2 ತಿಮೋಥಿ 3:2 - ಪೊಸ ಒಡಂಬಡಿಕೆ

² ಜನೊಕುಲು ತನ್ಕುಲೆನೇ ಪ್ರೀತಿ ಮಲ್ಪುನಾಕುಲು, ಕಾಸ್‌ದಾಸೆದಾಕುಲು, ಬೂಟುಲಾ ಹೆಚ್ಚಾಳ್ಮೆ ಇತ್ತಿನಾಕುಲು, ದೂಷಣೆ ಮಲ್ಪುನಾಕುಲು, ಅಪ್ಪೆಅಮ್ಮೆ ಪಂಡಿನೆನ್ ಕೇನಂದಿನಾಕುಲು, ಉಪಕಾರ ಎನ್ನಂದಿನಾಕುಲು, ಅಶುದ್ಧದಾಕುಲು,

2 ತಿಮೋಥಿ 3:2 Iomraidhean Croise

ಮತ್ತಾಯೆ 15:6

‘ಆಯೆ ತನ ಅಪ್ಪೆನ್ಲಾ ಅಮ್ಮೆರೆನ್ಲಾ ಸನ್ಮಾನ ಮಲ್ಪುನ ಅಗತ್ಯ ಇಜ್ಜಿ,’ ಅಂದ್‌ದ್ ಪನ್ಪರ್. ಇಂಚ ನಿಕ್ಲೆನ ಸಂಪ್ರದಾಯೊಲೆಡ್ದ್ ದೇವೆರೆ ಅಪ್ಪಣೆನ್ ಅರ್ಥದಾಂತಿಲೆಕ್ಕ ಮಲ್ತ್‌ದರ್.

ಲೂಕೆ 12:15

ಜನೊಕುಲೆಗ್, “ಮಾತ ದುರಾಶೆಲೆಗ್ ಎಚ್ಚರಿಕೆ ಆದಿತ್ತ್‌ದ್ ನಿಕ್ಲೆನ್ ಕಾತೊನ್ಲೆ. ಒರಿಯಗ್ ಏತ್ ಆಸ್ತಿ ಇತ್ತ್ಂಡಲಾ ಅವು ಆಯ ಜೀವನೊಗು ಆಧಾರ ಆಪುಜಿ,” ಪಂಡೆ.

ಲೂಕೆ 16:14

ಪರಿಸಾಯೆರ್ ಈ ಮಾತ ಪಾತೆರೊಲೆನ್ ಕೇಂಡ್ದ್ ತನ್ಕುಲು ಕಾಸ್‌ದಾಸೆ ಇತ್ತಿನಾಕುಲು ಆದಿತ್ತಿನೆಡ್ದ್ ಯೇಸುನು ಮಸ್ಕಿರಿ ಮಲ್ತೆರ್.

ಲೂಕೆ 6:35

ನಿಕುಲು ನಿಕ್ಲೆನ ಪಗೆನಾಕುಲೆಗ್ ಪ್ರೀತಿ ಮಲ್ತ್‌ದ್ ಅಕ್ಲೆಗ್ ಎಡ್ಡೆ ಮಲ್ಪುಲೆ. ಧೈರ್ಯೊಡು ಸಾಲ ಕೊರ್ಲೆ, ಪಿರ ತಿಕ್ಕುಂಡು ಪನ್ಪಿ ಆಸೆಡ್ ಸಾಲ ಕೊರಡೆ; ಇಂಚ ಮಲ್ತ್ಂಡ ನಿಕ್ಲೆಗ್ ಮಸ್ತ್ ಫಲ ತಿಕ್ಕುಂಡು. ಬೊಕ್ಕ ನಿಕುಲು ಸರ್ವಶಕ್ತೆ ದೇವೆರೆನ ಜೋಕುಲಾಪರ್. ದೇವೆರ್ ಉಪಕಾರ ಎನ್ನಂದಿನಾಕುಲೆಗ್ಲಾ ಪಡಿಕೆಂತಿನಾಕುಲೆಗ್ಲಾ ಉಪಕಾರದಾಯೆ ಆದುಲ್ಲೆ.

