2 ತಿಮೋಥಿ 4:16 - ಪೊಸ ಒಡಂಬಡಿಕೆ

¹⁶ ಯಾನ್ ಸುರುತ್ತ ಸರ್ತಿ ನ್ಯಾಯಾಧಿಪತಿ ಎದುರು ಉಂತುನಗ ಎನಡೊಪ್ಪ ಏರ್ಲಾ ಬತ್ತಿಜೆರ್. ಮಾತೆರ್ಲಾ ಎನನ್ ಬುಡ್ದು ಪೋಯೆರ್. ಅವೆನ್ ಅಕ್ಲೆ ಲೆಖ್ಖೊಗು ಸೇರಿಸಾವಂದೆ ಉಪ್ಪಡ್.

2 ತಿಮೋಥಿ 4:16 Iomraidhean Croise

ಮಾರ್ಕೆ 14:50

ಅಪಗ ಶಿಷ್ಯೆರ್ ಮಾತೆರ್ಲಾ ಆಯನ್ ಬುಡ್ದು ಪಾರ್‌ಪೋಯೆರ್.

ಲೂಕೆ 12:11

“ಅಕುಲು ನಿಕ್ಲೆನ್ ಸಭಾಮಂದಿರದ ಅಧಿಕಾರಿಲೆ ಬೊಕ್ಕ ಅಧಿಪತಿಲೆ ಎದುರುಡ್ಲಾ ಉಂತಾನಗ ದಾದ ಪನೊಡು, ಎಂಚ ಉತ್ತರ ಕೊರೊಡು ಅಂದ್‌ದ್ ಚಿಂತೆ ಮಲ್ಪಡೆ.

ಯೋಹಾನೆ 16:32

ತೂಲೆ, ನಿಕ್ಲೆಡ್ ಒರಿ ಒರಿ ಚಲ್ಲಾಪಿಲ್ಲಿ ಆದ್ ನಿಕುಲು ಮಾತೆರ್ ನಿಕ್ಲೆನ ಸ್ವಂತ ಜಾಗ್‌ಗ್ ಪೋದು ಎನನ್ ಒಂಟಿಯಾದ್ ಬುಡ್ಪಿ ಕಾಲ ಬರ್ಪುಂಡು, ಅವು ಇತ್ತೆ ಬೈದ್‌ಂಡ್, ಆಂಡ ಯಾನ್ ಒಂಟಿಯೆ ಅತ್ತ್. ಅಮ್ಮೆ ಎನಡೊಪ್ಪ ಉಲ್ಲೆ.

ಅಪೊ.ಕ್ರಿ 22:1

ಎಂಕುಲೆ ಸಹೋದ್ರೆರೇ ಬೊಕ್ಕ ಪಿತೃಲೆ, “ಇತ್ತೆ ಯಾನ್ ನಿಕ್ಲೆಗ್ ಪನ್ಪಿ ಪ್ರತಿವಾದೊನು ಕೇನ್ಲೆ.”

ಅಪೊ.ಕ್ರಿ 25:16

ಯಾನ್ ಅಕ್ಲೆಗ್, ಅಪರಾಧಿ ದೂರು ಪಂಡಿನಾಕುಲೆಗ್ ಎದುರಾದ್ ಉಂತುದು ತನ ಮಿತ್ತ್ ಆರೋಪ ಮಲ್ತಿನ ತಪ್ಪುಲೆ ಸಂಗತಿಡ್ ಪನಿಯೆರೆ ಇಡೆ ಕೊರಂದೆ ಆಯನ್ ಒಚ್ಚಿದ್ ಕೊರ್ಪಿನವು ರೋಮಾಯೆರ್‌ನ ಕ್ರಮ ಅತ್ತ್ ಅಂದ್‌ದ್ ಪಂಡೆ.

ಅಪೊ.ಕ್ರಿ 7:60

ಆಯೆ ಮುಂಡುಬೂರ್ದು, “ಕರ್ತವಾ, ಈ ಪಾಪೊನು ಅಕ್ಲೆನ ಮಿತ್ತ್ ಪಾಡಡ,” ಅಂದ್‌ದ್ ಗಟ್ಟಿ ಸ್ವರೊಟ್ಟು ಬುಲ್ತೆ. ಉಂದೆನ್ ಪಂಡ್ದ್ ಪ್ರಾಣ ಬುಡಿಯೆ.

1 ಕೊರಿಂಥ್ಯೆರೆಗ್ 13:5

ಪ್ರೀತಿ ಮರ್ಯಾದಿ ತೆಟ್ಟ್‌ದ್ ನಡಪುಜಿ, ತನನೇ ನಾಡುಜಿ; ಕೋಪ ಮಲ್ತೊನುಜಿ, ತಪ್ಪುಮಲ್ತಿನೆನ್ ಮದಪುಂಡು.

