2 ತಿಮೋಥಿ 3:10 - ಪೊಸ ಒಡಂಬಡಿಕೆ

¹⁰ ಈಯಾಂಡಲಾ ಎನ ಬೆರಿ ಬರ್ಪಿನಾಯೆ ಆದ್ ಎನ ಬೋಧನೆ, ನಡತೆ, ಉದ್ದೇಶ, ನಂಬಿಕೆ, ತಾಳ್ಮೆ, ಪ್ರೀತಿ, ಸಹನೆ ಉಂದೆನ್ ಮಾತ ತೆರಿದ.

2 ತಿಮೋಥಿ 3:10 Iomraidhean Croise

ಅಪೊ.ಕ್ರಿ 11:23

ಆಯೆ ಎಡ್ಡೆಂತಿನಾಯೆಲಾ ಪರಿಶುದ್ಧಾತ್ಮನ್ ಹೊಂದಿನಾಯೆಲಾ ನಂಬಿಕೆಡ್ ದಿಂಜಿದಿನಾಯೆಲಾ ಆದಿತ್ತೆ. ಅಂಚಾಯಿನೆಡ್ದ್ ಅಡೆಗ್ ಬತ್ತ್‌ದ್ ದೇವೆರೆನ ದಯತ ಕಾರ್ಯೊಲೆನ್ ತೂದು ಸಂತೋಷ ಪಡೆದ್ ನಿಕುಲು ದೃಢ ಮನಸ್‌ಡ್ದ್ ಕರ್ತವಡ್ ನಿಲೆ ಆದುಪ್ಪೊಡು ಅಂದ್‌ದ್ ಮಾತೆರೆಗ್ಲಾ ಉಮೇದ್ ಕೊರಿಯೆ. ಅಪಗ ಮಸ್ತ್ ಜನ ಕರ್ತವಡ್ ಸೇರೊಂಡೆರ್.

ಅಪೊ.ಕ್ರಿ 2:42

ಮೊಕುಲು ಅಪೊಸ್ತಲೆರೆನ ಬೋಧನೆನ್ ಕೇನುನೆಟ್ಲಾ ಸಹೋದ್ರೆರೆನ ಅನ್ಯಮನ್ಯೊಡು ರೊಟ್ಟಿ ಪೊಲ್ಪುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದಿತ್ತೆರ್.

ಅಪೊ.ಕ್ರಿ 20:18

ಅಕುಲು ಆಯನ ಕೈತಲ್‌ ಬತ್ತಿನಪಗ ಅಕ್ಲೆಗ್ ಆಯೆ ಪಂಡಿನಿ, “ಯಾನ್ ಆಸ್ಯ ಪ್ರದೇಶೊಡು ಸುರುತ್ತ ದಿನೊಡ್ದಿಂಚಿ ನಿಕ್ಲೆನ ನಡುಟು ಮಾತ ಸಮಯೊಡು ಎಂಚ ಇತ್ತೆ ಪನ್ಪಿನೆನ್ ನಿಕುಲೇ ತೆರಿದರ್.

ಅಪೊ.ಕ್ರಿ 26:4

“ಎನ ಇಡೀ ಜೀವಮಾನದ ವಿಷಯೊಲು ಮಾತ ಯೆಹೂದ್ಯೆರೆಗ್ ಗೊತ್ತುಂಡು. ಯಾನ್ ಎಲ್ಲಿಡ್ದಿಂಚಿ ಬದ್‌ಕ್‌ದಿನ ರೀತಿ ಎನ ದೇಶೊಡ್ಲಾ ಯೆರೂಸಲೇಮುಡ್ಲಾ ಮಾತೆರೆಗ್ ತೆರಿದೇ ಉಂಡು;

ರೋಮಾಯೆರೆಗ್ 16:17

ಎನ ಸಹೋದ್ರೆರೇ, ನಿಕುಲು ಕಲ್ತೊಂಡಿ ಬೋಧನೆಗ್ ವಿರೋಧಾದ್ ಭೇದ ಆತಂಕ ಮಲ್ಪುನಾಕುಲೆ ಮಿತ್ತ್ ಕಣ್ಣ್ ದೀದ್ ಅಕ್ಲೆಡ್ದ್ ದೂರ ಉಪ್ಪುಲೆ ಪಂಡ್ದ್ ನಿಕ್ಲೆಡ ನಟ್ಟೊನ್ವೆ.

