2 ತಿಮೋಥಿ 4:10 - ಪೊಸ ಒಡಂಬಡಿಕೆ

¹⁰ ದಾಯೆಗಂದ್ಂಡ ದೇಮೆ ಈ ಲೋಕೊನು ಪ್ರೀತಿ ಮಲ್ತ್‌ದ್ ಎನನ್ ಬುಡ್ದು ಥೆಸ್ಸಲೋನಿಕೊಗು ಪೋಯೆ. ಕ್ರೆಸ್ಕೆ ಗಲಾತ್ಯೊಗ್ಲಾ ತೀತೆ ದಲ್ಮಾತ್ಯೊಗ್ಲಾ ಪೋಯೆರ್.

2 ತಿಮೋಥಿ 4:10 Iomraidhean Croise

ಮತ್ತಾಯೆ 12:32

ಏರಾಂಡಲಾ ನರಮಾನಿ ಮಗಕ್ಕ್ ವಿರೋಧಾದ್ ಪಾತೆರಿಯೆಡ ಅವು ಆಯಗ್ ಮಾಪು ಮಲ್ಪುಂಡು; ಪರಿಶುದ್ಧಾತ್ಮೊಗು ವಿರೋಧಾದ್ ಪಾತೆರಿಯೆಡ ಆಯಗ್ ಈ ಲೋಕೊಡಾವಡ್, ಬರ್ಪಿ ಪರಲೋಕೊಡಾವಡ್ ಮಾಪು ಆವಂದ್.

ಮತ್ತಾಯೆ 26:56

ಆಂಡ ಉಂದು ಪ್ರವಾದಿಲು ಶಾಸ್ತ್ರೊಡು ಬರೆತಿನವು ಪೂರ್ತಿ ಆಪಿಲೆಕ್ಕ ನಡತ್ಂಡ್,” ಅಂದ್‌ದ್ ಪಂಡೆ. ಅಪಗ ಶಿಷ್ಯೆರ್ ಮಾತೆರ್ಲಾ ಆಯನ್ ಬುಡ್ದು ಪಾರ್‌ಪೋಯೆರ್.

ಲೂಕೆ 14:33

“ಅಂಚೆನೇ ನಿಕ್ಲೆಡ್ ಏರೇ ಆವಡ್ ತನಡ ಇತ್ತಿನೆನ್ ಮಾತೆನ್ ಬುಡ್ದು ಬುಡಂದೆ ಪೋಂಡ ಆಯೆ ಎನ ಶಿಷ್ಯೆ ಆವಯೆ,” ಪಂಡ್ದ್ ಮುಗಿತೆ.

ಲೂಕೆ 16:13

ವಾ ಬೇಲೆದಾಯೆಲಾ, ರಡ್ಡ್ ಯಜಮಾನನ ಚಾಕ್ರಿ ಮಲ್ಪೆರೆ ಸಾದ್ಯ ಇಜ್ಜಿ. ಆಯೆ ಒರಿಯನ್ ಪಗೆ ಮಲ್ತ್‌ದ್ ಬೊಕ್ಕೊರಿಯನ್ ಪ್ರೀತಿ ಮಲ್ಪುವೆ. ಇಜ್ಜಾಂಡ ಒರಿಯನ್ ಎಡ್ಡೆ ಮಲ್ತೊಂದು ಬೊಕ್ಕೊರಿಯನ್ ತಾತ್ಸಾರ ಮಲ್ಪುವೆ. ನಿಕುಲು ದೇವೆರೆನ್ಲಾ ಕಾಸ್‌ನ್ಲಾ ಒಟ್ಟುಗು ಸೇವೆ ಮಲ್ಪೆರೆ ಆವಂದ್.”

ಲೂಕೆ 17:32

ಲೋಟನ ಬೊಡೆದಿನ್ ನೆನೆಪು ಮಲ್ತೊನ್ಲೆ.

ಅಪೊ.ಕ್ರಿ 13:13

ಐಡ್ದ್ ಬೊಕ್ಕ ಪೌಲುಲಾ ಆಯನ ಒಟ್ಟುಗು ಇತ್ತಿನಾಕುಲುಲಾ ಪಾಫೊಸ್ ಪನ್ಪಿ ಊರುನು ಬುಡ್ದು ಕಡಲ್ದ ಸಾದಿಡ್‌ ಪಂಫುಲ್ಯ ದೇಶೊಗು ಸೇರ್ದಿನ ಪೆರ್ಗಗ್ ಬತ್ತೆರ್; ಯೋಹಾನೆ ಅಕ್ಲೆನ್ ಬುಡ್ದು ಪಿರ ಯೆರೂಸಲೇಮುಗು ಪೋಯೆ.

