2 ತಿಮೋಥಿ 3:8 - ಪೊಸ ಒಡಂಬಡಿಕೆ

⁸ ಯನ್ನ, ಯಂಬ್ರ, ಇನ್ಪಿನಾಕುಲು ಮೋಶೆಗ್ ಎದುರುಂತಿಲೆಕ್ಕನೆ ಮೊಕುಲುಲಾ ಸತ್ಯೊಗು ಎದುರುಂತುವೆರ್, ಬುದ್ಧಿಡ್ ಹಾಳಾಯಿನಾಕುಲುಲಾ ಯೇಸು ಮಿತ್ತ್ ದೀತಿ ನಂಬಿಕೆಡ್ ತೆಟ್ಟ್‌ದ್ ಪೋಯಿನಾಕುಲಾದುಲ್ಲೆರ್.

2 ತಿಮೋಥಿ 3:8 Iomraidhean Croise

ಅಪೊ.ಕ್ರಿ 15:24

ನಮ ಸಮುದಾಯೊಡ್ದು ಪೋತಿನ ಕೆಲೆವೆರ್ ಎಂಕ್ಲೆಡ್ದ್ ದಾಲಾ ಅಪ್ಪಣೆ ದೆತ್ತೊನಂದೆ ನಿಕುಲು ಸುನ್ನತಿ ಮಲ್ಪೊಡು ಬೊಕ್ಕ ನ್ಯಾಯಕಟ್ಟ್‌ನ್ ಕೈಕೊನೊಡು ಪಂಡ್‌ದ್ ಅಕ್ಲೆ ಪಾತೆರೊಡ್ದು ನಿಕ್ಲೆಡ ಗಲಿಬಿಲಿ ಪುಟ್ಟಾದ್ ನಿಕ್ಲೆ ಉಡಲ್‌ನ್ ತಳಮಳ ಮಲ್ತೆರ್ ಅಂದ್‌ದ್ ಎಂಕ್ಲೆಗ್ ತೆರಿಂಡ್.

ರೋಮಾಯೆರೆಗ್ 1:28

ಉಂದತ್ತಂದೆ ದೇವೆರೆ ಗೇನ ಅಕ್ಲೆಗ್ ಇಷ್ಟದಾಂತಿನೆಡ್ದ್ ದೇವೆರ್ ಅಕ್ಲೆನ್ ಅತ್ತಂದಿನ ನೀಚ ಬುದ್ಧಿಗ್ ಒಪ್ಪಿಸಾದ್ ಕೊರಿಯೆ. ಅಂಚಾದ್ ಅಕುಲು ಬೊಡ್ಚಾಂದಿನ ಕಾರ್ಯೊಲೆನ್ ಮಲ್ತೆರ್.

ರೋಮಾಯೆರೆಗ್ 16:18

ಇಂಚ ಮಲ್ಪುನಾಕುಲು ನಮ ಕರ್ತವೆ ಆದುಪ್ಪು ಕ್ರಿಸ್ತನ ಸೇವೆನ್ ಮಲ್ಪಂದೆ ತನ್ಕುಲೆ ಬಂಜಿದ ಸೇವೆನೇ ಮಲ್ಪುನಾಕುಲು. ಅಕುಲು ಪೊರ್ಲುದ ಪುಗರಿಕೆದ ಪಾತೆರೊಲೆಡ್ದ್ ತೆರಿಯಂದಿ ಜನೊಕುಲೆನ ಉಡಲ್‌ನ್ ಮೋಸೊಗು ಪಾಡ್ವೆರ್

ಎಫೆಸ್ಯೆರೆಗ್ 4:14

ಅಂಚಾದ್ ಎಂಕುಲು ನನ ಮಿತ್ತ್ ಬಾಲೆಲೆಕ್ಕ ಉಪ್ಪೆರೆ ಬಲ್ಲಿ, ನರಮಾನಿ ಮೋಸೊಡು ಕಲ್ಪಾವುನ ಬೋಧನೆ, ಮೋಸಗಾರಿಕೆಡ್ ಬೂರ್ದು ಕಡಲ್ದ ಸೆರೆತ್ತ ಲೆಕ್ಕ ಅಂಚಿಂಚಿ ಮಾಲೊಂದು ಉಪ್ಪೆರೆ ಬಲ್ಲಿ.

