2 ತಿಮೋಥಿ 4:18 - ಪೊಸ ಒಡಂಬಡಿಕೆ

¹⁸ ಯಾನ್ ಒವುಲಾ ಹಾಳ್ ಕಾರ್ಯೊಲೆನ್ ಮಲ್ಪಂದಿಲೆಕ್ಕ ಕರ್ತವೆ ಎನನ್ ತಪ್ಪಾದ್ ತನ ಪರಲೋಕ ರಾಜ್ಯೊಗು ಮುಟ್ಟುನೆಂಗೆ ಕಾಪುವೆ. ಆಯಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

2 ತಿಮೋಥಿ 4:18 Iomraidhean Croise

ಮತ್ತಾಯೆ 13:43

ಅಪಗ ನೀತಿವಂತೆರ್ ತನ್ಕುಲೆ ಅಮ್ಮೆರೆ ರಾಜ್ಯೊಡು ಸೂರ್ಯದಲೆಕ್ಕ ಮಿಂಚುವೆರ್. ಕೇನಿಯೆರೆ ಕೆಬಿ ಇತ್ತಿನಾಯೆ ಕೇನಡ್ ಪಂಡೆ.

ಮತ್ತಾಯೆ 25:34

ಅಪಗ ಅರಸು ತನ ಬಲತ್ತ ಮರ್ಗಿಲ್‌ಡ್ ಉಪ್ಪುನಾಕುಲೆಗ್, ‘ಎನ ಅಮ್ಮೆರೆನ ಆಶೀರ್ವಾದ ಪಡೆಯಿನಾಕುಲೆ ಬಲೆ, ಲೋಕಾದಿಡ್ದ್ ನಿಕ್ಲೆಗಾದ್ ತಯಾರಾದುಪ್ಪು ರಾಜ್ಯೊನು ಬೊಕ್ಕ ಬಾಧ್ಯಸ್ತಿಗೆದ ಹಕ್ಕ್‌ನ್ ದೆತ್ತೊನ್ಲೆ.

ಮತ್ತಾಯೆ 6:13

ಎಂಕ್ಲೆನ್ ಶೋಧನೆದ ಉಲಯಿ ಸೇರಾವಂದೆ, ಕೇಡ್‌ಡ್ದ್ ಎಂಕ್ಲೆನ್ ತಪ್ಪಾಲ.’

ಲೂಕೆ 11:4

ಎಂಕ್ಲೆಗ್ ತಪ್ಪು ಮಲ್ತಿನಾಕುಲೆಗ್ ಪ್ರತಿ ಒರಿಯನ್ ಎಂಕುಲು ಮಾಪು ಮಲ್ಪುಲೆಕ್ಕ, ಎಂಕ್ಲೆನ ಪಾಪೊಲೆನ್ಲಾ ಮಾಪು ಮಲ್ಪುಲ. ಎಂಕ್ಲೆನ್ ಶೋಧನೆದುಲಯಿ ಸೇರಾವಂದೆ ತಪ್ಪಾಲ,’” ಅಂದ್‌ದ್ ಪಂಡೆ.

ಲೂಕೆ 12:32

“ಎಲ್ಯ ಪುಂಡೇ, ಪೋಡ್ಯಡ; ದಾಯೆಗಂದ್ಂಡ ನಿಕ್ಲೆಗ್ ರಾಜ್ಯೊನು ಕೊರಿಯೆರೆ ನಿಕ್ಲೆ ಪರಲೋಕೊಡುಪ್ಪು ಅಮ್ಮೆರೆಗ್ ಸಂತೋಷ ಉಂಡು.

ಲೂಕೆ 22:29

ಐಡ್ದಾವರ ಎನ ಅಮ್ಮೆ ಎಂಕ್ ರಾಜ್ಯೊನು ಆಳಿಯೆರೆ ಅಧಿಕಾರ ನೇಮಕ ಮಲ್ತಿ ಲೆಕ್ಕನೇ ಯಾನ್ಲಾ ನಿಕ್ಲೆಗ್ ನೇಮಕ ಮಲ್ಪುವೆ;

ಯೋಹಾನೆ 17:15

ಮೊಕ್ಲೆನ್ ಲೋಕೊಡ್ದು ದೆತ್ತೊಂದು ಪೋವೊಡಂದ್‌ದ್ ಯಾನ್ ಕೇನುಜಿ, ಸೈತಾನ ಕೈಡ್ದ್ ತಪ್ಪಾಲ ಅಂದ್‌ದ್ ನಟ್ಟೊಂದುಲ್ಲೆ.