ಅಪೊ.ಕ್ರಿ 5:36

ಉಂದೆಡ್ದ್ ದುಂಬು ಥೈದೆ ಪನ್ಪಿನಾಯೆ ಒರಿ ಇತ್ತೆ. ತಾನ್ ಬಾರೀ ಮಲ್ಲ ಜನ ಅಂದ್‌ದ್ ಲಕ್ಕ್‌ದ್ ಆಯನ ಪಕ್ಷೊಗು ನಾಲ್ನೂದು ಜನ ಸೇರೊಂಡೆರ್, ಆಯನ್ ಕೆರಿಯೆರ್, ಬೊಕ್ಕ ಆಯ ಪಕ್ಷದಾಕುಲು ಪಂಡ್ದ್ ಇತ್ತಿನಾಕುಲು ಮಾತೆರ್ಲಾ ದಿಕ್ಕ್ ಪಾಲ್ ಆಯೆರ್.

ರೋಮಾಯೆರೆಗ್ 11:18

ಅಂಚಾಯಿನೆಡ್ದ್ ತುಂಡಾತಿ ಗೆಲ್ಲ್‌ದಲೆಕ್ಕಂತಿ ಇಸ್ರಾಯೇಲ್ಯೆರೆನ್ ಈ ಹೀನ ಮಲ್ತೊಂದು ಹೆಮ್ಮೆ ಪಡೆಯೊಡ್ಚಿ. ಹೆಮ್ಮೆ ಪಡೆಂಡಲಾ ಆ ಬೇರ್‌ಗ್ ಈ ಆಧಾರ ಅತ್ತ್. ಅವು ನಿಕ್ಕ್ ಆಧಾರ ಆದುಂಡು.

2 ಕೊರಿಂಥ್ಯೆರೆಗ್ 5:15

ಬೊಕ್ಕ ಆಯೆ ಮಾತೆರೆಗಾದ್ ಸೈತಿನೆಡ್ದಾವರ ಬದುಕುನಾಕುಲು ನನ ದುಂಬು ತನ್ಕುಲೆಗಾದ್ ಬದ್‌ಕಂದೆ, ಅಕ್ಲೆಗಾದ್ ಸೈತ್‌ದ್ ಜೀವೊಡು ಲಕ್ಕ್‌ದಿನ ಕ್ರಿಸ್ತಗಾದ್ ಬದುಕುವೆರ್.

ಫಿಲಿಪ್ಪಿಯೆರೆಗ್ 2:21

ಬೇತೆ ಮಾತೆರ್ಲಾ ಸ್ವಂತ ಕಾರ್ಯೊಲೆ ಮಿತ್ತ್ ಮನಸ್ ದೀಪೆರತ್ತಂದೆ, ಯೇಸು ಕ್ರಿಸ್ತನ ಕಾರ್ಯೊಲೆ ಮಿತ್ತ್ ಮನಸ್ ದೀಪುಜೆರ್.

ಕೊಲೊಸ್ಸಿಯೆರೆಗ್ 3:5

ಅಂಚಾಯಿನೆಡ್ದ್ ನಿಕ್ಲೆ ಉಡಲ್‌ಡುಪ್ಪು ಲೌಕೀಕ ಆಸೆಲೆನ್ ಕೆರ್ದ್ ಪಾಡ್ಲೆ. ಹಾದ್ರೊನು, ಬಂಡ್‌ತನೊನು, ಕಾಮೊನು, ಹಾಳ್ ಆಸೆನ್ ಬೊಕ್ಕ ಮೂರ್ತಿಪೂಜೆಗ್ ಸಮಾನಾದುಪ್ಪು ಕಾಸ್‌ದ ಆಸೆನ್ ಮಾತೆನ್ಲಾ ದೆತ್ತ್‌ದ್ ಪಾಡ್ಲೆ.

2 ಥೆಸಲೋನಿಕೆರೆಗ್‌ 2:4

ಆ ಅನ್ಯಾಯಗಾರೆ ಪ್ರತಿಯೊಂಜೆನ್ ವಿರೋಧ ಮಲ್ತ್‌ದ್ ತಾನೇ ಮಲ್ಲಾಯೆ ಅಂದ್‌ದ್ ಮೆಚ್ಚಾವೊಂದು, ತಾನೇ ದೇವೆರ್ ಪನೊಂದು, ಪೂಜೆಗ್ ತಕ್ಕದಾಯೆ ಅಂದ್‌ದ್ ದೇವೆರೆನ ಗರ್ಭಗುಡಿಟೇ ಕುಲ್ಲುವೆ.