1 ತಿಮೋಥಿ 1:19

ನಂಬಿಕೆನ್ಲಾ, ಎಡ್ಡೆ ಮನಸಾಕ್ಷಿನ್ಲಾ ಗಟ್ಟಿಡ್ ಪತ್ತೊನ್ಲ. ಕೆಲೆವೆರ್ ಅಕ್ಲೆನ ಎಡ್ಡೆ ಸಾಕ್ಷಿನ್ ಬುಡ್ದು ಕ್ರಿಸ್ತ ನಂಬಿಕೆದ ಸಂಗತಿಡ್ ದರಿದ್ ಪೋತಿ ಕಪ್ಪಲ್‌ದ ಲೆಕ್ಕ ನಷ್ಟ ಆತಿನಾಕುಲೆ ಲೆಕ್ಕ ಉಲ್ಲೆರ್.

1 ತಿಮೋಥಿ 4:2

ಸುಳ್ಳು ಬೋಧಕೆರ್ ಬತ್ತ್‌ದ್ ಸ್ವಂತ ಮನಸ್‌ಡ್ ಕಪಟದಾಕುಲಾಂಡಲಾ ತನ್ಕುಲು ನೀತಿವಂತೆರ್ ಅಂದ್‌ದ್ ತೋಜಾವೊನ್ವೆರ್.

1 ತಿಮೋಥಿ 6:5

ಅತ್ತಂದೆ ಬುದ್ಧಿಕೆಟ್ಟ್‌ದ್ ಸತ್ಯೊನು ಬುಡ್ತಿನಾಕುಲಾದ್, ದೇವಭಕ್ತಿನ್ ಒಂಜಿ ಲಾಭದ ಉದ್ಯೋಗ ಅಂದ್‌ದ್ ಎನ್ನುನ ಈ ನರಮಾನಿಲೆಡ ನಿತ್ಯದ ಕಚ್ಚಾಟ ಆವೊಂದುಪ್ಪುಂಡು.

2 ತಿಮೋಥಿ 4:15

ಈಲಾ ಆಯನ ಸಂಗತಿಡ್ ಎಚ್ಚರಿಕೆ ಆದುಪ್ಪುಲ. ಆಯೆ ಎಂಕುಲೆ ಪಾತೆರೊಲೆಗ್ ದಿಂಜ ಎದುರುಂತಿಯೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:10

ದಾಯೆಗಂದ್ಂಡ ಐಟ್ಟ್ ಹೆಚ್ಚಿನಾಕುಲು ಸುನ್ನತಿದಾಕುಲು, ಬಜೀ ವ್ಯರ್ಥ ಹರಟೆಲೆಡ್ ಮುರ್ಕುದು ಬೇತೆಕ್ಲೆನ್ ಮೋಸೊಗು ಪಾಡ್ದ್ ಅಧಿಕಾರೊಗು ಎದುರುಂತುನಾಕುಲು ಮಸ್ತ್ ಜನ ಉಲ್ಲೆರ್,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:16

ಅಂಚಿತ್ತಿನಾಕುಲು ದೇವೆರೆನ್ ತೆರಿದ ಅಂದ್‌ದ್ ಪಂಡೆರ್ಡಲಾ ತನ್ಕುಲೆ ನಡತೆಡ್ ಆಯನ್ ಅರೆಂಜುನಕುಲಾದುಲ್ಲೆರ್. ಅಕುಲು ಅಸಹ್ಯದಾಕುಲುಲಾ ತಗ್ಗಂದಿನಾಕುಲುಲಾ ಒವುಲಾ ಎಡ್ಡೆ ಕೆಲಸೊನು ಮಲ್ಪೆರೆ ಆವಂದಿನಾಕುಲುಲಾ ಆದುಲ್ಲೆರ್.