ರೋಮಾಯೆರೆಗ್ 11:36

ಆಯಡ್ದೇ ಮಾತಲಾ ಉಂಡಾದ್ ಆಯಡ್ದೇ ನಡತೊಂದು ಆಯಗಾದೇ ಉಂಡು. ಆಯಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

ರೋಮಾಯೆರೆಗ್ 16:27

ಒರಿಯೇ ಸರ್ವಜ್ಞಾನಿ ಆದುಪ್ಪು ನಿತ್ಯ ದೇವೆರೆಗ್ ಯೇಸು ಕ್ರಿಸ್ತಡ್ದ್ ಏನಿತ್ಯೇನಿಗ್ಲಾ ಮಾನ ಮೈಮೆ ಉಂಡಾವಡ್, ಆಮೆನ್.

1 ಕೊರಿಂಥ್ಯೆರೆಗ್ 1:21

ಎಂಚಂದ್ಂಡ ಲೋಕ ಗೇನ ಪನ್ಪಿ ಮಾರ್ಗೊಡ್ದು ದೇವೆರೆನ್ ತೆರಿಯಂದೆ ಪೋಯಿನವು ದೇವೆರೆ ಗೇನದ ಸಂಕಲ್ಪನೆ; ಇಂಚಾಯಿ ಬೊಕ್ಕ ಮರ್ಲ್ ಪಾತೆರ ಪಂಡ್ದ್ ಎನ್ನಿನವು ಎಂಕುಲೆ ಪ್ರಸಂಗೊಡ್ದೇ ನಂಬುನಾಕುಲೆನ್ ರಕ್ಷಣೆ ಮಲ್ಪುನವು ದೇವೆರೆಗ್ ಎಡ್ಡೆಂದ್‌ದ್ ತೋಜ್ಂಡ್.

1 ಕೊರಿಂಥ್ಯೆರೆಗ್ 10:13

ನರಮಾನಿ ತಾಳೊನೊಲಿ ಪನ್ಪಿನ ಶೋಧನೆ ಅತ್ತಂದೆ ಬೇತೆ ಒವ್ವುಲಾ ನಿಕ್ಲೆಗ್ ಉಂಡಾತಿಜಿ. ದೇವೆರ್ ನಂಬಿಗಸ್ತೆ; ನಿಕ್ಲೆ ಶಕ್ತಿಗ್ ಮೀರುನ ಶೋಧನೆ ಕೊರಂದೆ ನಿಕುಲು ಅವೆನ್ ತಾಳೊನಿಯೆರೆ ಶಕ್ತೆರಾಪಿಲೆಕ್ಕ ಶೋಧನೆ ಆಪಿನಪಗನೆ ತಪ್ಪಾವೊನುನ ಸಾದಿನ್ಲಾ ಮಲ್ಪುವೆ.

1 ಕೊರಿಂಥ್ಯೆರೆಗ್ 15:50

ಸಹೋದ್ರೆರೇ, ಯಾನ್ ಪನ್ಪಿನಿ ದಾನೆಂದ್ಂಡ, ನಮ ಮಾಸ ನೆತ್ತೆರ್ ಇತ್ತಿನ ಶರೀರೊಲು ದೇವೆರೆ ರಾಜ್ಯೊಗು ಬಾಧ್ಯ ಆಪುಜಿ. ನಾಶ ಆಪಿನ ಶರೀರ ನಾಶ ಆವಂದಿನೆಕ್ಕ್ ಬಾಧ್ಯ ಆಪುಜಿ.

2 ಕೊರಿಂಥ್ಯೆರೆಗ್ 1:10

ಆಯೆ ಎಂಕ್ಲೆನ್ ಅಂಚಿತ್ತಿ ಭಯಂಕರ ಮರಣೊಡ್ದು ತಪ್ಪಾಯೆ; ದುಂಬಗ್ಲಾ ತಪ್ಪಾವೆ. ಆಯೆ ನನಲಾ ಎಂಕ್ಲೆನ್ ತಪ್ಪಾವೆ ಅಂದ್‌ದ್ ಎಂಕ್ಲೆಗ್ ಆಯ ಮಿತ್ತ್ ಭರವಸ ಉಂಡು.