2 ಕೊರಿಂಥ್ಯೆರೆಗ್ 1:17

ಇಂಚ ಎನ್ನುನೆಟ್ಟ್ ಯಾನ್ ಹಗುರ ಮನಸ್‌ದಾಯೆ ಆದಿತ್ತೆನಾ? ಯಾನ್ ಎನ್ನುನೆನ್ ಎನ ಬುದ್ಧಿಡ್ ಎನ್ನ್‌ದ್ ಒರ “ಅಂದ್,” ಪಂಡಿ ಬೊಕ್ಕ ಕುಡೊರ “ಅತ್ತ್,” ಅಂದ್‌ದ್ ನರಮಾನಿ ಸ್ವಭಾವೊಡು ಪನ್ಪಿನಾಯಲೆಕ್ಕ ಆದುಲ್ಲೆನಾ?

ಎಫೆಸ್ಯೆರೆಗ್ 4:14

ಅಂಚಾದ್ ಎಂಕುಲು ನನ ಮಿತ್ತ್ ಬಾಲೆಲೆಕ್ಕ ಉಪ್ಪೆರೆ ಬಲ್ಲಿ, ನರಮಾನಿ ಮೋಸೊಡು ಕಲ್ಪಾವುನ ಬೋಧನೆ, ಮೋಸಗಾರಿಕೆಡ್ ಬೂರ್ದು ಕಡಲ್ದ ಸೆರೆತ್ತ ಲೆಕ್ಕ ಅಂಚಿಂಚಿ ಮಾಲೊಂದು ಉಪ್ಪೆರೆ ಬಲ್ಲಿ.

ಫಿಲಿಪ್ಪಿಯೆರೆಗ್ 2:20

ಆಯ ಲೆಕ್ಕ ಕಪಟದಾಂತೆ ನಿಕ್ಲೆ ಎಡ್ಡೆ ಕಾರ್ಯೊಲೆ ಬಗೆಟ್ ಯಥಾರ್ಥತೊಡು ಚಿಂತೆ ಮಲ್ಪುನಾಕುಲು, ಎನ ಕೈತಲ್‌ ಬೇತೆ ಏರ್ಲಾ ಇಜ್ಜೆರ್.

ಫಿಲಿಪ್ಪಿಯೆರೆಗ್ 2:22

ಆಂಡ ತಿಮೋಥಿ ಎಂಚ ನಡತ್ತ್‌ದೆ ಅಂದ್‌ದ್ ನಿಕುಲೇ ತೆರಿದರ್. ದಾಯೆಗ್ ಪಂಡ, ಮಗೆ ಅಮ್ಮೆರೆಗ್ ಎಂಚನಾ, ಅವ್ವೇ ತರೊಟು ಆಯೆ ಎನಡೊಪ್ಪ ಸುವಾರ್ತೆದ ಪ್ರಚಾರೊಗಾದ್ ಸೇವೆ ಮಲ್ತ್‌ದ್ ಯೋಗ್ಯದಾಯೆ ಅಂದ್‌ದ್ ನಿಕ್ಲೆಗ್ ಗೊತ್ತುಂಡು.

1 ಥೆಸಲೋನಿಕೆರೆಗ್‌ 1:5

ದಾಯೆಗಂದ್ಂಡ ಎಂಕುಲು ನಿಕ್ಲೆಗ್ ಸುವಾರ್ತೆ ಬಾಯಿ ಪಾತೆರೊಡು ಮಾತ್ರ ತೆರಿಪಾದಿನಿ ಅತ್ತ್, ಶಕ್ತಿಡ್ದ್‌ಲಾ ಪರಿಶುದ್ಧಾತ್ಮಡ್ದ್‌ಲಾ ಐತ ಸತ್ಯೊಲೆ ಮಿತ್ತ್ ಪೂರ್ತಿ ಭರವಸೊಡ್ದು ತೆರಿಪಾಯ. ನಿಕ್ಲೆಡೊಪ್ಪ ಉಪ್ಪುನಗ ಎಂಕುಲು ಎಂಚ ಜೀವನ ಮಲ್ತ ಪನ್ಪಿನೆನ್ ನಿಕುಲುಲಾ ತೆರಿದರ್.

1 ತಿಮೋಥಿ 1:3

ಯಾನ್ ಮಕೆದೋನ್ಯೊಗು ಪೋನಗ ಈ ಎಫೆಸಡೆ ಇತ್ತ್‌ದ್ ಅಲ್ಪ ಉಪ್ಪುನ ಕೆಲೆವೆರೆಗ್, ನಿಕುಲು ಬೇತೆ ಬೋಧನೆನ್ ಮಲ್ಪೆರೆ ಬಲ್ಲಿ ಪಂಡ್ದ್‌ಲಾ

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

2 ತಿಮೋಥಿ 2:22

ಜವ್ವನ ಪ್ರಾಯದ ಇಚ್ಚೆಲೆಡ್ದ್ ದೂರ ಇತ್ತ್‌ದ್, ನೀತಿನ್, ನಂಬಿಕೆನ್, ಪ್ರೀತಿನ್ ಸಮಾಧಾನೊನು ಸಂಪಾದನೆ ಮಲ್ಪೆರೆಗಾದ್ ಶುದ್ಧ ಉಡಲ್‌ಡ್ದ್ ಕರ್ತವನ್ ಅರಿಕೆ ಮಲ್ಪುನಾಕುಲೆಡೊಪ್ಪ ಈಲಾ ಪ್ರಯತ್ನ ಮಲ್ಪುಲ.

