2 ತಿಮೋಥಿ 4:14 - ಪೊಸ ಒಡಂಬಡಿಕೆ

¹⁴ ತಾಮ್ರದ ಬೇಲೆದ ಅಲೆಕ್ಸಾಂದ್ರೆ ಎಂಕ್ ಬಾರಿ ಉಪದ್ರ ಕೊರಿಯೆ. ಕರ್ತವೆ ಆಯನ ಕೆಲಸೊಗು ತಕ್ಕ ಪ್ರತಿಫಲ ಕೊರ್ಪೆ.

2 ತಿಮೋಥಿ 4:14 Iomraidhean Croise

ರೋಮಾಯೆರೆಗ್ 12:19

ಪ್ರೀತಿದಾಕುಲೇ, ನಿಕುಲೇ ಪಗತೆಗ್ ಪಗತೆ ಕೊರಂದೆ, ಶಿಕ್ಷೆ ಕೊರ್ಪಿನೆನ್ ದೇವೆರೆಗ್ ಬುಡ್ಲೆ. ದಾಯೆಗಂದ್ಂಡ ಪಗತೆಗ್ ಪಗತೆ ಕೊರ್ಪಿನವು ಎನ ಬೇಲೆ. ಯಾನೇ ಪ್ರತಿಫಲೊನು ಕೊರ್ಪೆ ಪಂಡ್ದ್ ಕರ್ತವೆ ಪನ್ಪೆ ಪಂಡ್ದ್ ಬರೆತ್ಂಡ್.

ರೋಮಾಯೆರೆಗ್ 2:6

ಆಯೆ ಒರಿ ಒರಿಯಗ್ ಆಯಾಯನ ಕ್ರಿಯೊಗು ತಕ್ಕ ಪ್ರತಿಫಲೊನು ಕೊರ್ಪೆ.

1 ತಿಮೋಥಿ 1:20

ಅಕ್ಲೆಡ್ ಹುಮೆನಾಯೆಲಾ ಅಲೆಕ್ಸಾಂದ್ರೆಲಾ ಇಂಚಿತ್ತಿನಾಕುಲೇ. ಮೊಕುಲು ದೇವೆರೆನ್ ದೂಷಣೆ ಮಲ್ಪೆರೆ ಬಲ್ಲಿ ಪನ್ಪಿನೆನ್ ಕಲ್ಪುಲೆಕ್ಕ ಮೊಕ್ಲೆನ್ ಸೈತಾನಗ್ ಒಪ್ಪಿಸಾದ್ ಕೊರಿಯೆ.

2 ತಿಮೋಥಿ 4:15

ಈಲಾ ಆಯನ ಸಂಗತಿಡ್ ಎಚ್ಚರಿಕೆ ಆದುಪ್ಪುಲ. ಆಯೆ ಎಂಕುಲೆ ಪಾತೆರೊಲೆಗ್ ದಿಂಜ ಎದುರುಂತಿಯೆ.

1 ಯೋಹಾನೆ 5:16

ಏರಾಂಡಲಾ ಒರಿ ಸಹೋದರೆ ಮರಣೊಗು ಕಾರಣ ಅತ್ತಂದಿನ ಪಾಪ ಮಲ್ಪುನೆನ್ ತೂಂಡ, ಆಯೆ ಅಂಚಿತ್ತಿನಾಯಗ್ ಪ್ರಾರ್ಥನೆ ಮಲ್ಪಡ್. ಅಪಗ ದೇವೆರ್ ಆ ನರಮಾನಿಗ್ ಜೀವ ಕೊರ್ಪೆ. ಆಂಡ ಮರಣೊಗು ಕಾರಣ ಅತ್ತಂದಿ ಪಾಪದ ವಿಷಯೊಡೇ ಯಾನ್ ಪನೊಂದುಲ್ಲೆ. ಮರಣೊಗು ಕಾರಣ ಆದುಪ್ಪು ಪಾಪಲಾ ಉಂಡು, ಐಕ್ ಬೋಡಾದ್ ನಿಕುಲು ಪ್ರಾರ್ಥನೆ ಮಲ್ಪೊಡಂದ್‌ದ್ ಯಾನ್ ಪನ್ಪುಜಿ.

ಪ್ರಕಟಣೆ 18:20

“ಪರಲೋಕನೇ ಸಂತೋಷ ಮಲ್ಪುಲ, ದೇವಜನೊಕುಲೇ, ಅಪೊಸ್ತಲೆರೇ, ಪ್ರವಾದಿಲೇ, ಮೋಲ್ ನಿಕ್ಲೆಗ್ ಅನ್ಯಾಯ ಮಲ್ತಿನೆಕ್ಕಾದ್ ದೇವೆರ್ ಆಲೆಗ್ ತೀರ್ಪು ಮಲ್ತಿನೆಡ್ದ್ ಸಂತೋಷ ಮಲ್ಪುಲೆ ಅಂದ್‌ದ್ ಆ ಸ್ಚರ ಪಂಡ್ಂಡ್.”

ಪ್ರಕಟಣೆ 18:6

ಬೇತೆಕ್ಲೆಗ್ ಆಲ್ ಮಲ್ತಿ ಲೆಕ್ಕನೇ ಆಲೆಗ್ಲಾ ಮಲ್ಪುಲೆ. ಆಲ್ ಮಲ್ತಿ ಕರ್ಮೊಲೆಗಾದ್ ಆಲೆಗ್ ರಡ್ಡ್ ಪಾಲ್ ಕೊರ್ಲೆ. ಆಲ್ ಕಲತಿನ ಬಾಜನೊಡು ಆಲೆಗ್ ರಡ್ಡೆತ್ತಾತ್ ಕಲತ್ ಕೊರ್ಲೆ.

ಪ್ರಕಟಣೆ 6:10

ಅಕುಲು, “ಓ ಸರ್ವಶಕ್ತೆ ಆದುಪ್ಪು ಕರ್ತವಾ, ಪರಿಶುದ್ಧೆಲಾ, ಸತ್ಯವಂತೆಲಾ ಆದುಪ್ಪುನಾಯ, ಭೂಮಿಡ್ ಉಪ್ಪುನಾಕುಲು ಎಂಕ್ಲೆನ್ ಕೆರಿನೆಕ್ಕಾದ್ ಈ ಏತ್ ಕಾಲ ಮುಟ್ಟ ನ್ಯಾಯತೀರ್ಪಂದೆಲಾ ದಂಡನೆ ಮಲ್ಪಂದೆಲಾ ಉಪ್ಪುವ?” ಅಂದ್‌ದ್ ಮಲ್ಲ ಶಬ್ಧೊಡು ಅರಬಾಯಿ ದೀಯೆರ್.