ಅಪೊ.ಕ್ರಿ 15:38

ಆಂಡ ಪೌಲು ನಮ ಒಟ್ಟುಗು ಕೆಲಸೊಗು ಬರಂದೆ ಪಂಫುಲ್ಯೊಡು ನಮನ್ ಬುಡ್ತಿನಾಯನ್ ಲೆತ್ತೊಂದು ಪೋಪಿನವು ಸಮ ಅತ್ತ್ ಅಂದ್‌ದ್ ಎನ್ನಿಯೆ.

ಅಪೊ.ಕ್ರಿ 16:6

ಆಸ್ಯ ದೇಶೊಡು ವಾಕ್ಯ ಪನಿಯೆರೆ ಬಲ್ಲಿ ಅಂದ್‌ದ್ ಪರಿಶುದ್ಧಾತ್ಮೆ ತಡೆತಿನೆಡ್ದ್ ಅಕುಲು ಫ್ರುಗ್ಯ ಬೊಕ್ಕ ಗಲಾತ್ಯ ದೇಶೊನು ಕಡತ್‌ದ್ ಪೋನಗ

ಅಪೊ.ಕ್ರಿ 17:1

ಅಕುಲು ಅಂಫಿಪೊಲಿ ಬೊಕ್ಕ ಅಪೊಲೋನ್ಯ ಪನ್ಪಿ ಊರುನು ದಾಂಟ್‌ದ್ ಥೆಸ್ಸಲೋನಿಕೊಗು ಬತ್ತೆರ್. ಅಲ್ಪ ಯೆಹೂದ್ಯೆರೆನ ಒಂಜಿ ಸಭಾಕೂಟ ಇತ್ತ್ಂಡ್.

ಅಪೊ.ಕ್ರಿ 17:11

ಈ ಯೆಹೂದ್ಯೆರ್ ಥೆಸ್ಸಲೋನಿಕದ ಯೆಹೂದ್ಯೆರೆಡ್ದ್‌ಲಾ ಎಡ್ಡೆ ಗುಣತಾಕುಲು ಆದಿತ್ತೆರ್. ಪೌಲು ಸೀಲೆ ಪನ್ಪಿನ ಪಾತೆರೊಲೆನ್ ಮೊಕುಲು ಬಾರಿ ಮನಸ್ ದೀದ್ ಕೇಂಡೆರ್. ಅವು ಸಂಗತಿಲು ನಿಜ ಆದುಂಡು ಅಂದ್‌ದ್ ತೆರಿಯೊನೆರೆ ಶಾಸ್ತ್ರೊಡು ಪ್ರತಿದಿನ ಉಂಡಾ ಇಜ್ಜಾ ಅಂದ್‌ದ್ ನಾಡೊಂದಿತ್ತೆರ್.

ಅಪೊ.ಕ್ರಿ 17:13

ಆಂಡ ಪೌಲು ಬೆರೋಯೊಡು ದೇವೆರೆ ಪಾತೆರೊನು ಸಾರಿಯೊಂದುಲ್ಲೆ ಪನ್ಪಿನ ವರ್ತಮಾನ ಥೆಸ್ಸಲೋನಿಕದ ಯೆಹೂದ್ಯೆರೆಗ್ ತೆರಿದ್ ಬನ್ನಗ ಅಕುಲು ಅಡೆಗ್ಲಾ ಪೋದು ಜನೊಕುಲೆ ಗುಂಪುನು ಗರ್ವ ಲಕ್ಕಾದ್ ಕಲಡಾಯೆರ್.

ಅಪೊ.ಕ್ರಿ 18:23

ಪೌಲು ಅಂತಿಯೋಕ್ಯಡ್ ಒಂತೆ ಸಮಯ ಇತ್ತ್‌ದ್ ಗಲಾತ್ಯ ದೇಶೊಡ್ಲಾ ಫ್ರುಗ್ಯಡ್ಲಾ ಪ್ರಯಾಣ ಮಲ್ತೊಂದು ಶಿಷ್ಯೆರೆನ್ ಬಲ ಪಡೆಪಾಯೆ.