1 ತಿಮೋಥಿ 1:20

ಅಕ್ಲೆಡ್ ಹುಮೆನಾಯೆಲಾ ಅಲೆಕ್ಸಾಂದ್ರೆಲಾ ಇಂಚಿತ್ತಿನಾಕುಲೇ. ಮೊಕುಲು ದೇವೆರೆನ್ ದೂಷಣೆ ಮಲ್ಪೆರೆ ಬಲ್ಲಿ ಪನ್ಪಿನೆನ್ ಕಲ್ಪುಲೆಕ್ಕ ಮೊಕ್ಲೆನ್ ಸೈತಾನಗ್ ಒಪ್ಪಿಸಾದ್ ಕೊರಿಯೆ.

1 ತಿಮೋಥಿ 1:9

ಈ ನ್ಯಾಯಕಟ್ಟ್ ನೀತಿವಂತೆರೆಗ್ ಅತ್ತ್, ಆಂಡ ಅನ್ಯಾಯಗಾರೆರ್, ಅವಿಧೇಯೆರ್, ಭಕ್ತಿಹೀನೆರ್, ಪಾಪಿಷ್ಟೆರ್, ಲೋಕದಾಕುಲು, ನೀಚೆರ್, ತನ್ಕುಲೆ ಅಪ್ಪೆಅಮ್ಮಾಡ್ಲೆಗ್ ಪೆಟ್ಟು ಪಾಡುನಾಕುಲು, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಪುರುಷಗಾಮಿಲು, ಗುಲಾಮೆರೆ ವ್ಯಾಪಾರ ಮಲ್ಪುನಾಕುಲು, ಸುಳ್ಳುಗಾರೆರ್, ಪಾತೆರ ತತ್ತಿನಾಕುಲು, ಎಡ್ಡೆ ಬೋಧನೆಗ್ ವಿರೋಧಾದ್ ಬೇತೆ ಒವಾಂಡಲಾ ಮಲ್ಪುನಾಕುಲು, ಇಂಚಿತ್ತಿನ ನೀತಿಕೆಟ್ಟಿನಾಕುಲೆಗಾದ್ ಅವು ನೇಮಕ ಆತ್ಂಡ್.

1 ತಿಮೋಥಿ 3:3

ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 6:10

ದಾಯೆಗಂದ್ಂಡ ಕಾಸ್‌ದಾಸೆ ಮಾತ ದುಷ್ಟತನೊಕು ಬೇರ್ ಆದುಂಡು. ಐಕ್ ಕೆಲೆವೆರ್ ಮನಸ್ ದೀದ್ ಕ್ರಿಸ್ತನ ಮಿತ್ತ್‌ದ ನಂಬಿಕೆಡ್ ಸಾದಿ ತತ್ತ್ ಪೋಯಿನಕುಲಾದ್, ತನ್ಕುಲೆಗ್ ದಿಂಜ ಬೇನೆ ಮಲ್ತೊಂಡೆರ್.

1 ತಿಮೋಥಿ 6:4

ಆಯೆ ಒಂಜೆನ್ಲಾ ತೆರಿಯಂದೆ ತರ್ಕಲಾ ಚರ್ಚೆಲಾ ಮಲ್ಪುನಾಯೆ ಆದ್ ಅಹಂಕಾರೊಡು ಕಣ್ಣ್ ತೋಜಂದಿನಾಯೆ ಆದುಲ್ಲೆ. ಉಂದೆಡ್ದಾದ್ ಮಚ್ಚರ, ಲಡಯಿ, ದೂಷಣೆ, ಹಾಳ್ ಸಂಶಯೊಲು ಮಾತ ಪುಟ್ಟುಂಡು.

2 ತಿಮೋಥಿ 3:4

ದೇವೆರೆನ ಪೋಡಿಗೆದಾಂತಿನಾಕುಲು, ಹೆಮ್ಮೆದಾಕುಲು, ಮೂರ್ಖೆರ್, ದೇವೆರೆನ್ ಪ್ರೀತಿ ಮಲ್ಪುನೆಡ್ದ್ ಹೆಚ್ಚಾದ್ ಭೋಗೊಲೆನ್ ಪ್ರೀತಿ ಮಲ್ಪುನಾಕುಲು,

ಯಾಕೋಬು 2:8

ಆಂಡಲಾ ನ್ಯಾಯಕಟ್ಟ್‌ಗ್ ಸರಿಯಾದ್ ನಿನ ನಿರೆತಾಯನ್ ನಿನಲೆಕ್ಕನೇ ಪ್ರೀತಿ ಮಲ್ಪೊಡು ಇನ್ಪಿನ ರಾಜ ನಿಯಮೊಲೆನ್ ಕೈಕೊನುವರ್ಡ ನಿಕುಲು ಎಡ್ಡೆಂತಿನೆನ್ ಮಲ್ಪುನಾಕುಲು ಆದುಲ್ಲರ್.

