2 ತಿಮೋಥಿ 4:1 - ಪೊಸ ಒಡಂಬಡಿಕೆ

¹ ದೇವೆರೆ ಎದುರುಲಾ ಬೊಕ್ಕ ಬದುಕುನಾಕುಲೆಗ್ಲಾ ಸೈತಿನಾಕುಲೆಗ್ಲಾ ನ್ಯಾಯತೀರ್ಪೆರೆ ಉಪ್ಪು ಯೇಸು ಕ್ರಿಸ್ತ ಎದುರುಲಾ ಆಯೆ ಬರ್ಪಿನೆನ್ಲಾ ಆಯನ ರಾಜ್ಯದ ಮಿತ್ತ್‌ಲಾ ಆಜ ದೀದ್ ಯಾನ್ ನಿಕ್ಕ್ ಪನ್ಪಿನಿ ದಾನೆಂದ್ಂಡ,

2 ತಿಮೋಥಿ 4:1 Iomraidhean Croise

ಮತ್ತಾಯೆ 16:27

ನರಮಾನಿ ಮಗೆ ಅಮ್ಮೆ ಮೈಮೆಡ್ ತನ ದೂತೆರೆಡೊಪ್ಪ ಬರ್ಪೆ; ಅಪಗ ಆಯೆ ಒರಿ ಒರಿಯಗ್ ಆಯಾಯ ಕೆಲಸೊಗು ತಕ್ಕ ಪ್ರತಿಫಲ ಕೊರುವೆ.

ಲೂಕೆ 19:12

ಅವು ಇಂಚಾದುಂಡು, “ಒರಿ ಮಲ್ಲ ಕುಲತ ನರಮಾನಿ ತಾನ್ ರಾಜ್ಯಾಧಿಕಾರೊನು ಪಡೆಯೊಂದು ಪಿರ ಬರಿಯೆರೆ ದೂರ ದೇಶೊಗು ಪೋಯೆ.

ಲೂಕೆ 19:15

ಬೊಕ್ಕ ಆಯೆ ರಾಜ್ಯೊನು ಪಡೆಯೊಂದು ಪಿರ ಬತ್ತೆ. ಆಯೆ ಪಣವುನು ಕೊರ್ತಿ ಬೇಲೆದಾಕುಲೆನ್ ಬ್ಯಾರೊಡ್ದು ಏತೇತ್ ಲಾಭ ಸಂಪಾದನೆ ಮಲ್ತೊಂದೆರ್ ಅಂದ್‌ದ್ ತೆರಿಯೆರೆಗಾದ್ ಅಕ್ಲೆನ್ ತನ ಕೈತಲ್‌ ಲೆಪ್ಪುಡಾಯೆ.

ಲೂಕೆ 23:42

“ಯೇಸೋ, ಈ ನಿನ ರಾಜ್ಯೊಗು ಬನ್ನಗ ಎನನ್ ನೆನೆಪು ಮಲ್ಪು,” ಪಂಡೆ.

ಅಪೊ.ಕ್ರಿ 10:42

ಯೇಸು ಜೀವೊಡುಪ್ಪುನಾಕುಲೆಗ್ಲಾ ಸೈತಿನಾಕುಲೆಗ್ಲಾ ನ್ಯಾಯಾಧಿಪತಿ ಆದ್ ದೇವೆರೆಡ್ದ್ ನೇಮಕ ಆತಿನಾಯೆ ಪನ್ಪಿನೆನ್ ಜನೊಕುಲೆಗ್ ಸಾರಿದ್ ಸಾಕ್ಷಿ ಪನೊಡು ಅಂದ್‌ದ್ ದೇವೆರ್ ಎಂಕ್ಲೆಗ್ ಅಪ್ಪಣೆ ಕೊರ್ತೆ.