2 ಕೊರಿಂಥ್ಯೆರೆಗ್ 2:13

ಆಂಡಲಾ ಎನ ಸಹೋದರೆ ಆಯಿ ತೀತೆ ಎಂಕ್ ತಿಕ್ಕಂದಿನೆಡ್ದ್ ಎನ ಆತ್ಮೊಗು ಸಮಾಧಾನ ಇಜ್ಜಾಂದೆ ಅಲ್ಪ ಇತ್ತಿನಾಕುಲೆನ್ ಬುಡ್ದು ಮಕೆದೋನ್ಯೊಗು ಬತ್ತೆ.

2 ಕೊರಿಂಥ್ಯೆರೆಗ್ 7:6

ಆಂಡ ಕುಗ್ಗು ಪೋಯಿನಾಕುಲೆನ್ ಆದರಿಪುನ ದೇವೆರ್, ತೀತೆ ಬರ್ಪಿನೆಡ್ದ್ ಎಂಕ್ಲೆನ್ ಆದರಿತೆ.

2 ಕೊರಿಂಥ್ಯೆರೆಗ್ 8:16

ನಿಕ್ಲೆ ಸಂಗತಿಡ್ ಎಂಕುಪ್ಪುನ ಉಂದೇ ಉಮೇದ್‌ನ್ ದೇವೆರ್ ತೀತನ ಉಡಲ್‌ಡ್ಲಾ ಕೊರಿನೆಕ್ಕಾದ್ ದೇವೆರೆಗ್ ಉಪಕಾರ ಸ್ತುತಿ.

2 ಕೊರಿಂಥ್ಯೆರೆಗ್ 8:23

ಏರಾಂಡಲಾ ತೀತನ ಸಂಗತಿಡ್ ಕೇನ್ವೆರ್ಡ, ಆಯೆ ಎನ ಪಾಲ್‌ದಾರೆಲಾ ನಿಕ್ಲೆನ ಸೇವೆಗಾದ್ ಎಂಕ್ ಜತೆಸೇವಕೆಲಾ ಆದುಲ್ಲೆ. ಆಯನೊಟ್ಟುಗು ಬರ್ಪಿ ಬಾಕಿ ಸಹೋದರೆರೆ ಸಂಗತಿಡ್ ಕೇನ್ವರ್ಡ, ಅಕುಲು ಸಭೆಲೆಡ್ದ್ ಕಡಪುಡ್ದಿನಾಕುಲು ಕ್ರಿಸ್ತಗ್ ಮೈಮೆ ಕನಪಿನಾಕುಲುಲಾ ಆದುಲ್ಲೆರ್.

2 ಕೊರಿಂಥ್ಯೆರೆಗ್ 8:6

ಉಂದೆಡ್ದಾದ್ ನಿಕ್ಲೆಡ್ ದುಂಬು ಈ ದಯತ ಕಾರ್ಯೊನು ತೀತಡ್ದ್ ಸುರು ಮಲ್ತಿನೆನ್ ಆಯೆ ಅವೆನ್ ನಿಕ್ಲೆಡ್ ತೀರಿಸಾವಡ್ ಅಂದ್‌ದ್ ಎಂಕುಲು ಆಯಡ ಕೇನೊಂಡ.

ಫಿಲಿಪ್ಪಿಯೆರೆಗ್ 2:21

ಬೇತೆ ಮಾತೆರ್ಲಾ ಸ್ವಂತ ಕಾರ್ಯೊಲೆ ಮಿತ್ತ್ ಮನಸ್ ದೀಪೆರತ್ತಂದೆ, ಯೇಸು ಕ್ರಿಸ್ತನ ಕಾರ್ಯೊಲೆ ಮಿತ್ತ್ ಮನಸ್ ದೀಪುಜೆರ್.

1 ತಿಮೋಥಿ 6:10

ದಾಯೆಗಂದ್ಂಡ ಕಾಸ್‌ದಾಸೆ ಮಾತ ದುಷ್ಟತನೊಕು ಬೇರ್ ಆದುಂಡು. ಐಕ್ ಕೆಲೆವೆರ್ ಮನಸ್ ದೀದ್ ಕ್ರಿಸ್ತನ ಮಿತ್ತ್‌ದ ನಂಬಿಕೆಡ್ ಸಾದಿ ತತ್ತ್ ಪೋಯಿನಕುಲಾದ್, ತನ್ಕುಲೆಗ್ ದಿಂಜ ಬೇನೆ ಮಲ್ತೊಂಡೆರ್.