ಗಲಾತ್ಯೆರೆಗ್ 1:5

ಅಂಚಾದ್ ದೇವೆರೆಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್; ಆಮೆನ್.

1 ಥೆಸಲೋನಿಕೆರೆಗ್‌ 5:23

ಸಮಾಧಾನದ ದೇವೆರ್ ತಾನೇ ನಿಕ್ಲೆನ್ ಪೂರ್ತಿ ಆದ್ ಪರಿಶುದ್ಧ ಮಲ್ಪಡ್. ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಬರ್ಪಿನ ಸಮಯೊಡು, ನಿಕ್ಲೆ ಆತ್ಮ, ಪ್ರಾಣ, ಶರೀರ, ತಪ್ಪುದಾಂತೆ ಪರಿಪೂರ್ಣ ಆದ್ ತೋಜುಲೆಕ್ಕ ಕಾಪಡ್.

2 ಥೆಸಲೋನಿಕೆರೆಗ್‌ 3:3

ಆಂಡ ಕರ್ತವೆ ನಂಬಿಗಸ್ತೆ, ಆಯೆ ನಿಕ್ಲೆನ್ ಗಟ್ಟಿ ಮಲ್ತ್‌ದ್ ಪಡಿಕೆಂತಿನಾಯಡ್ದ್ ತಪ್ಪಾದ್ ಕಾಪುವೆ.

1 ತಿಮೋಥಿ 1:17

ನಿತ್ಯೊಗು ರಾಜ್ಯ ಆಳುನ ಅರಸುಲಾ, ನಾಶಾವಂದಿನಾಯೆಲಾ ಕಣ್ಣ್‌ಗ್ ತೋಜಂದಿನಾಯೆಲಾ ಆದುಪ್ಪು ಒರಿಯೇ ದೇವೆರೆಗ್ ಏನಿತ್ಯೇನಿಗ್ಲಾ ಮಾನಲಾ ಮೈಮೆಲಾ ಆವಡ್, ಆಮೆನ್.

1 ತಿಮೋಥಿ 6:16

ಆಯೆ ಒರಿಯೇ ಏಪಲಾ ಸೈಯಂದಿನಾಯೆಲಾ ತೀರಂದಿ ಬೊಲ್ಪುಡು ಉಪ್ಪುನಾಯೆಲಾ ಆದುಲ್ಲೆ. ನರಮಾನಿಲೆಡ್ ಏರ್ಲಾ ಆಯನ್ ತೂತುಜೆರ್, ಏರೆಗ್ಲಾ ಆಯನ್ ತೂವೆರೆ ಆವಂದ್; ಆಯಗ್ ಮಾನಲಾ ನಿತ್ಯ ಬಲಲಾ ಉಪ್ಪಡ್ ಆಮೆನ್.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 4:1

ದೇವೆರೆ ಎದುರುಲಾ ಬೊಕ್ಕ ಬದುಕುನಾಕುಲೆಗ್ಲಾ ಸೈತಿನಾಕುಲೆಗ್ಲಾ ನ್ಯಾಯತೀರ್ಪೆರೆ ಉಪ್ಪು ಯೇಸು ಕ್ರಿಸ್ತ ಎದುರುಲಾ ಆಯೆ ಬರ್ಪಿನೆನ್ಲಾ ಆಯನ ರಾಜ್ಯದ ಮಿತ್ತ್‌ಲಾ ಆಜ ದೀದ್ ಯಾನ್ ನಿಕ್ಕ್ ಪನ್ಪಿನಿ ದಾನೆಂದ್ಂಡ,

ಇಬ್ರಿಯೆರೆಗ್ 11:16

ಆಂಡ ಅಕುಲು ಪರಲೋಕ ಇನ್ಪಿ ಎಡ್ಡೆ ದೇಶೊನು ಎದುರು ತೂಪಿನಾಕುಲು ಆದುಪ್ಪುನೆಡ್ದ್ ದೇವೆರ್ ಅಕ್ಲೆನ ದೇವೆರ್ ಪಂಡ್ದ್ ಪಂಡೊನಿಯೆರೆ ನಾಚಿಗೆ ಮಲ್ಪಂದೆ ಅಕ್ಲೆಗಾದ್ ಪೇಂಟೆನ್‌ ತಯಾರ್ ಮಲ್ತೆ.