ಯಾಕೋಬು 4:16

ಇಂಚ ನಿಕುಲು ಪನಂದೆ ಬೂಟುಡು ಪುಗರೊನ್ವರ್, ಇಂಚಿತ್ತಿ ಪುಗರಿಗೆ ಮಾತಲಾ ಹಾಳ್ ಆದುಂಡು.

ಯಾಕೋಬು 4:6

ಆಂಡ ಆಯೆ ದಿಂಜ ದಯ ಕೊರ್ಪೆ. ಶಾಸ್ತ್ರೊಡು ಪನ್ಪಿಲೆಕ್ಕನೇ, “ದೇವೆರ್ ಅಹಂಕಾರಿಲೆಗ್ ಎದುರುಂತುವೆ, ಆಂಡ ತಗ್ಗ್‌ದಿನಾಕುಲೆಗ್ ದಯ ಕೊರ್ಪೆ.”

1 ಪೇತ್ರೆ 5:5

ಅಂಚೆನೆ ಜವನ್ಯೆರೇ, ನಿಕುಲುಲಾ ಹಿರಿಯಾಕುಲೆಗ್ ವಶ ಆದುಪ್ಪುಲೆ. ನಿಕುಲು ಮಾತೆರ್ಲಾ ದೀನ ಮನಸ್‌ಡ್ ಒರಿ ಒರಿಯಗ್ ಸೇವೆ ಮಲ್ಪುಲೆ. “ದೇವೆರ್ ಅಹಂಕಾರಿಲೆಗ್ ಎದುರುಂತುವೆ, ಆಂಡ ತಗ್ಗ್‌ದಿನಾಕುಲೆಗ್ ದಯ ಕೊರ್ಪೆ.”

2 ಪೇತ್ರೆ 2:10

ಮುಖ್ಯಾದ್ ಬಂಡ್‌ತನೊನು ಆಸೆ ಮಲ್ತೊಂದು ಈ ಶರೀರದ ಇಚ್ಚೆ ಆಸೆಲೆಗ್ ಬೋಡಾದ್ ಬದ್‌ಕ್‌ದ್ ದೇವೆರೆನ ಅಧಿಕಾರೊನು ಅಸಡ್ಡೆ ಮಲ್ಪುನಾಕುಲೆಗ್ ಈ ರೀತಿ ಶಿಕ್ಷೆ ಕೊರ್ಪೆ. ಇಂಚಿತ್ತಿನಾಕುಲು ಏರೆಗ್ಲಾ ಪೋಡಿಯಂದೆ ಕುಸಿ ಬತ್ತಿಲೆಕ್ಕ ನಡಪುನಾಕುಲಾದ್ ಮೈಮೆದ ಜಾಗ್‌ಡಿತ್ತಿನಾಕುಲೆನ್ ಪೋಡಿಗೆದಾಂತೆ ದೂಷಿಪುವೆರ್.

2 ಪೇತ್ರೆ 2:12

ಆಂಡ ಸ್ವಾಭಾವಿಕ ಆದ್ ಬೋಂಟೆಗ್ಲಾ ಕೆರಿಯೆರೆಗ್ಲಾ ಪುಟ್ಟುದಿನ ಬುದ್ಧಿದಾಂತಿನ ಪ್ರಾಣಿಲೆಕ್ಕ ಈ ದುರ್ಮಾರ್ಗೊಡು ಉಪ್ಪುನಾಕುಲು ತನ್ಕುಲೆಗ್ ತೆರಿಯಂದಿ ವಿಚಾರೊಡು ದೂಷಣೆ ಮಲ್ತೊಂದುಪ್ಪುವೆರ್. ಮೊಕುಲು ತನ್ಕುಲೆ ಹಾಳ್‌ತನೊಡ್ದಾದ್ ತನ್ಕುಲೇ ಹಾಳಾದ್ ಪೋಪೆರ್.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

2 ಪೇತ್ರೆ 2:3

ಅಕುಲು ದುರಾಶೆಡ್ ಕೂಡ್ದಿನಕುಲಾದ್ ನಿಕ್ಲೆನ ದುಡ್ಡುನು ಒಯ್ಪೆರೆಗಾದ್ ಸುಳ್ಳುನು ಕಲ್ಪನೆ ಮಲ್ತ್‌ದ್ ಪನ್ಪೆರ್, ಆಂಡ ದೇವೆರ್ ಅಕ್ಲೆನ್ ಏಪನೇ ದೋಷಿಲಂದ್‌ದ್ ನ್ಯಾಯತೀರ್ಪು ಮಲ್ತ್‌ದೆ. ಬೊಕ್ಕ ಅಕ್ಲೆನ ನಾಶನ ತಡದಾಂತೆ ಬರ್ಪುಂಡು.

