮಿಸ್ ಪನ್ಪಿ ಜಾಗ್‌ಗ್ ಬತ್ತಿನಪಗ ಯೆಹೂದ್ಯೆರೆನ ಸಭಾಮಂದಿರೊಲೆಡ್ ದೇವೆರೆ ಪಾತೆರೊನು ಸಾರಿಯೆರ್. ಮಾರ್ಕೆ ಪನ್ಪಿ ಯೋಹಾನೆ ಸಹಾಯಕೆ ಆದ್ ಅಕ್ಲೆನ ಒಟ್ಟುಗು ಇತ್ತೆ.

ಅಪೊ.ಕ್ರಿ 16:13

ತುದೆ ಬರಿಟ್ಟ್ ದೇವೆರೆನ ಪ್ರಾರ್ಥನೆ ಮಲ್ಪುನ ಜಾಗ್ ಉಪ್ಪು ಅಂದ್‌ದ್ ಎನ್ನ್‌ದ್ ಸಬ್ಬತ್‌ದಿನೊಟು ಊರ ಬಾಕಿಲ್‌ದ ಪಿದಯಿ ಪೋದು ಅಲ್ಪ ಸೇರ್ದ್ ಬೈದಿನ ಪೊಂಜೊವುಲೆ ಒಟ್ಟುಗು ಕುಲ್ಲುದು ಪಾತೆರಿಯ.

ಅಪೊ.ಕ್ರಿ 20:7

ವಾರದ ಸುರುತ್ತ ದಿನೊಟು ಎಂಕುಲು ರೊಟ್ಟಿ ಪೊಲ್ಪುನ ಆಚಾರೊಗಾದ್ ಸೇರ್ದಿತ್ತ. ಪೌಲು ಸಭೆಕ್ ಸೇರ್ದ್ ಬೈದಿನ ಜನೊಕುಲೆಗ್ ಮದ್ಯ ರಾತ್ರೆ ಮುಟ್ಟ ಪ್ರಸಂಗ ಮಲ್ತಿನಿ ದಾಯೆ ಪಂಡ ಮನದಾನಿ ಅಲ್ತ್‌ಡ್ದ್ ಪಿದಾಡ್ದ್ ಪೋವೊಡು ಅಂದ್‌ದ್ ಆಲೋಚನೆ ಮಲ್ತ್‌ದಿತ್ತೆ.

ಅಪೊ.ಕ್ರಿ 28:16

ಎಂಕುಲು ರೋಮುಗು ಬತ್ತಿ ಬೊಕ್ಕ ಪೌಲುನು ಪ್ರತ್ಯೇಕಾದ್ ಉಪ್ಪರೆ ಅಪ್ಪಣೆ ಕೊರಿಯೆರ್. ಆಂಡ ಆಯನ್ ಕಾಪೆರೆ ಒರಿ ಸೈನಿಕೆ ಆಯನ ಒಟ್ಟುಗು ಇತ್ತೆ.

ರೋಮಾಯೆರೆಗ್ 10:15

ಬೊಕ್ಕ ಸಾರಿಯುನಾಕುಲೆನ್ ಕಡಪುಡಂದೆ ಎಂಚ ಸಾರಿಯೊಲಿ? ಶಾಸ್ತ್ರೊಡು ಬರೆತ್ಂಡ್, “ಸುವಾರ್ತೆನ್ ಸಾರಿಯೊಂದು ಬರ್ಪಿನಾಕುಲೆನ ಪಾದ ಏತ್ ಪೊರ್ಲು.”

ರೋಮಾಯೆರೆಗ್ 12:12

ಕ್ರೈಸ್ತೆರ್ ಕಾತೊಂದುಪ್ಪುನ ಆ ಮಲ್ಲ ಪದೊನು ನೆನೆತೊಂದು ಸಂತೋಷೊಡುಪ್ಪುಲೆ. ಉಪದ್ರೊಲೆಡ್ ತಾಳ್ಮೆದಾಕುಲಾಲೆ. ಬೇಜಾರ್‌ದಾಂತೆ ಪ್ರಾರ್ಥನೆ ಮಲ್ಪುಲೆ.

ಗಲಾತ್ಯೆರೆಗ್ 6:6

ದೇವೆರೆ ಪಾತೆರದ ಬೋಧನೆನ್ ಕೇನುನಾಯೆ, ಬೋಧನೆನ್ ಮಲ್ಪುನಾಯಗ್ ತನಡುಪ್ಪುನ ಮಾತ ಎಡ್ಡೆಂತಿನೆಟ್ಟ್ ಪಾಲ್ ಕೊರಡ್.

