2 ತಿಮೋಥಿ 3:12 - ಪೊಸ ಒಡಂಬಡಿಕೆ

¹² ಅಂದ್, ಕ್ರಿಸ್ತ ಯೇಸುಡು ಭಕ್ತಿದ ಜೀವನ ಮಲ್ಪೊಡು ಅಂದ್‌ದ್ ಆಸೆ ಮಲ್ಪುನ ಪ್ರತಿಯೊರಿಲಾ ಭಂಗೊನು ಅನುಭವ ಮಲ್ಪೊಡೇ.

2 ತಿಮೋಥಿ 3:12 Iomraidhean Croise

ಮತ್ತಾಯೆ 16:24

ಬೊಕ್ಕ ಯೇಸು ತನ ಶಿಷ್ಯೆರೆಗ್ ಪಂಡಿನಿ, “ಏರೆಗಾಂಡಲಾ ಎನ ಬೆರಿಯೆ ಬರಿಯೆರೆ ಮನಸಿತ್ತ್‌ಂಡ ಆಯೆ ತನನ್ ತಾನ್ ತಿರಸ್ಕಾರ ಮಲ್ತ್‌ದ್ ತನ ಕ್ರುಸ್ಸುನು ತುಂಬೊಂದು ಎನ ಬೆರಿಯೆ ಬರಡ್.

ಮತ್ತಾಯೆ 23:34

ಅಂಚಾಯಿನೆಡ್ದ್ ತೂಲೇ, ಯಾನ್ ನಿಕ್ಲೆ ಕೈತಲ್‌ ಪ್ರವಾದಿಲೆನ್ಲಾ, ಬುದ್ಧಿವಂತೆರೆನ್ಲಾ ಶಾಸ್ತ್ರಿಲೆನ್ಲಾ ಕಡಪುಡ್ವೆ; ಅಕ್ಲೆಡ್ ಕೆಲೆವೆರೆನ್ ಕೆರುವರ್‌, ಕ್ರುಸ್ಸುಗು ಪಾಡ್ವರ್; ಕೆಲೆವೆರೆನ್ ನಿಕ್ಲೆ ಸಭಾಮಂದಿರೊಲೆಡ್ ಸೋಂಟೆಡ್ ಹಾಕ್‌ದ್ ಊರುಡ್ದು ಊರುಗು ಗಿಡ್ತೊಂದು ಪೋವರ್.

ಮಾರ್ಕೆ 10:30

ಆಯಗ್ ಇತ್ತೆದ ಕಾಲೊಡು ಇಲ್ಲ್, ಮೆಗ್ಯೆಪಲಯೆ, ಮೆಗ್ದಿಪಲಿ, ಅಪ್ಪೆ, ಜೋಕುಲು, ಆಸ್ತಿ ಉಂದು ಮಾತಲಾ ಕಷ್ಟದೊಟ್ಟುಗು ನೂದೆದಾತ್ ತಿಕ್ಕುಂಡು. ಬೊಕ್ಕ ಬರ್ಪಿ ಯುಗೊಟ್ಟು ನಿತ್ಯಜೀವಲಾ ತಿಕ್ಕುಂಡು.

ಯೋಹಾನೆ 16:2

ನಿಕ್ಲೆನ್ ಸಭಾಮಂದಿರೊಡ್ದು ಪಿದಯಿ ಪಾಡ್ವೆರ್. ಅವತ್ತಂದೆ ನಿಕ್ಲೆನ್ ಕೆರ್ಪಿನಾಯೆ, ತಾನ್ ದೇವೆರೆಗ್ ಯಜ್ಞ ಸೇವೆ ಮಲ್ತ್‌ದೆ ಪನ್ಪಿ ಕಾಲ ಬರ್ಪುಂಡು.

ಯೋಹಾನೆ 16:33

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ಯೋಹಾನೆ 17:14

ಯಾನ್ ನಿನ ಪಾತೆರೊನು ಅಕ್ಲೆಗ್ ತೆರಿಪಾದೆ, ಯಾನ್ ಲೋಕದಾಯೆ ಅತ್ತಂದೆ ಉಪ್ಪುಲೆಕ್ಕ ಮೊಕುಲುಲಾ ಲೋಕದಕುಲತ್ತ್, ಅಂಚಾದ್ ಲೋಕ ಮೊಕ್ಲೆನ್ ಪಗೆ ಮಲ್ಪುಂಡು.