1 ತಿಮೋಥಿ 6:17

ಈ ಲೋಕದ ಐಶ್ವರ್ಯವಂತೆರೆಗ್ ಅಪ್ಪಣೆ ಕೊರೊಡು ದಾನೆಂದ್ಂಡ, ಅಕುಲು ಅಹಂಕಾರಿಲಾವಂದೆ, ತನ್ಕುಲೆ ಸ್ಥಿರದಾಂತಿ ಐಶ್ವರ್ಯದ ಮಿತ್ತ್ ಭರವಸ ದೀವಂದೆ, ನಮ ಸಂತೋಷಗಾದ್ ನಂಕ್ ಮಾತೆನ್ಲಾ ಧಾರಾಳವಾದ್ ಕೊರ್ಪಿನ ದೇವೆರೆ ಮಿತ್ತ್ ಭರವಸ ದೀವೊಡು.

2 ತಿಮೋಥಿ 1:15

ಆಸ್ಯ ಸೀಮೆದ ಮಾತೆರ್ಲಾ ಎನನ್ ಕೈ ಬುಡಿಯೆರಂದ್‌ದ್ ಈ ತೆರಿದ. ಐಟ್ಟ್ ಫುಗೇಲೆಲಾ ಹೆರ್ಮೊಗೇನೆಲಾ ಸೇರ್ದೆರ್.

2 ತಿಮೋಥಿ 4:16

ಯಾನ್ ಸುರುತ್ತ ಸರ್ತಿ ನ್ಯಾಯಾಧಿಪತಿ ಎದುರು ಉಂತುನಗ ಎನಡೊಪ್ಪ ಏರ್ಲಾ ಬತ್ತಿಜೆರ್. ಮಾತೆರ್ಲಾ ಎನನ್ ಬುಡ್ದು ಪೋಯೆರ್. ಅವೆನ್ ಅಕ್ಲೆ ಲೆಖ್ಖೊಗು ಸೇರಿಸಾವಂದೆ ಉಪ್ಪಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:4

ಸುಳ್ಳು ಪನಂದಿನ ದೇವೆರ್ ಆ ನಿತ್ಯಜೀವೊನು ಕೊರ್ಪೆ ಅಂದ್‌ದ್ ಆದಿಡ್ದೇ ವಾಗ್ದತ್ತ ಮಲ್ತ್‌ದ್ ಸರಿಯಾಯಿನ ಸಮಯೊಡು ವಾಗ್ದಾನೊನು ಮುಗಿತ್‌ದ್ ಪ್ರಸಂಗೊಡು ಪ್ರಕಟ ಮಲ್ತೆ. ಆ ಬೋಧನೆದ ಉದ್ಯೋಗೊನು ನಮ ರಕ್ಷಕೆ ಆದುಪ್ಪು ದೇವೆರೆನ ಅಪ್ಪಣೆದ ಮಿತ್ತ್ ಎಂಕ್ ಒಪ್ಪಿಸಾದ್ ಕೊರ್ತೆ.

ಫಿಲೆಮೋನುಗು 1:24

ಎನ ಜತೆಸೇವಕೆರಾಯಿನ ಮಾರ್ಕೆ, ಅರಿಸ್ತಾರ್ಕೆ, ದೇಮಸ್, ಲೂಕೆ ನಿನನ್ ವಂದಿಪುವೆರ್.

2 ಪೇತ್ರೆ 2:15

ಅಕುಲು ಸರ್ತ ಸಾದಿಡ್ದ್ ತೇಲಾದ್ ಬೆಯೋರನ ಮಗೆ ಬಿಳಾಮನ ಮಾರ್ಗೊಡು ಸಾಗ್‌ದ್ ತತ್ತ್‌ದ್ ಪೋತೆರ್. ಈ ಬಿಳಾಮೆ ಅನ್ಯಾಯೊಡು ತಿಕ್ಕುನ ದುಡ್ಡುನು ಪ್ರೀತಿ ಮಲ್ತೆ.