ಕೊಲೊಸ್ಸಿಯೆರೆಗ್ 1:25

ಯಾನ್ ಸಭಾಸೇವಕೆ ಆಯೆ; ದೇವೆರೆ ಪಾತೆರೊನು ಪೂರ್ತಿ ಆದ್ ತೆರಿಪಾವು ಕೆಲಸೊನು ನಿಕ್ಲೆನ ಪ್ರಯೋಜನೊಗಾದ್ ಎಂಕ್ ಒದಗಾಯೆ.

ಕೊಲೊಸ್ಸಿಯೆರೆಗ್ 4:3

ಉಂದತ್ತಂದೆ ಎಂಕುಲೆಗಾದ್‌ಲಾ ಪ್ರಾರ್ಥನೆ ಮಲ್ಪುಲೆ. ಕ್ರಿಸ್ತ ವಿಚಾರೊಡು ದೇವೆರ್ ತೆರಿಪಾದಿನ ಸತ್ಯಾರ್ಥೊನು ಸಾರಿದ್ ತೆರಿಪಾವೆರೆ ಅನುಕೂಲದ ಸಂದರ್ಭೊನು ಎಂಕ್ಲೆಗ್ ಒದಗಾದ್ ಕೊರ್ಪಿಲೆಕ್ಕಲಾ, ಅವೆನ್ ಪನೊಡಾಯಿ ರೀತಿಡ್ ಪನ್ಪಿಲೆಕ್ಕಲಾ ಸಹಾಯ ಮಲ್ಪೊಡು ಅಂದ್‌ದ್ ನಟ್ಟೊನ್ಲೆ. ಆ ಸತ್ಯೊಗಾದ್ರನೇ ಯಾನ್ ಇತ್ತೆ ಸೆರೆಮನೆಟ್ ಉಲ್ಲೆ.

1 ಥೆಸಲೋನಿಕೆರೆಗ್‌ 1:6

ಉಂದತ್ತಂದೆ ನಿಕುಲು ಮಸ್ತ್ ಭಂಗ ಅನುಭವ ಮಲ್ಪೆರೆ ಇತ್ತ್ಂಡಲಾ ಪರಿಶುದ್ಧಾತ್ಮಡ್ದ್ ಉಂಡಾಯಿ ಸಂತೋಷದೊಟ್ಟುಗು ದೇವೆರೆ ಪಾತೆರೊಲೆನ್ ಅಂಗೀಕಾರ ಮಲ್ತ್‌ದ್ ಎಂಕ್ಲೆನ್ಲಾ ಕರ್ತವೆ ಆದುಪ್ಪು ಯೇಸುನ್ಲಾ ಬೆರಿ ಪತ್ತುನಾಕುಲು ಆಯರ್.

1 ಥೆಸಲೋನಿಕೆರೆಗ್‌ 5:14

ಸಹೋದ್ರೆರೇ, ಸೋಮಾರಿತನೊಟು ಉಪ್ಪುನಾಕುಲೆಗ್ ಬುದ್ಧಿ ಪನ್ಲೆ, ಮನಸ್ ಕುಂದುದು ಪೋಯಿನಾಕುಲೆಗ್ ಧೈರ್ಯ ಕೊರ್ಲೆ, ಬಲಹೀನೆರೆಗ್ ಆಧಾರ ಕೊರ್ಲೆ, ಮಾತೆರೆ ಒಟ್ಟುಡ್ಲಾ ತೀರುನಾತ್ ತಾಳ್ಮೆಡುಪ್ಪುಲೆ ಅಂದ್‌ದ್ ನಿಕ್ಲೆನ್ ಕೇನೊನ್ವೆ.

1 ಥೆಸಲೋನಿಕೆರೆಗ್‌ 5:20

ಪ್ರವಾದನೆನ್ ಹೀನ ಮಲ್ಪಡೆ, ಐಕ್ ಸನ್ಮಾನ ಕೊರ್ಲೆ.

1 ತಿಮೋಥಿ 4:13

ಯಾನ್ ಬನ್ನಮುಟ್ಟ ವಾಕ್ಯ ಓದುನೆಟ್ಲಾ ಬೋಧನೆ ಕೊರ್ಪಿನೆಟ್ಟ್‌ಲಾ ಬುದ್ಧಿ ಪನ್ಪಿನೆಟ್ಲಾ ಉಮೇದ್‌ಡುಪ್ಪುಲ.

1 ತಿಮೋಥಿ 5:20

ಪಾಪೊಡು ನಡಪುನಾಕುಲೆಗ್ ಮಾತೆರೆನ ಎದುರುಡೇ ಜೋರ್ ಮಲ್ಪು, ಅಂಚಾಂಡ ಬಾಕಿದಾಕುಲು ಪೋಡಿವೆರ್.