ಅಪೊ.ಕ್ರಿ 17:31

ದಾಯೆಗಂದ್ಂಡ, ದೇವೆರ್ ನೇಮಕ ಮಲ್ತಿ ಒರಿ ನರಮಾನಿಡ್ದ್ ಭೂಲೋಕೊನು ನೀತಿಡ್ ನ್ಯಾಯತೀರ್ಪು ಮಲ್ಪೆರೆ ಒಂಜಿ ದಿನ ದೀತೆ. ಆಯೆ ಸೈತ್ ಪೋದು ಲಕ್ಕಿನೆಡ್ದಾವರ ನಂಬುನ ಮಾತೆರೆಗ್ಲಾ ಆಧಾರ ಕೊರ್ತೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 2:16

ಯಾನ್ ಸಾರಿಯುನ ಸುವಾರ್ತೆಡ್ ಪಂಡಿಲೆಕ್ಕ ದೇವೆರ್ ಯೇಸು ಕ್ರಿಸ್ತಡ್ದ್ ನರಮಾನಿಲೆನ ಗುಟ್ಟುಲೆನ್ ಗೊತ್ತು ಮಲ್ತ್‌ದ್ ನ್ಯಾಯತೀರ್ಪು ಮಲ್ಪು ದಿನ ಬರ್ಪುಂಡು. ಆ ದಿನೊಟು ಉಂದು ಮಾತಲಾ ತೆರಿದ್ ಬರು.

ಕೊಲೊಸ್ಸಿಯೆರೆಗ್ 3:4

ನಂಕ್ ಜೀವಾದುಪ್ಪು ಕ್ರಿಸ್ತೆ ತೋಜಿದ್ ಬನ್ನಗ ನಿಕುಲುಲಾ ಆಯ ಒಟ್ಟುಗು ಆಯನ ಮೈಮೆಡ್ ದಿಂಜಿದಿನಾಕುಲಾದ್ ತೋಜಿದ್ ಬರ್ಪರ್.

2 ಥೆಸಲೋನಿಕೆರೆಗ್‌ 2:8

ಐಡ್ದ್ ಬೊಕ್ಕ ಆ ಅನ್ಯಾಯಗಾರೆ ತೋಜಿದ್ ಬರ್ಪೆ. ಅಪಗ ಕರ್ತವೆ ಆದುಪ್ಪು ಯೇಸು ತನ ಬಾಯಿದ ಶ್ವಾಸೊಡ್ದು ಆಯನ್ ಕೆರ್ದ್, ತನ ಮೈಮೆದ ಬೊಲ್ಪುಡು ಬನ್ನಗ ಆಯನ್ ನಾಶ ಮಲ್ಪುವೆ. ಆ ಅನ್ಯಾಯದ ನರಮಾನಿ ಬನ್ನಗ ಸೈತಾನನ ಕಾರ್ಯೊಲು ಬಲೊಟ್ಲಾ ಗುರ್ತ ಕಾರ್ನಿಕೊಲೆಡ್ಲಾ ನಡಪು.

1 ತಿಮೋಥಿ 5:21

ಈ ವಿಚಾರಣೆ ಮಲ್ಪುನೆಡ್ದ್ ದುಂಬೇ ಅಕ್ಲೆನ ಮಿತ್ತ್ ತಪ್ಪು ಪನಂದೆ, ಭೇದಭಾವೊಡು ದಾಲಾ ಮಲ್ಪಂದೆ, ಯಾನ್ ನಿಕ್ಕ್ ಪಂತಿನ ಪಾತೆರೊನು ಕೈಕೊನೊಡು ಅಂದ್‌ದ್ ದೇವೆರೆ ದುಂಬುಲಾ, ಕ್ರಿಸ್ತ ಯೇಸುನ ದುಂಬುಲಾ, ಅಜತ್ ದೆತ್ತೊಂದಿನ ದೂತೆರೆನ ದುಂಬುಲಾ ಅಪ್ಪಣೆ ಕೊರ್ಪೆ.

2 ತಿಮೋಥಿ 2:14

ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.

2 ತಿಮೋಥಿ 4:18

ಯಾನ್ ಒವುಲಾ ಹಾಳ್ ಕಾರ್ಯೊಲೆನ್ ಮಲ್ಪಂದಿಲೆಕ್ಕ ಕರ್ತವೆ ಎನನ್ ತಪ್ಪಾದ್ ತನ ಪರಲೋಕ ರಾಜ್ಯೊಗು ಮುಟ್ಟುನೆಂಗೆ ಕಾಪುವೆ. ಆಯಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