ಅಪೊ.ಕ್ರಿ 14:22

ಶಿಷ್ಯೆರ್‌ನ ಉಡಲ್‌ನ್ ದೃಢ ಮಲ್ತ್‌ದ್ ನಂಬಿಕೆಡ್ ನಿಲೆ ಆದುಪ್ಪುಲೆ ಪಂಡ್ದ್ ಉಮೇದ್ ಕೊರಿಯೆರ್, ಬೊಕ್ಕ ನಮ ಬಾರಿ ಸಂಕಟ ತಾಳ್‌ದ್ ದೇವೆರೆ ರಾಜ್ಯೊಗು ಸೇರೊಡು ಅಂದ್‌ದ್ ಬೋಧನೆ ಕೊರಿಯೆರ್.

1 ಕೊರಿಂಥ್ಯೆರೆಗ್ 15:19

ಈ ಜೀವಮಾನ ಕಾಲ ಪೂರ ಎಂಕುಲು ಕ್ರಿಸ್ತಡ್ ಭರವಸ ದೀವೊಂಡಿನವೇ ಅತ್ತಂದೆ ಬೇತೆ ದಾಲಾ ಇಜ್ಜಿಡ ಮಾತ ನರಮಾನಿಲೆಡ್ದ್ ಕಂಗಾಲಾಯಿನಕುಲೇ ಸರಿ.

2 ಕೊರಿಂಥ್ಯೆರೆಗ್ 1:12

ಎಂಕುಲು ನರಮಾನಿ ಗೇನೊನು ಅತ್ತಂದೆ, ದೇವೆರೆ ದಯೊನು ಆಶ್ರಯ ಮಲ್ತೊಂದ. ದೇವೆರೆಡ್ದ್ ಉಂಡಾಪಿನ ಸಜ್ಜನಿಗೆಡ್ಲಾ ಕಪಟದಾಂತೆಲಾ ಈ ಲೋಕೊಡು ವಿಶೇಷವಾದ್ ನಿಕ್ಲೆ ಎದುರುಡು ನಡತೊಂಡ ಅಂದ್‌ದ್ ಎಂಕುಲೆ ಮನಸ್ ಸಾಕ್ಷಿ ಪನ್ಪುಂಡು; ಉಂದೇ ಎಂಕ್ಲೆಗ್ ಉಪ್ಪುನ ಪುಗರಿಕೆ.

2 ಕೊರಿಂಥ್ಯೆರೆಗ್ 4:9

ಭಂಗ ಬತ್ತ್‌ಂಡಲಾ ಕೈ ಬುಡ್ತಿನಾಕುಲಾದ್ ಇಜ್ಜ. ಮರತ್ತ್ ಬೂರ್ದಿನಾಕುಲು ಆಂಡಲಾ ನಾಶ ಆತಿಜ.

1 ತಿಮೋಥಿ 2:2

ನಂಕ್ ಸುಖ ಸಮಾಧಾನ ಉಂಡಾದ್ ನಮ ಪೂರ್ತಿ ಭಕ್ತಿಡ್ಲಾ ಮರ್ಯಾದಿಡ್ಲಾ ಜೀವನ ಮಲ್ಪುಲೆಕ್ಕ ಅರಸರೆಗ್ಲಾ ಮಾತ ಅಧಿಕಾರೊಡುಪ್ಪುನಾಕುಲೆಗ್ಲಾ ದೇವೆರೆಡ ನಟ್ಟೊನೊಡು.

1 ತಿಮೋಥಿ 3:16

ಉಂದತ್ತಂದೆ ನಂಕ್ ಗೊತ್ತಾಪಿಲೆಕ್ಕ ದೇವಭಕ್ತಿಗ್ ಆಧಾರವಾಯಿನ ಸತ್ಯದ ಗುಟ್ಟು, ಅವು ನಿಜಾದ್ ವಿಶೇಷವಾಯಿನ ಆದುಂಡು ಅಂದ್‌ದ್ ನಮ ಒಪ್ಪಿಯೊನ್ವ. ಕ್ರಿಸ್ತೆ ನರಮಾನಿ ರೂಪೊಡು ತೋಜಿಯೆ, ಆತ್ಮ ಸಮ್ಮಂಧೊಡು ಕ್ರಿಸ್ತೆ ನೀತಿವಂತೆ ಅಂದ್‌ದ್ ತೋಜಾದ್ ಕೊರಿಯೆ. ದೂತೆರೆಗ್ ತೋಜಿಯೆ, ಪಿದಯಿದ ಜನೊಕುಲೆ ನಡುಟು ಆಯನ್ ಸಾರಿಂಡ್, ಲೋಕದಾಕುಲು ಆಯನ್ ನಂಬಿಯೆರ್. ಪರಲೋಕದ ಮೈಮೆಡ್ ಆಯನ್ ಮಿತ್ತ್ ದೆತ್ತೊಂಡೆರ್.