2 ಪೇತ್ರೆ 2:14

ಅಕುಲು ಕಣ್ಣ್ ದೃಷ್ಟಿಡೇ ವ್ಯಭಿಚಾರ ಮಲ್ಪುನಾಕುಲು, ಅಕ್ಲೆನ ಪಾಪದ ಆಸೆಗ್ ತೃಪ್ತಿಯೇ ಆವಂದ್, ಸ್ಥಿರದಾಂತಿನಾಕುಲೆನ್ ತಿಕ್ಕಾದ್ ಪಾಡುನಾಕುಲು, ದುಡ್ಡುದ ಆಸೆಡ್ ಮುರ್ಕುಪೋತಿ ಉಡಲ್‌ದಾಕುಲು, ಶಾಪದ ಬಾಲೆಲು ಆದುಲ್ಲೆರ್.

1 ಯೋಹಾನೆ 2:18

ಜೋಕುಲೇ, ಕಡೆ ಗಳಿಗೆ ಬೈದ್‌ಂಡ್. ಕ್ರಿಸ್ತ ವಿರೋಧಿ ಬರ್ಪೆ ಅಂದ್‌ದ್ ನಿಕುಲು ಕೇಂಡ್ದರ್. ಇತ್ತೆನೇ ಮಸ್ತ್ ಕ್ರಿಸ್ತ ವಿರೋಧಿಲು ತೋಜಿದ್ ಬೈದೆರ್. ಉಂದೆಡ್ದ್ ಕಡೆ ಗಳಿಗೆ ಬೈದ್‌ಂಡ್ ಅಂದ್‌ದ್ ನಮ ತೆರಿಯೊನ್ವ.

1 ಯೋಹಾನೆ 4:1

ಪ್ರೀತಿದಾಕುಲೇ, ಮಸ್ತ್ ಮಂದಿ ಸುಳ್ಳು ಪ್ರವಾದಿಲು ಲೋಕದುಲಯಿ ಬೈದಿನೆಡ್ದ್ ನಿಕುಲು ಆತ್ಮಸಮ್ಮಂಧವಾಯಿನ ಮಾತ ಪಾತೆರೊಲೆನ್ ನಂಬಡೆ, ಆ ಪಾತೆರೊಲು ದೇವೆರೆಡ್ದ್ ಬೈದಿನವಾ ಪಂಡ್ದ್ ತೆರಿಯೊನಿಯೆರೆಗಾದ್ ಪರೀಕ್ಷೆ ಮಲ್ಪುಲೆ.

ಪ್ರಕಟಣೆ 2:20

ಆಂಡ ನಿನ ಮಿತ್ತ್ ಒಂಜಿ ಅಪವಾದ ಉಂಡು. ಅವು ದಾನೆಂದ್ಂಡ ಈಜೆಬೆಲ್ ಇನ್ಪಿ ಆ ಪೊಂಜೊವು ತನನ್ ತಾನೇ ಪ್ರವಾದಿನಿ ಅಂದ್‌ದ್ ಪನೊಂದು ಹಾದ್ರ ಮಲ್ಪೊಲಿ ಪಂಡ್ದ್‌ಲಾ ಮೂರ್ತಿಗ್ ನೈವೇದ್ಯ ಮಲ್ತಿನೆನ್ ತಿನೊಲಿ ಅಂದ್‌ದ್ ಬೋಧನೆ ಕೊರೊಂದು ಎನ ಸೇವಕೆರೆನ್ ಅಡ್ಡ ಸಾದಿಡ್ ನಡಪಾವನಗ ಈ ಆಲೆನ್ ತಡೆಪಂದೆ ಬುಡಿಯ.

ಪ್ರಕಟಣೆ 2:6

ಆಂಡ ನಿನಡ ಎಡ್ಡೆಂತಿನ ಒಂಜಿ ಉಂಡು, ಯಾನ್ ಪಗೆ ಮಲ್ತೊಂದಿತ್ತಿ *ನಿಕೋಲಾಯಿತೆರೆ ಬೇಲೆಲೆನ್ ಈಲಾ ಪಗೆ ಮಲ್ಪುವ.