2 ತಿಮೋಥಿ 3:15 - ಪೊಸ ಒಡಂಬಡಿಕೆ

¹⁵ ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

2 ತಿಮೋಥಿ 3:15 Iomraidhean Croise

ಮತ್ತಾಯೆ 22:29

ಐಕ್ ಯೇಸು ಉತ್ತರ ಕೊರ್ದು ಅಕ್ಲೆಡ ಪಂಡಿನಿ, “ಶಾಸ್ತ್ರ ಆವಡ್, ದೇವೆರೆ ಬಲ ಆವಡ್ ನಿಕ್ಲೆಗ್ ತೆರಿಯಂದೆ ತಪ್ಪು ಮಲ್ಪುವರ್.

ಲೂಕೆ 1:15

ಆಯೆ ಕರ್ತವ ದುಂಬು ಮಲ್ಲ ನರಮಾನಿ ಆದುಪ್ಪುವೆ; ಆಯೆ ಅಮಲ್‌ದೆನ್ಲಾ ದ್ರಾಕ್ಷಾರಸೊನ್ಲಾ ಪರಯೆ; ಆಯೆ ಅಪ್ಪೆ ಬಂಜಿಡ್ದೇ ಪರಿಶುದ್ಧಾತ್ಮೊಡು ದಿಂಜಿದಿನಾಯೆ ಆದುಪ್ಪುವೆ.

ಲೂಕೆ 2:40

ಆ ಬಾಲೆ ಬಲತ್‌ದ್ ಗೇನೊಡು ದಿಂಜಿದ್ ಆತ್ಮೊಡು ಬಲ ಹೊಂದಿಯೆ, ಬೊಕ್ಕ ದೇವೆರೆ ದಯ ಆಯನ ಮಿತ್ತ್ ಇತ್ತ್ಂಡ್.

ಲೂಕೆ 24:27

ಬೊಕ್ಕ ಯೇಸು ತನ ಬಗೆಟ್ ಮೋಶೆ ಬೊಕ್ಕ ಮಾತ ಪ್ರವಾದಿಲೆ ಶಾಸ್ತ್ರೊಡು ಬರೆತಿಲೆಕ್ಕ ಅವೆನ್ ಮಾತ ಅಕ್ಲೆಗ್ ಬುಡ್ಪಾದ್ ಪಂಡೆ.

ಲೂಕೆ 24:32

ಐಡ್ದ್ ಬೊಕ್ಕ ಅಕುಲು ಒರಿಯಗ್ ಒರಿ ಆಯೆ ಸಾದಿಡ್ ಎಂಕ್ಲೆನ ಒಟ್ಟುಗು ಪಾತೆರ್‌ನಗಲಾ ಶಾಸ್ತ್ರೊಲೆ ಅರ್ಥೊನು ನಂಕ್ ಬುಡ್ಪಾದ್ ಪನ್ನಗಲಾ ಎಂಕುಲೆ ಉಡಲ್ ತೂ ಪೊತ್ತಿಲೆಕ್ಕ ಆಂಡತ್ತಾ ಪಂಡೆರ್.

ಲೂಕೆ 24:45

ಬೊಕ್ಕ ಅಕ್ಲೆನ ಉಡಲ್‌ನ್ ಜತ್ತ್‌ದ್ ಶಾಸ್ತ್ರ ವಚನೊಲೆನ್ ತೆರಿಯೊನುಲೆಕ್ಕ ಆಯೆ ಅಕ್ಲೆಗ್ ಬುಡ್ಪಾದ್ ಪಂಡೆ.

ಯೋಹಾನೆ 5:47

ಆಯೆ ಬರೆತಿನೆನ್ ನಿಕುಲು ನಂಬಿಜರ್ಡ ಎನ ಪಾತೆರೊಲೆನ್ ಎಂಚ ನಂಬುವರ್?” ಅಂದ್‌ದ್ ಪಂಡೆ.

ಅಪೊ.ಕ್ರಿ 10:43

ಆಯಡ ನಂಬಿಕೆ ದೀಪಿನ ಪ್ರತಿ ಒರಿಯಗ್ಲಾ ಆಯನ ಪುದರ್‌ಡ್ ಪಾಪೊಗು ಪರಿಹಾರ ತಿಕ್ಕುಂಡು ಅಂದ್‌ದ್ ಆಯನ ಸಂಗತಿಡ್ ಪ್ರವಾದಿಲು ಮಾತೆರ್ಲಾ ಸಾಕ್ಷಿ ಪನ್ತೆರ್ ಅಂದ್‌ದ್ ಪಂಡೆ.”