1 ತಿಮೋಥಿ 6:3

ಏರಾಂಡಲಾ ಒರಿ ಬೇತೆ ಬೋಧನೆ ಕೊರ್ದು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಸರಿ ಇತ್ತಿ ಪಾತೆರೊಗ್ಲಾ ಭಕ್ತಿಗ್ ತಕ್ಕಾದುಪ್ಪು ಬೋಧನೆಗ್ಲಾ ಒಪ್ಪಿಯಂದೆ ಪೋಂಡ,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:12

ನಮ ಭಕ್ತಿದಾಂತಿ ಮನಸ್‌ನ್ಲಾ, ಲೋಕದ ಇಚ್ಚೆಲೆನ್ಲಾ ಬುಡ್ದು, ಭಾಗ್ಯ ಇತ್ತಿ ನಿರೀಕ್ಷೆನ್ ಪತ್ತೊಂದು, ನಮ ಮಲ್ಲ ದೇವೆರ್‌ಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತ ಮೈಮೆಡ್ ತೋಜಿದ್ ಬರ್ಪಿನೆನ್ ಕಾತೊಂದು ಇತ್ತ್‌ದ್ ಈ ಲೋಕೊಡು ಹದೊಟು, ನೀತಿಡ್, ಭಕ್ತಿಡ್ ಬದ್‌ಕೊಡು ಪಂಡ್ದ್‌ಲಾ ದೇವೆರೆ ದಯ ನಂಕ್ ಬೋಧನೆ ಕೊರ್ಪುಂಡು.

1 ಪೇತ್ರೆ 3:14

ನಿಕುಲು ನೀತಿಗಾದ್ ಭಂಗ ಸೈಸೊನಿಯರ್ಡ ನಿಕುಲು ನಿಜಾದ್ ಭಾಗ್ಯವಂತೆರ್. ಭಂಗ ಕೊರ್ಪಿ ಜನೊಕುಲೆಗ್ ಪೋಡ್ಯಡೆ,

2 ಪೇತ್ರೆ 3:11

ಉಂದು ಮಾತ ಕೆಲಸೊಲು ಇಂಚ ಲಯ ಆದ್ ಪೋಪಿನೆಡ್ದಾವರ ನಿಕುಲು ದೇವೆರೆ ದಿನ ಬರ್ಪಿನೆನ್ ಕಾತೊಂದು ಸಾದಿನ್ ತೂವೊಂದು ಪರಿಶುದ್ಧ ನಡತೆಡ್ಲಾ ಭಕ್ತಿಡ್ಲಾ ದಿಂಜಿದುಪ್ಪೊಡತ್ತಾ. ಆ ದಿನೊಟು ಬಾನೊಲು ತೂ ಪತ್ತ್‌ದ್ ನಾಶಾದ್ ಪೋವು. ಸೂರ್ಯೆ, ಚಂದ್ರೆ, ನಕ್ಷತ್ರೊಲು ಪೊತ್ತುದು ಕರದ್ ಪೋವು.

ಪ್ರಕಟಣೆ 12:4

ಐತ ಬೀಲ ಬಾನೊಡುಪ್ಪು ಬೊಳ್ಳಿಲೆಡ್ ಮೂಜೆಟ್ ಒಂಜಿ ಭಾಗೊನು ಒಯಿತ್‌ದ್ ಭೂಮಿಗ್ ದಕ್ಕ್‌ಂಡ್. ಪೆದ್ದೊಂದಿತ್ತಿ ಆ ಪೊಂಜೊವು ಪೆದ್ದಿ ಕೂಡ್ಲೆ ಆ ಬಾಲೆನ್ ದಿಂಗ್‌ದ್ ಬುಡೊಡು ಅಂದ್‌ದ್ ಆ ಘಟಸರ್ಪೆ ಅಲ್ಪನೇ ಕಾತೊಂದಿತ್ತ್‌ಂಡ್.

ಪ್ರಕಟಣೆ 7:14

“ಸ್ವಾಮಿ, ಈಯೇ ತೆರಿದ,” ಅಂದ್‌ದ್ ಪಂಡೆ. ಐಕ್ ಆಯೆ ಎನಡ ಪಂಡಿನಿ ಮೊಕುಲು ಆ ಮಲ್ಲ ಭಂಗೊನು ಅನುಭವ ಮಲ್ತ್‌ದ್ ಬತ್ತಿನಾಕುಲು; ಯಜ್ಞದ ಕುರಿತ ಕಿನ್ನಿ ಆದಿತ್ತಿನಾಯನ ನೆತ್ತೆರ್‌ಡ್ ತನ್ಕುಲೆ ಕುಂಟುಲೆನ್ ಮಡಿ ಮಲ್ತೊಂದೆರ್.