2 ತಿಮೋಥಿ 4:2

ದೇವೆರೆ ಪಾತೆರೊನು ಸಾರಿಲ, ಅನುಕೂಲದ ಸ್ಥಿತಿ ಇತ್ತ್ಂಡಲಾ ಇಜ್ಜಿಡಲಾ ಐಟ್ಟ್ ಆಸಕ್ತಿಡುಪ್ಪುಲ. ತಾಳ್ಮೆಡ್ ತಿದ್ದ್‌ಲ, ಶಿಕ್ಷೆ ಕೊರ್ಲ, ಎಚ್ಚರಿಕೆ ಕೊರ್ಲ, ಬೊಕ್ಕ ಎಡ್ಡೆ ಬೋಧನೆನ್ ಕೊರ್ದು ಅಕ್ಲೆಗ್ ಉಮೇದ್ ಕೊರ್ಲ.

2 ತಿಮೋಥಿ 4:3

ದಾಯೆಗಂದ್ಂಡ ಜನೊಕುಲು ಸತ್ಯ ಇತ್ತಿ ಬೋಧನೆಗ್ ಕೆಬಿ ಕೊರಂದಿನಾಕುಲಾದ್, ತನ್ಕುಲೆಗ್ ಬೋಡಿತ್ತಿನೆನ್ ಕೇನುಲೆಕ್ಕ ಇತ್ತಿ ದುರಾಶೆಲೆಗ್ ಅನುಕೂಲವಾಯಿ ಬೋಧಕರೆನ್ ದೀವೊನ್ವೆರ್.

2 ತಿಮೋಥಿ 4:7

ಯಾನ್ ಎಡ್ಡೆ ಉರ್ಡಾಟೊನು ಮಲ್ತ್‌ದೆ. ಎನ ಬಲ್ಪಾಟೊನು ಮುಗಿಪಾದೆ ಬೊಕ್ಕ ಕ್ರಿಸ್ತ ನಂಬಿಕೆನ್ ಒರಿಪಾವೊಂದೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:7

ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪುನೆಟ್ಟ್ ಈಯೆ ಮಾದ್ರಿ ಆದುಪ್ಪುಲ. ನಿನ ಬೋಧನೆಡ್ ಯಥಾರ್ಥತೆಲಾ, ಗಂಭೀರತೆಲಾ ತೋಜಿದ್ ಬರಡ್.

ಇಬ್ರಿಯೆರೆಗ್ 13:9

ನಾನಾ ತರತ ಬೋಧನೆಲೆ ಸುಳಿಕ್ ತಿಕ್ಕ್‌ದ್ ಬೂರಡೆ. ದೇವೆರೆ ದಯೊನು ಪಡೆವೊಂದು ಉಡಲ್‌ನ್ ಗಟ್ಟಿ ಮಲ್ತೊನವು ಎಡ್ಡೆನೇ. ತಿನ್ಪಿನ ತಿನಸ್‌ಲೆನ್ ವಿಶೇಷ ಮಲ್ಪಡೆ. ತಿನ್ಪಿನ ತಿನಸ್‌ಲೆನ್ ವಿಶೇಷ ಮಲ್ತಿನಾಕುಲು ವಾ ಪ್ರಯೋಜನಲಾ ಪಡೆಯಿಜೆರ್.

2 ಪೇತ್ರೆ 3:11

ಉಂದು ಮಾತ ಕೆಲಸೊಲು ಇಂಚ ಲಯ ಆದ್ ಪೋಪಿನೆಡ್ದಾವರ ನಿಕುಲು ದೇವೆರೆ ದಿನ ಬರ್ಪಿನೆನ್ ಕಾತೊಂದು ಸಾದಿನ್ ತೂವೊಂದು ಪರಿಶುದ್ಧ ನಡತೆಡ್ಲಾ ಭಕ್ತಿಡ್ಲಾ ದಿಂಜಿದುಪ್ಪೊಡತ್ತಾ. ಆ ದಿನೊಟು ಬಾನೊಲು ತೂ ಪತ್ತ್‌ದ್ ನಾಶಾದ್ ಪೋವು. ಸೂರ್ಯೆ, ಚಂದ್ರೆ, ನಕ್ಷತ್ರೊಲು ಪೊತ್ತುದು ಕರದ್ ಪೋವು.