ಅಪೊ.ಕ್ರಿ 13:29

ಆಯನ ಸಂಗತಿಡ್ ಶಾಸ್ತ್ರೊಡು ಬರೆದುಪ್ಪುನೆನ್ ಮಾತ ಮಲ್ತಿ ಬೊಕ್ಕ ಆಯನ್ ಮರತ ಕಂಬೊಡ್ದು ಜಪುಡಾದ್ ಸಮಾಧಿಡ್ ದೀಯೆರ್.

ಅಪೊ.ಕ್ರಿ 16:1

ಐಡ್ದ್ ಬೊಕ್ಕ ಆಯೆ ದೆರ್ಬೆಗ್ಲಾ ಲುಸ್ತ್ರೊಗ್ಲಾ ಬತ್ತೆ. ಲುಸ್ತ್ರೊಡು ತಿಮೋಥಿ ಪನ್ಪಿನ ಒರಿ ಶಿಷ್ಯೆ ಇತ್ತೆ. ಇಂಬ್ಯನ ಅಪ್ಪೆ ಕರ್ತವನ್ ನಂಬುನ ಯೆಹೂದಿ ಆದಿತ್ತಲ್. ಆಯನ ಅಮ್ಮೆ ಗ್ರೀಕೆ ಆದಿತ್ತೆ.

ಅಪೊ.ಕ್ರಿ 17:2

ಪೌಲು ತನ ಸಂಪ್ರದಾಯದ ಲೆಕ್ಕ ಅಲ್ಪ ಇತ್ತಿನಾಕ್ಲೆನ ಕೈತಲ್‌ ಪೋದು ಮೂಜಿ ಸಬ್ಬತ್‌ದಿನೊಕುಲೆಡ್ ಶಾಸ್ತ್ರದ ಆಧಾರೊಡು ಅಕ್ಲೆ ಒಟ್ಟುಗು ತರ್ಕ ಮಲ್ತೆ,

ಅಪೊ.ಕ್ರಿ 26:24

ಇಂಚ ಪೌಲು ವಾದ ಮಲ್ಪೊಂದುಪ್ಪುನಗ ಫೆಸ್ತೆ ಮಲ್ಲ ಸ್ವರೊಟ್ಟು ಪೌಲೋ, “ಈ ಮರ್ಲಾತ ಈ ಕಲ್ಪುನ ಶಾಸ್ತ್ರೊಲು ನಿನನ್ ಮರ್ಲ್ ಮಲ್ತ್ಂಡ್,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 1:2

ಆ ಸುವಾರ್ತೆನ್ ಸಾರಿದ್ ತೆರಿಪಾವೆ ಪಂಡ್ದ್ ದೇವೆರ್ ಮಸ್ತ್ ಅನಾದಿಕಾಲೊಡ್ದೇ ಪರಿಶುದ್ಧ ಶಾಸ್ತ್ರೊಡು ತನ ಪ್ರವಾದಿಲೆಡ್ದ್ ಪಾತೆರ ಕೊರ್ತೆ.

ರೋಮಾಯೆರೆಗ್ 2:27

ಆಯೆ ಶರೀರೊಡು ಸುನ್ನತಿದಾಂತಿನಾಯೆ ಆದಿತ್ತ್‌ದ್ ನ್ಯಾಯಕಟ್ಟ್‌ಡ್ ಬರೆತಿನೆನ್ ನಡಪಾವುನೆಟ್ಟ್ ಶಾಸ್ತ್ರಲಾ ಸುನ್ನತಿಲಾ ಇತ್ತ್‌ದ್ ನ್ಯಾಯೊನು ಮೀರ್‌ದ್ ನಡಪುನ ನಿನನ್ ಪಾಪಿ ಪಂಡ್ದ್ ತೀರ್ಪು ಮಲ್ಪುವೆ.