1 ಕೊರಿಂಥ್ಯೆರೆಗ್ 9:3

ಎನನ್ ವಿಚಾರಣೆ ಮಲ್ಪುನಾಕುಲೆಗ್ ಉಂದೇ ಎನ ಉತ್ತರ.

2 ಕೊರಿಂಥ್ಯೆರೆಗ್ 7:11

ದೇವೆರೆ ಚಿತ್ತಾನುಸಾರ ದುಃಖ ನಿಕ್ಲೆಗಾಯಿನೆಡ್ದ್, ನಿಕ್ಲೆಗ್ ಎಂಚಿತ್ತಿ ಆಸಕ್ತಿ, ನಿಕ್ಲೆನ್ ನಿರಾಪರಾಧಿ ಮಲ್ತೊನಿಯೆರೆ ಎಂಚಿತ್ತಿ ಉಮೇದ್, ಎಂಚಿತ್ತಿ ಕೋಪ, ಎಂಚಿತ್ತಿ ಎಚ್ಚರಿಕೆ, ಎಂಚಿತ್ತಿ ಮನೊವ್ಯಥೆ, ಎಂಚಿತ್ತಿ ಕಾಳಜಿ, ತಪ್ಪು ಮಲ್ತಿನಾಕುಲೆಗ್ ಶಿಕ್ಷೆ ಕೊರಿಯೆರೆಗ್ ಎಂಚಿತ್ತಿ ಕಟ್ಟ್‌ನಿಟ್ಟ್ ಉಂಡಾಂಡ್; ಉಂದೆಟ್ಟ್ ಮಾತ ನಿಕುಲು ನಿರಾಪರಾಧಿಲು ಅಂದ್‌ದ್ ಮಾತ ರೀತಿಡ್ಲಾ ತೋಜಾವೊನಿಯೆರೆ ಪ್ರಯಾಸ ಬುಡಿಯರ್.

ಫಿಲಿಪ್ಪಿಯೆರೆಗ್ 1:17

ಬೇತೆ ತರೊಟಾವಡ್ ಯಾನ್ ಸೆರೆಮನೆಟ್ ಉಪ್ಪುನಗ ಎಂಕ್ ನನಲಾ ಬೇನೆ ಆವೊಡು ಅಂದ್‌ದ್ ಎನ್ನ್‌ದ್ ಕ್ರಿಸ್ತನ್ ಯಥಾರ್ಥಾದ್ ಸಾರಿಯಂದೆ ಸ್ವಾರ್ಥದ ಉದ್ದೇಶೊಡು ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

2 ತಿಮೋಥಿ 1:15

ಆಸ್ಯ ಸೀಮೆದ ಮಾತೆರ್ಲಾ ಎನನ್ ಕೈ ಬುಡಿಯೆರಂದ್‌ದ್ ಈ ತೆರಿದ. ಐಟ್ಟ್ ಫುಗೇಲೆಲಾ ಹೆರ್ಮೊಗೇನೆಲಾ ಸೇರ್ದೆರ್.

2 ತಿಮೋಥಿ 4:10

ದಾಯೆಗಂದ್ಂಡ ದೇಮೆ ಈ ಲೋಕೊನು ಪ್ರೀತಿ ಮಲ್ತ್‌ದ್ ಎನನ್ ಬುಡ್ದು ಥೆಸ್ಸಲೋನಿಕೊಗು ಪೋಯೆ. ಕ್ರೆಸ್ಕೆ ಗಲಾತ್ಯೊಗ್ಲಾ ತೀತೆ ದಲ್ಮಾತ್ಯೊಗ್ಲಾ ಪೋಯೆರ್.

2 ತಿಮೋಥಿ 4:15

ಈಲಾ ಆಯನ ಸಂಗತಿಡ್ ಎಚ್ಚರಿಕೆ ಆದುಪ್ಪುಲ. ಆಯೆ ಎಂಕುಲೆ ಪಾತೆರೊಲೆಗ್ ದಿಂಜ ಎದುರುಂತಿಯೆ.

1 ಪೇತ್ರೆ 3:15

ಗಡಿಬಿಡಿ ಆವಡೆ; ಆಂಡ ಕ್ರಿಸ್ತನ್ ನಿಕ್ಲೆ ಉಡಲ್‌ಲೆಡ್ ಪರಿಶುದ್ಧ ಕರ್ತವೆ ಅಂದ್‌ದ್ ದೀವೊನ್ಲೆ. ನಿಕ್ಲೆಡುಪ್ಪುನ ಕ್ರಿಸ್ತನ ನಿರೀಕ್ಷೆಗ್ ಎಂಚಿನ ಆಧಾರ ಅಂದ್‌ದ್ ಕೇನುನಾಕುಲೆಗ್ ಉತ್ತರ ಕೊರಿಯೆರೆ ಏಪಲಾ ತಯಾರಾದುಪ್ಪುಲೆ. ಆಂಡ ಅವೆನ್ ತಾಳ್ಮೆಡ್ಲಾ ಮರ್ಯಾದಿಡ್ಲಾ ಪನ್ಲೆ.