ಇಬ್ರಿಯೆರೆಗ್ 12:22

ಆಂಡ ನಿಕುಲು ಚೀಯೋನು ಪರ್ವತೊಗ್ಲಾ ಜೀವ ಇತ್ತಿ ದೇವೆರೆ ಪಟ್ಟಣ ಆದುಪ್ಪುನ ಪರಲೋಕದ ಯೆರೂಸಲೇಮುಗ್ಲಾ ಸೇರ್ದುಪ್ಪು ಕೋಟ್ಯಾನುಕೋಟಿ ದೇವದೂತೆರೆ ಕೈತಲ್‌ ಬೈದರ್.

ಯಾಕೋಬು 2:5

ಎನ ಪ್ರೀತಿದ ಸಹೋದ್ರೆರೇ ಕೇನ್ಲೆ, ದೇವೆರ್ ಈ ಲೋಕದ ಬಡವನ್ ಅಜತ್‌ದ್ ನಂಬಿಕೆಡ್ ಐಶ್ವರ್ಯವಂತೆ ಆದ್ ಮಲ್ತ್‌ದಿಜೆನಾ? ತನನ್ ಪ್ರೀತಿ ಮಲ್ಪುನಾಕುಲೆಗ್ ದೇವೆರ್ ವಾಗ್ದಾನ ಮಲ್ತ್‌ದಿನ ಪರಲೋಕ ರಾಜ್ಯ ಅಕ್ಲೆಗ್ಲಾ ಅಕ್ಲೆನ ಸ್ವಂತ ಆದ್ ತಿಕ್ಕುಂಡತ್ತಾ?

1 ಪೇತ್ರೆ 1:5

ಅಂತ್ಯ ಕಾಲೊಡು ತೋಜಿದ್ ಬರಿಯೆರೆಗ್ ತಯಾರಾದುಪ್ಪು ರಕ್ಷಣೆ, ನಂಬಿಕೆಡ್ ಉಪ್ಪುನಾಕುಲೆಗ್ ತಿಕ್ಕೊಡು ಅಂದ್‌ದ್ ದೇವೆರ್ ತನ ಬಲೊಟು ಕಾಪುವೆ.

1 ಪೇತ್ರೆ 5:11

ಆಯಗ್ ಏನಿತ್ಯೇನಿಗ್ಲಾ ಆಧಿಪತ್ಯ ನಿಲೆ ಆದುಪ್ಪಡ್. ಆಮೆನ್.

2 ಪೇತ್ರೆ 1:11

ಬೊಕ್ಕ ಎಂಕುಲೆ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತ ನಿತ್ಯರಾಜ್ಯೊಗು ಅಡ್ಡಿದಾಂತೆ ಸೇರಿಯೆರೆ ಮಾರ್ಗ ಆವು.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

ಯೂದೆ 1:1

ಅಮ್ಮೆ ಆದುಪ್ಪು ದೇವೆರ್ ಏರೆನ್ ಪ್ರೀತಿಡ್ ಲೆತ್ತ್‌ದ್ ಯೇಸು ಕ್ರಿಸ್ತಡ್ ಕಾತೊಂದುಲ್ಲೆರಾ ಅಕ್ಲೆಗ್ ಯೇಸು ಕ್ರಿಸ್ತನ ದಾಸೆಲಾ ಯಾಕೋಬುನ ಸಹೋದ್ರೆಲಾ ಆದುಪ್ಪು ಯೂದೆ ಬರೆಪಿನಿ ದಾನೆಂದ್ಂಡ, ದೇವೆರೆ ಕರುಣೆಲಾ, ಸಮಾಧಾನಲಾ, ಪ್ರೀತಿಲಾ ನಿಕ್ಲೆಗ್ ಹೆಚ್ಚೆಚ್ಚಾದ್ ತಿಕ್ಕಡ್.