2 ತಿಮೋಥಿ 3:11 - ಪೊಸ ಒಡಂಬಡಿಕೆ

¹¹ ಅಂತಿಯೋಕ್ಯಡ್, ಇಕೋನ್ಯಡ್, ಲುಸ್ತ್ರಡ್ ಯಾನ್ ಏತ್ ಭಂಗೊನ್ಲಾ, ಕಷ್ಟೊನ್ಲಾ ಅನುಭವ ಮಲ್ತ್‌ದೆ ಅಂದ್‌ದ್ ನಿಕ್ಕ್ ಗೊತ್ತುಂಡು. ಈ ಮಾತ ಕಡೆಟ್ಟ್ ಯಾನ್ ಎಂಚೆಂಚಿತ್ತಿನ ಭಂಗೊಲೆನ್ ತಾಳೊಂದು ಉಲ್ಲೆ ಇನ್ಪಿನೆನ್ಲಾ ಈ ತೆರಿದ, ಬೊಕ್ಕ ಈ ಮಾತ ಕಷ್ಟೊಲೆಡ್ ಕರ್ತವೆ ಎನನ್ ಬುಡ್ಪಾಯೆ.

2 ತಿಮೋಥಿ 3:11 Iomraidhean Croise

ಅಪೊ.ಕ್ರಿ 13:14

ಐಡ್ದ್ ಬೊಕ್ಕ ಅಕುಲು ಪೆರ್ಗಡ್ದ್ ಪ್ರಯಾಣ ಮಲ್ತ್‌ದ್ ಪಿಸಿದ್ಯ ದೇಶೊಗು ಸೇರ್ದಿನ ಅಂತಿಯೋಕ್ಯ ಪೇಂಟೆಗ್ ಬತ್ತೆರ್. ಸಬ್ಬತ್‌ದಿನೊಟು ಅಕುಲು ಸಭಾಮಂದಿರೊಲೆಗ್ ಪೋದು ಕುಲ್ಲೊಂಡೆರ್.

ಅಪೊ.ಕ್ರಿ 13:45

ಆಂಡ ಜನೊಕುಲು ಗುಂಪಾದ್ ಬರ್ಪಿನೆನ್ ತೂದು ಯೆಹೂದ್ಯೆರ್ ನಂಜಿಡ್ ಪೌಲು ಪಂಡಿನ ಪಾತೆರೊಗು ಎದುರು ಪಾತೆರೊಂದು ದೂಷಣೆ ಮಲ್ತೊಂದಿತ್ತೆರ್.

ಅಪೊ.ಕ್ರಿ 14:8

ಲುಸ್ತ್ರೊಡು ಒರಿ ಮನುಷ್ಯೆ ಇತ್ತೆ, ಆಯೆ ತನ ಅಪ್ಪೆ ಗರ್ಭೊಡ್ದೇ ಮೋಂಟೆ ಆದ್ ಕಾರ್‌ಡ್ ಬಲದಾಂತೆ ನಡಪಂದೆ ಇತ್ತೆ.

ಅಪೊ.ಕ್ರಿ 20:19

ಯಾನ್ ಬಾರಿ ತಗ್ಗ್‌ತನೊಡ್ದು ಕಣ್ಣೀರ್ ಪಾಡ್ದ್ ಕರ್ತವ ಚಾಕ್ರಿ ಮಲ್ತೊಂದಿತ್ತೆ. ಯೆಹೂದ್ಯೆರೆನ ಕುತಂತ್ರೊಡ್ದು ಆದುಪ್ಪುನ ಭಂಗೊನು ತಾಳೊಂದಿತ್ತೆ;

ಅಪೊ.ಕ್ರಿ 23:10

ಲಡಯಿ ಜೋರಾನಗ ಅಕುಲು ಪೌಲುನು ಒಯಿತ್‌ದ್ ರಡ್ಡ್ ತುಂಡು ಮಲ್ಪೆರ್ ಪಂಡ್ದ್ ಶತಾಧಿಪತಿ ಪೋಡಿದ್ ಸಿಪಾಯಿಲೆಗ್ ನಿಕುಲು ಪೋದು ಅಕ್ಲೆ ನಡುಡ್ದು ಆಯನ್ ಬಲವಂತೊಡು ಪತ್ತ್‌ದ್ ಕೋಟೆದ ಉಲಯಿ ಕನವೊಡು ಅಂದ್‌ದ್ ಅಪ್ಪಣೆ ಕೊರಿಯೆ.

ಅಪೊ.ಕ್ರಿ 26:17

ನಿನನ್ ಯಾನ್ ಇಸ್ರಾಯೇಲ್ ಜನೊಕುಲೆನ ಕೈಡ್ದ್‌ಲಾ ಪಿದಯಿದ ಜನೊಕುಲೆನ ಕೈಡ್ದ್‌ಲಾ ಬುಡ್ಪಾವೆ.