1 ಪೇತ್ರೆ 1:7

ಇಂಚಿನ ಶೋಧನೆಲೆಡ್ದ್ ನಿಕ್ಲೆ ನಂಬಿಕೆ ಸ್ಥಿರಾದ್ ತೋಜಿದ್ ಬರು. ನಾಶಾದ್ ಪೋಪಿ ಬಂಗಾರೊನ್ಲಾ ತೂಕು ಪಾಡ್ದ್ ಶುದ್ಧ ಮಲ್ಪುವೆರ್, ಅಂಚೆನೆ ನಿಕ್ಲೆ ನಂಬಿಕೆ ಬಂಗಾರೊಡ್ದುಲಾ ಆತಿ ಬಿಲೆ ಇತ್ತಿನೆಡ್ದ್ ಕಷ್ಟ ನಿಕ್ಲೆನ್ ಶೋದ್ಯಾವು. ನಿಕ್ಲೆನ ನಂಬಿಕೆ ಯಥಾರ್ಥ ಇತ್ತ್ಂಡ ಯೇಸು ಕ್ರಿಸ್ತೆ ಕುಡ ಬನ್ನಗ ನಿಕ್ಲೆಗ್ ಪುಗರಿಕೆ, ಮೈಮೆ, ಮಾನೊಲು ತಿಕ್ಕುಂಡು.

1 ಪೇತ್ರೆ 4:5

ಅಂಚಾಯಿನೆಡ್ದ್ ಅಕುಲು ಬದುಕುನಾಕುಲೆಗ್ಲಾ ಸೈತ್ ಪೋತಿನಾಕುಲೆಗ್ಲಾ ನ್ಯಾಯತೀರ್ಪೆರೆ ತಯಾರಾದುಪ್ಪು ದೇವೆರೆಗ್ ಲೆಖ್ಖ ಕೊರೊಡು.

1 ಪೇತ್ರೆ 5:4

ಮಾಮಲ್ಲ ಕುರುಬೆ ತೋಜಿದ್ ಬನ್ನಗ ನಿಕುಲು ಏನಿತ್ಯೇನಿಗ್ಲಾ ಬಾಡಂದಿ ಮೈಮೆದ ಕಿರೀಟೊನು ಪಡೆವೊನ್ವರ್.

2 ಪೇತ್ರೆ 1:11

ಬೊಕ್ಕ ಎಂಕುಲೆ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತ ನಿತ್ಯರಾಜ್ಯೊಗು ಅಡ್ಡಿದಾಂತೆ ಸೇರಿಯೆರೆ ಮಾರ್ಗ ಆವು.

2 ಪೇತ್ರೆ 1:17

“ಇಂಬೆ ಎನ ಪ್ರೀತಿದ ಮಗೆ, ಆಯಡ ಎಂಕ್ ಮೆಚ್ಚಿಗೆ ಉಂಡು,” ಇನ್ಪಿ ಘನಸ್ತಿಕೆ ಇತ್ತಿ ಮೈಮೆದ ಸ್ವರ ಆಯಗ್ ಆನಗ, ಅಮ್ಮೆ ಆದುಪ್ಪು ದೇವೆರೆಡ್ದ್ ಮಾನ ಮೈಮೆನ್ ಪಡೆಯೆ.

1 ಯೋಹಾನೆ 2:28

ಅಂಚಾದ್ ಜೋಕುಲೇ, ಆಯೆ ಕುಡೊರ ತೋಜಿದ್ ಬನ್ನಗ ನಂಕ್ ಆಯಡ್ದ್ ನಾಚಿಗೆ ಆವಂದೆ, ಆಯ ಎದುರುಡು ಧೈರ್ಯೊಡು ಉಂತುಲೆಕ್ಕ ಕ್ರಿಸ್ತಡ್ ಒಂಜಾದುಪ್ಪುಲೆ.

ಪ್ರಕಟಣೆ 1:7

“ಇಂದಾ, ಆಯೆ ಮುಗಲ್‌ಡ್ ಬರುವೆ; ಮಾತ ಕಣ್ಣ್‌ಲು ಆಯನ್ ತೂವು. ಬರ್ಚಿಡ್ ಆಯನ್‌ ನೋಂತಿನಾಕುಲುಲಾ ತೂವೆರ್, ಈ ಭೂಮಿಡುಪ್ಪು ಮಾತ ಗೋತ್ರೊಲು ಆಯನ್ ತೂದು ತಿಗಲೆಗ್ ದರ್ತೊನ್ವೆರ್.” ಅಂದ್, ಅಂಚೆನೇ ಆವು ಆಮೆನ್.