1 ಕೊರಿಂಥ್ಯೆರೆಗ್ 1:21

ಎಂಚಂದ್ಂಡ ಲೋಕ ಗೇನ ಪನ್ಪಿ ಮಾರ್ಗೊಡ್ದು ದೇವೆರೆನ್ ತೆರಿಯಂದೆ ಪೋಯಿನವು ದೇವೆರೆ ಗೇನದ ಸಂಕಲ್ಪನೆ; ಇಂಚಾಯಿ ಬೊಕ್ಕ ಮರ್ಲ್ ಪಾತೆರ ಪಂಡ್ದ್ ಎನ್ನಿನವು ಎಂಕುಲೆ ಪ್ರಸಂಗೊಡ್ದೇ ನಂಬುನಾಕುಲೆನ್ ರಕ್ಷಣೆ ಮಲ್ಪುನವು ದೇವೆರೆಗ್ ಎಡ್ಡೆಂದ್‌ದ್ ತೋಜ್ಂಡ್.

ಎಫೆಸ್ಯೆರೆಗ್ 6:4

ಅಪ್ಪೆಅಮ್ಮಾಡ್ಲೇ, ನಿಕ್ಲೆ ಜೋಕುಲೆಗ್ ಕೋಪ ಲಕ್ಕಾವಂದೆ, ಕರ್ತವಡ್ದ್ ಬರ್ಪಿನ ಬೋಧನೆನ್ಲಾ ಶಿಸ್ತ್‌ನ್ಲಾ ಅಕ್ಲೆಗ್ ಕಲ್ಪಾದ್ ತಾಂಕ್ಲೆ.

1 ತಿಮೋಥಿ 4:13

ಯಾನ್ ಬನ್ನಮುಟ್ಟ ವಾಕ್ಯ ಓದುನೆಟ್ಲಾ ಬೋಧನೆ ಕೊರ್ಪಿನೆಟ್ಟ್‌ಲಾ ಬುದ್ಧಿ ಪನ್ಪಿನೆಟ್ಲಾ ಉಮೇದ್‌ಡುಪ್ಪುಲ.

2 ತಿಮೋಥಿ 1:1

ಕ್ರಿಸ್ತ ಯೇಸುಡುಪ್ಪು ಜೀವ ವಾಗ್ದಾನೊನು ತೆರಿಪಾವುನೆಕ್ಕಾದ್ ದೇವೆರೆ ಚಿತ್ತೊಡು ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಡ್ದು ಎನ ಪ್ರೀತಿದ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ, ಕರುಣೆಲಾ, ಸಮಾಧಾನಲಾ ಆವಡ್.

2 ತಿಮೋಥಿ 1:5

ನಿನಡುಪ್ಪು ಕಪಟದಾಂತಿ ನಂಬಿಕೆನ್ ನೆನೆಪು ಮಲ್ತೊನ್ವೆ. ಅವು ದುಂಬತ್ತ ನಿನ ಅಜ್ಜಿ ಲೋವಿಡಲಾ ನಿನ ಅಪ್ಪೆ ಯೂನೀಕೆಡಲಾ ಇತ್ತ್ಂಡ್. ಅಂಚೆನೇ ಅವು ನಿನಡಲಾ ಉಂಡು ಅಂದ್‌ದ್ ಯಾನ್ ದೃಢಾದ್ ನಂಬುದೆ.

2 ಪೇತ್ರೆ 3:16

ಆಯೆ ತನ ಮಾತ ಪತ್ರಿಕೆಡ್ಲಾ ಈ ವಿಚಾರೊಡು ಬರೆನಗ ಇಂಚ ಪಂಡೆ, ಆ ಪತ್ರಿಕೆಲೆಡುಪ್ಪು ಕೆಲವು ಪಾತೆರೊಲು ತೆರಿಯೊನಿಯೆರೆ ಕಷ್ಟ ಉಂಡು. ತೆರಿಯಂದಿನಾಕುಲುಲಾ ಚಂಚಲ ಮನಸ್‌ದಾಕುಲುಲಾ ಬೇತೆ ಶಾಸ್ತ್ರೊಲೆಗ್ ಎಂಚ ತಪ್ಪು ಅರ್ಥ ಮಲ್ತೊಂಡೆರಾ ಅಂಚೆನೆ ಉಂದೆಕ್ಲಾ ತಪ್ಪು ಅರ್ಥ ಮಲ್ತೊಂದು ತನ್ಕುಲೆಗೇ ನಾಶನೊನು ಬರ್ಪಾವೊನ್ವೆರ್.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.