ಅಪೊ.ಕ್ರಿ 26:22

ಆಂಡ ಯಾನ್ ದೇವೆರೆ ಸಹಾಯೊಡ್ದು ಈ ದಿನತ ಮುಟ್ಟಲಾ ಮೂಲು ಉಂತುದು ಎಲ್ಯಾಕ್ಲೆಗ್ಲಾ ಮಲ್ಲಾಕ್ಲೆಗ್ಲಾ ಸಾಕ್ಷಿ ಪನ್ಪಿನಾಯೆ ಆದುಲ್ಲೆ. ಪ್ರವಾದಿಲುಲಾ ಮೋಶೆಲಾ ದುಂಬು ತೆರಿಪಾದಿನ ಸಂಗತಿಲೆನೇ ಪನೊಂದುಲ್ಲೆ ಬೇತೆ ದಾಲಾ ಪನ್ಪಿನಾಯೆ ಅತ್ತ್.

ಅಪೊ.ಕ್ರಿ 9:16

ಆಯೆ ಎನ ಪುದರ್‌ಡ್ದ್ ಮಸ್ತ್ ಭಂಗ ಅನುಭವ ಮಲ್ಪೊಡು ಪನ್ಪಿನೆನ್ ಯಾನೇ ಆಯಗ್ ತೋಜಾವೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 15:31

ದೇವೆರ್ ಎನನ್ ಯೂದಾಯದ ನಂಬಿಕೆದಾಂತಿನಾಕುಲೆ ಕೈಡ್ದ್ ತಪ್ಪಾವೊಡು ಪಂಡ್ದ್‌ಲಾ ಯೆರೂಸಲೇಮುಗಾದ್ ಎನ ಸೇವೆ ಅಲ್ತ ದೇವಜನೊಕುಲೆಗ್ ಮೆಚ್ಚಿಗೆ ಆಪಿಲೆಕ್ಕ ನಟ್ಟೊನ್ಲೆ.

2 ಕೊರಿಂಥ್ಯೆರೆಗ್ 1:5

ದಾಯೆಗಂದ್ಂಡ ಕ್ರಿಸ್ತಡ್ ನಂಕ್ ಭಂಗೊಲು ಎಂಚ ಹೆಚ್ಚಾಪುಂಡಾ ಅಂಚೆನೇ ಕ್ರಿಸ್ತಡ್ದ್ ನಂಕ್ ಆಧರಣೆಲಾ ತಿಕ್ಕುಂಡು.

2 ಕೊರಿಂಥ್ಯೆರೆಗ್ 1:7

ನಿಕುಲು ಎಂಕುಲೆ ಭಂಗೊಲೆಡ್ ಪಾಲ್‌ದಾರೆರಾಯಿ ಲೆಕ್ಕನೇ ಆಧಾರಣೆಲೆಡ್ಲಾ ಪಾಲ್‌ದಾರೆರಾದುಲ್ಲರ್ ಅಂದ್‌ದ್ ಎಂಕ್ಲೆಗ್ ತೆರಿದಿತ್ತಿನೆಡ್ದ್ ನಿಕ್ಲೆ ಸಂಗತಿಡ್ ಎಂಕುಲೆಡುಪ್ಪು ಭರವಸ ಸ್ಥಿರ ಆದುಂಡು.

2 ಕೊರಿಂಥ್ಯೆರೆಗ್ 12:10

ಐಡ್ದಾವರ ಕ್ರಿಸ್ತಗ್ ಬೋಡಾದ್ ಎಂಕಾಯಿನ ಬಲಹೀನತೆಡ್, ಅಪಮಾನೊಲೆಡ್, ಭಂಗೊಲೆಡ್, ಇಕ್ಕಟ್ಟ್‌ಡ್ ಯಾನ್ ಸಂತೋಷೊಡುಲ್ಲೆ. ದಾಯೆಗಂದ್ಂಡ ಯಾನ್ ಬಲಹೀನೆ ಆದುಪ್ಪುನಗನೇ ಯಾನ್ ಬಲವಂತೆ ಆದುಲ್ಲೆ.

2 ತಿಮೋಥಿ 4:7

ಯಾನ್ ಎಡ್ಡೆ ಉರ್ಡಾಟೊನು ಮಲ್ತ್‌ದೆ. ಎನ ಬಲ್ಪಾಟೊನು ಮುಗಿಪಾದೆ ಬೊಕ್ಕ ಕ್ರಿಸ್ತ ನಂಬಿಕೆನ್ ಒರಿಪಾವೊಂದೆ.

2 ಪೇತ್ರೆ 2:9

ಕರ್ತವೆ ಭಕ್ತೆರೆನ್ ಶೋಧನೆಡ್ದ್ ಒರಿಪಾವೆರೆಗ್ಲಾ ನೀತಿಕೆಟ್ಟಿನಾಕುಲೆಗ್ ಶಿಕ್ಷೆ ಕೊರಿಯೆರೆಗಾದ್ ಕಡೆ ನ್ಯಾಯತೀರ್ಪುದ ದಿನ ಮುಟ್ಟ ದೀವೆರೆಗ್ಲಾ ತೆರಿದಿನಾಯೆ ಆದುಲ್ಲೆ.