ಯೂದೆ 1:16

ಇಂಚಿತ್ತಿನಾಕುಲು ಗುಣುಗುಟ್ಟುನಾಕುಲು, ಒರಿಯನ ತಪ್ಪುನು ನಾಡ್ ಪತ್ತುನಾಕುಲು, ತನ್ಕುಲೆ ಇಚ್ಚೆಲೆಗ್ ತಕ್ಕ ನಡಪುನಾಕುಲು, ಬೂಟು ಪಾತೆರುನಾಕುಲು, ಅವ್ವತ್ತಂದೆ ಲಾಭೊಗಾದ್ರ ಮೋನೆಗ್ ತಕ್ಕ ಪಾತೆರುನಾಕುಲು ಆದುಲ್ಲೆರ್.

ಪ್ರಕಟಣೆ 13:1

ಬೊಕ್ಕ ಕಡಲ್‌ಡ್ದ್ ಒಂಜಿ ಮೃಗ ಲಕ್ಕ್‌ದ್ ಬರ್ಪಿನೆನ್ ತೂಯೆ. ಐಕ್ ಏಳ್‌ ತರೆ ಪತ್ತ್ ಕೊಂಬುಲಾ ಕೊಂಬುಲೆ ಮಿತ್ತ್ ಪತ್ತ್ ಕಿರೀಟಲಾ ಮುಂಡೊಡು ದೇವೆರೆನ್ ದೂಷಣೆ ಮಲ್ಪುನ ಪುದರ್‌ಲಾ ಇತ್ತ್ಂಡ್.

ಪ್ರಕಟಣೆ 16:11

ತನ್ಕುಲೆ ಕ್ರಿಯೊಲೆ ಸಂಗತಿಡ್ ಪಶ್ಚಾತಾಪ ಪಡೆಯಂದೆ ತನ್ಕುಲೆ ಕಷ್ಟದ ದಿಸೆಡ್ದ್‌ಲಾ ತನ್ಕ್‌ಲೆಗಾಯಿ ಪುಡಿತ್ತ ಡಿಸೆಡ್ದ್‌ಲಾ ಪರಲೋಕದ ದೇವೆರೆನ್ ದೂಷಣೆ ಮಲ್ತೆರ್.

ಪ್ರಕಟಣೆ 16:21

ಬಾನೊಡ್ದು ನರಮಾನಿಲೆ ಮಿತ್ತ್ ಮಲ್ಲ ಆನೆಕಲ್ಲ್‌ದ ಬರ್ಸ ದೊರಿಂಡ್. ಒಂಜೊಂಜಿ ಬರ್ಸದ ಕಲ್ಲ್ ಹೆಚ್ಚಿಕಡಿಮೆ ನಾಲ್ ಮಣ ತೂಕ ಇತ್ತ್ಂಡ್. ಈ ಆನೆಕಲ್ಲ್‌ದ ಬರ್ಸದ ಕಾಟ ಹೆಚ್ಚಾಯಿನೆಡ್ದ್ ಆ ಬರ್ಸೊಡು ತಿಕ್ಕೊಂಡಿ ಜನೊಕುಲು ದೇವೆರೆನ್ ದೂಷಣೆ ಮಲ್ತೆರ್.

ಪ್ರಕಟಣೆ 16:9

ನರಮಾನಿಲು ಆ ಭಯಂಕರ ಬೆಚ್ಚೊಗು ಬೆಯ್ತ್‌ದ್ ನರಳಿಯೆರ್ಡಲಾ ಅಕುಲು ದೇವೆರೆನ್ ಮೈಮೆ ಪಡೆಪಾವುಲೆಕ್ಕ ಪಶ್ಚಾತಾಪ ಪಡೆಯಂದೆ ಉಪದ್ರೊಲೆ ಮಿತ್ತ್ ಅಧಿಕಾರ ಇತ್ತಿ ದೇವೆರೆ ಪುದರ್‌ನ್ ದೂಷಣೆ ಮಲ್ತೆರ್.