2 ತಿಮೋಥಿ 2:21

ಅಂಚಾದ್ ಒರಿ ಹಾಳ್ ನಡತೆದಾಯನ ಸಹವಾಸೊನು ಬುಡ್ದು ತನನ್ ಶುದ್ಧ ಮಲ್ತೊಂಡೆಡ ಆಯೆ ಎಡ್ಡೆ ಬಳಕೆಗ್ ತಕ್ಕದಾಯೆ ಆದುಪ್ಪುವೆ. ಆಯೆ ದೇವೆರೆ ಸೇವೆಗ್ ಒಚ್ಚಿದ್ ಕೊರ್ತಿನಾಯೆ ಆದ್ ತನ ಯಜಮಾನಗ್ ಪ್ರಯೋಜನದಾಯೆಲಾ, ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗ್ ತಯಾರಾದುಪ್ಪುವೆ.

2 ತಿಮೋಥಿ 2:25

ಎದುರುಂತುನಾಕುಲೆನ್ ನಿಧಾನೊಡು ತಿದ್ದುನಾಯೆ ಆದುಪ್ಪೊಡು. ಒಂಜಿ ವೇಳೆ ದೇವೆರ್ ಎದುರುಂತುನಾಕುಲೆನ ಮನಸ್‌ನ್ ತನ ಕಡೆಕ್ಕ್ ತಿರ್ಗಾದ್ ಅಕ್ಲೆಗ್ ಸತ್ಯದ ಗೇನೊನು ಕೊರಿಯೆರೆ ಯಾವು.

2 ತಿಮೋಥಿ 3:10

ಈಯಾಂಡಲಾ ಎನ ಬೆರಿ ಬರ್ಪಿನಾಯೆ ಆದ್ ಎನ ಬೋಧನೆ, ನಡತೆ, ಉದ್ದೇಶ, ನಂಬಿಕೆ, ತಾಳ್ಮೆ, ಪ್ರೀತಿ, ಸಹನೆ ಉಂದೆನ್ ಮಾತ ತೆರಿದ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:13

ಈ ಸಾಕ್ಷಿ ನಿಜನೇ. ಅಂಚಾದ್ ಅಕ್ಲೆನ್ ನಂಬಿಕೆಡ್ ದೃಢ ಮಲ್ಪೆರೆಗಾದ್, ಅಕುಲು ಯೆಹೂದ್ಯೆರೆ ಆಚಾರೊಲೆನ್ಲಾ ಸತ್ಯೊಡ್ದು ದೂರ ಪೋತಿನ ಜನೊಕುಲೆನ ಅಪ್ಪಣೆನ್ಲಾ ಕೇನುನೆನ್ ಬುಡ್ಪಿಲೆಕ್ಕ ಅಕ್ಲೆನ್ ಬಲವಾದ್ ಖಂಡಿಸಾಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:15

ಈ ಕಾರ್ಯದ ಸಂಗತಿಡ್ ಬೋಧನೆ ಮಲ್ತೊಂದು, ಎಚ್ಚರಿಕೆ ಕೊರೊಂದು ಪೂರ್ತಿ ಅಧಿಕಾರೊಡು ಖಂಡಿಸಾಲ. ಏರ್ಲಾ ನಿನನ್ ಪಿಲ್ಯಾವಂದಿಲೆಕ್ಕ ತೂವೊನ್ಲ.

ಇಬ್ರಿಯೆರೆಗ್ 13:22

ಸಹೋದ್ರೆರೇ, ಈ ಎಚ್ಚರಿಕೆದ ಪಾತೆರೊನು ಸಹಿಸೊನೊಡು ಪಂಡ್ದ್ ನಿಕ್ಲೆಡ ಕೇಂಡೊನ್ವೆ, ನಿಕ್ಲೆಗ್ ಒಂತೆಡ್ ಬರೆತೆ.

ಪ್ರಕಟಣೆ 3:19

ಯಾನ್ ಏರೇರೆನ್ ಪ್ರೀತಿ ಮಲ್ಪುವೆನಾ ಅಕ್ಲೆನ್ ದಟ್ಟಿಯುವೆ ಬೊಕ್ಕ ಶಿಕ್ಷೆ ಕೊರ್ಪೆ. ಅಂಚಾಯಿನೆಡ್ದ್ ಎಚ್ಚರಿಕೆಡುಪ್ಪುಲ. ಪಶ್ಚಾತಾಪ ಪಡೆಲ.